رواية ازمة ثقة الفصل السادس 6 بقلم جمانه السعيدي

عشتار…بقيت نايمه الثاني يوم كلما تكعدني نجوى ارجع انام

ثاني يوم الساعه عشره كوه كعدتني نجوى

نجوى…اكعدي كافي من امس نايمه اكعدي اكلي شي وارجعي نامي

عشتار…مااريد مااريد اي شي انطيني بعد حبايه خل انام

نجوى…ليش تعاقبين نفسج هيج انت مو مسؤله عن أي شي صار قابل انتي تعرفين راح يغدر بيج

عشتار….اني غبيه رحت جبت الفلوس من علاوي وانطيتهن اله شكد غبيه

هو بقه يلح عليه روحي جيبي الفلوس ادخلي وياي شربكه ليش يجي واحد غريب على الحاضر ويشاركني

نجوى…كان لازم تاخذين علي ضمان او كمبياله او اي شي يثبت حصتج من هذا الحلال

عشتار…عبالي مثلي مثل كلبي وامنت بي

توقعت مثلي كلمته وحده رجال صاحب موقف

ما توقعته حرامي يريد يبوكني

ولج لو جاي وكايل اريد ازوج اني من حقي يصير عندي طفل اني ما ناسي فضلج ولا وكفتج وياي

بس اريد طفل يشيل اسمي جان احترمته بس هيج يغدرني تالي يطلكني ويشمرني بلشارع

اني رخصت نفسي اله

من بعت اخوي واشتريته يعرف ماكو وراي احد يدافعلي

جان لازم انتبه من تغير اسلوبه وياي وكام يطلعني

ويسولف عليه سوالف حب ما متعوده عليهن

جان لازم انتبه واعرفه الشنو جاي بخطط

نجوى….خلاص حسبي الله ونعم الوكيل علي

عشتار….ولله واكفتله وكفه اشتغل حالي حاله

مايوم قصرت ويااا ابد كنت شايله فضله على راسي

لان مطالب يصير عندا اطفال وسكت

كنت متصوره لو شما اقدمله قليل بحقه

فدوه الحكمة رب العالمين حتى الجلاب والبزازين عدها جهال

حتى الك…ح…اب يشتغلن بلملاهي هم عدهن اطفال

بس اني ضليت بحسرة الطفل

وطحت بواحد حرامي ماعنده ذره رحمه بكلبه

لو طالع من عنده السبب جان صبرت وتحملت

ليش من طلع الصوج مني شمرني

ماكاتلني قهر بس لان جان يصبرني منا لمن اخذ مني كلشي يريده وبعدين شمرني جمانه السعيدي

معقوله اكو بشر تهون علي العشره بهلسهوله

نجوى….جان المفروض تصبرين شويه وماتخلي يعرف

الحد ما تلكين طريقه تاخذين بيها حقج

عشتار….شصبر دخيل الله شصبر اني من سمعت مزوج

ما بقه براسي عقل تخبلت

ولله مااعرف شلون رجعت البيتي

السايق اربع مرات يسئلني وين ترحين بقيت صافنه

مااعرف وين اروح ما مصدكه كلشي صار وياي

نجوى….تردين اخلي ابو حمودي يحجي وياااا

عشتار…لا جواد نذل وماكو منه فايده اني مااريد اقلل من ابو حمودي لا يروح يغلط علي

خلي يولي مسلمته بيد رب العالمين يكون ياخذ حقي منه

كون ما يتهنى بفلوسي كون يجي الاقوى منه وياخذهن

راح ابقى ادعي علي طول عمري

ومااسامحه على حركت كلبي هاي ابد

نجوى….يله تعاي اكلي شي من امس مااكلتي الله عليج

لا تشلعين كلبي كومي

عشتار…كمت لان مااريد نجوى تتعب وياي خطيه اني هم اجيت ازيد الضيم عليها

بليل صعد زوج نجوى يسلم عليه

ابو احمد…هلو عشتار شلونج زارتنا البركه

عشتار…الله يسلمك

ابو احمد…اني سمعت مشكلتج من نجوى اني مستعد الاي مساعده تحتاجينها

عشتار…تسلم الله يحفظك ويسلمك

اني مااريد أثقل عليكم

ابو احمد….انتي اختي الزغيره ليش تكولين هيج

البيت اللج كله اللج واحنا نطلع اخذي راحتج على الاخر

اكعدي شكد ماتحبين اهلا وسهلا

عشتار…الله يزيدك من خيره ويحفظك عساك سالم

اما نجوى ماصبرت بعد ٣ ايام من تواجدي عدهم

اتصلت بعلي وحجتله الموقف

علي راح الجواد للمجمع حتى يتعارك ويااا

علي….دخلت للمجمع بدون سلام قربت علي ولزمت جواد من ياخة قميصه رجع فلوس عشتار واحترم نفسك

اجمعو العمال عليهم وسحبت علي

جواد..نزل ايدك اني ما ماخذ منها اي فلوس هاي فلوسي وجاي اشتغل بيها

روح شوف اختك وين ضمت الفلوس وجاي تتهمني

بيهن

علي…انت اخذتهن وانت حرضته حتى تاخذ حصتها

حرامي واكبر حرامي انت جمانه السعيدي

جواد…طلعو برا وبعد ممنوع يدخل هنا فهمتو لو لا

اسمع علي بعد ابد لا تفكر تجي هنا اشتكي عليك يم الحزب

واخليهم يعلكونك

فكر بزوجتك وجهالك مالهم اي احد غيرك

يله برا وبعد مااريد اشوف وجهك هنا ابد فهمت لو لا

رجع علي واتصل على نجوى وحجاله كلشي صار بينه وبين جواد

نجوى….ياا حرامي وجذاب الله ينتقم منه

علي….خليها يمج حتى خل تنقل البغداد بس ترجع هنا

راح تبقى تسمع اخبار عنه وينحرك كلبها بلزايد

خليها تبعد احسن هذا بايع ومخلص ومستحيل راح تحصل منه فلس واحد خليها تبعد احسن الها

عشتار……كل النهار حابسه نفسي بغرفتي مااطلع منها

ونجوى حايره بيه خلص اسبوع واني بيت نجوى واجازتي خلصت

اتصلت على المديره اريد اجازه ست اشهر بدون راتب

المديره حيل تحبني ماهان عليه اغيب عن المدرسه

بس وافقت بلاخير لان اني كتلها عندي ضروف ومراح اكدر أداوم بلمدرسه

كنت محرجه من زوج نجوى رغم هو إنسان طيب وكريم

ونفسيته حيل راقيه

اتصورو كل يوم يعوفلي مصرف حالي حال جهاله

واذا طلع هو ونجوى يصمم اطلع وياهم

ماراضي على حبستي بلبيت

دائما يكول يروحلج فدوه مايستاهلج

انسي هذا مو بشر ولا يستحق تفكرين بي

بديت انزل واساعد نجوى بلبيت واقري اولادها

ازغر واحد صف خامس ابتدائي والوسطاني اول متوسط

والجبير احمد ثالث متوسط

اشتغل حتى اخلص الوقت وحتى انسى بس جذب ما نسيت ولا راح انسى ابد

زوج نجوى يطلع الساعه تسعه الصبح للشغل ويرجع بلتسعه بليل اني الصبح انزل الكا طالع

وبليل قبل لا يجي نصعد اني الجهال حتى اقريهم دروسهم وبعد ماانزل

كنت محرجه من وجودي ببتهم رغم همه طايرين بيه

وخاصه الاولاد كلما اكول كون اطلع من بيتهم

ارجع اكول وين اروح

مالي احد غيرهم بهاي الدنيا

حجتلي نجوى عن موقف علي ويا جواد

من سمعت هو رايح يدافع عني كمت ابجي اني شكد حقيره اخوي الي عايشه وياا عشرين سنه واعرفه حق المعرفه بعته علمود جواد

من يتصل بنجوى دائما يسئل عني

بس اني مالي عين احجي ويااا بعد الموقف الي صار بينا

نجوى اكدتلي على كلام علي استقر هنا بغداد وبعد ماارجع للحله

السنه الي بعدها كدرت احصل نقل البغداد مدرسة قريبه

على بيت نجوى

وكمت اداوم غيرت كل الاشياء

المحافظه والمدرسة والناس بس مجاي اكدر انسى الموقف الي صار وياي ابد همزين بذاك الوقت ماكو فيس

جان سمعت اخبار جواد ومتت قهر

همزين ماكنت اسمع اي شي عنه

سنة ٢٠٠٣ سنة السقوط يعني بعد انفصالي بسنتين ٣ اشهر

بغداد صارت هرج مرج والقتل صار بلشوارع

وخاصه التجار والشخصيات المعروفه

ابو احمد حيل خاف على عائلته لذالك قرر يروح يم خواله

بمحاقظة ديالى

سحب فلوسه من المصرف قبل السقوط

تحسبا الاي شي كان مقرر يبقى بغداد

بس من شاف الوضع صار ما يطمن قرر بطلع من بغداد

أمن على المخازن والمحلات وقفلنا البيت وطلعنا لديالى

بسيارته الخاصه

صحيح الطريق كان شويه صعب بس وصلنا

ماشاء الله خواله شيوخ بساتين وخير وبيوت فخمه

وسيارات

حيل رحبو بينا شالونا شيل

اول ما وصلنا جابولنا الاكل أشكال واللوان

كلها تركض حتى تخدمنا

هم نظامهم شلون عايشين

خاله عندا كيعان هواي دوانم كلها مزروعه خير من الله

كل واحد من ولده باني بيت خاص بي داخل البستان

عندا اربع وولد وبنات ثنيبن

ازغر واحد من ولده توا مزوج باني بيت حديث مزوج بي

صار شهرين من مزوج

خال ابو احمد اامر ابنه يطلع من البيت هو وزوجته

واحنا نسكن بي

خال ابو احمد…. شهاب يطلع من البيت وتكعدون بي

ابو احمد…لا مايصير شهاب بعده عريس شلون يطلع من ببته

خال ابو احمد ابو اركان…..ولله يطلع وانتم تكعدون

انتم عائله شنو تكعدون بغرفه

تردون تاخذون راحتكم وشهاب يرجع ويانا بيتنا جبير وفارغ

ابو احمد…الله يسلمك خالي ويحفظك

عشتار… شهاب ابد ما ناقش ابو جاب عروسته واجا للبيت الجبير بس جابو جنطة ملابسهم

واحنا رحنا كعدنا بيتهم

اني والأولاد أخذنا الغرف الفوك صح مابيها بس فراش

بس عادي علكنا ملابسنا وكعدنا

البيت من جوا يخبل واثاثه كلش حلو

ماكنا نعرف شكد راح نبقى هناك منتضرين الوضع يستقر

ونرجع للبيت بغداد

تعشينا ونمنا بليل كان يوم متعب بلنسبه النا كلنا

الخوف والطريق والتعب وتغير المكان

ولو هذا البيت والزرع يرد الروح

نمنا كلنا الساعه عشره بليل