رواية رماد الاعتراف الفصل العاشر 10 بقلم زهراء سعد

اسمع ساارة تدك الباب و صوتها يرجف

هو بس حاجاني، كلت احجي وياك حتى متصير مصيبة و يجي

يمة دخييلج تعالي هذا سجاد حبس رمان بالغرفة

اسمعها تجاوبها

_ليش خيير شصاير

_ما اعرف شبي ما اعرف بس احجي وياه

تراجعت خطواتي بخوف..

نفض لزم جتفي بكل قوة ايده، صرت احس ايدي انخلعت

_من وين تعرفين امير

هزيت براسي ناكرة الكلام

_ما اعرفه

_جاوبي لا اعدمج هنا و اخلي ابوية يغسل عارة بأيدة لج انتي شنو تردين اطينين راسنه؟

لو تردين تسوين مثل سواية سارة؟ ترا ماكو سجاد الينقذج

_ما اعرفه صدكني، ليش هيج تحجي

رجعت سارة و امي ادك بالباب بقوة

_يمه سجاد سمي برحمان، شبيك شصاير

افتح الباب خليني احجي وياك

_سجاد افتهم الموضوع لا تستعجل انت حتى ما خليتني احجيلك شي، افتح الباب ترا والله اعوفلك البيت و اطلع و متشوف خلقتي مرة ثانية

ترك ايدي بنترة و فتح الباب

_شكووو شكوو هناا، ميصير اكعد بالغرفة و اسأل اختي

سارة: شتسألها هي اصلا متعرف كلش

_معليج انتي اصعدي للغرفة

_ما اصعد الا تفهم الموضوع، يمه احجي وياه

_هو اني غير اعرف شصاير حتى احجي وياه؟

_كل القصة امير خابرني لان سمع بأهل يسار جايين. كلي احجي وياهم لا ينطوها اني اريدها

هسه اجيب عمامي و ابوية و اجي

بس اني ماقبلت حتى لا تصير فضيحة كدام كرايبكم

_هو اصلا شلون عرف، شمدري؟

_اني، جنت احجي ويه امي و كتلها راح يجونه خطار يخطبون رمان ناس كرايبهم، اعرف غلطت بس والله بعد متنعاد

_لج والله انتي محكره يعني حلتي اهلج و هسه جاية تحيلين سجاد على اخته

ضربت على صدرها بصدمة: اني يمه اني محكرة؟!

شسويت قابل و اذا حجيت و كتلهم خطبوها هي اول و تالي اناس راح تدري

_سدي حلكج و بعد لا تحجين لاحد بين متصير السالفة

التفت سجاد: ليش شعندج

_ما اريده و بس.. ماعندي شي افهم

_يمه عوفها جاهلة، اني احجي وياها انت اخذ مرتك و اصعد لا يرجع يدخل ابوك و يشوفنه ملتمين و يكوم يتعارك تدري بي يطلع المصايب من جوا الگاع حتى يتعارك..

عافنه و صعد بس نظراته تخزرني و كأنه شاك اكو شي ابينه

طبيت للغرفة بعد ما سمعت صوت الباب الرئيسي ينفتح

قفلت الباب على نفسي و كعدت و دموعي تجري

احس ويه كل دمعة تنزل مني كلبي ينفض

يرفض فكرة اتزوج شخص ما اطيق اشوفه

و بنفس الوقت ايدي مجتفة بسلاسل تحبط

كل احلامي يلي رسمتهن كل يوم بكعدت الصبح

و اني احس بأمل بس بهاي الحظة احس كلشي انتهى..

قطعت سلسلة أفكاري، من سمعت صوت عالي جاي من غرفة اهلي

رجلي ما حملتني حتى اتحرك و اعرف شصار

لحظات و اندفع الباب بقوة

بعدني على كعدتي بصدمة و امي وكف عد راسي

جرني من شعري بكل قوته و كال كلامه بتهديد

_لج قسم عظمًا يا جمانه اذا اشوفج كالبة وجهج

كبال الرجال لو تنطقيها و تكولين ما اريده

والله و البيت يشهد علية احفرلج كبر هنا و اطمج بيها و ما اخلي ** يعتب علية و يكول ليش

سمعتي زييين لووو اعيييد

_ابو سجاد كافي الله يخليك شبيكم ويه البنية اليوم كل شوية واحد طافر عليها، هسه تورطت على روحي كتلك متريده…

عوفها اني احجي وياها

_لا تدخلين لا اكسر راسج انتي وياااها

رجع علية، لج و متجاوووبييين!! ضغط على شعري بقوة تسابقت دموعي على خدي تنزل بحرارة گلبي

ردت علي بكل خوف: اريدة اريدة والله اقبل

بس عوف راسي يأذيني الله يخليك

نطقته دفع راسي بقوة و انضرب بالحايط

طلع برا و هو بعده يهدد و يسب

ام سجاد: هسه احجي وياها و من تشوف المشية و و الناس طابه طالعه تقتنع تسكت

_مااكووو مشية و تنجب و ترضى تريد تفشلني ويه ابن خالي و الله شنو وحده طولها طول القندرة تريد تتشرط تكلي ما اريده

_متفهتم عوفها اني احجي وياهاا، بس كلي شنو سالفة المشية ليش ميجون

_انتي مخبلة همجية!! شنو ترديني اطلب المشية

من گرايبي! شنو ما اعرف عنهم شي ما اثق بيهم

اتفقنه على كلشي و خلاص بعد يومين ناخذهم للأمام يعقد عليها غيرها ماكوو

_خلوها على الاسبوع الجاي و هم نعزمهم و تتعرف عليهم

_ و ليش ما نعزمهم و همه عاقدين، شوفي ولج اعرفج انتي تلعبين بعقلها والله لو عرفت الج ايد

_لا والله العظيم مالي علاقة هي من وحدها هيج كالت، اصلا اني اريد انطيها الگرايب احسن من الغريب ما اعرف شعنده ما عنده

_لعد تولين من كدامي و تروحين تقنعين ام عقل المجييم و كلام ثاني ما اسمع ..

كلمات ما تكسر الخاطر بس و انما صرت اعرف

هذا المكان و هاي الحظة مراح انساها بحياتي

مستحيل انسى كسرتي، بأبوية ضربني جبرني

بس على مود ابن خالة! بس اني بته ما اعترف بية

وكلت أمري لرب العالمين، رب الحاكم العادل

راح يجي يوم يلي ربي ياخذلي بحوبتي منهم!!

ليلة كاملة ماكدرت تغفه عيني ولو لحظات

و روحي تفرفح، اريد بس اشوف بشر و احجي

افضفض يلي بالكلبي على الاقل..

الصبح كلهم اسمعهم كاعدين بس متجاهلين وجودي، سوالفهم ضحكاتهم عدم المُبالاة الي

حسيت بالحظة شكد اني ثگيلة على اهلي و شكد

يكرهوني بدقيقة كرهت شكو مرة حضنت بيها ابوية، شكو مرة كتلة انت سندي!

جنت اشوفه هو السند بهذا العالم و ماكو مثل حنية الاب! بس اليوم اشوف عداوته و تجاهله و كره.. هذا السند انتهى وقتي يمه و قرر يبيعيني

بكم فلس بدون ميفكر ولا لحظة بمشاعري …

بقيت لظهر واني على نومتي، من طلع ابوية

اجتي سارة صبتلي اكل بصينية و اجتي

خلته كبالي و بدون متحجي شي طلعت..

و امي اجتي العصر حجت وياية بكلام عجزت افهمه و يدخل العقلي

_المرة اول و تالي ابيت رجله، يعني لشكد راح تبقين؟ بنهاية تبلغين و تتزوجين و تستقرين

وانتي هم ما رايحة الغريب الحمدلله كرايبنه

هسه يصيرون اهلج و خطيبج يسار اكبر منج بخمس سنين واعي و يفتهم انتي لا تصيرين زعطوطة كدامه

هسه باجر من انروح صيري ثگيلة لا تحجين وياه

بس من يسألج جاوبي و بس هسه يصير يركض وراج

و بعدين من جيبلج مبايل اكعدي احجي وياه

شوفي يمه اني اريد مصلحتج و انتي بعدين راح تبحبي و انتي بنفسج تكولين بعد ما اريد بس زوجوني

ضحكت سارة على كلام امي

_ مو صح يمه سارة؟

_ايي يمه كلامج صحيح

حجت اهواي بس نقطة في بحر ضل السكوت هو ردي

باليل ورا ما اجه ابوية صاحلي، غصبًا ما علية كمت

غسلت وجهي و طلعت برا بس تفاجأت بعمي

حسين هنا!

سلمت و هو استقبلني بضحكة و فرح..

_هلا برمانه هلا بوية تعالي يمي

كعدت قريب عليّ

_شلونج بعد عمج

_الحمدلله زينه

_شنو هاي الاخبار الحلوة اليوم سمعتها ابنيتنه راح تصير عروس.. شفتي الولد؟

باوعت لأبوية بتردد و باوعت العمي جاوبته

_ما اعرف بكيف ابوية

_ اني ويه ابوج بالقرار لان الولد قريب على عمرج و مناسب الج اهواي و ان شاءلله باجر انتي من توافقين اجيبلج مبايل ليعجبج

و اخذج و نروح سفرة كلنا للحله هم نزور شريفة

و هم اخليج تلعبين بكيفج بالملاعيب

_هاي هية بكيفها بعد اكو احسن من هيج شي

_و اذا تريد افرفرها هنا بعد احسن

_لا احنا راح نعقد بالامام و من تطلع تشتري يلي يعجبها من السوك.. و عمي اني شتريد اشتريها

امي جانت كاعدة تسمع كلامهم، و شاركتهم

_هي تريد فستان، كلت هنا انسويلها حفلة بيناتنه

من ترجع من العقد

حسين: مو هسه بعد منلحك نطلع و نشتريلها

و اني اخلي اختي سميرة تجيب بناتها و تجي هم يسون شعرج و مكياج و شتريدن تلبسين لبسي

_هاي هية بعد بس ابوها يتسوك لصينية العقد

و العريس هم يجي يشوفها و انصور

و الله الا اسويلج احلى عرس اخلي الناس تسولف بي سنين

هزيت راسي و اني ساكته

ترخصت منهم و رحت للغرفه، كلامهم يكسر الخاطر فوك ما همة كاسريني..

همه يقنعوني كطفلة!

و يردوني اتزوح كـأمرة!

اهلي غريبين لو اني نظرتي اختلفت؟

حزني هذا رجعني على أذية يوسف و رجعني

على كل ذكرى حلوة مرة بينه اني امير

و هسه صار لازم امحي كلشي و ابني حياة غريبة مجهولة من جديد، بس مشكلة عقلي يرفض

هل شي ماكدر اتقبل هذا الانسان بحياتي لو مهما كان!!

ثاني يوم الصبح البيت كله مخبوص من عداي اني طبعا جنت غارقة بنوم و ما اعرف شراح يصير

دخلت سارة على سريع فتحت الأضوية و هي تجرني من الفراش

_يلا تحركي بعد متلحكييين

_يمعودة عمامي و اهل العريس تارسين البيت

و تريكو يمنه و انتي لسه بعدج نايمة.

كومي غسلي البسي تريكي

_انتي شنو تغشمين روحج

_الحجي وياج ضايع. عافتني و طلعت و هي تصيح لأمي حتى تجبرني اكوم..

أيست اكو احد بعد يسمعني.. كمت من فراشي

غسلت و رتبت الغرفة

طبت وراية امي جايبة قميص وردي فاتح من سارة و بطرون بيجي فاتح..

لبست وياهن شال بيجي فاتح، طلعت لكيت اهل يسار كاعدين سلمت عليهم

بس هو ما جان موجود بس امه و ابو و اخوانه الكبار

جاسم و حسام يتريكون ويه ابوية

ما اكلت سويت نفسي ملتهية بترتيب لحد ما صارت بثمانية، طلعنا رحنا للأمام

بس الطريق كله ويه كل خطوة كلبي يتگطع

بديت اتقبل فكرة زواجي بس كلبي لسه يوجعني

خايفة و الخوف احسه راح يموتني، وصلت مرحلة

اباوع بعيون اهلي بضياع احسهم يفتهمون شنو اريد، بس محد يحجي الكل ساكت

هذا سكوتهم و بيعتهم دمروني… ايي اهلي باعوني بهذا اليوم

وصلنه للأمام العباس عليه السلام..

دخلنه الصحن و قبل لا انزور طببوني بغرفه مثل المكتب صايرة

كعدت و كعد هو وراية بعد ما سلم على السيد يلي راح يعقدلنه

مسكت ايدي بقوة و كلبي لسه يرجف

بده السيد يقرا أيات قرآنية.. و سألني

جمانه عماد حسين هل تقبلين الزواج من يسار برهم اسماعيل قولي نعم و أنت وكيلي.. كرررها تلاث مرات و نطقت

_نعم و انت وكيلي

_يسار برهم أسماعيل هل تقبل بزواج من جمانة عماد حسين

_تم الزواج بحمد الله . اسأل الله التوفيق الكم

و اكمال الزواج و الوفاء بين الزوجين و السعادة

كمل كلامه و هو ينصح بينه بس بالي ابدا ما جان يمه. سلم يسار و طلع برا و اني امشي ورا

استقبلتنه امه بجگليت و الهلاهل و ابو باسني براسي و باركلي

رحنه زرنه الامام و اخذنه صورة جماعية من المصورين يلي يفترون بالامام..

كل هذا و يسار جان بعيد علية واكف يم ابوية و ابو ماعرف شنو يحجون

بعدين ام يسار راحت يمهم اسمعه تحجي وياهم

_يمه يسار خلي نروح للمطعم، جمانه من الصبح ما اكلت شي و هسه انتبهت الها وجهه صاير اصفر

التفت الي، ما اعرف شنو حجه ويه امه

و اشرت لامي تجي كمشتني من ايدي و اخذتني

كعدنه بالمطاعم يلي قريبة الامام نزل الريوك كباب

و مخلمة و عصير و جاي..

امي جبرتني اكل، كوة اسوي الكمة و اخليها بحلكي

و ايدي ترجف مستحية منهم. بصدفة رفعت راسي

شفتها واكفة برا ابتسمتلي و لوحتلي بأيدها…

_ طلعت من الغرفه و هي بعدها صافنه برا

حست بوجودي، التفتت الي أبتسمت برضى

ام رضية: زين سويتي يمه من رتبتي البيت

_اصلا ما اعرف شلون جانو عايشين بي

ليش هاملين حتى الساحة كلها تراب و الفراش مو نضيف

_انتي ما شفتي امه مريضة و بس ابنها عايش وياها، الماعندة ابنية بالبيت الله يساعده شلون عايش

ابتسمت و اني احضن راسها: قصدج احنا اجينا لدنيا حتى انساعدج

_بس راح تتعبن بسببي راح اتعبن

_يمه ليش تلومين نفسج على شي ما سويتي؟

كلشي مكتوب يم رب العالمين يمكن زواجج

و حياتنه هسه خير الج و النه يمكن لو متزوجة

زواج عادي راح يطلع انسان مو زين و راح نعيش اسوء حياة

_راضية علية قسمة ربي شنو يلي بأيدي اسوي

خلال سنة وحده اتهجرنه من ورا اختج و موتت

ابوج و هسه سجنها يلي منعرف وين راح يوصلها

متهجولين يومية ابيت و منعرف مصيرنه

اتمنى يجي يوم و ارجع الأخوية عابد و اريد اكعد اعاتبة على السوا بيه

ليش هيج صار؟ ليش محد سأل علية؟ صرت ام و بناتي بطولي و اني لسه ابجي على ذكرياتي ويه امي مادري بيها هسه عايشة ميته،

اذا ميته الله يرحمها و يغفرلها و لو عايشة ادعي الربي يطول بعمرها بس حتى يجي يوم و اشوفها

_بس يمه رحنا مرة و تهنه بطريق البصرة متغيرة مو مثل قبل

_الله كريم يمه، انتهبت علية مسحت دموعها

و كالت.. روحي غيري دشداشتج و البسي حجاب لا يدخل الاستاذ و يشوفج شيكول علينا ما اخذات البيت بيتهن

_يمه ترا جنت اشتغل

_اني ادري جنتي تشتغلين بس هو ما يدري

طبيت غيرت ملابسي و رحت للمطبخ لكيتهم

عايفيلنه گيمر عرب يخبل احس اول مرة اكل هيج

طعم، صبيت الجاي تونه كعدنه ناكل دخلو فارس

و امه بس مبينه ضايجة كلش

سلمت علينا و حاولت تبتسم رغم مبين زعلها..

_يلا على اولها تعالو تريگو ويانه

ام فارس: الف عافية اكلو، احنا تريگنا قبلكم

اريد بس اتمدد و انام

باوعتلي امي و سألتني: فرشتيلها الخالتج

_اي اي بس خلي اروح انزل الها اللحاف تتغطى بي

_هو جان موجود بمكانه من طلعت

_اي مو رضية ما عدها شي، كعدت وراكم رتبت البيت كله و نضفته، صارنه يومين يمكم عذرونه من التقصير

_هاي ليش ام رضية والله ما اقبل اتعبون انتو ضيوفي المفروض اني اخدمكم، مو تشتغلون

_ما سوينه شي والله هذا رد قليل على يلي سوا النه استاذ فارس، ما قصر ويانه ابد و ختمها

اعتبرنه اهل و ضيفنه ابيته و ثق بينه

_هذا واجبي ام رضية و هذا اقل شي ممكن اقدمة

الكم، بس لا تزحمون نفسكم بشغل اريدكم ترتاحون

_لا يمه عادي متعلمين على شغل، اصلا اني كبل

جنت اخذ رضية و نروح العائلة هم خوش ناس

هم نشتغل يمهم يعني متعودين..

فارس: و سمارة وياكم تشتغل

_لا هاي تختلف عن اختها تتخبل من الشغل و تنظيف بس أصرت تبيع كلينس و مي بشارع

يعني جان عدها بسطية زغيره بس احسن منه

حصلت و هي بفلوسها جابتنه هنا و اشترينه شكم شغله للبيت

ما اعرف ليش حسيته يتأمل بكلام امي جان هادئ

و يسمع الكل حرف منها..

_قضة سمارة شوية صعبة بس انطيكم كلمة راح تطلع لو مهما كان

_ الله يستر عليك و يخليك يارب و كون رب العالمين يسمع منك و يطلع ابنيتي من هذا العذاب

_ان شاءلله، بس اريد اشوفلكم بيت بعيد شوية عن كربلاء حتى متصيرلكم مشاكل بعد

_اني اتمنى اطلع منا و ارجع لبيت اهلي بالبصرة

تعبت و اني عايشة وحدي كل هاي السنين

_ رحنا قبل سنة و تيهت الطريق و رجعنا بس خسارة الروحه بيها

_شسم المنطقة يلي كاعدين بيها؟

_ كاعدين ** يسموهم بيت السادة و ابوية عنده خمس ولد و اثنين بنات اني و عندي اخت من مرة ابوية

_اهاا سامع بهذا المكان بس ما رايح هناك

_ياريت لو تلگاهم الي

_الموضوع مو بهاي السهولة، هسه استقرو هل شهرين هنا و بعدها ارجعو للبصرة

_ان شاءلله، ارجع و اخلص من هذا الهذا العذاب

_قبل لا اروح المحامي طلب يحجي وياج

_ما شفته ما اجاني

_ما عندج تلفون

_ثواني، احجي وياه من تلفوني هسه شوفي شيريد

طلع الجهاز اتصل على المحامي جلال و فتح مكبر الصوت..

_هلا ابو حازم، أمرني

_ما يأمر عليك ضالم خوية، بس البارحة ردت تحجي ويه ام غايب

_اي والله عندي موضوع وياها مهم بخصوص قضة بتها

_المرة ماعدها تلفون تريد تحجي وياها هسه من تلفوني

_ابو حازم المكالمة متفيد المكتب مالتي على طريقك جيبها و اني احجي وياها

_هاي هية متفقين،

باوع النه و كال كملو الريوك حتى اخذكم بطريقي..

هدى: فارس يمه قبل لا تطلع اتصل بأبوك

_خاف ضاج منك لان هيج حجيت

باوع علينا و رجع على امه: ارتاحي يمه بغرفتج

لا تشيلين هم هذا و ذاك

اخذها و راحو للغرفه و اني و امي اكلنه لكمتين

و كمت غسلت لماعين، رجعت كلشي بمكانه

و بدلت و عدلت حجابي عشر دقايق احنا مكملين

منريد نخلي ينتظر زايد عيب منه..

طلع لكانه مجهزين كلشي، اشر النه لسيارة

صعدنه و اخذنه للمكتب

هو جان كاعد بكل ثقة ورا المكتب احس شكله غريب شكلة اصلا مو شكل محامي مادري ليش هيج حسيت يمكن لان جبير اهواي و سمين

حتى ملابسة عادية ما مبالغ بيهن. استقبلنا

و أشر النه نكعد كبالة.

كعدت بصف امي و هو صار يسلم و يرحب بينه

فارس ما كعد اهواي شوية و ترخص كال تأخرت على دوامي

بقينا ويه المحامي.

دخل علينا ولد شاب قدملنا الجاي، باوعت الامي متوترة مثلي

كسرت حاجز الهدوء و سألت

_استاذ اريد اسألك شوكت تطلع ابنيتي، زين يصير اشوفها؟

_ بالوقت الحالي لا بس ان شاءلله خلال هل ايام سمارة مراح تبقى للمركز كل اوراقها صارت عندي

و بتج ماعدها أي ثغرة غلط بوفاة ابوها بس عرفت واحد من الضباط هو معرقل طلعتها

_شنو السبب؟ ابني احنا جدد هنا ما عدنه اي عدوات ليش معرقل طلعتها شمسويتلهم البنية.

_هاي بعد ما اعرف اذا عدكم عدوات او لا. بس

موضوع طلعتها مراح تاخذ مني وقت.. و قبل طلعتها عندي طلب منج

_اطلب عيوني انطيها المهم عندي بنتي ترجعلي سالمة

_اريد اخطب رضية بتج على سنة الله و رسوله.

سكتنه من الصدمة امي باوعتلي بعجز. رفعت راسي صارت عيني بعينه

رجال صح مبين محترم بس اكبر مني بهواي و مبين على شكله

سكتت بدون اي ردة فعل، امي جاوبته

_انت اكبر منها بهواي و اكيد متزوج، خلي ابالك بتي ما انطيها على ضرة

_ لا والله ما متزوج هاي اول مرة راح اتزوج

اني الجبير بأخوتي و من جنه اصغار جنت اني اشتغل اعمال حرة حتى اكدر اعيشهم..

تركت دراستي على مودهم و خليتهم يكملون و يوصلون مستوى عالي و من اعتمدو على نفسهم

ضليت وحدي، وقته رجعت على خارجي و كملت دراستي و ما صاري كم سنة من تخرجت ما صار عندي وقت اتزوج لليوم

عندي بيت هنا كلت اتزوج بتج و استقر هنا و شوكت مترديها تجي يمج معززة مكرمة ما يوم ينقص عنها حاجه

و شنو تردو اني حاضر.

_ افكر بالموضوع، ناخذ مهلة اسبوع

_ماكو مشكلة ام رضية كل الوقت الكم انتظر ردكم لو بعد سنين، و اذا وافقتو ان شاءلله العقد ويه طلعت سمارة من السجن حتى اختها تكون وياها

و تفرح بوجودها..

_الله كريم، يعني اكيد بتي تطلع

_مجهز كلشي الطلعتها منتظر الاشارة الخضرة من الاستاذ فارس و وقتها بتج تلكيها يمج

رفعت ايدها بدعاء، الله يسمع منك هيج و ارجع و اشوف بتي

باوعتلي امي شافت ايدي ترجف اترخصت من المحامي جلال و طلعنا

طلعنا جنت كلي حيرة كمشت معاصم ايدي

_ اني مستحيل اجبرج على شي متردي يمه كولي لا ما اريده، و اذا موافقة هم كولي والله يسهلج

_ مو مرة كتيلي هنا اكو الأمامين

_اي سبط الرسول و اخوة صاحب الغيرة ابو الفضل

_زين خلينا انروح هناك يمة، اشو روحي مقبوضة

_المكان قريب علينا، بس امشي انروح و نسأل

مشينه مسافة اجرنه تكسي و نزلنه يم السوك

دخلنه نتمشى اباوع المحلات و البسطيات ناس

على كد حالها بس الأجواء حلوة

دخلنا لامام بعد ما تفتشنه اكثر من مرة و ركزو على حجاباتنه

اول مرة بحياتي ادخل للمكان و اشوفه ضليت مصدومة، بالحظة سألت امي اني وويين

كالت هذا الامام العباس ابو الفضل

و يلي كبالة بهاي الجهة هو الامام الحسين عليه السلام..

دخلنا لامام العباس و كعدت امي تحجيلي على مقتل بصورة مبسطة اكدر افهمه خصوصًا اني جنت بعيدة عن الحياة ما التقي ما اشوف

حتى دراسة بحياتي مادرست كل يلي اعرفه اقرا شكم سورة من القرأن و اعرف اصلي اما سمارة

بالكتل يالة تصلي مرة باليوم

طلعنا و رحنا للامام الثاني سبط الرسول ﷺ

كعدنه بصحن يلي هو بأعتبار مثل المسجد صلينا قرينه قرأن

امي علمتني صلاة الأستخارة و صليته بنية اذا جان جلال خير الي فربي يقدمة و اذا يأذيني و شر الي يارب يبعده عني

خلصت و حسيت نفسي ارتاحيت مباشرة سألتني امي

_موافقة على جلال

_كتلج بكيفج

سكتت و ابتسمت بأرتياح..

طلعنا من الامام تمشنه شوية بسوك جان كبال الامام مطاعم وكفت امي تمشي و تشوفني

لان جانو هي و اهلها يجون اهنا اهواي

بصدفة لمحت رمان.. اي هي والله بعدها نفس شكلها

ناعمة حييل و عيونه حلوة تعجبني كلش هاي لبنية

صارت عيني بعينها، رفعت ايدي و سلمت

مبينه جانت تاكل ويه عائلتها

عافت كلشي و اجتي يمي حضتني بقوة..

_شلونج رمانه، هاي مخلية مكياج!! طالعه حلوة

_اي مرت اخوية خلتلي

_اتزوج سجاد؟ لو هذا يلي اجه يريد يكتلج

_همه اثنيهم بنفس اليوم بس مرة يوسف بيته متجينا اهواي… اشتاقيتلج اهواي.. شوكت ترجعون بالحسينية

_ يمكن بعد منرجع نكعد

_صارت سوالف متخلص، بس هسه احجيلي هم اجيتو تزورون مثلنا

_لا اجيت اتزوج

_اي والله، شافه ذاك الطويل الضعيف هو اليوم عقد علية

_بس مو بعدج صغيرة

_ابوية جبرني عليّ

شافتني امي تقربت سلمت على رمانه و هم انصدمت مثلي و اكثر من عرفت بزواجها

اجتي امها تتمشى على كيف مثل المستحية

سلمت عليها امي و حجتلها شلون نعرف رمان

و سألتها اذا لبنية مجبورة جاوبت و بكل برود

_لا هي اختارته مو مجبورة

تاهت علينا منو انصدك بس عيون رمان تحجي حزن عكس عيون امها..

امي غيرت الموضوع و كالت، يمكن باجر عگبة ارجع للبصرة و ما اشوفج تعالي اشتريلج هدية

_لا ام رضية فدوة الكلبج متقصيرين مباركتج كلش كافية

_ميخالف هو شي بسيط هاي البسطية كبال الامام

تعالي اشتري يلي يعجبج

بروح الطفولة راحت تركض، تختار تنزع و تلبس بالمحابس

حتى حلقتها نستها و رجعت امها ضمتها الها

احتارت و متعرف شنو تشتري، امي سحبت الها

گلاده فضة غريبة بيها تلاث سلاسل كلش أمتان

على كل سلسلة بيه زهرة ناعمة كلش..

اشترتها فورا و لبستها الرمانه جانت كلش حلوة

رجعت سألت صاحب البسطية، اريد وحده ثانية مثلها البتي

كلها، لا هاي بالة و ماكو مثلها اثنين

فأشترلي بس اسوار و محبسين بلون اصفر حتى تبين ذهب

لبست واحد و ضميت الثاني

ام رمانه اطتنه رقمها كالت شوكت متردون اتصلو

و احجو وياها و اليوم مسوين حفلة خطوبتها

بس صغيرة بيناتنه حتى انفرحها تعالو اذا تردون

_بيها الخير و الله يتمم زواجها، لا والله عذريني ما اكدر اجي بتي الثانية مريضة و ماكدر اخليها بالبيت

_بكيفكم مثل متردون شوكت متجون هلا بيكم

_متقصرين ام سجاد الغالية

اترخصنه منهم و رجعنا لبيت فارس دخلنه لطارمة

جانت اكو سيارة بس مو سيارة فارس اعرفها

دكينه الباب و دخلنه لان همه يعرفون بعد احنا كاعدين يمهم

دخلنا اني و امي على كيف و انصدمنه برجال طالع من الغرفه ام فارس! جمدنه وقتها

هو نفسه يلي حقق ويانه اني اتذكرة

بس ناسية اسمه..

بقيت ارجف اكيد راح يعرفنه و يخرب طلعة اختي

من السجن..! نزلت راسي حتى ميركز بملامحي

تقدم و هو يأشر بأيدة بمعنى شكو، منو انتو

امي صاحت بصوت عالي تطمن على ام فارس

_عيني ام فارس موجودة، انتي بخير؟

استغرب الرجال من كلامها و راد يحجي بس ردت ام فارس و هي تطلع برا الغرفه.. ردت بتوتر و خوف

_هلا هلا يا بعد روحي تفضلي.. ادخلو للغرفة اني هسه اجي

نزل راسة عبرنه من يمه و دخلنا للغرفه

بقينه نتراجف خاف صارت مشكلة بسببنه

بس سمعناها تكوله، ذولي جوارينه خطاري هسه يرحون

_شلون ادخلين احد

_جيراني اعرفهم من سنين، مونسيني بوحدتي

تقدم الها و لزم وجهه: ليش متجين يمي و اني اونسج

_حتى سرى تونسنه سوية

_متأكدة تعرفين الجماعة؟ اشو احس شايفهم!!

_مشتبه انت ذولي ميطبون ولا يطلعون وين اتشوفهم مثلا

_خلي الجهاز يمج حتى اذا صار شي اتصلي بية

_ هذولي الناس ثقة صدكني

_كلشي يصير، اني ما ارتاحيت الهن

_لا يسمعنك عيب ابو فارس اطلع مو وقتها انسولف

صرت اسمع بسبسه على كيف بعدها طلع برا البيت

اني و امي بقينه خجلانين من الموقف يلي صار

دخلت ام فارس ورا عشر دقايق مغيرة ملابسها

قدمت النه مي، و امي تشكرت منها

كعدت يم امي و لزمت ايدها و حجة بترجي

_اتمنى دخلت ابو فارس متوصل لفارس بأي شكل من الاشكال، ابني و اعرفه هسه يزعل لو يتعارك و تصير مصيبة

_ لا اطمني ام فارس متطلع مالنه علاقة.. بس المهم عندي كون ما عرفنه

_هو شك بس ما عرفكم اطمنو

_اذا يعرف راح تصير مشكلة و تتعطل طلعت بتي من السجن و اني احسبلها ساعة ساعة حتى ارجع اشوفها..

_لا تشيلين هم اني اعرفه لو يعرفكم جان ماضل ساكت اكيد يكعد يحقق وياكم، بس اني كتلة انتو ضيوفي و جيراني

_هاي هية بعد انتي اعلم

طلعت كارتونة حلاوة و قدمتها

_هاي اليوم جنه بزيارة و جبتها

_تسلمين ام رضية ان شاءلله ربي هم يكتبلي زيارة و اروح ازور

_اعوفكم وحدكم حتى تنامون ترتاحون تاخذون راحتكم يعني البيت بيتكم لا تتقيدون

_ربي يجازيكم على خدمتكم النه و لان ضيفتونه

بس اليوم راح انتظر فارس يجي حتى استشيرة بموضوع

_اي والله المحامي يلي لازم قضة سمارة خطبها الرضية و كلت اسأل فارس على اخلاق الرجال

لان اكيد يعرفه

_صلاواة الف مبروك بتي رضية تستاهلين كل الخير

_تسلمين خالتي..

_ميخالف فارس يجي بعد شكم ساعة و انتي احجي وياه و اسألي براحتج..

_هييي .. نززل ايدك وووين ماخذنيي . وووين رايحين

_صمي الحكلج كووة جاي اطلعج مناا

_اصلا كامرات تارسة المكان ما فكرت راح يشوفك

_و هيج غبي اني مثلج اترك وراية دليل

_ياا دليل انت بيك شي؟؟ دعووف ايدي

فتح باب المكتب و دفعني بكل خباثة رفعت ايدي ردت اغمه درت وجهي لكيته كاعد رجل على رجل

سلطان: مشكور مروان ما قصرت

مروان: ترا هاي متنحمل خرمشتني تخرمش بأظافيرها مثل الجلب

سمارة: اني ما اشبهك

هجم علية يريد يكتلني صاح بي هل اسود

_عوووفها اني اخذلك بحقك منها، السانها يمسلت

_انت متشوف السانها الزفر

_اشوف و اسمع، اطلع اريد احجي وياها عندي موضوع مهم

دار وجهه و طلع مو راضي الخلقة سزز..

اشرلي اكعد كبالة و ما كلت لا رجلي متحملني اضل واكفة كبالة و هو يخنز من فوك ليجوا

كعدت على قنفة و قلدت حتى حركته

_كعدت هسه شتريد يومية داز علية، الظاهر صاير تشتاقلي اهواي

_اي اشتاق للسانج الزفر اشتاقيت السترج و اخلاقج و الشعرج الحمر يلي يلعب ستين نفس

_ استر منكم و اخلاقي تشرفكم و شعري كل خصلة بي تشرف اخلاقك الجميلة يل اسود

_حسبالج اضوج من تكليلي هيج

ما رديت بس درت وجهي عنه،

_لعد ليش يصحولي بالدراش؟؟

صارت عيني بعينه بتساؤل، منوو انت؟؟

ا

نخرست و ماحجيت شي

الله لا يوفقك طلعت من جماعة سعد الله يعذبكم مثل ما عذبتوني و أذيتوني

نهضت نفسي شنو يلي تريدة مني مو كاافي عذابكم الي!!

الله ينتقم منكم و ميشوفكم اي خير

بكل هدوء جاوبني: اكعدي بمكانج و جاوبيني

_ما اكعد و انت ماعندك اي حق تستجوبني

_منوو يلي ماله حق؟

_انت مالك حق و هذا مو اختصاصك اصلا

نهض مثل الأعصار سحب الاسلاح و قربه تحت حنكي

_منوو كلج هذا مو اختصاصي

_لا تصير همجي وخرر اييدك

_لا تتجاوزيين حتى لا ابتلي بموتج سمعتيييي

جاوبيني على كد الجووواب بس، شلون عرفتي مو اختصاصي

_جااووووبيييي كلت

_والله العظيم من المحامي هو طلب مني ما اجاوبك على اي سؤال لان هذا مو اختصاصك

_وين شفتي و شوكت

_قبل ايام اجه للمركز و طلبني… كاافي أذيتني نزل السلاح اني راح احجي

_كال اسمي جلال

بس هذا يلي اعرفه… سلطان نزل ايدك راح تموتني وخرر عني لا تقترب اكثر

ما سمع مني تقرب اكثر عناد بية، استجمعت قوتي

و دفعته بس جبل ولا يتحررك

استهترت بساعتها صرت اضرب و ادفع بي اريده بس يوووخر عني اتقزز اكرهه اتخبل من اشووفه

قيدني بين ايده بقوة بس حتى يسيطر عليية

صرخت بأذنه شمرني على گاع و هو يسب و يلعن

سكتت و دموعي تنزل بأستسلام

ثنه ساقة و كعد كبالي قرب مني كلش حصرت نفسي بزاوية الحايط همس بهدوء

_مو الدراش اليعوف ثارة

_ماكو ثار جريمة و انت ارتكبتها لا تتهم غيرك

عض شفته بكل قوة تماسك نفسه و ماضربني

كملت كلامي بضعف

_ السم يلي شربته بناس ذنب راح يلاحقك طول عمرك و ربي ما يغفرك على يلي سويته..

عصابة الدراش يجي يوم و تنتهي.!

_ياااااعصاابة يااا نعااال شكاااعد تمسلتييين

_مووتني. مووووتني حتى ما افضح وصاختك لناسس.

عيونه تحولت حمرر اكله يموتني و اني ارجف منه

دموعي تنزل بأستسلام. حسيت نفسي راح اموت هل مرة بأيدة

سمع صوت عالي برا نفض نفسه و ابتعد و هو يفرك براسة بقوووة أثر العصبية

كعد ورا المكتب و عدل كعدته

رفضت اتحرك من مكاني انفتح الباب دخل مروان

باوعلي بأستغراب

_ اريد ارجعها لسجن

_بعدها ماحجت شي

_ سلطان تحقق وياها بموضوع شنو؟

_مالك علاقة عوفني وياها

_والله اذا ما طلعتوني هسه اصيح و الم المركز عليكم و اشوف اشلون اطلعوني بدون طلب

ضحك بأستهزاء و هو يأشر علية

_ديلا اسمعها يكول افضحكم من الزمها هسه

و امرد راسها بالحايط تفتح حلكك يعار و تكلييييي ليشش

راد يكوم وكفة مروان اشرلي اطلع كمت كبل طلعت

برا

و مروان بقى يتلاغة ويه المكرووهه

بقيت واكفة ورا المكتب شوية و اجه، سحلني من ايدي و رجع شمرني بسجن المنفرد

المكان يلي يقبض الروح بسبب هذا العار اليوم اني هنا محبوسة بين اربع حيطان

كل يوم جاي احقد على اكثر كل يوم ادعي ربي

يعذبه عذااب على كل يوم بجييت بي بسببه

سحلت الجرجف و تغطيت بي اريد انام بس عيني على باب اخاف يطب و يرجع يموتني بأيدة

كل احلامي صارت مرتبطة بي كل حلم يخوفني

و اكعد مفزوعه بسببة الأجرم يلي ينفذه بالواقع ينفذه بحلامي و محد الي يكون المنقذ

مسكت كفوف ايدي و عضيتها بكل قوتي عقاب الي على يلي سويته، لو سمعت كلام اهلي بذاك اليوم جان ما صار يلي صار

جان اصلا ما شفت ذاك المسموم الله يلعنه ياربي اليوم الدين

تساقطت دموعي بقهر مثل ما تساقطت اخر ذرات الكرامة بذاك اليوم…..

تراجعت خطواتي ليورا و اني احجي بحذر

_سعد شبيك!! ليش هيج عيونك حمر

جاي احجي وياااك شبيك؟

ما رد كأن ما سمع مني ولا حرف مد ايدة على خصري و سحبني اله بقوة

تلاصقت اجسامنه، شكله و اسلوبة مو مثل الشخص يلي عرفته قبل هذا مو سعد

دفعته بكل قوتي ضربني بكل قوة

وكعت بالكاع، خشمي طك دم ايدي ترجف و امسح بدم

رفعت راسي بأستفهام

_حبيتك من كل كلبي!

نزل علية يخنگني بكل قوة.. رفعت ايدي و خرمشت وجهه، ضربته على عينه عافني

وكف يغسل وجهه لمييت نفسي

من الگاع فتحت باب الشقة و رحت اركض بشارع

ملابسي مشككة وجهي انترس دم و عيوني فايضة

بدموع

التفت وراية ما موجود

بقيت بين الدروب وين اروح وين انطي وجهي

رحت للخرابة اركض

قفلت الباب وراية شافني ابراهيم انصدم

_سعد سعد تخبلل سعد راد يعتدي علية

نزل راسة و سكت ما جاوبني ولا حرف

فتحت الحنفية و الرجفة بعدها بجسمي

غسلت وجهي و طلبت منه بس يوصلني لاهلي

_الله يخليك ما اكدر ابقى وحدي افهمني ما اكدر ارجع، بس وصلني

_السيارة ماهية اجه شريكنا اخذها

_زين تكسي بس وصلني لأي مكان المهم سعد ميندلني

_ما سويت شي كوة خلصت نفسي منه

بعدني احجي وياه فتح الباب شافني هنا انصدم

هجم علية مثل الثور الهائج كسرني تكسير

لزم راسي و بالگاع كل ماعندة قوة

ابراهيم صاح بي دفعة بس سعد بسبب المخدرات

عقله فااقد

وكعت مثل الجثة الميته بالگاع كوة اجر النفس

حتى دموعي وكفت

كل جسمي تورم ازرك صار من الكتل..

كام ابراهيم جاب سطل مي و فرغه على راس سعد..

يريده بس يصحصح ماكو فاقد..

تعب و ذب نفسه بالگاع و اني جسمي متكسر منتهية ماكدر اكوم

ورا ساعة من المحاولات و ابراهيم راد يساعدني

بس يتعمد ميلمسني..

انفتحت الباب و دخل بهدوء و يفر بالمفتاح بأيدة

وكف مصدوم اشر لبراهيم بمعنى شكو

_هذا لمطفي مكثر شرب و مخدرات

و مالحكت على من كتلها

باوع على سعد و يحجي بأستهزاء: كل هذا و ما انجلط

_اصحى مني و منك

تقرب منه و هو يضحك: ولك تاليتك تكتل صاحبتك

على شنو خابص نفسك لعد؟

ابراهيم: وين اخذهم

_دشمرهم بهل خرابة و طبهم مرض، المهم وين لفلوس؟

حسيت صارت حركة قريبة فتحت عيني بتعب

شفته طلع علاگة سودة جوا مجمدة عطلانه

دافنها بالكاع طلع منها جزء فلوس و سلمه بيد

أصهب.

_اي والله اليوم بس ذني اذا هذا الكلب ملتهي ب** منين اجيب الفلوس

_ياا عارات، من افلش الخرابة فوك روسكم هم احد يكلي ليش

_على باجر غصبًا عليهم يجون يشتغلون حتى سعد لا تخلي يرجع وياك للبصرة

_لا طبه مرض بقي، و هاي وين تشمرها

_هسه اخذ السيارة و اشمرها بنص الطريق و هي تكمل مثل الجلب شعليه بمصايبهم

فز سعد من مكانه دايخ يون، يحرك بنفسه بس ميكدر يكوم

شافو بس تركو يصحصح

ابراهيم: ماكدر ابقي بضاعة هنا خاف يسولنه مداهمة و انروح بيها برجلين

_محد يلفي هنا و اذا اكو قضيتك سهلة تجدي بالاطفال اطلعك منها بنفس الساعة

_ما اريد اورط نفسي

_انت بديت بيها لا تصير طرت و تعوفني هسه

هذا كعد امشي اطلع برا بين ميصحصح

_راح انقلك نص من البضاعة

_شيلهن جبان شيلهن

طلعو برا و اني بقيت على نفس حركتي

صار نفس عالي

رفعت راسي شفته يسحف مثل المجنون تقرب مني و شمر كل حمله علية

اريد اصيح صوتي اختفى من الرعبة

دفرته برجلي

شلت الطابوكة دبل و ضربته اجتي براسة وكعته بالمكان

عدلت كعدتي مصدمة! شسويت اني التفتت وراية ماكو احد بس اني

رحت اركض طلعت الجزء الثاني من الفلوس و طلعت اركض بشارع وحدي

لمحني اصهب صاح وراية بس ما رديت ما افتهم شسويت

الدنيا ليل و جسمي يرجف و الالم بكل جزء مني

تهت بين الطرق وين اروح و شلون اختل؟

رجعت البيتنه فاقدة كليًا، امي و اختي يبجن برا ينتظرني

و ابوية رغم مرضة طالع يدور علية

شافتني امي بهاي الحالة وهي تسودنت اريد افتح حلكي و اكلها مابية شي ماكدر

نزلت جوا رجلة، كتلها طلعيني اريد اصبح الصبح اني مو هناا راح نموت، راح يموتونه

استهترت بصراخ و ضرب على راسي

حتى اختي ماكدرت تعيني و تساعدني اوكف على حيلي

بعد ساعات دخل ابوية شافني مصدوم

امي حاولت تشرحله بس هو ما انطاها مجال

لزمني بالحزام ورمني تورم بس ما صرخت ولا تأذيت ما صرت احس بالألم روحي فاااقدة

بعد ساعات شافوني منكوبة وحدي

لمينه كل شي يخصنه و طلعنا من الافرع من منطقة المنطقة المهم ما مرينه من الشوارع الاساسية.

كل هذا و اهلي حسبالهم خطفوني و عتدو علية

بس محد يدري بمصيبتي يلي سويتها

طلع علينا الفجر و احنا لسه بطريق، امي حاضنتني و تبجي و اختي تباوعلي بحزن

و اني كلبي مييت..

طبينه تلاث محافظات بيوم واحد بس حتى منمر بطرق الاساسية..

خرجنه واخيراا و من كل تفكيري راح ينتهي عذابي و ابدي قصة جديدة بعيدا عن كل شغل

بعيدا عن كل تعب.. بس صار العكس

استأجرنه بيت بمنطقة تعبانه حيل بس حتى نكعد و نستر نفسنه

و كلنا لناس احنا مهجرين اغلبهم تعاطفو ويانه اول ايام بعدها ابووية حاول يطلع يشتغل بستوته

بس يرجع تعبان و هو مريض يتأذة اكثر كل افلوسنه راحت على العلاجات

راحت امي اشترت مكينة و جمعت نسوان المنطقة

و بلغتهن هي خياطة

و فعلا صارت تشتغل، حتى علمت رضية كل الطرق التفصيل و الخياطة

بس اليكسر ضهرنه هو الاجار

شهرين ما انطينه ولا فلس لحد ما صاحب الشقة

تعب و مل و طردنه بصدفة ناس سمعو بقصتنه

كالو اكعدو بالحسينيات الناس هناك تساعد

رحنا شفنه حسينيه و كعدنه بيها ايام تبهذلنه حيل

الناس وكت الصلاة تصلي و اني و اختي و امي نطلع بالحمامات بين ميكملون

لحد ما صاحب الحسينية عرفنه على رجال من اهل الجنوب جزا الله خير عرض علينا نكعد حراس بحسينية طابقين ما كلنا لا، مباشرة كعدنه

كلنا واخيرا استقرينه بس رب العالمين راد غير شي

اليوم انكشفت و تيتمت.. اليوم رجعت وحيدة

نفس التاجر المخدرات يلي جانو يوصلون بأسمه

اليوم كدامي و يريد يحاسبني على جريمة ناس هو مرتكبها مو اني

همه دخلوني للمستنقع الوصخ و ستغلو جهلي و غبائي، فيتحملون يلي صار

اما موت سعد كان دفعا عن النفس، لا اكثرر

اني الغلط مني و اني يلي ابرر.

ساعات تركوني بلا اكل وحيدة مجنونه اهذي ويه نفسي حاربوني بأبشع الطرق

انفتحت باب الزنزانة دخلت الضابط جتفت ايدي

و طلعتني من المكان يلي بي

و خلتني بتوقيف، ماكو مكان اكعد ضليت واكفة

دخلت الضابط الثانية

كالت حضري نفسج ساعة و تدخلين بغرفة التحقيق..

_المن التحقيق بخصوص شنووو… اسمعيني اني ما مسوية شي سلطان ديبتلي علية، اذا ما طلعت منا والله العظيم افضح كل سوالفة الخايسة

_عود احجي هل كلام هناك حتى يمسحون بيج الگاع

_اريد المحامي ما انطق ولا حرف

كلبت عيونها. تجاهلت كلامي، عافتني و طلعت من المكان كله

كلما اتذكر شلون حققو وياية بالكتل و السحل

ارتعب من هاي الفكرة.. مرت الساعة بأبشع لحظات الأنتظار

طلعت مجتفة و كامشيني اثنين من النساء برتبة الضابط

دخلوني الغرفة شبه مضلمة رفعت راسي بتعب

و صار كبالي كاعد بشموخ رفع راسة باوعلي بأبتسامة النصر

انتبهت على ضابط يمسح بكصته بتوتر

و الثاني لازم ركن يخابر بصوت ناصي..

عرفت هنا حانت لحظات النصر..