رواية رماد الاعتراف الفصل الثامن 8 بقلم زهراء سعد

قد صبَّ درعُ الظلمِ نارَ حريقِهِ

فاستيقظَ الدَّراشُ مِنْ تأريقِهِ

سيفي جوابُ القهرِ، موتٌ صارخٌ

واكفيين بسرة واحد بصف الثاني و الايد ممدودة

ننتظر دورنه وصل السرة النه، واخييرا

نتقدم النه خله مبلغ و وياها ضربه على راس

_تعال انت الثاني اخذ الفلوس و وياها ضربه

وصل دوري وكفت كدامة، مدييت ايدي شال خمسة الالف و اشر يلا عبري

باوعتله مصدمة: شنو اعبر

محمد فاضل: شكو بعد امشي خلي انطي غيرج

_شتنطي!! هاي شنوو، رفعت الخمسة بوجهه

شكوو هاي؟؟

_شنو ست سمارة ما عاجبج

_طبعا مو عاجبني اني وحدي جبتلك ٢٥ الف من غير البقية ليش جاي تنطينه على خمسة؟ الفلوس الباقية المن

_ألية يلا هسه شتردين تسوين سوي طبج مرض!!

هو هذا جان الأتفاق من البداية شكو تغشميين روحج

_ما اغشم روحي، سعد كلي باليوم الج عشرين حتلو لو حصلتي اقل ماكلي خمسة ثاني شي هاي شسوي بيها؟؟ كروة متكفيني ارجع بيها للبيت

مو انوب اتسوك بيها

_والله تردين تنطيها كروة انطيها تريدن تذبيها ذبيها هاي حصتج شتردين تسوين سوين

_ميخالف، لهنا و انتهى شغلي وياكم، من يوم لشتغلت وياكم لحد هسه ٢٠ الف ما وصلتولي شنو ابقى على رحمتكم و اني اكدر احصل اكثر من هل مبلغ

_شنو هي بكيفج لعب جهال

_طبعا بكيفي شعليك انت

ضحك و هز أيدة و رجع انطاني ضهرة و يوزع بالفلوس باوعت على البقية يلي وياية ساكتين و راضيين

ليش محد يعترض ليش محد يحجي غيري

اخذت لفلوس و ردت اطلع مهزومة..

صاح وراية و كال: اطلعي بس باجر من الصبح تجين عود مو تنسيين

_مالي علاقة بيكم و ما اريد اجي گاع الله واسعه و وين ما اريد اوكف اوكف

_هذا الحجي تحجي السعد و هو يتفاهم وياج

_وينه هذا المصيبة يلي نزل على راسي

_باجر خميس راح يجي من وكت تعالي و احجي وياه..

باوعتلة بنظرة حقد تمنييت امووته بأيدي

انتبهت على نفسي قابضة ايدي و اظافري انطبگن

درت وجهي و طلعت حايرة بنهاية اليوم وين اروح

شجيب لاهلي؟ امي تدري بية ابيع. تدري بمصيبتي؟ و شسويت بروحي

اجاني ولد صغير كلي لا تبطلين ترا يكتلج ابراهيم هو محمد فاضل ابو خشم

و ميخلوج توكفين بأي مكان بعد من المكانات يلي يوكفنه بيهن و يضل بين فترة و فترة يدز عليج ولد يبوگون فلوسج، اسمعي نصحيتي كلنا ردنه ننهزم منهم بس ماكدرنه

_شحدة يسويها والله اكسر راسه

_ترا القبلج اهواي كالو هيج و هاي شوفي بعينج ضلينه بس احنا فكملي اشتغلي احسن ما يأذيج

باوعت على ايدة هم ما منطي شي مثلي

_شتكفيك هل خمسة

_متكفي شي لهذا اني بليل اطلع ابيع كبة بالاسواق

امري لله شسوي

_لو باقي تبيع احسن الك

_هاي بعد وكعت بيدهم!

درت وجهي و عفته و براسي صارت الف حيرة وين اولي هسه شلون راح ارجع لأهلي؟

وكفت يم ابو لمخضر تسوكت و رجعت امشي وحدي طريق طويل و بدت تغرب الشمس..

وكفت كبال الشارع اجرت تكسي و وصفتلة على منطقة بصف منطقتنه يلي ساكنين بيها..

و انتفقنه الكروة على خمسة تلاف، باوعت بالجوزدان بالكي ناسيتلي شكم فلس ماكو ولا ربع

تكسرت من المشي و ماعندي غير بس هاي الطريقة..

وصلني على منطقة اقرب، كتلة اوكف اوكف وين الجنط يلي وياية

رد علية: يا جنط

_الجنط يلي كتلك صعدهن وويييينهن

_انتي بيج شي شوكت كتيلي؟

لطمت على وجهي صخم الله وجهك ليش هيجج سوويت ليش شمرت الجنط

وووييين وديتهن…

نزلت من الباب و هو يصيح وراية، ياابة يا جنط ووين رايحة،، شوكت كتلي صعد الجنط

التمو علينا تلاث زلم يشتغلون بهاي المنطقة يسألون شنو السبب

و هو واكف يشرحلهم غطيت وجهي بالحجاب

سألوني بجيت بصوت عالي و أشرت علي

اني شفته بعيني اخذ الجنطة و ضمها جان بيها علاج امي و وفلوس

سألني الرجال وين خلاها ما شفتي

_مادري والله بس ثقيت و ما سألت

_والله العظيم جذابة لا انطتني جنطة ولا اطتني فلوس الكروة تعاملت وياية و صعدت

زدت بالبجي الزلم تعاطفو وياية وكفو يمه يحققون

و اني درت وجهي عفته و طلعت ضل يصيح وراية حتى انطي الكروة

بس ما رجعت ولا درتله وجهي.. تابعت طريقي

و اني اصبر بنفسي و اكول اني الصح اني الصح

جنت مجبورة اني الصح.. وكفت رجلي و درت وجهي اشوفه الناس ملتمة علي و تتهمه و اثنين يفتشون بسيارة

من بعييد لمحني و صاح

_عساج بتايهات مو على مود الفلوس على أتهامج و فرفحتي كلبي واني صايم..!

تصرفي غلط اني افهم بس منطرة!

امشي مسافة ساعة كاملة بسيارة زين شلون اذا مشيتها شوكت اوصل؟

طبيت للبيت هلكانه و اني اتواعد الباجر مستحيل اسكت على السوو بية..

ثاني يوم ابوية اخذنه بستوته اني و امي و اختي

راحو يشتغلون بالبيوت، واني رحت ابيع المي على اساس..

هذا يلي امي تدري بي و جنت اكلها عندي فلوس اشتري الكارتونه بس جنت اكذب ما اريد أأذيها بعد اكثر..

وصلت للمكان يلي نجتمع بي طبيت جوا

لكيته كاعد على وحدة من الحدايد، وكفت كباله كتلة

_عندي حجي وياك

سعد: هلا بشمس و نورها هسه اكدر اكول اجه الصبح

_كتلك اريد احجي وياك ياريت تعوف هل كلام..

باوعلي بشك!!

_كوم ابراهيم خلي الشمس تحجي

_اسمي سمارة و ياريت متطاول بالحجي..

وكف على حيلة: زين كليلي ست سمارة بشنو تأمرين

_اريد اترك اشتغل وياكم، لان الحجي و اتفاقنه كله كذب بكذب البارحه جبت لبراهيم ٢٥ ينطيني خمسة و يطردني حتى ماقبل ينطيني فلس زايد ضليت محتارة المن انطيها اتسوك بيها لو انطيها كروة و ارجع كلشي ماكو بأيدي

ما اريد هيج شغل على شنو اني اركض ورا السيارات

ساعة كاملة و اذل نفسي لهذا و الذاك و اتواسل على الف تالي الأفندي يا خذهن مني، لو باقية على شغلي القديم اهواي اشرفلي..

_اهدي شموس عندي حل الج ولا تضوجين

_انت شبيك؟؟ ليش تحجي بهاي الطريقة اني دمي يفوور و روحي طالعه و هذا يكلي شموس

شمس تسطرك ان شاءلله

ضحك بصوت عالي وكال: والله جيتي على مود عيونج اصبري علية خلي احجيلج

_اسمعك احجي

_عندي شغل الج يفيدج اكثر من هذا لا بيها ذل

ولا بيها تعب، يعني مرتبة تفيدج

_شنو هل شغل و شكد احصل؟

_ بالاسبوع ورقة يعني ١٠٠ الف و فوك

باوعتلة بشك!!

_شغل شنو؟

_ توصيل، و حلالة مشاكل

_شلون يعني حلالة مشاكل؟

_شوية شوية تبدين تعرفين، هسه شنو رأيج اعزمج على ريوك يخبل مثل هل وجهه

_ما اريد، جاية اشتغل مو اتريك

_تبدين تشتغلين من اليوم؟؟

_ماعندي مشكلة بس هسه مو متحضرة يعني كروة لرجعه للبيت ماعندي

_زين لعد احسبلج مال اليوم و باجر ادفعهن الج يومي و الباقي خليهن على نهاية الاسبوع مبلغ زين و يفيدج شتكولين؟

_اني ما مرتاحة لهذا الشغل

_ثقي بية اني اجيت الج لان اعرفج محتاجة و لان الشغل زين و سهل حريمة يروح لغيرج

هزيت راسي بمعنى اي

اشرلي على الباب.. : و هسه تجيين نتريك ترا ميت من الجوع طالع من الاربعة الصبح

_يلا يمعودة مالي نفس اكل وحدي..

رحت امشي ورا بس بلا روح بكد التعب البية و التفكير و انوب سالفة الشغل الجديد

طلب اكل و كعد ياكل واني بس اباوع علي بس بالي بغير مكان، ركزت على ملامحة، يلي يشوفه يكول ملاك نازل على الارض صح سمين شوية و اصلع

مبين اكبر مني بهواي… عندة طريقة بالاسلوب التقنيع فضييع و كلامة يخجل الواحد..

بس لو اريد اعرف هذا شيريد مني ما ادري..

جريت نفس و حاولت افتح وياه اي موضوع فسألته

_ليش كتلي طالع من الاربعة؟

_وكف أكل بأستغراب و كال: ليش شنو المشكلة

_اقصد ليش طالع بهذا الوقت؟

_اهاا، اني اشتغل سايق جوا ايد جماعة من البصرة

بس بعض المرات يدزوني يم كرايبهم و هو يدزني محافظات و هيج

_يعني بطتنه بطت بطتكم نفس الشي

_ لو اشرحلج على شغلي بعد سنة متفهمين

_لا العكس اني مجرد سايق عادي و ابوية حارس

يم هاي العائلة بس اكو شاب حيييل احبه و احترمه هو من اهل كربلاء يجي يم خوالة

بيت فترة و فترة و تعرفت عليّ و هو صار يشغلني بمكان حساس كلش لان و ثق بية

_و هنا شنو عندك؟

_شغلي الخاص هنا…

_شوكت ابدي اشتغل وياك؟

_هسه انطيج علاكة بيها ملابس نسائية و رجالية

توصيلها لعائلة و ينطوج فلوس و ترجعين بس هيج

_ماعندي مشكلة اني اندل كل المناطق هنا

_و تلوميني لان لان اختاريتج، متأكد راح تساعديني اهواي و هل وجهه الملائكي راح يجيبلي كل الخير

ابتسمت مجاملة الكلامة و بنفس الوقت متحمسة ابدي اشتغل و احصل و ارجع الاهلي من وكت..

خلص ريوك.. و اخذني لسيارة وصلني لمنطقة قريبة على بيت يلي راح اودي الملابس

_سعد لازم شكد ينطوني؟

جر شالي و حرك كذلتي

_معليج انتي… انتي شغلتج بس تسلمين واني متفق وياهم على لفلوس

عدلت كعدتي سحبت شعري من ايدة..

بتوتر: اي بس كلت خاف ينطون اقل

_ميغلطون هيج غلطة صدكيني.

شعرج هو احمر من جذورة!!

_لا اني صابغته

_هل لون ويه وجهج مروسم، مو بنية يكلك مطبوعة بقالب كيك حتى رموش عينج بُني فاتح

اني احجي وياه و هو لا ابالة صافن مثل الهبل بخلقتي..

فتحت باب السيارة

نزلت و هو نزل وياية انطاني وصف البيت يلي يبعد عنه فرع واحد..

و انطاني البضاعة، باوعت علي كتلة راح تنتظرني

كلي ما اروح الا اخذج

ابتسمت بوجهه بأمان..

بديت ارتاح للموضوع مشيت خطوتين

صاح بأسمي: شمسي الحلوة

درت وجهي و اني مبتسمة و اخذلي صورة.

استغربت شوية، بس هو كلي من ترحين راح اشتاقلج اهواي..

ضحكت علي و عفته و رحت امشي وصلت للبيت على وصفة..

دكيت الجرس فتحلي الباب رجال يطلع عمره بالاربعين سلمته البضاعة و سلمني لفلوس…

و رجعت اركض بكل سرعتي اجيت يمه

لكيته بعده ينتظرني، انطيته لفلوس و اني احجيلة على صار

شال جزء منهن بسيط و انطانيا، كال هاي يوميتج

و باجر مراح اكدر اجي بس راح اخلي ابراهيم وياج

هيج حتى يومية تنحسب الج شكم فلس ، بالبداية ضجت شوية لان اكرهه ابراهيم، بس تقبلت الوضع اشترتلة براسي اي عادي

ابتسم و حرك السيارة.

اخذني على نهر الفرات نزل و أشرلي انزل..

جانت اكو ناس اهواي تمشي و شباب واكفيين يباوعون

و طاولات و كراسي الجو حلو فوك ما أتخيله

تلامس شعري النسمات الباردة

وگع الشال من راسي و بين شعري.. أساسًا اني اكرهه الحجاب بس انجبرت عليّ ..

الى اليوم بدون علم امي اني انزعة.. فتحت القراصة و خليت شعري يستمتع بالجو و اني ابتسم

حسيت عليّ قدملي كوب جاي حار اخذته منه واني مبتسمة

سألني عجبج المكان

_حبيته مو بس عجبني

_ ابشري، كلما اجي هنا اجيبج ، بس ممنوع تجين هنا وحدج

_المكان بعيد عن شغلي يعني أطمن مستحييل اجي

ضلينه ساكتين فترة بعدين سألته

_ انت ليش هلكد حباب وياية؟ ليش تريد تساعدني بكل مرة؟

_مو تحسين هل سؤال غريب

_الغريب هو انت غريب علية و تساعدني بكل مرة

_عندي مشاعر تجاهج، و اتمنى كل يوم تزيد ما تنقص

_شلون تحبني وانت ما تعرف شي عني؟

_ليش هو مهم اعرف عنج كلشي

_اي لازم تعرف ما اريد باجر عگبة تنصدم و تكرهني و ترجع تكلي انتي ضميتي علية و ما اريدج… سعد. ما اريد تصير عندي مشاعر أتجاهك ما اريد أأذيك ولا اريد أتأذة البية مكفيني

_هيج تتوقعيين، يجي يوم اعوفج

_اني اعرف انتي من عائلة فقيرة و انتي اكيد منطرة تجين تشتغلين، اصلا اني لو من اهلج

مستحيل اخليج بيوم اتعبين هاي الأيدين الناعمة لازم تبقى ناعمة و ما يصيبها خدش!

نزلت دموعي بلحظته ماعرف السبب بس يلي اعرفه وصلت كلمتة لكلبي بالحظة، ابتسمت فرحانه تمنييت بس ارجع للبيت احجي كلشي لأختي

حتلو جانت متسمعني و متقبل تسولف وياية حتلو تجبرني على شي ما اريده و تخليني ألتزم مثلها

بس تبقى اختي اريدها تفرحلي لان لكيت الشخص مناسب، اريدها تنصحني، مثل ما اريده يحبني

اريد اطلع من هاي البؤرة القذرة يلي عايشة بيها

اريد فد يوم اكعد الصبح و اني ما عندي هم..

لا اريد اطلع اشتغل ولا انحبس بالبيت مثل الحيوان

تركت الكوب من أيدي، خليت عيني بعينه وكف يسمعني بتمعن..

_اهل ابوية ناس مو زينين.

ألتفتلي بصدمة. استرسلت بالكلام

_صدك مو زينين تخيل سعد همه يلي قتلو اخوية بليلة عرسة بحجة ثأر قديم و امي الوحيدة دفعت ثمن هذا الغلط

سعد انصحك لا تتعلق بيه ولا تحبني والله راح تتأذة بسببي لا يغرك شكلي و سوالفي وراية قصة

مقرفة اني ما احب اسمعها بيني و بين نفسي

_ لا تفكرين اهواي مستحييل اتخلى عنج

لحد ما اشتم الهوى سعد يحب سمارة و بس

_بس راح تضل طول عمرك مستحي بأصلي

_ميهمني احد يلي يهمني انتي

_بهاي السرعة حبيتني

_ استغفرالله هو انتي بيج شي ما ينحب

_اختي تگلي مابيج برأءة

_لا هي احلى مني من شنو تغار متكلي من شنو

بس انت ماحجتلي شي عنك

_حجيتلج قبل شوية، اني والدتي متوفية و عايش يم ناس معروفين و ابوية هم يشتغل عدهم

_اي كتلي اشتغل سايق، يعني اذا تزوجنه نكعد يمهم؟

_لا يمكن نأجر، هو اني جاي ابأت بغرفة عرضها مترا ونص وين اخليج.. ابوية يلي خلص حياته وياهم لسه ما انطو غرفة خاصة ينام ويه اثنين من الحراس بعيد علية

_زين اذا انت بالبصرة ليش تجي لهنا اهواي

_شغل بابه شغل ما اضل كاعد اني

_يعني همه يدزوك لهنا

_تقريبًا هم بسببهم اني!.. حجينا اهواي و تأخرنه خلينا نرجع

_أكرهه أبراهيم و نظراته الي احسه يريد ياكلني

كملت كلامي و فتح باب السيارة بمعنى اصعديي

بدون ميجاوب على كلامي، حييل تنرفزت منه

توقعت راح يمنعني اشتغل لو اطلع وياه بس وين

كأني احجي وحدي

وصلنه للخرابة و سعد تغير تتغييير فضييع

حتى ما باوع بخلقتي..

اخذ تلفون ثاني لونه اسود من ابراهيم و خابر على جماعة و اسمعه يحجي وياهم بس ما افتهمت

شيحجون بضبط

و ابراهيم احسه قلقان يروح و يجي يسألة..

جاب وصلة سوده من الگاع و لف كارتونه تصير بحجم الأيد و داخلها أكياس و سلمهن لسعد قبل لا يطلع

شغل السيارة و رجع للبصرة بدون ما يلتفت الي ولا يباوعلي..

رجع علية ابراهيم ينتر و يسب و يغلط ردت ارد علي بنفس الأسلوب و اغسلة غسل بس صار بعيوني سعد خاف يدري و يعوفني

و بنفس الوقت حسيت اكوشي ناقص بالقصة

ماعرف شنو الرابط بس متأكدة الكلام يلي كالة سعد مو كامل…

مدييت أيدي و سحبت الاصق يلي على شفتي

انشلع الجلد و الدم صار بحلگي لعبت نفسي

صحت علي بعلووو صوتي حتى يوكف اريد افهم

هل المسودن وين ماخذني، ليش هلكد يكرهني اني شسووويت..

_وكف السيارة كتلك وكفففففف السياااارة نزلنييي وووين ما اخذني، اقسم بالله لو ما وكفته هسه و ما حليت ايدي هسه انتحر و أبليك بموتي!!

ما وكف و ضل مستمرر..حتى ما انطى اي ردة فعل

جان مربط ايدي بس اكدر ارفعها و اوخر الوصلة يلي شادها على عيني، سحبتها بكل قوة

غمضت عيني و اني اباوع على طريق..

صحراء وين ماخذني!!

_مو احجي وياك وين ما خذني..

منو انطاك الحق اطلعني بهاي الطررريقة منووو انطاااك الحق تخطفني عود هي هاي سيادتنه

والله يا الله بكيفهم يخطفوون، محد يحاجيييكم

ركزت اكو گلينس يمه، مديت أيدي اريد اخذها دفعني، حسبالة راح احرك لستيرن حتى يوگف

زدت علي بصراخ و صرت أضرب بي على ضهرة

عسى و لعل يحس و ينزلني بس وين لا حياة لمن تنادي..

لزمني لدفعني ليورا انلطخت بالكشن،احس خض راسي خض المسودن

رد الكلام بوجهي بتهديد

_ اذا متثبتييين افرغ هذا السلاح براسج أفرغه تفتهميييين شنو يعني افرغة

_وووووين ما خذني شكو طلعتني!!!

صف السيارة و فتح الباب و نزلني منه..

_ لج اليوم لو اني الدافنج هنااا و خلصااان منج

لو اني الذابج لحم خايس لجلاب تنهش بجسمج

اريد اصفي وياج أحسباتي كلهااا و أعيد تربيييتج

الوصخة انتي و ألهج

تراجعت خطوتيين ليورا، الخوف احسه يجري بكل جسمي حالته و شكلة انگلبن گلاب

ردت ارد الكلام علي، بس عيني على سلاح يلي بأيدة

خلاص كلت اقرا على روحي السلام، اني وووين بيدمن وكعت، هذا هم حضي لأغبر

رفع أيدي!!

اخذت وضع الحماية و كعدت بالگاع

رفعت ايدي حتى لا يضربني : ما مأذيتك الله عليك عوفني بحالي عوف اهلي و ابوية الميت عوفهم ابوس رجلك

عوفني والله مستعدة انزل جوا رجلك، والله تعبت انذليت واني مالي ذنب!!!

ما سمع مني ولا حرف كأني احجي لوحدي گلبة اسود لدرجة ما أهتم ولا بحرف مني ولا بكلمة

نفذ فكرته المجنونه بكل قسوة

رفع ايدة و ضربني الضربة حسيتها شلت نص وجهي، صار جسمي يرجف ماكدرت رجلية تحملني،

بجييت بقهرر،شتريد مني غيررر اعرف شترييييد مني بشنو مأذيتك اني!!

والله حتى ما اتذكر شايفتك بحياتي و لو غلطت اني اسفة والله اسفة..

دنكت راسي ، حاولت اضم نفسي بنفسي و عيني بعد ماكدر ارفعها

ثنه رجلة و كعد كبالي.. احجيلي كلشي من البداية

باوعتلة بنظرة أستغراب: انت شكاعد تحجي؟؟

شحجيلك مثلا شتريد مني؟

صك سنونه و طلع تلفونه، ثواني و رفعه بوجهي

_و هاي منو..

صارت عيني على صورة، صورتي!!!!… باوعتلة بخوف

و نطقت بأستسلام: صورتي! هاي اني!

بعدني ما مستعوبة الصدفة السيئة

هجم علية و خنگني بقوة

_لج و عندج عيييييين صلفة و تعترفيين!!، انتيييي شنووو من بشررر

ثبتت و ما انطيت اي ردت فعل ضربني كسر راسي تكسر بأيدة، و ما جاوبته بحرف

رفعني من ثوبي وكفني واني رجليية يرجفن

ابتعد لحظات بعد ما سمع الجهاز يرن.

جاوبة و هو يسبني و يسب اهلي.. سكت.. و أبتعد عني مسافة قريبة اكدر اسمع شيگول لان منفعل المخبل

_وينهم؟؟…… ياااكلب مبلغ علينا

ادمركم والله العظيم الا افلش راسة هل كلب

المحاامييييي شمدري ما موجودة؟ اذا مو خايسين ديتعاونون وياه

وينهم هسه….. يا سيطرة..

شوف شغلك بس انطيني مجال اعبر و اشمر هل خلقة الوصخ بزبالة و اخلص منها..

يااابة صلي على النبي. السالفة حلها عندي

يونس انت بس ركز وياية، اتصل بأبوية كلة يأمن الطريق راح ارجع لسجن… لالا راح اخذها لتوقيف

شجااابهم هسه المشرفيين شعدهم؟

روح شوفلي منو جان حاضر من طلعتها

ماكدرت احجي وياها بالمركز الله مايجرعها بتمثيل و الجذب و فوكاهت صار كلشي مُراقب

…. زين هل مگموعة وين اخذها.

لك بوية هاي اذا اخذتها و دفنتها هم تطلع تحرك البيت ع راسي

انطيني العنوان ….

اسمعني اكتب تقرير و زور التاريخ خليهم يوقعون اول… اي بضبط

بلغ الموجدين تم نقلها مو خطفهاا… يلا روح

باوعلي بحقد و كال: اعلمج بعدين اذا مافضحتج

و اخذت ثاري منج يلكاولية مو أبن ساجر اني

فتح باب السيارة و شمرني بيها

شغلها و طلع كبل..

من خوفي ضليت ساكته و بالعه ألساني ..

بس اشوفه ينفر جنه ثور هائج، مسحت دموعي من شفتي بسبب الدم لعبت نفسي

بكد الخوف ماصرت احس بأي ألم غير جسمي كل يهتزز يرجف صرت بالگوة اجر النفس

طلعنا على طريق عكسي متأكدة هذا مو طريق السجن، اكيد راح يأذيني!

هنا خلاص انتهت حياتي بدون ما اشوف امي بدون ما اودع اختي،هل ثور مستحييل يعوفني بحالي اكيد عندة شي وياية

احس حياتي كلها كابوس شي اسوء من شي

كلما اريد ارتاح تطلعلي مصيبة ادمرني دماار

هذا الثور الهائج شرايد مني؟؟

شنو مسوية اني حتى هو هيج يكرهني عصرت دماغي بس اريد اتذكر معلومة ماكوو،احس عقلي فاهي و فارغ مثل حياة اختي..

قبل لا نوصل للسيطرة.. وكف السيارة و فتح أيدي

من السلاسل يلي مربطني بيها جني طلي العيد يخاف علية اشرد!!

رفع أصبع بتهديد: راح ننزل هنا بس قسمًا بالله

قبل لا يكمل كلامة جاوبته

_اعرفك تصلخ تذبح ما احجي ولا اسوي شي

دار وجهه عني و نزل

و رجع فتحلي باب السيارة و نزلني مشينه خطوتين و صعدنه بسيارة ثانية و صديقة راح السيارة يلي جنه بيها

هيج يالة كدرنه انمر من السيطرة..

وصلني على منطقة، كبال شقة

نزل و فتحتلي الباب بس احس رجلي خدرت

ما اكدر انزل!!

شرااح يسوي بية

بجييت بقهرر: الله عليك لا تسويلي شي والقرأن ما أذيتك اني، اني حتى بعمري ما حجيت عليك ولا غلطت

ما كملت كلامي، جرني من أيدي و دخلني لشقة

سد الشبابيج و قفلهن و اخذ السجاجين الحادة

بدون ميحجي وياية أي كلمة..

باوعت الشقة مُبهذلة و بيها ملابس مطشرة

شكد وصخ و قذر صاحبها

بيها غرفتين و صالة و مطبخ صغير..

افتريت شوية اندليت الحمامات،، رحت غسلت و نشفت الدم من على شفتي..

فتحت الثلاجة بالكي اكو مي اشربة، لكيت بس فواكه

و مبينه حتى ما مغسولة، الظاهر هاي الشقة محد ساكن بيها او ماكو مرة بس رجال خمنت على حسب الملابس الشفتهن

طلعت الفواكه و مي من السنگي ضليت اشرب و اكل فرغت الثلاجة

بس حسيت روحي ردتلي، جنت ميته جوع

و اكل السجن يلعب ستين نفس يومية مركة عدس

و ياريت مركة طيبة متنوگل حتى!

حتى اهلي ماكو مختفيين محد يجيبلي اكل وياه

اضل ميته جوع و محد بحالي

طبيت على غرف بس اثاث و ارواق و مكتبة صغيرة

بس ادري بنفسي ما اعرف اقرا اهواي عفتهن وطلعت

لفلفت نفسي بالبطانية و نمتلي ساعتين استراحة

بعد الضرب و القهر يلي شفته من الصبح

بليل حسيت الباب انفتحت بس نعسانه بكد النعس مابية حييل اكوم و اعدل نفسي و اكعد

ضليت على نومتي..

دقايق و رجعت غطست بنوم…

حسيت اكو شخص اقترب مني، صوت خطوات

و كلام

هذا مو صوته اني اعرفه لهذا الثور المسودن

فتح المكالمة و كال

_يمعود هاي نايمة شسوي

سكت شوية و فتح المكبر الصوت

اسمع صوته صار يم أذني

_لج بتتتتتتتت الكلب منطمرررررررة!!

هي كعدة و هي وكفه و هي صرخة

فاتحة عيوني كل ماعندي قوووةة

واني اصيييح: كاااعدة كااااعدة

حسيت بدقيقة كلبي راح يوكف الولد

اخترع من حالتي و طلع برا بعد ما سد المكالمة

شفته ماكو ردت روحي

شسويت بية الله لا يوفقك لا دينا ولا أخرة

جريت الشال ذبيته على شعري

و طلعت برا الولد من الضحك وجهه احمر

ما خله عينه بعيني ابداا

طلع و اني طلعت وراا

صعدت بسيارة و اني رايحة بطريق مادري وين راح ياخذني

حاولت اغمض عيني بس ماكدرت ضل گلبي يوجعني لحد ما وصلت لسجن

فتحو الباب کلبشو أيدي و غمضو عيوني و دخلت

خلوني بالسجن المنفرد

دخل علية ضابط ورا ساعة كال راح تجي

فرقة، اي كلمة منج بخصوص قضيتج تضلين ساكته كولي بس ندمانه و اتمنى اطلع غيرها ممنوع

اذا سألوج شوكت طلعتي منا كولي ماطلعت بس نقلوني من التوقيف لان صارت مشكلة ويه باقي السجينات الهذا نقلوني السجن الأنفرادي

مفهوووم!

_هزيت راسي بمعنى اي

طلع و ورا ساعة دخلو اثنين ضباط و وراهم اثنين زلم لابسين رسمي و واحد شايل الكامرة

عدلت كعدتي و نزلت راسي حتى ما يبين وجهي

سألني واحد منهم

_شنو نوع الجريمة يلي دخلتج السجن

ما رديت على سؤاله بس جاوبته و الغصة بكلبي

: ندمانه سيدي

_ميخالف كولي شنو جريمتج حتى الناس يلي اليوم تشاهدنه تتعض عن المشاكل و القتل

و يعرفون نهاية كل مجرم هو السجن و القصاص العادل من القضاة

بجييت و نزلت راسي، احس جسمي كله صار يرجف اشرت براسي لا: اسفة سيدي ندمانه

حجيته و نفجرت بالدموع، تكلم وياهم الضابط

كله دخلت بسبب الحالة النفسية و الأدمان على كحول و جانت السبب بقتل والدها

بقى هذا العلامي يحجي ساعة كاملة عن أضرار

المخدارات و الكحول و نتأئجها على الفرد قبل لا يتحول الى انسان مجرم قاتل!

كوة اعصابي أتحملت هذا الكلام و اني واكفة ابجي

طلعو همه و اني كعدت ملخت شعري بأيدي

خرمشت وجهي كله من أيدي

كلها من ايدي

ليش احس هذا عقاب من رب العالمين على كل يلي سويته بحياتي!!

اني المجرمة يلي تسببت بموت اخوية بموت اعز انسان على كلبي!!

اني الغبية يلي طلعت من البيت و رحت العماتي

ابشرهن اخوية راح يتزوج بس ميتزوج غجرية

لا يتزوج ابنية بت اصل وفصل

مادري الحقد مالي گلبهن الهاي الدرجة و بلغن

الحجية العورة ام البنات و اجت هي فزعت

الولد و ذكرتهم بموت عمي يلي هو اخو وابوية

_و هسه بعد ما قتلو اخوهم الجبير و جهالة تيتمو

يردون يزوجو بوحده موو من ثوبنه!!

يدرون يلمون بهل الناس و نعثلاتهم!!

هيييج و تسكتون و ينسي دم اخوكم و الكم هيييج!!

هاي الكلمات تحفزيية بنسبة الهم، طبو للبيت بأسلحتهم و سجاجينهم حتى عماتي يلي جنت احبهن..

كدام عيني طلعو من غرفته يلي لسه فرحان بيها

و كتلو كلهم هجموو علية مثل الكلاب

حاولنه اني و اختي نوخرهم نصيييح اندفع بس ماكدرنه..

كتلو الله لا يوفقهم و شمرو بالغرفة

و قفلو الباب

بعيني شفته اخوية يلفظ اخر أنفاسه و يتوسل بيهم حتى يتركو بس ويين مات بين أيدهم

و راح النص الثاني الأختي رضية يلي فقدت عقلها بالطم و تصيح موتوني وياااه

بس محد يسمعها، كلهم حايرين شلون يلوثون ايدهم بدم اخويية

مستحيل اسامح نفسي بيوم على يلي سويته

كومة امي منعتني منهم بس ما سمعت منها

كل جروحي بهاي الساعة هاجن علية صرت اتذكر كلشي مر كأنه البارحة!

كل حلم حلمته تحطم خلاص..

و يلي حطمة انسان بلا فهم و اليوم دخل بحياتي ثور هائج يريد بس يقتل و ينتقم على شنو مادري

عيوني قفلن من التعب حسيت نفسي لازم انام

رغم صرت كوة اجر النفس..

انفتح الباب و دخل بطلته السوداوية مبتسم بحقارة بنفس الزمرة دمة!

تقرب مني بعد ما شاف حالتي يلي صارت تحت الصفر بسببة

نطقتها بخوف و جسمي يرجف بوجودة..

_ربي لا يوفقك، بكد ما كسرتني!

تقرب مني و ثنة جسمة علية

_ منو الكسرني غيرج

فتحت عيني بصدمة!! شصار

اني شسووويت اريد افهم شنو ذنبي ليش كل يوم اعيش المر و اني ما اعرف السووويت

قوتي صارت متحملني ولا عندي طااقة اسأل بس براسي بي الف سؤال

رجعت راسي على حياط و بديت اغفى عيوني خلاص قررت تستسلم بوجودة، رغم ماعندي

أي ذرة من الثقة..

مد أيدة على على وجناتي و همس بصوت شبه عالي..

_نامي يا شمس الصبح! ورانه قصة جديدة نبديها!

و هنا عيوني غادرت و عقلي استسلم بس روحي

احسها تحترك!!

منو هذا الأنسان الغريب!

ليش اعيش كل هذا العذاب كل يوم ليش محبوسة

بأربع جدران بغرفة ما تتعدى النص متر

تعبت!! اتمنى ارجع ولو ساااعة الذاك اليوم

اريد اعيش كل لهذا حلوة وياة اتمنى لو بأيدي

ارجعه و اسامحة بس المهم يجي يخلصني جنت اعتبرة سندي قبل لا يحاول يتفرسني و نتهك أخر ذرررات الشرف!

كل هذا في سبيل ما ابقى يم انسان ما اعرف شنو تفكيرهه كل يوم اخطر من الثاني

اليوم كل الناس عرفت بية مجرمة قاتلة بس محد يعرف الحقيقة كل هذا بسبب هذا الانسان الاسود!

عيوني استلمت لنوم مثل ما افكاري استسلمت و رجعت على نفس المكان! …

ملاذي لأمن هذا يلي جنت اكول اخاف احجي عنه

كدام أي بشر خفت من العين و الناس تحسدنه

اهتمامة بية جان يفرحني، يمكن لان جنت أفتقر لهذا النوع من الاهتمام

اول ميدخل من الصبح اول وحده يصد عينه عليها هي أني

و بعدين يسلم على أبراهيم و باقي المجموعة

كدامهم ولا يتهم ولا معبرني بس بيناتنه هو عكس هذا الكلام

نفس كل مرة من يجي ياخذني على نفس المطعم نتريك بي سوية و بعدين

يوصلني على منطقة أوصل بي البضاعة و يضل ينتظرني لحد ما ارجع

_على يا بيت ادخل

أشرلي على مسافة بعيدة

باوعت على بكسل

_يعني هسه لازم امشي كل هاي المسافة وحدي؟

_اي ترا شغلج ميتعب مثل البقية انتي احسن وحدة يلا يلا بدون عجز روحي

_يعني انت توكف جوا ضل الشجرة و بعيد على مكان و تريدني اني اروح وحدي امشي

_بس عيني عليج مراقبج يلا امشي كدامي

_خوش مدير والله

ضحك و هو يأشر بأيده على كرش: هذا نتأئج لفلوس الزايدة

عفته و اني اضحك علي.. وصلت بعد مسافة تقريبا اكثر من ربع ساعة لان مشي و الشمس تصگع براسي

دكييت الباب مرتين تلاثة ماكو رد، توترت ردت اتراجع باوعتلة أشرلي اضل واكفة

رجعت دكييت الباب اقوى..

سمعت خطوات ورا الباب انفتح..

جان رجال متوسط العمر يطلع اكبر من سعد بس هزيييل و لياقة بجسمة ماكو

حتى وجهه يكلك سهران صارله عشيرين يوم

شاف البضاعة بأيدي جرها من أيدي كلما عندي قوة

و طلع لفلوس يحسبهن.. سألني منو وصلهن

جاوبته بكل ثقة: الدَّارش و يسلم عليك

أبتسم و انطاني لفلوس و فوكاهن افلوس التوصيل بقشيش

أبتسمت و تشكرته

درت وجهي على سعد و أشرتلة بفرح لفلوس بأيدي

شكلة جان متوتر مو مثل اول ما وصلنه

رفع تلفونه صور المكان و اني امشي و اشرلي امشي سريع

و اني هم شديت حيلي و ركضت صعدت وياه اضحك طلعتله لفلوس و طلعتله الزايدة كتلة شوف

انطاني فلوس أيضافية يكلي هاي مال التوصييل

والله خوش اكو ناس هيج بلا عقل تبذر فلوسها

و تنطي و توزع بكيفها!!

هو بالة مو يمي مستمر بسياقة

_هيوو بالك يمي

_انطاني فلوس زايدة يكلي هاي مال التوصيل

_اي اخذيهن بس هاي غير اسبوعيتج

_شنو سألج؟ شفتج تحجين وياه

_أي سألني منو دزج.. مثل مرة الجواب كتلة الدَّارش و يسلم عليك

هز راسة بمعنى عفية

اخذ كلينس و يمسح بي وجهه

_وكف السيارة ارتاح شوية اشرب مي و بعدها ارجع سوق

_لا اريد اروح لأي مكان ارتاح بي غير الخرابة الكاعدين بيها

_يعني هاي بنسبة الج مكان مرتب واحد يرتاح بي

_لا طبعا بس شنسوي وين انروح

رن النقال.. جاوب بسرعة

_اهاا وينك… اي اي تمت.. استسلمنا لا تخلي ابالك

شوية صوتي رايح من البارحة حييل تأذيت

لا ماكو داعي تجي اني بليل يمك ان شاءلله بس مسافة الطريق….

اي والله حييل متخربط عود كلت ارتاح شوية

صاير حتى نوم ما انام، يمعود هو اني ملحك احك راسي…

لا رايح الشقة.. الله كريم.. يلا في أمان الله

سد الخط و باوعلي..

_عادي تجين تسويلي جاي لو تطبخيين فد اكله

لان حيييل تعبان مالي خلك اشتغل

_شبيك مبين عليك مريض

_مادري نحول بجسمي من البارحه

_لا والله لسه ما رحت بس اخذت علاج على ماشي

وصلنا لشقة و نزلت وياه و عيني على كل تحركاته

مبين تخربط اكثر من الصبح

رحت للمطبخ فارغ ماكو اكل بس اكو اماعين

رحت كتلة كلشي ماكو اسوي

انطاني فلوس و كلي روحي لأقرب مطعم جيبي الاكل و خلي ينطيج جاي انتي هنا خدري

ماكلت لا لان انقهرت عليّ ، شكله حييل تعبان

احس صاير يمة مشكلة بس يرفض يحجيلي

ماعرف ليش هلكد متحفظ أتجاهه شغلة

حتى عن اهله و اصدقائة..

ابراهيم يلي جان ٢٤ ساعة يتعارك وياية و يحجي علية

هسه ابتعد و عافني حتى ميباوع بوجهي رغم

هو كلي علاقتنه محد يدري بيها خليها سرية

يعني مو معقولة يمنعني احجي بس هو عادي يحجي لكل شخص!

وكفت كبال المطعم اشتريت دجاجة شوي و خبز و تمن و طرشي و الجاي اخذته وياية مثل ما طلب

حضرت المي و رتبت الصينية طبيت للغرفه

شفته كاعد و مخلي ايدة فوك راسه

مثل يلي يون من الألم كعدت قريبة علي بمسافة

روحي احسها تلوب مادري شصار وياه

_سعد اذا مريض خلي نروح لدكتور

_زين كوم اكل، حضرت الاكل بصالة و خدرت الجاي هسه ترتاح و تصير زين

هز براسة بمعنى اي بس ما كام

عفته و رحت ماكدرت اضل وياه بمكان واحد اكثر

استحي منه اهواي خصوصًا هو حتى القميص نزعة

قررت اطلع اخذت جنطتي و كمت حتى اسلم علي و اطلع

هو اجه أشرلي اكعدي

كعد كبالي و كعد ياكل

_شكو صافنه متاكليين وياية

_رايحة اشوف الجاي

_بس ماكو ريحة لسه

_خليت بس المي يفور

_خلي الجاي و نصي النار و تعالي انتظرج..

اجييت صرت قريبة منه، مديت ايدي و اكلت وياه

قاطعت هذا الصمت القاتل بسؤالي

_ليش ضايج هلكد

_هلكان تعب و محد يحس

_اني هنا. احس بيك و بكل وقت تحتاجني اني موجودة

ركز بعيني توتر و رجع ياكل بدون ميحجي ولا حرف..

بعدها شرب الجاي و كلي اني راح انام..

عفته و رجعت لبراهيم اشتغلت وياهم تلاث ساعات بشمس و تسوكت و رجعت للبيت قبل لا تجي امي واختي..

ثاني يوم رحت الصبح بس مالكييت سعد و ابرهيم

يصيح على جماعتة لان متأخرين بالجية

تجاهلته و كعدت بعيدة عليهم مسافة عود اذا راد يطلعني هو ينطني عنوان اروح اوكف بي مثل كل يوم

بس ما انطاني اي مكان! كلهم طلعو و بقينه سوية

بنفس المكان

باوعلي و رفع حاجبة متفاجئ بوجودي، بس اني ادري هو يعرف اني كاعدة هنا صار ساعة

تقرب مني و كال

_ ياا هلا بسمورة الغالية، صباح الخير عمي

_شتريد من الصبح والله مناقصة مغثة

_لا عمي انتي منو يكدر يغثج غير ينداس بالقندرة

_لعد بعد شتريد

_سلامتج رايد سلامتج!! اذا تكدرين تحرسين نفسج و تحمين روحج هاي عندي تسوى ابو الشغل

المهم السلامة مو صحيح

_ماقصدي شي، بس هو اجيت اكلج اهم شي بحياة كل بشر هو سلامته و انتي اكيد هم تردين سلامتج؟

_طبعا شنو الغريب مثلا؟

_الغريب مم شنو الغريب… تعرفين ذكرتيني بسالفة، اذكر ابنية صغيرة غبية طفلة جهااالة

شمدريه هي! لمت من الگاع كواغد و حركته

صاحو عليها ناس يابة لا تحتركين بس عجبها

نار و اول مرة تشوفه عن قرب، مدت أيدها و احتركت اشتغل كل جسمها، بثواني صارت رماد بس اعظام متفحم!! و محد ساعدها تعرفين ليش

_لان هي جاهلة و صاحو بية مرة و ماسمعت منهم

هاي جزاتها

_اني مدا افهم شتقصد هاي القصة شنو الها علاقة بية.. صاير تنطي حكم و قصص واني مادري

_ههههههههه اي والله شوفي هاي زايدة مني

القصة مو يمج بس خفنه عليج من النار استمري بطريقج

_مالك علاقة بية.

ابراهيم من جماعة ماحب الخير لا الي ولا الغيري

اذا تأذيت فلازم غيري يتأذة مو مهم، كلش زين افهم بعقلية هذا الرجال الخايس

عفته و طلعت جنت اتمنى وجودة هسه او اتصل بي و نسولف.. يحجيلي عن حالته و اني احجيلة

من شنو خايفة

اخذتني رجلية لشقة ضليت واكفة ابتسم واني اتذكر كعدت البارحة و سوالفنه رغم سعد ماحجة غير بس ابتسامته عندي جانت تكفي كلشي

شيصير لو يوم من الايام اكعد بهاي الشقة و نعيش بيها سوية.؟

اعزم اختي كل يوم و نكعد نسولف و نطلع سوية

اساعد امي بالمصروف و ما اخليها تطلع و تشتغل و تبهذل روحهه

ينكسر كلبي عليها من اشوفها تعبانه و مكسورة

و ابوية سودة علية المريض يلي كلما يكبر صحته ترجع ليورا

وين اروح هسه اذا ارجع شجاوب ابوية فوكاها كلشي ماعندي ولا حصلت شي من الصبح لسه

و اذا طلعت وحدي بدون علم ابراهيم يسويلي مشاكل شكبرها مراح اخلص منه

واني واكفة حسيت باب الشقة انفتحت نهضت من مكاني بصدمة..

طلع شاب ديقفل الباب و بصدفة شافني درت وجهي ردت اعوفه

صاح وراية، اجه يمشي سريع..

صار قريب مني و كال اني ويامن

_انتي يلي من جماعة الدَّارش

_اي اي

_ما اريد شي بصدفة مريت

_اخابر سعد

_اهاا اي ياريت..

طلع النقال و اتصل انتظر عشر دقايق و حجه وياه

كلة اكو ابنية من جماعتكم تريد تحجي وياك

شوية و سلمني النقال ابتعدت عنه خطوتين و حجيت وياه

_شسويت واكفة هنا

_ بصدفة مريت و تذكرت البارحة

_لا ترحين الهناك بعد اصلا لا ترحين ع اي مكان نروحلة سوية

_ليش؟ حتى المطعم

_احسن، ايي حتى المطعم.. محتاجة شي

_لا ما محتاجة شي راح ارجع للبيت اصلا

راد يحجي و قاطع كلامة واحد صوته خشن صار قريب منه اسمعه يكول

_مو صار ساعة منتظرك واكف وحدك شكو

_هلا بالدَّارش، شوكت اجيييت

_قبل شوية وصلت دمشي طب جوا نحجي

_دقيقة و جاي وراك..

_ويامن واكف تحجي

_ويه شمس الصباح…

_دكتور شوكت اكدر اطلع المريضة؟

_حاليا حالتها صعبة متعرضة لتعنييف من الدرجة الاولى، و الضرر سبب الها ارتاجج بدماغ و تمزق

برحم، سوينه العملية الاولى حاليا و ان شاءلله

بعد متصحى المريضة نقرر شنو حالتها..

صدت عيني على محمود و رحيم يلي رافقوني بمحنتي و تعبي طول هاي الفترة، امي يلي اعز من روحي ماكدر اروح و اشوفها بس اتصلت بيها كذا مرة

و زوجة صادق تعبت الظاهر فأخذها لبيت اهلها و طلبت منه يخلي رضية و امها و عينك عليهن لحد ما ارجع

و الولد ما قصر وياية ابداا، واكفلي وكفة احسه ابن امي و ابوية بكل لحظة مو ابن عمي

وصلتنه مصيبة سمارة يلي مستحيل تفض على خير بعد ما شفت تقريرها على القنوات، بس المشكلة يلي ماكدرت اوصلها… اوراق التحقيق

سمارة ماعدها أي اثبات على جريمتها! سلطان

شلون كدر يلوف و يلعب هاي اللعبة مادري

منو ورا و يسنده بحيث مخلي شخص محبوس بسجون و هو بريئ!! و ليش اصلا ديسوي كل هذا

متأكد هو ميعرفه سابقا زين شجابة عليها هسه

ليش ناوي يعذبها و يحقق وياها و يجبرها تعترف

اني هذا يلي مخبلني..

بعدني كاعد وحدي و الف فكرة تجيني، طبطب على ضهري محمود

باوعت عليّ حسيت نفسي ضايع!

أشرت براسي، ليش

اني ليش تهمس بأسمي

_ماعرف والله كوم شوفها، لبنية احسها خايفة و تبجي بس ما افتهمت شي منها

رفضت رجلي تتحرك و تروح تشوف عيونها واني مصلوب بهل شمس بس الخاطر اسمع صوتها لو من البعيد

بكد حبي الها صرت اتمنى بعدها..

تعبتني هل انسانه اهواي، هاي اول و اكبر هم شالة كلبي و بعد و بعد مستمر هل عذاب ما اعرف شوكت ناوي يفض و يخلص مني

ورا ربع ساعة اشرلي رحيمط ادخل جوا..

طفيت الجگارة و شمرتها بالحاوية و رحت ورا

واني روحي مسلوبة

اسمعها من بعييد بس تبجي و توون، ثگلت خطواتي تحمحمت، صرت قريب منها

ما اعرف شلون كوة نطقتها و كتلها: الحمدلله على سلامتج، متشوفين شر

ردت بتعب: ارفع راسك اشوفك

درت وجهي على رحيم واكف قريب من عدنا بس ما راح ضل واكف بس محمود طلع

مشكاة: اريد احجي وياك

بجت بصوت عالي و تأشر بأيدها بمعنى لاا و تنقض كلامها

_لا اني اريد احجي وياك،، تفهمنيييي

ترخص رحيم طلع و بقينه سوية بس..

_رايدة انطيج روحي، انطيج ما اعزها عليج..

_تعبانه! التعب البية يفوووق ألمِ تفهم شنو يعني

تعب؟ كل هذا بسببك و بسبب أنتقامك

_اششش اني مالي علاقة، طلبت منج شي و رحتي كسرتيني و سويتي غير شي

_ما توقعت بيوم من الايام احجي وانت متفهمني

ولا تنطيني مجال احجي

_انتي مو ملاحظة يلي صار بينة بسببج؟

_هاي الكلمة تكسرني ابوس ايدك لا تحجيها

كتلك تعبانه اتصدق علية و اعتني بية! انت ما تعرف الا ربع من الحقيقة المرة يلي عشتة بسبب

ذيج الليلة! مادري شنو اكلك اطلب منك تسامحني هسه لو اطلبها ورا ما تسمعني

_ما اريد افتح هذا الموضوع هاية المرة ثانية

ما اريد اسمعه ماريد افهميني يابشر ما اريد

زحمة اسمع شصار بليلة زواجج لو شنو شتردين مني

دارت وجهه عني و رجعت تبجي بخفوت..

رن النقال، فتحته..

_وينك فارس وياية

_اي بوية اسمعك احجي

صادق: المحامي شاف طريقة تطلع بيه سمارة قانونية و بدون هروب

فارس: هاي الاخبار الحلوة، شوكت يلبش

صادق: هسه كاعدين يم اهلها، اني اكول صار لازم تجي و تفهم كلشي

فارس: حل الموضوع من يمك هسه و خلي المحامي يشوف شغلة من اليوم

صادق: اكلك و تكاليف المحامي علينا لو عليه

فارس: يمعود الجماعة لكمة ماعدهم ياكلوها تريدهم يدفعون فلوس المحامي هو احنا غير نركض بشغلة ابن عمك السگط ابن السگط غير بسببة

_والله راح يخبلني هل رجال

_تنفضح السالفة انت بس اصبر.. سلملي عليهم اليوم اني قبل لا تغرب بالبيت

_طريقك السلامة خوية، نتظرك

ودعته و مباشرة طلعت بدون ما احجي وياها كلمة وحدها

تشكرت من رحيم و محمود وكفو وياية و يه بت خالتهم بهاي الفترة،

رحت تسوكت من الطريق و رحت لبيت خالتي ام مشكاة و انطيتها المسواك و شكم فلس عندي

سلمت عليها و طلعت..

و مباشرة للبيت بس طريق طويل حيل و الأزدحامات الشوارع مستحيل تخف بهذا الوقت

تجي اوقات حتى اتعب و انام بطريق بس ما ردت اسوي الطريق علية طريقين و ما نزلت الفندق

وصلت للبيت تقريبا الساعة بتسعة بليل

لكيت سيارته برا استغربت من وجوده

هذا شعندة لافي هنااا..

لا و بعده كاعد بسيارة، ركنت سيارتي بسرعة و طبيت للبيت

هاي شصاير!! شسوي جاي بهيج وقت؟

بهت لونه احسه بعد دقيقة يوكع من الرجفة يباوعلي و يباوع الامي يلي هي هم انصدمت بوجودي

فارس: كول يابة محتاج شي، اشو صاير تجي و تتختل

ساجر: وو وين جاي البيت كح** غير زوجتي و اجيت اسأل عنها

فارس: اولا احترم نفسك بيتي نظيف مطهر مطهور ابركات امي الغالية.

و ثانيًا يمه انتي شعندج واكفة برا وياه

من شوكت احنا عدنه نسوان تفتح الباب و تطلع؟

باوعت الساجر و رجعت باوعتلي ابتسمت مجاملة

هدى: هلا يمة هلا تعال احبنك يبعد طول امك

مشتاقة اسمع صوتك

فارس: ضامين علية شي انتو لو شنو

ساجر: اي والله تالي عمرنه قررنه نخلف

نزل سلطان من السيارة ودخل للبيت رفعت أيدي بترحبيب الحاار

_فارس: هلا بالدَّارش، تعااال اسمع ابوك ناوي يخلف و يشمر

ساجر: دسمعي ابنج السگط

هدى: حقه أوليدي ملجوم

ساجر: من لجمو بحصوات ابليس شهل حجي هذا

سلطان: شوكت ناوي تبطل رعونه و تتررررك شغلي

مو يجي يوم اخلي طلقة براسك و دفنك بمكانك

ولك انت متووب مني

فارس: لا شوف الخسيس طاب البيتي و يهدد

ابوك ما علمك العييب

ساجر: دباع هذا الصگط. شصاير بيناتكم شكووو

فارس: لعبة اخوان و ما طالبين حكم استمتع هل دقيقتين حتى تنطرد

باوع لأمي ويشر علية

_و تكليلي ابني ربيته اتحداج اذا تاعبة علية تلاث ايام

_خلي عينك بعيني و عوف النسوان

بعدنه واكفين نحجي. ونسمع صوت عالي جاي من الغرفة!!

تذكرت رضية و امها هنا بدون علم احد بس صادق يعرف..

تقدم سلطان يفتح الباب، باوع لأمي بصدمة

أشر على باب حتى يتأكد من امي

باوعتلي و وجها صار اصفر بس ما نطقت بأي حرف