رواية سر خلف النقاب الفصل العشرين 20 بقلم هدوء آل محمد

_في يوم ما سوف نلتقي

فانا اؤمن بأن الدنيا صغيرة

____________________________________

أنا واقف عند مفترق الطرق

أحمل معي خيارات لا حصر لها

أنا أبحث عن الطريق الصحيح

لكن كل الطرق تظهر أمامي متساوية

لكنني أخذت القرار أخيراً

بعد طول تفكير وتردد

أنا اخترت الطريق الذي يشير له قلبي

وأنا مستعد لمواجهة ما يأتي

أنا أخذت القرار وأنا واثق

من أنني اخترت الطريق الصحيح

أنا مستعد لمواجهة مصيري الذي اخترته بيدي

نزل يم باب بيتهم رفع رأسه للسماء اخذ نفس وزفرة رن الجرص

اكثر من مرة اجا صوت العمة ثريا

ثريا:-منو

جر حسرة وگال

نوفل:- انا عمه نوفل

فتحت الباب تباوع اله مستغربة دخوله عليهم بهل مغربية

وتكلمت بنبرة قلق

ثريا:- هلا يمه حياك الله تفضل

دخل وهو يفكر شلون وكيف يرتب الكلام حتى مايجرحها!!

دخل وكعد بالديوانية

نوفل:- تقى موجودة مو

ثريا:- اي يمه موجودة بس صاير شي وليدي؟

نهز رأسه

نوفل:- خير ان شاءالله عمي يحيى شوكت يجي

بين مانطق هل كلمة دخل يحيى من باب الخارجي وتقى دخلت من الباب الثاني مبتسمه

يحيى:- ياهلا والله هاي منو منورنا اليوم

گام نوفل وتسالموا عادي مدت ايدها تقى ببتسامة وهي لابسه فستان بسيط ومسوية شعرها ظفيرة صفح والمكياج وعطرها الي ياخذ قلب اي شخص الا نوفل

تقى:- شلونك

صافحها بس برؤس اصابيعه

وتكلم

نوفل:- عمي رايدك بموضوع ياريت انت وعمه ثريا تكونون موجودين

زادت ابتسامة تقى ضن منها انو راح يحدد موعد العرس

يحيى:- ي عمي استريح واحجي الي بخاطرك

گعد واخذ نفسك

نوفل:- مدري شلون ابديها بس انا مارح اطولها ياعمي انا من والدي خطب الي تقى كانت صدمة الي يي نعم صدمة طلبها بدون شوري ولا اذني امامكم احرجني او خل نگول اجبرني على تصرف ماكنت راضي عنه عمره الزواج والارتباط مانجح بالاجبار وعمرها المشاعر كانت تجي بالاجبار ياجماعة الخير شلون ابدي

دنگ راسه الاب ورجع باوع لنوفل

يحيى:- فهمتك ابني من زمان كنت حاس بس كلت مادخل يجوز يتصافون او يتفاهمون بس اظن ان مالكم نصيب ببعض

ثريا:- ليشش ييمه بنتي ومشاعرها مو لعبة بيدك ساعة تخطب ساعة تفصخ ليش هيج يمه ماتوقعتها منك ياصاحب الحق يالقانوني

تقى الي تبدلت ابتسامتها الى دموع تنزل بهدوء وتباوع بصدمة باوع الها بأسف وحزن ماكان يتمنى ان يكسر گلبها بس كتبت رب العالمين هاي ومكتوبة على البشر

من بين دموعها تقدمت ووگفت يمه صد بصفحة رفعت ايدها ودارت وجهوا وخلته مقابيل وجهها همست

تقى:- ليش نوفل ليش بشنو احسن مني هيه!! شو حتى شكلها مش

قطع كلامها وهو يسد حلگها بأيده مصدوم شمدريها!! منو گال الها

رفع نظرة الهم

نوفل:- طلب اخير ممكن اتكلم وياها بوحدنا

هز راسه الاب بقله حيلة واخذ زوجته وطلعوا

راح سد الباب ورجع يباوع الها العيون سال كحلها واحمر الشفاه الي تخربط شكلة من لزمت نوفل

بعلامات تساؤل

نوفل:- شلون عرفتي منو گال الج؟

من بين دموعها وشهكاتها ابتسمت

تقى:- هذا همك!! شلون دريت مع الاسف هذا ينبض بحبك من ساعة الشافك

نوفل:- تقى احنا كبار مو اطفال يرحم والديج لا تصعبيها عليه الزواج هذا كله غلط بغلط لج احس نفسي مقيد بقيود لج احسس حبل وملفوف على ركبتي حسي بيه تقى انت تستاهلين واحد يحبج ويقدرج انا ما استاهلج

هو يحجي وهي دموعها تهل كسرة وخذلان لاتوصفه كلمات

بايد مرتجفة سحبت الحلقة من ايدها وفتحت ايدة وخلتها بيها

تقى:- انطقها وحرر نفسك من قيودي فك الحبل عن رگبتك انطقها بس راح تندم على خسارتك الي نوفل انا انخسر مااخسر واذكرك بكلامي

باوع الها بلع ريگه

نوفل:- تقى انت طالق!!!

اغمضت عينها تحاول تلملم بقايا كرامتها وهمست

تقى:- ارتاحيت ان شاء الله ونفكت القيود

باوع الها نظرة اخيرة مليئة بالاعتذار

وطلع وانتهت شهور من المجازفة وارضاء جميع الاطراف على حساب نفسه طلع سحب نفس رغم القهر على حال تقى الي يكسر الكلب هي هم كانت ضحية غلطة

ركب السيارة وساقها وهو فاتح الشبابيك ووقت غروب

بقى يمشي والهوى يلفح وجهى يحس بشي بداخلة مرتاح حتى ولو قهرها هسه احسن مايظلمها بزواج مابي اي مشاعر

وكف امام الشط وفتح الباب وظل گاعد داخل السارة بس نزل رجلي اجت عينه على الحلقة

قلب كف يدة حتى يسحبها ايدة مصبوغة باحمر الشفاة

جر حسرة

نوفل:-تنسين تنسين ياتقى من يجيج الشخص الصح

مسح ايدة ونزع الحلقة مالته وطلع حلقتها من جيبه

نوفل:- مستحيل ابيعهن واخلي شخص يلبسهن لايروح ينفگر وتتصخم عيشته

گال هيج وشمرها بالشط وراقبها الى ان وگعن

ابتسم بأمل

نوفل:-انتهت خلاص ربي يسعدها وي غيري

رجع ركب السيارة ورجع للبيت وهو مرتاح ضميرة لان سوى الشي الصح دخل للبيت شاف ابو گاعد بالهول الي اول ماشافة وگام تقدم بحركة سريعة ضرب نوفل كف

باوع نوفل لوالدة بصدمة

ابو نوفل:- سويتها يالنذذذل

تكلم بصدمة وهو لازم خدة

نوفل:- تمد ايدك عليه يابه بعد كل هل عمر!!

ابو نوفل:- اي امدهااا واطيح حظك همم لك حيوووان البنية شالوها للمستشفى بسببك شنو من گلب عندك بس فهمني طاير ورى وحدة متزوجة لك انت متخاف الله هم الك عين توگف على السجادة

نوفل:- لتلومني يابا لتلومنييي انت الي غلطت مو انا

ابو نوفل:- عبالي ادمي بس طلعت حيوان

هز راسه بقهر وحزن

نوفل:- مقبولة منك يابه مقبولة بعد هل عمر هذا تمد ايدك وتهيني وانت حتى بشبابي ماسويتها

حجى هل كلمات ودخل لغرفته هطر الباب وراه ومايسمع بس صوت التكسير والصرااااخ

نوفل:-ياااااااااالله دخيييييلك يااااالله اخذذذذذ روووحيي وخلصنييي ولللللللك هماااااام وينك ووووينك عنييي تعال محدد يفهمني غيرررك كلههم صح وانااا غلط كلههم ملائكة واناااااا حييييوان

استمر بالصراخ والتكسير الى ان صوته راح

ابو نوفل گعد يم الباب يبچي على حال ابنه حس انه قسى عليه هل فترة وتندم لان ضربة بس بعد شيفيد الندم لاالي انكسر يتصلح ولا الي نهدم يرجع ينبني …

.

..

..

الأيام تمضي كالرياح السريعة

تأخذ معها لحظات حزينة او سعيدة

تأتي وتذهب، ولا تنتظر أحداً

تأخذ معها ذكرياتنا وآلامنا تمر كالنهر الجاري

تأخذ معها كل شيء، ولا تترك شيئاً

تأتي الأيام وتذهب، ولا تنتظر أحداً

اتعلمون اننا نقف على ضفاف الزمن

نشاهد الأيام تمضي، ولا نستطيع إيقافها

تأتي وتذهب، ولا تنتظر أحداً

تأخذ معها احزان دموع الم وكسرات .

واگفة على المراية وايدي على بطني مبتسمة اي مرت الشهور

مثل لمح البصر وهاي انا دخلت بنهاية شهري

باسمة ساكته كافيه خيرها وشرها عني بس ياترى شنو الي دا تخطط اله ثبتت شالي بدنبوس وطلعت وانا افكر بس رب العالمين راد يخليني اتلاحگ نفسي

سمعت بسبسه جاية من غرفة باسمة مادري ليش گلبي لعب تقربت اسمع وجمدت اطرافي من اسمعها تحجي اله

باسمة:- شوف محمود تمشي على اتفاقنا مو هسه جاي تكلي اخاف وبطلت اشهرك شهيرة فتهمت لو لا

تكلم بنبرة خوف

محمود:- ولج شلون نقتل روح ادري شسايفتني مجرم

باسمة:-كلشي مدبر اول ما يجيها الطلق ماناخذها للمستشفى ادز على وحدة من غير ديرة هي تولدها لان هاي الي هنا بديرتنا تستحرم عشتوو وانت ورى ماتولد راح تضرب الطفل ابرة ويسلمها بساعتها وهيج انتهينا انت تاخذ الطفل وتدفنه بحجة اخذته للمستشفى وكالولك ميت من الولدة وهيج خلصنا من الي راح ياخذ ربع الورثة انت ماسمعت هل شويب شيحجي

محمود:- زين بس ترا اذا نكشفنا اجرج وياي مو تكولين ماكال

نترت بي

باسمة:- خوش خوش انا مخططة كلشي بس لاتخاف

من وسط رجفتي وجسمي الي يختض مثل السعفة رجعت للغرفة اركض گعدت ارجف وبجي والطم على رجلي وانا اگول ليش ساكته كل هل مدة طلعت ناوية الها على نية بعد عيني ياربي دخيلك

ارجف وبجي واتشكر من الله لان ماخلاني على عماي وسمعت كلشي مسحت دموعي مثل لخبلة مستحيل ادل هنا يي مسحتيل لازم انهزم حاولت ابين ان انا على طبيعتي

الجو بارد ثلج والخوف ثنينها يدگن بالعظم حسبي الله ونعم الوكيل بكل ظالم

طلعت وانا دايسه على نفسي كلبي يرجف مثل سعفة اريد بس يمر اليوم صرت ادعي مايجيني الطلق بعد ماكنت اتمنى اولد كملت الشغل والعشى وانا متزوهرة تدمرت بهل ساعات اشتغل مثل لخبلة اريد بس يمر الوقت

اجت باسمة وكفت يمي

باسمة:- شو اليوم نشيطة

جفلت ورديت ببتسامة وتعب

_ اريد اتعب نفسي بلكي اولد وارتاح

بتسمت وراحت حسبي الله ونعم الوكيل بيها فوك ما رب العالمين شووهها وماتابت شيسوي بيج الله بعد كملت على السريع وسحبت نسخة من المفاتيح الخارجية وضميتها بعد ماشفتهم كلمن دخل غرفته وهي من وكع مشعان اخذته يمها بغرفتها خفتاً وراحة

دخلت الغرفتي وقفلت لباب طلعت جنطة صغيرة مالت ظهر كنت ظامتها ذكرى من ايام المدرسة ماكنت متوقعة استخدمها فد يوم

لميت بيها كم قطعة الي وكم قطعة للي ببطني وحتى الذهب الي مشعان اخذة وخلا بالخزنة اخذته خفت احتاج وانا ماعندي

والصور كلهن وسديت الجنطة وجسمي كلة يرجف على ساعة اوگع

وتجيني النوبة للحتياط بلعت حبوب وطفيت الضوء وظليت گاعدة بگاعي وعيني مفتحتها خايفة لا تسهى عيوني

صارت الساعة 4 الفجر وبدئ صوت المطر يتناثر على الشباك وصوت الكراكيع رجف حيلي من البرد ترددت اطلع بس خفت على ياساعة اولد ويروح الي ببطني بس بقيت مصرة لازم اطلع وألا راح يكون مصير الي ببطني مثل مصير الي قبلة؟! وهو القتل!!

لبست عباتي واني ارجف ولبست النقاب حتى اخفي الخراب الي بشكلي بس ياترى الخراب الي بداخلي منو راح يخفي طلعت اتخفى حتى لايشوفوني وماخليت لاأمام ولانبي ماستنجدت بي بس حتى تمر سلامات دخلت المطبخ امشي على رؤس اصابيعي

وسمعت صوت باب غرفت باسمة نفتح ركضت ختلت بين الثلاجة والحايط واردد اللهم لاسهل الا ماجعلته سهلاً وانت تجعل الحزن اذا شئت سهلاً بقيت واگفة الى ان نفتح الباب مرة ثانية ورجع نسد

طمئنيت اخذت نفس

طلعت المفتاح الي مخليته بجواريبي وفتحت الباب على كيفي وطلعت ورجعت سديت الباب بهدوء وقفلته وخليت المفتاح بي حتى يصعب عليهم فتحه اذا لاحظوا اختفائي طلعت للشارع ركض واتلفت خايفة لااحد يشوفني ركضت تقريباً ربع ساعة حسيت الم قوي اسفل بطني مو وقتك والله موقتك

استمريت بالركض رغم الوجع الى ان وصلت للشارع اريد بس سيارة تعبر ماكو رجعت اركض حسيت نفسي تنگعت ماي والألم يزيد ماينقص وگفت بعد مابي حيل اخطي ولا خطوة احس الطفل راح يطيح متمسكة ببطني وارجف وابجي برد وخوف وماي المطر وماي الطفل غرگت ملابس ولزگت عليه رفعت راسي للسماء ظلمة مثل الظلام الي بداخلي دموعي ويه المطر تجري اشكي لربي وابچي

_ ياررب اسألك بحق محمد وآل محمد مظلومة وجارت علي الدنيا

يارب عيني وخلصني من الي اني بي ام ونحرمت من ضناها لاتكسرني ياجابر المنكسرين واحفظ لي طفلي يارب سخر لي

عبادك الصالحين سمعت صوت مشي حاولت اوگف واغير مكاني بس للأسف ماگدرت الألم فظيع گلت هاي هي نكشفت وراح ارجع راح يذبحوني

صرخ بيه

مهيمن:- اوگفي مكانج

نداريت اله مصدومة وكاني شفت كل اهلي

حجيت بالم وكلمات متقطعة وهو يمشي باتجاهي بسرعة

_ م م مهيمن الحـ الحكلي خويه

لزمني من كتفي يتلفت والمطر مغركنا

وهو يحجي

مهيمن:-ولج خوية شجابج هنا شطلعج ليش شاردة

صرت ابجي وارجف وجع وخوف

_راح يكتلون الي ببطني الله يخليك ظمني بعيد بعيدد حيل بعييد

مهيمن:- ولج خوية بس عينيني امشي يالله يم الجامع سيارتي شلون شفتج تركضين لج يشهد ربي عليه احد بالحلم گلي كوم گوم صلي بالجامع طلعت تحت معارضات حنين طلعت بعد ماكملت الصلاة حتى ارجع للبيت شفت مرة تركض رجلية وحدهن لحكتج ماكنت ادري رب العالمين دازني الج

ثنينا مصدومين رفعت راسي للسماء ودموعي تجري

_شكراً يارب ماخاب ظني بيك وماخاب من توكل عليك

ركبني بالسيارة ارجف والوجع مسيطر عليه رغم كل هذا خايفة

_ الله يخليك طلعني منا وديني بعييد لان اول مكان يدوروني بي يمكم

هز راسه يايدني

مهيمن:- وهو هيج راح اخذج لقرية ** يم خالتي

هزيت راسي متالمة استحي اصرخ بوصط خجلي نطقت

_بس ستعجل مابية حيل

هز راسة وداس حيل گلت هسه تنكلب بينا لان المطر فضيع كلش

الوجع كلنازالة يزيد وانا كاتمة وجعي بالنقاب واعض بي

الطريق نص ساعة هو خلصة بربع ساعة

طلع جهازة الي يرن

مهيمن:-هاي حنين شكول الها

_اييي شيي دخيللك راححح اموووت

رد

مهيمن:- حنين بعدين اخابرج… يي بخير بس واحد من الولد خابرني ابوه متخربط وطلعت الهم… يي نامي وقفلي البوب اتاخر انا

سد الجهاز واتصل بمادري منو بس اتوضح الي بعدين انو هاي خالته

مهيمن:-الووو.. خاله ماكو شي بس سمعيني… ولج والله ماكو شي بسس سمعيني الله اكبر.. راح اجيج عندي امانة اريد اخليها يمج بنية… يبوووي يازواج بس اجي افهمج وها تراه البنية على وشك تولد دبرييها قبل لا أوصل…. لج خاله بس استهدي بالله نفضحناا والله… هههههه ديالله جاي هاي وصلت طلعيلي

صدك سد الجهاز مشى دقاىق ووكف السيارة يم بيت دك هورن والمطر ما توقف عبالك السماء حزينة على حالي نفتح الباب كله ودخل السيارة جوى

ونزل يحجي وي المرأة والولد شوي واجتي فتحت الباب ناكعة بالمي وارجف برد حجيت وانا اشهگ

_ خالة دفيني دفيني الله عليج

شهكت على حالي وسالت دموعها

حسنية:- يايمه البنية رايحة وييينكم ياببنااااات

اجتي بنات ثينين بالگوة سندوني وانا عيني حيلي رايح بس رفعتني من السيارة حتى اوگف اتل توازني وخرطت بين ايديهم رغم اسمعهم بس ما اگدر اسيطر على حركة جسمي

شالوني شيل هي والبنات ودخلوني جوى لوحدة من الغرف

وانا مثل الركعة بيدهم

حسنية:- ولكم وين صااار مهيمن وعييد

دلال:- راحو يجيبون الجدة

حسنية:- ركضي جيبيلي عطر شي اشممها بلكي تفتح… وانت دنيا وجيبيلي ملابس خل ابدل الها

يحجون بس لاكدر افتح ولا انطق شوي وحسيت بشي صار على خشمي فتحت عيني وسط الالم الي محاوطني ومثل الطلقة نضربت بوسط ظهري صرخت من وجعي

_وووووينك همااااااااام

على اثر صرختي سمعت صوت صرخة طفل رجت ارجاء المكان

والالم يزيد ماينقص!!!!

.

.

.

كاعد يم امة الي تبجي وتلوب على اثر الحلم نفسة

تضرب على رجلها وتبجي وروحها مفرفحة ومختنگة

ام سطام:- ولك يمه سطام روحي لايبه اخيتك يمه اخيتك

وهو يلزم بايدها يحاول يهديها

سطام:- يمه لخاطر الله شبيج بس اهدي

ام سطام:- شيهديني ييمه شيهديني احس روحي جاي تطلع ييمه

فتح القرآن بالموبايل ودموعة تنزل على حال امة

وحاله الي ماخلا ديرة مادور بيها وماكو كلشي شيسوي شبيدة يسوي ومساواه

فتح القرأن وسحب راس امه خلاها على صدرة يمسح علي بهدوء

وخطرت بباله فكرة يگول لنوفل بلكي يكدر يدور وياه

ظل يمسح على راس امه ويردد وي القارئ الى ان رجعت نامت

سحب الصورة الي كانت بيد امة

وحجة بغصة

سطام:-ويين انت وين هسه ليش هسه ليش ياربي

سند راسه على تاج الجرباية الى ان سمع اذان الفجر والمطر يزخ بطريقة مرعبة تحرك من الجرباية وفزت امة

ام سطام:- ها يمه

مسح على راسها بحنان

سطام:- هنا يمه اكوم اصلي تصلين؟

هزت راسها بتعب سندها وكام اخذها للحمام توضت ورجعها سحب الها الكرسي حتى تصلي علي

بعدت الكرسي بايدها الي ترجف

ام سطام:- لايمه ماريد الكرسي اليوم اريد اتوجه لربي بيه مابيه مطر والدنيا فجر وايام مباركة اريد اتوجه الربي بلكي يرد لي بنيتي مثل مارد النبي موسى لامه

وكفت ونزلت ردانها رفعت ايدها الي ترجف وبدت تصلي وشهكاتها تنسمع ودموع سطام الي تنزل بهدوء على حال امة وحاسس حالة مربط

طلع توضى واجى وگف يمها يصلي على صوت شهكاتها الي يطلع حتى صوت السور الي تقراهن لا ارداياً دموعه تنزل

كملت صلاتها وشهكت شهگة من نص گلبها

ام سطام:- اللهم راد الضالة وهادي الضلالة أنت تهدي من الضلالة اردد علي ضالتي بعزتك وسلطانك. اللهم يامن رددت موسى لأمه ، ورددت يوسف لأبيه ، وأخرجت يونس من بطن الحوت وأنقذت نبينا وحبيبك محمد ﷺ بغشاء العنكبوت رد بنتي الي وقر عيني وراها اخذ امانتك الهي لاتاخذ امانتك قبل لا تفرحني بشوفتها لاتخليني اموت بحسرتها اللهي ياكريم احفظها بعينك التي لا تنام ياااااالله

ويه صرختها صوت البرق اشتد وزخات المطر زادت ابتسمت وسجدت سجدة طويلة حست ان رب العالمين نطاها اشارة بالاجابة

سطام يباوع الها مايدري شيسوي رفعت راسها الا بنها الي يصير مثل الطفل ساعة الي يشوف امة متضايقة خصوصاً بعد ماخسر ابو وبقت اله بس هي

تقرب وباس راسها ولزمه بثنين ايدي

سطام:- وحگ من خلق الكون بسبع ايام الا اردها الج لو كلفني هذا الشي حياتي

طبطبت على ايده وباستها سحبت السبحة وصارت تسبح بيها وتردد الصلاة على محمد و ال محمد تمدد وخلا راسه بحضنها بدت تلعب بشعرة بحنية الى ان غفى

كاعد على مكتبة وعيونه براسه من گمية الضغط والشغل نفتح الباب ودخل نوفل الوجه اصفر وتحت العيون سواد رفع رأسه وباوع اله

زكي:- يمصخم هاي شصاير بيك بااع وجهه چنك وحدة مطلگة والله

باوعلة بطرف عينه وهو يصب من قوري الجاي

نوفل:- هو انا هم مطلك يالله

رفع اله تك حاجب

نوفل:- والله العظيم شبيك

ضحك وماكدر يلزم السانة

زكي:-هاي شلون طلعت من شور البابا

ضرب بباكيت الكلينس

نوفل:-لاتصير حيوان

غص بضحكته

زكي:-اويلي عليك هسه صرت مطلق

راد يكوم يطلع بس ركض زكي وهو يضحك

زكي:-شبييك ولك چنك بومة

نوفل:- مو انا روحي بخشمي وانت گاعد تتقشمر

عدل شواربة وهو يحاول يخفي ضحكته

زكي:- احم اسمع شرايك تجي وياي انا بس اليوم عندي دوام وراها انزل اجازة ب11اطلع

زكي:- لل*** شبيك؟

نوفل:-لازحمة ولك اثكل على اهلك

زكي:- بس نچب واكعد هنا خل اكمل هاي لي بيدي ونتوكل

رجع للمكتب يكتب بالاوراق

تكلم بحزن

نوفل:- تلاغينا انا وابوي ومد ايدة عليه

رفع عينه بصدمة

زكي:-ضربك!!!

هز راسه بفشلة وصار وجهه احمر

نوفل:-ييي اول مرة يسويها

دنك يكتب

زكي:- يالله تكبر وتنسى

نوفل:-زكيي بشررفك لاتحشش

رمش وباوعله

زكي:- شوكت محشش شبيك كتلك تكبر وتنسى شگول لعد تعيش وتاكل غيرها؟!

نوفل:- انا حيوان واجيت يمك

زكي:-رحم الله من عرف قدر نفسه

نوفل:- اللهم صبرج ياروح

بقو يداهرون الى ان كمل زكي شغلى وطلعوا بسيارة زكي

زكي:-بلغت ابوك

نوفل:- لاهسه اكتب اله رسالة

زكي:-لا نوفل عيب اتصل بي شما صار يظل ابوك وغصب ما عليك تحترمة

هز راسه واتصل ثاني رنة رد

نوفل:- احم ها يابا

نوفل:- انا طالع وي زكي لل** كم يوم وارجع حبيبت ابلغك

جر حسرة

ابو نوفل:- زين الله يسهل الك

نوفل:-الله يسلمك يالله في امان الله

ابو نوفل:-لحضة نوفل

صارت الغصة بصوته

نوفل:- ها يابا

رد بحنيه

ابو نوفل:- من توصل خابرني وطمني وليدي

بلع ريگه وحاول يخفي الغصة

نوفل:- ان شاء الله يالله في امان الله

ابو نوفل:- الله يحفظك

سد الجاهز وندار على الجامة يمسح بعيونه

سكت زكي وهو مقهور على حاله بقى هيج فترة وكتب رسالة الامة ان ويا خطار وهو م نالصبح يدري غداهم اليوم شنو

باوع لنوفل الي هموم الدنيا على ظهرة حاول يغير الموضوع

زكي:- اليوم الوالدة شلون طابخة بامية ووياها تمن عنبر الله لا اخلي سكرك يفول

باوع اله ببتسامة تعب

نوفل:-مو خوش سالفة هاي

طبطب على كتفه

زكي:- هونها ياخوي هونها وهي تهون

هز راسه

نوفل:-ونعم بالله

بعد مدة سفطت السيارة يم البيت الكبير وطلعو الشيخ عگاب وابو زكريا لازم ايد وطن وزكريا وسطام الي من سمع جاب امه وجا نزل من السيارة واستقبلوا استقبال شيوخ يرفع الراس وسلام حار

دخلوا للديوانية كانت الساعة ب2 الظهر

ببتسامة وهيبة يحرك سبحته بيدة

الشيخ عگاب:- يي ولدي شلونك شلون الولد چان جبته نتعرف علي

هس زكي وهو مدنگ

زكي:-وين يچيبه اذا هو شارد منه

غص سطام الي چان يشرب ماي

ابو زكريا:- الله الله شجاك بوية تضحك وي حالك مخبل خو ما مخبل

زكي وزكريا مدنگين كاتمين ضحكتهم ونوفل كاتم ابتسامته وكع بيها سطام

ببتسامة

الشيخ عگاب:- ماضحك الحالة بس زكي مادري شدردم وضحكة

زكريا:- انا اگوم اشوف الغدا

زكي:- معدل وشيخ ديوان بعد روحي

زكريا:- شلون لعد تريد اعلمك

زكي:- شلون يريدني اگوم اعلم على ظهرة بهل نطاق

زكريا:- اخوك الجبير ترا!

وكي:- هي فرق 11 شهر مابيهن سنة شخبصتنا

الشيخ عكاب:-لا تتذابحون ويالله گوم وي اخوك جيب الغدا

زكي:- والله ماگوم عود خلي سطام يكوم شمعنا انا؟ اريد اواسي بمصيبته

الشيخ عگاب:- ياستار ياربي مصيبة ايش

سطام:- لاااا شجاك ولك

غمز اله

زكي:- شبيك خفت

نوفل:- والله نصيب بعد دام احنا بعدنا بالبداية كلمن يروح بطريقة

الشيخ عگاب:- الله يعوضكم خيرر زين سويت يابه

من بعد مانمدت سفرة تفتح الوجة وتكرم الظيف كملوا كلهم وراها كاموا الشباب للحديقة وعمروا اراگيل وچاي على الفحم شمس الشتاء طيبة وتدفي والگاع رطبة بعد مازخت مطر والشجر مغسولات الريحة والگعدة ترد الروع

سحب نفس من الارگيلة ونفخها بالهوى

زكي:- سطام شبيك شو مو على بعضك

توجهت الانظار على سطام الي جر حسرة وگال

سطام:- امي ياشباب والحلم الي يتكرر راح تموت وتموتني من وراه

نوفل:- ادري انت دورت عنها شبيدك بعد

سطام:- راح ارجع ادور من جديد واريدكم وياي

نوفل:- عد عيناك بس شلون

مد ايدة بجيبة وطلع صورة

سطام:- من سمعت بيك راح تجي اخذت الصورة من اغراض امي هاي صورتها!!!

مد الصورة لنوفل الي كان مرتاچ على الكرسي ويسحب نفس ارگيلة سحب الصورة وگعت بالگاع

دنگ ورجع شالها مسحها بهدومة وگلبها بباوع الها ورجفت ايدة يمسح بالصورة عبالة طين من الگاع بس ماتنمسح اتسعت عيونة بصدمة الوحمة العيون نفسهن رجفن شفافة نطق بذهول

نوفل:- تسسسسنيم!!!!