رواية نار الانتقام الفصل الخامس 5 بقلم همس مصطفي

مقال مقترح استمتع بالمباريات بجودة مثالية.. اضبط تردد قناة SSC الرياضية السعودية على نايل سات وعرب سات الآن

الفصل الخامس

اجتمع كل من في المنزل علي صوت صراخ نادين .. انتفضت ريم بفزع

ريم بارتباك : انا .. انا …

نادين بغضب : انتي ايييييه هتقعدي تنونويلي .. زمان السرير اتملي جراثيم منك يا حيوانة !

ريم و قد اخرجت روح الراقصة بداخلها : جراثيم مين يا معفنة يا مدودة انتي .. ده انا شعري انضف من سريرك !!

نادين بشهقة : ايه الاسلوب البيئة ده .. انتي بتكلميني كده ليه ؟؟؟

ثم جذبتها من شعرها لتجذبها ريم هي الاخري من شعرها

نادين بصراخ : ااااااه يا حيوانة سيبي شعري

ريم بصراخ مماثل : لا مش سايباه و وريني هتعملي ايه

قبضة امسكت بيد ريم تجذبها عن شعر نادين و صوت عمر …

عمر بغضب : ايه اللي انتي بتهببيه ده سيبيها حالا !

ريم : لما تسيبني هيا الاول

عمر بصراخ : سيبيها يا نادين حالا

تركتا بعض ليصرخ عمر : اييييه احنا في سوق و لا ايه ؟؟ .. و انتي ازاي تتجرأي تمدي ايدك عليها يا حشرة انتي ؟

ريم بغضب : والله ما في حشرات غيركم يا عيلة منتنة

صفعها عمر بقسوة : احترمي نفسك و لمي لسانك

تجمعت دموعها و أبت السقوط بضعف

ريم بشراسة : انا محترمة منك ليها .. الدور و الباقي عليكم !

جذبها عمر من شعرها و خرج من الغرفة يجرها خلفه حتي وصل لغرفة فارغة في الطابق السفلي تحتوي كراكيب و فئران

القاها بعنف و صرخ : بقولك ايه .. انا مستحملك بالعافية و خلقي علي اخره .. احترمي نفسك و لمي لسانك بدل ما اقسم بالله هقصهولك .. و اتنيلي هنا لحد ما اشوف ههبب ايه معاكي

بكت ريم بشدة عندما اغلق الباب .. ظلت تنتحب بألم و حزن

ريم ببكاء : يا ربي انا عملت ايه في حياتي علشان يجرالي كل ده انا تعبت .. يارب اخرج من هنا بقي كفاية كده

احتضنت نفسها بألم و برد و جوع و افترشت الارض تبكي بوجع شديد

☆☆☆☆☆☆☆☆☆☆☆☆

اقتربت نادين من عمر تشكره بعد ما فعله مع ريم .. مررت يدها علي صدره بدلع

نادين بدلع : مش عارفة اشكرك ازاي يا عمر .. البنت الهمجية دي فاكره محدش هيقدر عليها و لا ايه

ازاح عمر يدها بغضب : نادين اتلمي و ابعدي ايدك عني احسن لك

نادين بتصمع للحزن : مالك يا عمر ده انا بحاول اشكرك

عمر ببرود : اشكريني بلسانك مش بايدك

ثم انصرف ناحية ام سعيد و صرخ بها : يا ام سعيد البت دي تسيبها مرمية في اوضة الكراكيب يومين كده لحد ما اروق و اشوف هعمل معاها ايه !

ام سعيد بطاعة : امرك يا عمر بيه

☆☆☆☆☆☆☆☆☆☆

صباح اليوم التالي فتحت ريم عيناها بألم تأن بوجع من نومتها غير الصحيح .. فركت رقبتها و قالت : منكم لله يا بعدا حسبي الله و نعم الوكيل .. عضمي لبش من نومة الارض يا متخلفين

ركضت للباب و ظلت تطرقه بغضب : افتحووو ام الباب ده .. افتحووولي .. افتحووو حااالا انتو فاكرين نفسكم مين علشان تحبسوني هنا !

ظلت تصرخ و تنادي دون مجيب .. جلست أرضا تضم ركبتيها الي صدرها

ريم بهمس : انا جعانة اوي .. هي الناس دي معندهاش لا دم و لا احساس .. هو انا مش من لحم و دم هعوز اكل برده

لمحت ريم شيئا يسير ببطئ من بعيد بين كومة من القمامة .. دققت النظر لتنتفض برعب

ريم بفزع : ينهار اسووود .. دا .. دا تعبان !

انتفضت برعب و ركضت ناحية الباب تصرخ بفزع : الحقوووني .. افتحو الباب في تعباااان .. الحقوووني .. تعباااان بجد في تعبااان

سمعت اصوات تقترب فصرخت بصوت اعلي

ريم : افتحووو الباب ده .. الحقوووني في تعبان في الاوضه حد يلحقني

نادين من خلف الباب : احسن خليه يلدغك و يخلصنا منك

ريم برعب : انتي مجنونة افتحي الباب ده بقووولك

نادين بسخرية : مش هفتحه .. ياكش التعبان يسممك و نخلص منك

رحلت نادين و ريم ظلت تبكي و تضرب الباب بعنف ليفتحو .. عندما يأست سقطت علي اعقابها تضم جسدها و قدميها بعنف لصدرها