꧁خــطــوات نحو الهاوية.. ꧂
بعدنه واكفين نحجي. ونسمع صوت عالي جاي من الغرفة!!
تقدم سلطان يفتح الباب، باوع لأمي بصدمة
و أشر الها
باوعتلي امي بتوتر و جاوبته
_ ميعرفهم ميعرفهم فارس ذولي جيراني الام و بتها اجن يمي حتى يديرن بالهن علية هل فترة
ساجر: ليش زحمتي الناس، شكم مرة كتلج ارجعي للبيت و كلنا يمج و هذا العار هم نشولفة غرفة خارج البيت و يكعد بيه
فارس: جلب حراسة اني؟
ساجر: رحمة الله والديك، من حجيتها
سلطان: يمه ميصير اطببين ناس غربة للبيت
يمكن يطلعون جواسيس لو وراهم مصيبة شمدرينا
بناس هاي. المفروض تاخذين حذرج
هدى: نصي صوتك عيب منهم، اني اعرفهم من السنين خوش ناس، و اجن يمي لان يعرفن بفارس مو بالبيت هنه هم يستحرمن، باجر وحدهن يطلعن
ركزت على سلطان ما مقتنع بكلام امي
عين عليها و عين على باب لفيت السالفة حتى اخلص منه..
فارس: من كل عقلك انت تخاف على بيتي كثر مني! اصلا انت شجابك هنا؟ منو سمحلك تفوت على بيت
سلطان: ما يمهني بيتك، بس يهمني حياة العايشين بي لان اعرف العب بنار مو سهل يحرك و يدفع الثمن غالي..
فارس: مالك علاقة بشي، انت ريح نفسك
سلطان: نام اليوم، و باجر عندنا حسابات طويلة
فارس: منتظرك، عود هم صير رجال براسي و و اشرد الخوالك شد ضهرك بيهم
بتهديد: خوالي لا تجيبهم على السانك، سمعتتت
فارس: لا يابة لاا خفت اني، هاي دشوف رجفت رجلي
راح اوگع بالگاع من الخوف حتى جزء من مخي وگع
خفت من الدَّارش يلي كلبة مثل لونه اسود
ديلا بوية بطولاتك يلي تنفذهن براس ابوك ذني ميوگلني خبز، مخلص روحي بروحي و عايش النفسي
ماعندي واسطات من هذا و ذاك حتى ألم النجمات على جتفي، ولا اخطف و أتهم بناس حتى يكلولي عفية
_شكد تحقد خاطر الله
_منين احقد! احقد عليك لو حاقد منك؟ اشرحلي بلة اسمعك، ذكرني اني ليش حاقد؟
سكت ماحجة شي..
اذا ماعندك كلام شوفني عرض أجتافك و اطلع
اشرتله على الباب حتى يطلع هو صار ينافخ بريشاته عافنه و طلع بعد ما سمعت صوته
ساجر: شنو هذا الحقد المالي گلبك! انتو اخوة حتلو جنتو من غير ام هذا وحيدك بدنيا المفروض ايدك بأيدة ليش هاي تصرفاتك الرعنه كدامي ليش تخلي احد يكرهك و يضوج منك و تكسب الك
اعداء!! و منووو اخوك
اخوك الجبير هذا عقيل المفروض تحترمة و تسمع منه، مو تتعارك و تهدد و تخطط من ورا ضهرة
ما سألت نفسك هو ليش اجه لهنا؟ ليش عاف شغلة
و بيته و أمه و جاي لبيتك؟هوو ميت عليك؟ زين انت يا رعن ما سألت صار تلاث ايام منو يتسوك للبيت و منو يجيب الممرضة كل يوم مرتين علمود علاج امك!!
هذني كلهن ماخطرن براسك!؟جابني و اجه للبيت كلي بوية هسه ام فارس باقية وحدة امشي انروح يمها برغم انت كل مرة تشوفه بيها اطردة من البيت ، أشر على امي، و كمل كلامة
اجه حتى يشوفها و يطمن عليها، يسميها يمه و هو اصلا ولا فترة عاش يمها بس احترامً إلي يصحيلها يمه، ميحسسها هي بيعدة علينا و ما عايشة ويانه!
بس ويامن احجي، ويه واحد حتى ابوه ما يحترمه
اخلي يحترم اخو انوب؟.. بس اسمع
اخوك واحد متربي و احسن منك! كل يوم انت جاي تأكدلي هل شي بتصرفاتك اللأ أباليه. و عدم تحملك المسؤلية
و انسان فاشل بكل مرحلة بحياتك، و مستحيل تنجح واني ما راضي عليك و على اخلاقك يا تربية الشوارع! لان اعرف امك كلش زين هي مو هيج تربي
الكلام حز بكلبي اهواي حطمني، بس ماكدرت اخلي عيني بعينه لو لحظة خفت توكع دمعتي لو يعرف
قلة حيلتي.
هذا الخوف نفسه يلي جان مرافقني من طفولتي لليوم نفس الكلام نفس الرزالة نفس الدعوة!
نفضت افكاري رفعت راسي واني اطرد كلامه من راسي رديت
بعدم مُبالاة: و هسه اذا كملت كلامك اطلع ورا ابنك
اكيد هسه جاي ينتظرك، روح ورا لياكلة العوعو..
_متصيرلك جارة حتى لو نصحتك اعرف الحقد و الغيرة شنو اتسوي.
جر سترته من على قنفة وطلع..
صارت نظراتي على امي مثل كل مرة ساكته بهذا الموقف .
جنت اباوعلها بنظرات الحيرة و الوحدة، نظرات الكسرة يلي تجري بروحي من سنين
تمددت يمها و خليت راسي بحضنها
مدت أيدها على صدري و عيونها مغلغله دموع..
_يمه، ليش ما حجيتي شي؟ ليش محد يدافعلي؟
شفتي شلون احترگ دمه و أنقهر على ابنه لان طردته؟
متصيرين مثلة و توكفين و دافعيلي ولو مرة اريد اسمعه منج
من جنت صغير جان يضربني يطردني يغلط علية
و متردين بوجهه ابدا و تضلين ساكته!…..
تتذكرين يمة من احترگت ايدي بصالنصة مال السيارة وقتها جنت اشتغل يم عمي ابو حكمت
بأطراف كربلا بس حتى أأمن مصرف النه
تتذكرين من رحتي تبجين لأبوية و تطلبين منه اترك الشغل و أهتم بدراستي شسوا؟
راح و تعارك ويه ابو حكمت و خلا طردني و قاطعنا اشهر طويلة بدون مصرف و خلاني اتوسل
بهذا و ذاك حتى اشتغل يمه بس على مود المصرف
جنت اتمنى لو ميت بطفولتي ولا كبران
لان بطفولتي جنت احس ابوية يضربني و يأذيني لان يخاف على مصلحتي و من كبرت عرفت شكد يكرهني اتمنى لو ما عرفتها..
راح ارجع اسألج نفس السؤال، ليش بحياتي كلها ماشفتج وكفتي ضد ابوية لخاطر يعتقني ويعوفني بحالي؟
حسيت صارت حركة قوية بالغرفة
بس ما تحركت من مكاني، ضليت انتظر جاوب امي
ختنگ صوتها جاوبتني و هي توخر أيدها من صدري: لان ابوك
_يمه، مو رجع يهيني و يقارني بالدراش، واني كلبي ملجوم منه من الصغر كلبة مثل لونه لهذا يسمو الدراش، كلبة اسود انتي لسه متعرفين منو الدرش
و بشنو متورط!
من طفولته يأذيني و كبر و صارت عندة أذيت الناس عادة ممتعة
_ليش متنسى يا بعد امك
_شنسى منهم هو اني شنو شفت اصلا؟
اني ما شفت غير الغيرة و حقد سلطان و غير أذية ابوية اني شنو شفت؟
_اعرف يمه بس يلي يبادلك بسيئة بادلة بالحسنة
هيج يستحي من نفسه و يعوفك بحالك. مو ترد على ابوك لو تطرد اخوك، ما ارضى على احد ياخذ نظرة مو حلوة عليك انت محسوب علية تربيتي اني
_ما اريد نظرة حلوة منهم والله يايمة ما اريد أذيت بيت الطيار أذية ما تنسي! همه ما يحبون احد و يأذون كل الناس الحواليهم! لج يمة اني منهم و بيهم أذوني من جدي لحد اخوية
منو بيهم يرحم؟ ماكو احد صدكيني.. لا يغرج كلام ابوية ترا هذا لسه يخاف من مرته
الله وكيلج كلما طبيت البيتهم تخزرة حتى يطردني من البيت كبرت و اني استحي اطب حتى لا يطردني كدام احد!!… اني ألهم الوكت كفيلنة
اذا ما اندمهم على كل شي سوو بينه مو حفيذ شلاگم اني! هانت عليهم هانت و ما بقى شي
احقق أمنيتي و اخذج وياية انتي تعرفين شنو أمنيتي؟ لو ناسية؟ تعرفين يمه بعض المرات احسج تشبهين تصرفات ابوية عدكم تشابه جبيرة
تحسون اذا الرجال يعني عادي يتحمل يعيش يتيم بس ابو بعده يشتم الهوى،او يطلع يطب،يتمرض يموت يشرب يطلع من الدين الاسلامي.عادي
لان هو ولد و يربي نفسه بنفسة!! انتي هم مثل تفكيرة مو؟ دارت وجهها عني
_يمه والله تعبانه لا تحملني تعب يومك
_مثل ما تريدن اني اكلج، شنو يلي اخططلة
و اصلا اعتبرها امنية لان اعرفه صعبة المنال
اريد ابتعد عن هذا المكان، اريد اخذج انتي وحدج
وبس!
محد يدري احنا وين و ما اريد بيت الطيار يعرفون بية اريد ارتاح لان تعبان حييل
مشاكلهم متخلص همه واحد يستر على الثاني و اني و الواگع بيها
اريد اشرد من هل مّله الحقودة و ارجع الگاع شلاگم
شنو رئيج؟ نكعد بوحدة من الشقق يلي بناهن ساجر و اطلع فلاح يجي يحرثها و نعيش سويه هناك
واخلص من الناهب و الحاقد!
_غلط تحجي هيج انت ما معاشرهم
_بس انتي عاشرتيهم و هاي النتيجة؟ وحدنه كاعدين بعيدين عنهم، بصدفة اسمع عنهم شي
و اصلا حتى هاي الصدفة ما اريدها بس مجبور
اعرف شنو جاي يخططون من ورا ضهري..
رفعت ايدها على راسي و تمسح بشعري
اخذت نفس بتعب و كالت
_ابوك ندمان لان عافك كل هاي الفترة وهسه يريد يرجع علاقته بيك، انطي مجال صير قريب عليّ
اشتغل ويه اخوك تعاون انت وياه حتى هم تترقى بمنصبك واني من اشوفك هيج مندمج وياهم ارتاح، والله ارتاح من ترتاح لواحد بيهم.
_بس هو بحياته مراح يرتاح على كد لأذية العشته بسببة! على كد كسرة ضهري بساجر،ان شاءلله ميوكف بيوم،يمه حسي بية اني شنو ذنبي أتيتم واني ابوية عايش؟
يمة ابوس ايدج بس جاوبيني.. اني ابن ساجر
ابن الطيار الحربي يلي الناس تشهد بأسمه
اني ابن العائلة الفايخين، المتريشين! أكضي طفولتي ابيع كرزات؟ لو بمراهقتي اطلع عماله اصبغ و البخ و بشبابي حبسني بكلية العسكرية
غصبًا علية شوفني العذاب و المر بس على مود سلطان مايبقى وحدة!!
بس ولا يوم سألني شنو تحب تصير.. ما اتذكر هل كلمة طلعت منه ولو بجذب
كدامي كددددام هاي عيوني نروح للمدرسة ينطي سلطان فلوس مصرفة و اني واكف كدامه يستحسف ينطيني دينار و اني أبنه يمة احجي اني مووو أبنه و الشبه البينه هذا اكبر دليل،يمه الناس تعرفني من بعيد و تميزني بين الف واحد و تكلي انت ابن ساجر بكد ما اشبه ليش ميفتخر بية؟
يمه طلعت من الأوائل بدراستي ليش ماحجة وياية كلمة وحدة؟ ولا حتى باركلي حالة حال الغريب بالمقابل سلطان اقل مني و اشترالة سيارة
ليش و اني شنو؟ منو الي غيرك ما فكرت بأبنك؟
ليش هلكد تكرهني و ما تريدني ارتاح .. يمه لا تكولين عيني ضيگة بس استحي من جماعتي اخلص الدوام وانه بطل ماي ماعندي اشرب ولا نفسي العزيزة تقبل اطلب من احد
بالوكت يلي سلطان جان يشرد و ياخذ جماعته يعزمهم بمطعم و اذا نلگف الكلب ميكول بأسمه
يكول اسمي فارس بس حتى اني اتعاقب، و فعلا
يوصل المدير الكلام لأبوية و انكتل
اكعد احلفله والله بوية مو اني بس ميصدك بية
رغم هو يعرف احنا ماعدنه ربع دينار بالبيت!
منيلي حتى أعزم، هو لو عندي جان اشتريت ملابس الي ليش اخذ ملابس صادق و ليث ولد عمي القديمة؟
جنت ابتعد عن جماعتي اصلا ما جان عندي اصدقاء لان سلطان جان يحجي علية كلام
حشاج حتى المخبل ميسويها محد يريدني غير صادق هو الوحيد يمي يسولف وياية ينطيني ملابسة نطلع سوا، حلمنا جان ندخل طب سوية
بس ابوية تذكر عندة ولد ثاني بس من سلطان سجل بالكلية العسكرية، هنا غصبًا ما علية ادخل!
يمه بروح ابوج جاوبيني تتذكرين بسادس
من جنت اطلع من المدرسة كبل للعمالة ألزم الشفت المسائي؟
بالوقت يلي سلطان نايم يرتاح حتى يكعد يدرس
رغم عمامه كلهم واصلين و يدرسو و يمتحنو
بس ولا واحد بيهم شريف كال عندك اخ ترا روح صيحلة حتى تدرسون سوية.. لا ولا كأني موجود
ايام اتمرض و اغيب من المدرسة ، تتذكرين احد جان يجي يسأل علية؟ احد يدك بابنه ولو بصدفة مرة؟
يمه العيد ما جان عيد بنسبة النه كل عيد نلبس ملابس العام و نروح للامام لليل ما نرجع بس حتى محد يشوفنه!
يمه ما انسى سوالف هذا الصايع يلي تسمي أخوية
ما انسى تحريضة ولا مشاكلة يلي توگع براسي واني اتحمل الضرب، علمود ابن سرى ما يتعور
يكولون هذا الجبير و احنا فرق خمسة اشهر بينه!
على شنو ابوية يندم؟ على يافعل بتحديد ذكريني؟
يمكن اكدر اسامحة على كتلة رزالة أهانه، عادي
انكول هذا ابوية اتحملة.. بس يمة هو ابوية بس بالجنسية
اني ما اعرفه ولا يعرفني، اني بالدوام ما اقبل احد يصيحلي عقيل الاسم يلي هو اختاره اصلا اكرهه هل اسم،اني اسمي فارس
تعبان يمه حيل… ابوس ايدج لا تكولين هل كلمة مرة ثانية هو مو ندامان بس اكيد عندة غاية هم يريد يكسرني بيه و اني مو عايز ألم تعبان و ألهم بكلبي فوك ما تتخيلن، اذا تحبيني بعدي عني ما اريد اشوفهم
كمت منها و أتجهت الغرفتي قبل لا اسد الباب التفت عليها
يمه اذا ناوية ترجعين لأبوية على مود كلمتين ارجعي، مستحيل امنعج اني مالي علاقة اصلا
بس ارجعي وحدج و اني باقي وحدي ابقى غريب عليهم ما اكدر اعيش وياهم..
رديت الباب و هي لسه عينها بالکاع تخلصت من افكاري و نمت من التعب الطريق و قبلها تلاث ايام
اني ما اعرف شنو طعم النوم بالمستشفى على مود
وحده انتظرت الحظة الحظة حتى نجتمع سوية تالي تعوفني و تتزوج واحد من احفاذ بيت القادر
حالها حالهم شنو تفرق عن اهلي ما تفرق شي غير
اني اعتبرتها غير باقي البنات و حبها كلبي هذا الكلب ابن السطعش كلب يلي ما مستفاد منه غير طيحان الحظ..
فزيت من النوم على اشعار بتلفون كوة فتحت تك عين ركزت مو يم شغلي! غقلت الجهاز و درت وجهي حتى ارجع انام..
بس ماكدرت انام بسهولة ضليت كاعد و احاول ارجع انام مرة ثانية..
سمعت صوت برا، صوت كلام حجي سررريع مينفهم منه
طفرت لبست القميص بس بقيته مفتوح.
فتحت الباب على كيف حتى اسمع الكلام
بس ماكو ولا كلمة تنفهم، مادري بيا لغة تحجي!
اكيد مدخلة احد للبيت، لو عدها تلفون سري
رفعت المزهرية و مشيت على أطراف اصبيعي
ما اريدهم يحسون علية..
وصلت للباب الخارجي الصوت صار أعلى
اسمعها تحجي بصوت مخنوگ و تدردم بس ماكو غير صوتها
تأكدت عدها تلفون، اكيد اجتي توصل أخبار
و اني الغبي ساعدتها و دخلتها البيتي
فتحت الباب على سريع و صرت كدامها واني شايل
المزهرية!
من صدمتي ضليت مذهول، هاي مخبلة لو شنو؟
تغلغلن لدموع بعينها و لمت شفتها تريد تبجي
بس ما تكدر حلگها متروس اكل.
بأيدها لفة جبن و بحضنه مخلية علبة المربى
نزلت المزهرية
_ويامن جنتي تحجين
_رفعت أيدها و ياريت ما رفعتها.. اشرت على سندانه الورد
باوعت على سندانة و رجعت اباوع الها
خطية طلعت مثل اختها هم مخبلة
عفتها و ردت اطب، كامت وراية وكعت علبة لمربى و انكسرت
حجت بنفس السرعة و الاكل بحلكها: اسفة والله مو قصدي
_لا هاي هية زين سويتي، حتى باجر امي متجبرني اكلها
طبيت واني ادردم منو العاقل الياكل جبن مالح و مربى جزر حلوة؟
هاي شلون ما تلعب نفسها
طبيت الغرفتي طفيت الضوة و رجعت جريتها نومة لسته الصبح بعدهم كلهم جانو نايمين
اخذت السويج و كبل على ابو سامر اشتريت منه كيمر عرب و قسمته نصين
و اخذت المربى من الاسواق و الصمون و رجعت للبيت
خليت نص لأم رضية و بتها..
و النص الثاني خليته النه..
اخذت امي وياية و رحنا على بيت الطيار..
فتحلي الباب الحارس، صفيت السيارة و نزلت
جانو توهم كاعدين و ملتمين على سفرة الريوك
شكد اضوج منهم و اكرهم بس احب لمتهم
و احب اكعد بنصهم و احس نفسي مو غريب
حتى شهيتي تنفتح على الاكل، لان اكرهه الكعدة وحدي
سلمت عليهم و رحت على هند بت عمي فيصل
انطيتها الگيمر حتى تخلي بصينية
هند: عقيل اصبلك جاي وياهم
محمد: شنو ساجر البارحة تعاركتو انت و ابنك؟
باوعت لأبوية بأبتسمة أشبه بتهديد يعرفني راح افضحة و اكلهم جان بيتي رد قبلي
_لا اصلا البارحة ما شفته
فيصل: مو نعرفه ما يجبب گيمر الا وكت ما يتعارك وياك
فارس: هاي فوك ما احليكم عمي! اصلا علاقتي اني و ابوية مثل الگيمر و الصمون متكدر تاكلهن وحدهن مو صح سيد ساجر؟
هز براسة بمعنى أي و هو ياكل
هدى: يمه لا تضل واكف انزل تريك وراك دوام
ام ساجر: شلون صرتي يمة،راسج بعده يأذيج؟.. اعذريني والله ماكدرت اجي اشوفج رجلية متحملني، بس صادق يوصلي اخبارج اول بأول، والله بالي يمج لان وحيدة و بعيدة علينا
صادق: اي والله جدة كتلها تعالي لبيتنه ماقبلت تجي ، احس اكو واحد يمنعها
فارس: انت لا تصير حاروگة اكل و ضل ساكت
ام ساجر: لا يلوتي فارس أعرفنه ماعندة خبث مثلكم
فارس: اشو احس ضجت
مروان: لان ماعندك خبث مثلنا
فارس: لا لأن اني الخبيث بيكم!
نزل الدراش صدت عينه علية مباشرة، أبتسم بمكر
و ذب سمومه: الظاهر ترزلت البارحة وراية حتى جاي و جايب الريوك
فارس: نزل الساقط، تعال تريك جايبلك گيمر و بقيت الحصى الأكبر الك
ام ساجر: شفت يبن سروى كلبة حنين مو مثل كلبك اسود
فارس: لا والله يجدة بس ادري بي عندة ضغط كلت بالكي ياكل و ينجلط
سلطان: هسه عرفتي منو الدارش بيناتنه
ام ساجر: انت عبن مو على ابوك، اسمر و عيونك سود تخوف بليل
سلطان:الظاهر مدفوعه من الصبح الحجية، سويلي مكان يمج ياا جدتيي
سرى: هاك يمه سويت بيض سلك و طماطة و جبن اكل منا…
سلطان: لا اكل گيمر تذكرني برزالت ابوية الفارس
باوعلي و غمز
ساجر بتوتر: يلا خلصو ريوك بدون تأخير ورانه دوام
سلطان: ماعدنه شي بعد وكت يابة
سرى: يمه البارحة وين جنت بليل..
باوعت الساجر و ضحكت، أشرتلة يلا سكتها
باوعلي و راد يأشر لسلطان بس ما انتبه
_رحنا انشوف امي، ام عقيل
صدك يوم شلون صرتي، اليوم احسن من البارحة؟
_لا الحمدلله زينه كدرت اوكف على رجلي اليوم
رفع راسة راد يأشر على ابو بس ساجر خزرة
رجع جاوبها
_اي اي وحدي.. انطيني المربى مال فارس مدري عقيل
_اكل من خيراتي..
باوعت السرى لكيتها تاكل بحرگة گلب بحقد شوية بعد و تشيل السفرة كلها تشمرها بالگاع
بس مادري على شنو صابرة، باوعت لسلطان و تأشرلة مرة ثانية مثل الطفل المدلل، رحت وحدك
دار وجهه عنها و كمل اكله، و ساجر بهذا الوقت
روحه طالعه، يكلك لازمة علي لزمة و يخاف ينفضح!
من يوم لدريت شلون كسرو أمي لحد هسه كلبي
حاقد عليهم كلهم
و امي الفطيرة عشرة صارلهم سنين لسه تستحي تمد ايدها و تاكل لكمة كدامهم و لسه تصدك
بوعود و كلام ساجر
واني ادري بي اكبر جذاب سووا كل هذا حتى ما ارجع اخذ الگاع منه و امي تصير بصفة ضدي
بس والله اطلعها من عيونه بس خلي يصبر علية
حتى امي مراح يلگالها أثر …
سمعت ابوية ديخطط هو عمي على شغل و جنت مستمع جيد الهم و الخططهم لان اساسًا اني ما اعرف شنو يفكرون انصدم حالي حال الناس
كل يلي عرفته اكو شغل عدهم و ناقلينا البغداد
ينتظرون يوم الخميس و يروحون و يشوفون الوضع
بس سلطان خارج ملفاتهم! رغم هو قريب على ساجر و اكيد بهل مواضيع المفروض يدخلة
بس هو ما حسبله احساب فمتأكد اكو شي ما اعرفه، باوعت الصادق، احسه يعرف بهذا الموضوع
بس ولا مرة جاب سيرة الهاي السالفة
بهاي الاثناء اتصل محمود، استحيت ارفض المكالمة
اكيد يريد يحجيلي اخبار هاي البلوة شصاير بيها
كمت من مكاني و طلعت بساحة، رديت
_هلا محمود كول يابة شلونك
ردت بصوت مخنوگ: مو زينه بغيابك
_هاي انتي! محمود وين؟
_منو غيري يحبك اكثر مني.. اني طلبت التلفون من محمود و ردت احجي وياك
_ كولي مشكاة شكد تردين؟
سكتت لحظات اسمعها تشهگ، بعدت الجهاز بس الصوت العالي، كل دمعه منها تكسرني لا والله مو بس تكسرني تحطم كل جزء بية
قبل جانت الانسانه الوحيد يلي ارتاح الها و احبه حب نقي مثل ما احب امي، حب بدون مصلحة
و اليوم اعتبرها غريبة حقودة احسها تلوثت بأيدي
بيت عبد القادر
ردت علية بصوت تعبان منهگ
_اعرف شكد تكرهني، بس والله متعرف شي عني
و بشنو عانيت بغيابك
فارس انت جزء مني .. لا فارس اكبر من انو تكون جزء بسيط بية اني اشوفك انت مثل الروح داخل جسدي شكد ما اتعذب تبقى موجود، بس اذا قررت تغادرني معناها تنتهي حياتي! ينتهي اخر حلم
رمادي بنسبة الي، يلي مثلي يا فارس ماعدهم احلام وردية..
بس اليوم احس حياتي بوجودك او عدم و جودك نفس السواد .. نفس سواد گلوب بيت عبد القادر..
انت متعرف غير يلي اني كتلك بي بس متدري ليش وصلتك الهاي المرحلة.. و ليش وصلت روحي لهنا
سكتت لحظات.. رجعت كملت..
ما اريد اطول عليك اكثر بس يلي ردت اكوله
بيت عبد القادر يعرفون اكو تسجيلات بالمكتب
و بالخصوص سلطان يعرف بكلشي و هو طلب منهم يكملون بمسرحية يحجون يلي يردونه بالمكتب
و يلي ما يردونه يحجو خارج البيت بمكتب سعد
ابن الحارس يلي يشتغل بيت عبد القادر
_تقريبًا صار خمس اشهر قبل طلاقي، خافو لا اجي ابلغلك.. لهذا من شردت هيثم حسباله رجعت الهم
و همه دفعو هيثم علية حتى يكتلني و يضمون السالفة و سلطان..
بعدها تحجي و سمعت صوته وراية غلقت المكالمة فورا و حاولت ما ابين شي على ملامحي ادري بنفسي مفضوح
ساجر: تأخرت و حتى ما تريكت صاير شي
_مو شي مهم، بس صايرة مشاكل ويه ظاهر
ساجر: خو مو شي خطير
_لا اني كتله بس اوصل احلها
سلطان: تحل مشاكل الدنيا كلها و متعرف تحل مشاكلك مخلصه توسل تركض ورا هذا و تجيب المعلومة من هذا.. رجال عايش على نفاق
فارس: انت تعرف مابيه حيل ألزمك و اكسر سنونك
ساجر: اجتمعو الضراير
محمد: هذولي ولدك شنو ما ناوي تأدبهم و تخليهم يمشون على صراط المستقيم، مو عيب عليهم شواربهم شعرضة و همه لسه يتكافشون كدام الوادم
مروان: اي والله بوية ميعرفون يصيرون مثلنا اني و صادق اشو حتى ليث ابن عمي فيصل هم اعتبرة اخوية
سلطان: انت انجب و اطلع كدامي، سيارتي عطلانه انت توصلني
مروان: كروتك وين؟
سلطان: اني صندوك سوالفك السزز تريد افتحهن لو انطيك كروة
مروان: اذبك بالمقر لو اشمرك ورا المقر
طلع و هو يحجي وياه
_بكيفك المهم اوصل حتلو يم جلاب المقرب عادي
اخواني ذولي عادي
رد الباب الخارجي و طلع
فارس: امي وين؟ اريد اوصلها للبيت
ساجر: تأخرت على دوامك روح انت على دوامك و اني اوصلها بطريقي
فارس: انت ملاحظ طريقك مثل طريقي؟
ميحتاج اتعب نفسك ، اني موجود
دخلت جوا، جانت كاعدة يم جدتي ام ابوي
اشرتلها حتى نطلع ترخصت من بيبي وطلعت
ساجر بعده واكف برا.. شافني اجيت تلگاني برزايل
_ولك انت ليش تصير اخلاق سزز، هي وين كاعدة
حتى لازم تاخذة
فارس: كاعدة ابيت مرتك، و امي مريضة مو مال سم و مشاكل مو صحيح
ساجر: احترم نفسك عيدها مرة ثانية و شوف شلون اكسر راسك… خلي عندك اخلاق و ذوق كدام احد من تحجي
فارس: خليت الذوق الأبنك…
التفت على امي بعدها واكفة و قلقانه خاف تصير مشكلة بيناتنه
اشرتلها على سيارة
_يلا يمة ما ناوية اطلعين
دنكت راسها و كالت امشي ويايه، حتى متعوفني لحظات ويه ساجر لان تدري هم راح اجيب كيمر عرب باجر الصبح هم …
وصلتها للبيت و اكدت عليها متنطي اي معلومات عن بيتنه كدام رضية و امها و تكلهم جاي اشتغل على قضية سمارة و ان شاءلله تطلع عن قريب..
رجعت الدوامي و الأفكار تتزاحم براسي، مثل ما توقعت سلطان متمشي علي هاي الامور، و اكيد عندة ملعوب جديد..
راح ينفضح عندي كلشي بس من تطلع سمارة من السجن، هنا اكيد راح اعرف حاجة سلطان الهاي لبنية شنو.
اكدت على المحامي جلال حتى يكمل شغلة و يفضح المستور..
جنت كاعدة بصف العروس،حتى اطلع بتصوير..
و خواتي بنص واكفات يركصن حتى خوات سارة
ماقصرن اليوم. ام سارة هي اهتمت بالمعازيم و بتقديم و امي واكفة تهوس ويه النسوان
بنص هاي الهوسة، اجتني بت عم امير الصغيرة
كالت امير ينتظرج برا ورا البيت يكول بسرعة خلي تجي..
لبست شالي و تختلت، طلعت لكيته واكف ينتظرني عينه بالگاع و يمشي..
رمان: خو ما تأخرت عليك
رفع راسه مبتسم: لو تبقين عمر هم انتظرج
ركز على فستاني بس ضل محافظ على المسافة
ابينه و ابيني.. مقعولة لان ماشايفج صار اهواي احسج طالعه حلوة
_لا اني اليوم طالعه حلوة
_اي و بعدين شنو هاي الاسود مخليته بعينج
_مخلية كحل شوف شلون حلو
_ اي اي حلو بس ملوصها العينج، لو هو هيج ينحط؟
_لا هو هيج ينحط بنص العين
_ما شاءلله.. المهم.. عندي موضوع وياج
_اي كول بسرعة قبل لا يجي احد
_ حجيت ويه ابوية على موضوعنه
_ قررت نخطب و بعد سنة نتزوج
ضليت ساكته.. ما انطيت اي ردة فعل من الصدمة
رجع كال: انتي شتكولين
_مادري ما اعرف
مصدومة من قرارة و بنفس الوقت احس كلبي يريد يطلع من مكانه، طلعت حجتي لان تأخرت و كبل رجعت البيتهم
صارت مراية بوجهي باوعت الكحل سايح
هسه عرفت ليش يكلي ملوصة عيونج.. شوف الفشلة
كابلت امي و كعدت منين اجاني الثگل مادري
بس جنت خايفة و فرحانه بكلامة حيل.. ماجنت ادري هاي بداية طريق مجهول..
احلى عرس حضرته هو عرس اخواني يوسف و سجاد..
طببنه العروسات البيتنه و سوينه العرس بس يوسف
اخذ مرته البيته و سجاد اجر غرفة بالفندق..
ثاني يوم الصبح من السته احنا كاعدين اني و اخواتي رتبنه البيت و حضرنه نفسنه
اجتي ام سارة جابت الگيمر العرب و عسل ريوك العرسان
و ابوية حضر الدجاجة حتى يذبحها و عمامي اجتمعو يمنه.. حتى عمام ابوية اجو استقبلو
يوسف و سجاد و زوجاتهم، و عبرو عن فرحتهم بأطلاق النار و ابوية ذبح الدجاجة جوا رجلين كل عروسين
قبل لا يفوتون للبيت..
و امي وتهلهل و نسوان عمامي يهوسن ويانه
و اني واختي ماخذيين وضع انصفك و انطش الجگليت
اجتي ام رنيم زوجت يوسف و مرت اخوي اخوها
و صبينه الريوك للبيت كله..
لضهر احنا مشغلين الاغاني و نركص البيت كله صار مختلط حتى ولد عمام ابوية اجو سلمو
و اني انحبست اسوي الجاي و امي تاخذ تقدم
بنهاية اجتي سارة ساعدتني هم بس امي ماقبلت
كالت الها انتي العروس ميصير تشتغلين..
بهذا الوقت اتمنيت عندي بنات عم بعمري بس مع الاسف يلي بعمري كلهم ولد و اني اكبر وحدة من البنات بين بنات عمامي..
اخواتي اصلا مو يمي بس يركصن ملتهيات
اجتي سجى جود جابها بحجت تشوف اختها و تحاجيني و تضل وياية
اكيد عرف احنا شكد مخبوصيين..
البيت ما فرغ لحد الليل كل واحد راح نام بغرفته
ثاني يوم نفس الشي خطار و هوسات و الاغاني
كالبين البيت كلاب
لحد اسبوع كامل..
اجو بيت عمي يمنه و طلعت اني و بت عمي صغير كلش كل شوية امها ادزني اشوفها وين راحت
و هاي نايمة بتراب و تلعب برمل يلي زاد من بناء مال الطابق الثاني.. كلتلي تعالي سوي وياية بيت
كعدت يمها و جبت الرمل و صرت العب وياهن لا و اخذني الواهس لميت الجهال و كعدت بنصهم
و اني العبهم بهاي الاثناء اندك الباب طلع اخوية فتحه
دخلو كرايبنه خال ابوية و ابنه و زوجته و بته
اول مرة اشوفهم حتى بالعرس ماشفتهم بس يمكن شفت ابوهم اجه بزفه
طبو للبيت يسلمون واني ضليت على مكاني كاعدة العب
اجتي امي أشرتلي اجي اسلم عليهم..
كمت واني كلي طيين
جبت ملابس من الحبل جنه شاريهن.. بدلت بالمطبخ
و غسلت وجهي و طلعت سلمت و رجعت للمطبخ مرة ثانية
ضلو يمنه ساعة و طلعو و بيت عمي هم راحو بقينه
بس اني و سارة جبنه حب و جبس خليناهن بصينية
و صعدنه فوك السطح ناكل و نسولف
بهاي الفترة قوة علاقتي كلش رغم جنت ابدا ماحبها
احسها متكبرة بس هسه لا احسها مثل اختي
كعدت و سولفت الها كلشي عني و عن امير هي ما تفاجأت لان جانت شاكه بفترة الخطوبتها
جنت اني اطلع الحجج حتى اجيهم و هم اني جنت اجيب الها الهداية على اساس لان اخوها يلي من امها ميقبل تتواصل ويه سجاد حتى بفترة خطوبتهم
مر شهر كامل بليل جنه كاعدين سمعنه ابوية يمشي و يحجي بصوت عالي، سارة عرفت هذا ابوها
طبيت للغرفه بس بقيت اتصنت..
سلمو و كعدو دار الحديث على شغلهم لان همه اصلا بينهم شراكة عمل..
و حجو عن سارة و سجاد و عن شغل سجاد هم..
بعدها ابو سارة فتح الموضوع ويه ابوية
_ ابو سجاد احنا ان شاءلله صرنه عائلة
اليوم بتي هي بتك و ابنك الله شاهد بمعزة ابني و اكثر هذا النسيب الاول شلون ما اعتبرة مثل ابني
و اني اليوم على موضوع اجيتك حتى تكمل هاي لمتنه
_اي تفضل ابو امير غالي و الطلب رخيص
_ اجيت اخطب بتك جمانه لأبني امير هو حاليا بعده يدرس بس هل سنة ان شاءلله يبقون مخطوبين و السنه التجي يتزوجون
و انت تعرف حالته و حالتنه و هي بعمر بتي و معزتها من معزة بتي الله شاهد، شنو كلت ابو سجاد
احتقن وجهه ابوية و بينة علامة الرفض، جنت اتسمع و خايفة من الجواب
لزمت ايد سارة و ارجف، شكو ابوية ليش ساكت
كالت اكيد ديفكر مستحيل يرفض اصبري
ابو سجاد: شوف ابو امير والله انت غالي علية و اخوية و امير مايقل معزته من معزة ابني، بس بتي بهذا العمر صعب انطيها توها عمرها ١٤ سنة
اني اشوفه طفله..
ابو امير : اي ميخالف لهذا كتلك اريدهم ينتظرون بعد سنة سنتين ابني عند اسواق هو شايل نفسه
و اذا على بيت انطيها الطابق الثاني و همه يشيلون نفسهم و اني مستحيل اعوفهم اب الهم أثنيهم
ابو سجاد: اي لعد أجل الموضوع بعد سنة سنتين تنعاد السالفة و الله كريم
ابو امير : اني جاي احجزها ويعقدون حتلو بعد شهر بالعطلة و على راحتهم يزوجون
ابو سجاد: لا اعذرني خطوبة ماكو هو يعقد ورا اسبوع يتزوجون و مهر بتي مثل المهر يلي انطيته البتك عشرة بسبعه
ابو امير : مو مهمة لفلوس هي كلها حبر على ورق اني اريد الكلمة منك حتى نمشي و نعقد، بس مثل ما كتلك ابني هل سنة بعدهم و الزواج يصير ورا سنه من يتخرج
ابو سجاد: هسه الله كريم خلي ينجح و نفتح الموضوع مرة ثانية و ميصير بخاطرك الله طيب
بس مثل ما كتلك خطوبة طويلة ماكو بنفس السنه تخطب و تاخذ
ابو امير : انرد الجواب لأبني و اشوفه شيكول…
باوعتلي سارة و كالت، ابوية مستحيل يقبل امير يتزوج بهاي الفترة هو اصلا ديمنعه من الاسواق حتى يكعد يدرس مو انوب يروح يتزوج و يلتهي
ابوج ليش رفض تاخذين اخوية؟
_مادري، اني كلشي مادري عوفيني
طلعت و ضلت كاعدة يم ابوها لحد ما طلع
و ابوية بقى ضايج و محتقن حتى ماطلعت ولا كعدت يمه
ثاني يوم هو ألتحق من الصبح ما شفته
و امي لا تاخذ ولا تنطي، اسألها يمه شكال ابويه
تكول مستحيل يوافق يكول اصلا ما اريدهم
اذا ميريدهم ليش يتشغل وياه؟ ليش اخذ بته؟
محد يعرف شنو هذا التغير المفاجئ
حاولت اخذ تلفون امي و احجي وياه بس ماقبلت تنطي..
رحت السارة اطتني تلفونها حجيت ويه امير و كالي نفس كلام سارة ابو رفض كله بعد سنة، سنة و نص تخطب اي و لبنية بعدها صغيرة..
اما هسه مستحييل..
شفت اخوية سجاد اجه كبل انطيت التلفون السارة و نزلت حتى لا يشكون بيه اني اعرف امير قبل
ثاني يوم من الصبح كعدت تريكت كملت شغلي
و لزمت مبايل امي خابرت امير بساعات و كعدت احجي وياه
طبت سارة شافتني احجي وياه ماحجت شي ولا اني تفاجئت لان هي اصلا تعرف بعلاقتي بأمير
وراها سديت التلفون و رجعته لمكانه على شحن بدون ما امي تحس
من طلعت للغرفه، امي شافتني كالت روحي صيحي
لمرت اخوج خلي تنزل اذا ماعدها شي
صعدت فوك بعدني على اخر باية، سمعتها تحجي
بتلفون بصوت هامس! اجاني الفضول تقربت شوية
_اي بوية طبعا يريدها غير لافته لف كل عشر دقايق تحجي وياه و تخابرة، هسه لبنية ياريتها جبيرة و تفتهم الله وكيلك هنا بالبيت يكوموها بكتله و يكعدوها بكتله كلشي متفتهم..
اي انت احجي وياه دراسته أهم من هل سوالف هو وينه وين الزواج، واذ عندة اسواق..
هاي بوية اني اجيت نصحتك بعد ما حجي ويه امير لان هو هسه اصلا مو بعقلة و اذا حجيت يكرهني…
ختمت كلامها، اي هاي هية بعد بوية بكيفك اني حجيتلك لان ما اريد احجي وياه
مع السلامه و سلملي على امي
ابتعدت و نزلت مباشرة للغرفة كعدت ابجي مو على مود عرس بس هي ليش هيج سوت؟
ليش تنطي بية من شوكت اهلي يكتلوني كدامها؟
نزلت كملت الغدة ويه امي و اني ضجت و كرهتها
حتى مارحت يمها، و العصر اختنگت طلعت برا جان لسه بعدنه البيت كله رمل و سمنت يلي ضل من البناء
اندك الباب طلعت امي فتحته سمعت صوت ضياء
صديق سجاد
و يسال عنه شفته راد يدخل. كمت طبيت و صبيت غده، و رجعت كعدت بغرفتي لحد ثاني يوم
كعدت متأخرت حتى جود ما اتصلت بي كبل
تغديت الضهر و صليت.. و اهلي بعدهم كاعدين بصالة
رجعت طلعت ورا البيت كعدت يم الرمل العب بي لان ماعندي شي وين اروح حتى التلفون بيد امي
ورا ساعة شفت عمتي اجتني، باوعتلي بصدمة
ولج شعندج كاعدة، كومي يمه كومي اسبحي و بدلي
رجعت سألتها، ليش عمه وين راح نطلع
_باع حالتها باع شلون مدمرة نفسها، كومي اسبحي و بدلي ملابس حلوة
طبيت للبيت لكيتهم كلهم مخبوصين بترتيب البيت
و سارة مبدلة و مرتبة نفسها
دخلت للحمام سبحت و بدلت طلعت امشط شعري سمعت صوت عالي
لفيت شعري و لبست حجابي و طلعت
دخلو كرايبنه خال ابوية و اهله.. دخلوهم اخواني بالاستقبال و اني رجعت يم سارة رغم كارهه وجودها
بس ماعندي حل وين اروح قابل.. و اني واكفة دخلن عماتي و طبن و هم طبن للاستقبال
بهاي الاثناء امي صاحت لسارة مدري شحجت وياها
و اجتي صبت الجاي و اطتني الصينة كالت انتي روحي قدمي
_يمعودة ماعرف اخاف توكع من ايدي
_لالا اني اجي وياج و اساعدج، شالت الصينية و قبل لا توصل للاسقبال اطتني الصينية كالت ابدي من الجبير..
اخذت الصينية و ايدي ترجف امشي و عيني عليهن خاف يوكعن. سلمت عليهم و اول شي رحت انطيت
لخال ابوية و ابنه بصفة.. بديت اخربط انطي هذا و اعوف هذا اجه رائد اخوية هو كمل عني
ردت اطلع عمتي كالت لا ضلي كاعدة
جنت كاعدة و اسمعهم يحجون عني بس ما فهمت شي
لحد ما ابوية كال: انت تعرف بعد المهر بين الكرايب على اربعة و انت بعد شتنطي هو الك و الابنك
هنا فهمت شيحجون..
رد ابو و يحجي ويه الولد، هاي شوفه بعد كدامك
خاف تكول ما شايفها
باوعلي و كالي بوية جمانه هذا ابني كدامج شوفي..
جنت خايفة منه بالكوة باوعتله.. ابدا مو حلو ضعيف كلش و طويل و عيونه كبار ناطات ليكدام
عفتهم و طلعت، و طلعت امي و عمتي وراية
_ها جمانة شنو رأيج، شلونه الولد
_شنو شلونه، اصلا مو حلو و اني هم ما اريد اتزوج
اصلا منو كلكم موافقة
ردت عمتي، حجينه ويه ابوج انتي بعدج صغيرة متفهمين شنو مصلحتج، هو منو يرفض هيج قسمة
_انطيها البتج، اني ما اريد اتزوج و حتى لو ردت ما اريد هذا!
و اني احجي طلع ابوية يوصلهم للباب و يحجي وياهم
_ابو ياسر، ان شاءلله متفقين
_هاية انتظرو بس المشية و العقد بنفس اليوم
ياسر موافق هو اصلا شافها و كال اريدها
بس تعرف هاي الشوفه مالتهم لازم تصير
_اي صحيح حقه الولد..
سلمو و طلعو
بقت عمتي تحجي ويه ابوية على مود العقد
و اني رحت اركض لاخوية سجاد شفت سارة واكفة
يمه و عيونه ناطات ليكدام هنا وكف كلبي
اكيد حجتلة على علاقتي بأخوها
تراجعت خطوتين و اجه هو يمشي سرريع جرني من ايدي و دخلني للغرفة قفل الباب..
أرقام جلوس الثانوية اليمنية 2025: رابط مباشر للشعبتين العلمية والأدبية للاستعلام والاستعداد.
شاهد .. مبابى يدمر شباك مانشستر سيتى بالهدف الثالث
تردد قناة إم بي سي مصر الجديد: استقبلها الآن على النايل والعرب سات بأعلى جودة!
مستشفى “أرنستو تشي غيفارا” بمستغانم يعود للخدمة – مصربوست
تهريب 17530 أورو داخل الحذاء في مطار وهران يثير الجدل!
حسين لبيب وأحمد سليمان يحضران عقد قران ابنة الناقد الرياضي جمال العاصي |صور
ميتسوبيشي لانسر سيدان موديل جديد بسعر 400 ألف جنيه في الأسواق المصرية
<p><strong>تحديث تردد قناة كراميش 2025 على أجهزة الرسيفر عبر النايل سات والعرب سات</strong></p>
