رواية سر خلف النقاب الفصل السابع عشر 17 بقلم هدوء آل محمد

كل ألخسارات ربَح عندما تكوَن إنت على حق

دخل للمركز وراهم ونصدم بشوفة شخص كان مستحيل يتخيل بيوم يشوفة باوع على الاسم النقيب زكي نفس الشكل نفس الهيئة مستحيل يكون شبيه

نوفل:- زكي ؟؟؟؟

واكف خلف المكتب بهيبه وزية العسكري بباوع حرك ايدة ببتسامة ييريد يتذكر

گام من مكتبة فاتح ايدي واحد حضن الثاني

زكي:- لك ييابه شصايرر بيك مشيب

ابتسم نوفل وحرك شعرة

نوفل:- غير القهر كبرنا

زكي:- اهوووو اكعد اكعد خل افهم سالفتك شنهي بويه وين غطيت لاحس ولا خبر شدعوى

گعد على الكرسي ومبتسم بفرحة

نوفل:- بالله العظيم مشتاقلك

زكي:- مو بگدي والله بس الدنيا لهتنا تذكر ايام الاعدادية ايباااه

نوفل:- هههههه ولك هي بس الاعدادية لمتنا احنا ولولد

زكي:- يي والله بس اتفاركنا من نتقلنا لغير ديرة الا همام ابو سبيحة شخباره

تلاشت ابتسامة وتكلم باسف

نوفل:-نتقل الى رحمه الله

تسعت عينه بصدمة وضرب على الميز بقهر

زكي:- لاااااا يربك شموته

زكي:-شنووو شجا تسودن ابو سبيحة محد كان مهري درب الجامع غيرة

جر حسرة

نوفل:- سالفة طويله انا احجيها الك بس هسه كلي شجابك هنا؟ انت

زكي:- دوامي هنا

نفتح الباب ودخل الشرطي

الشرطي:- سيدي اكو شباب متعاركين جابوهم شسوي بيهم؟؟

زكي:- شتسوي بعد شوي ودخلهم

نوفل:- واحد من الولد اخو همام والثاني صديقة

ندار زكي على نوفل

زكي:- شساميهم؟

نوفل:-خالد وسراج

زكي:- عايلين لو على حك

نوفل:- وحق من اسمه الحق على حق

اشر للشرطي

زكي:- جيبهم الي

ستاذن وطلع وسد الباب

زكي:- خير شسالفتهم

نوفل:- شافو مجموعة شباب ندگوا ببنية ونطوهم المقسوم

هز ايدة باسف

نوفل:- بعدك انت انت ماتغيرت

طكطگ اصابيعة ببتسامة

زكي:- لعد شلون انا زكي على سن ورمح

نوفل:- قصدك ام زكي على سن ورمح

طگها ضحكة

زكي:- طارت الهيبة والله

نفتح لباب ودخلو خالد وسراج

نوفل:- ها شلونه السجن؟

خالد:- هو احنا مالحكنا نتعرف على الشباب اجيتنا طاير انطي مجال خل نشوف دربنا

قلص عيونة كاتم ابتسامته وباوع على الي قميصة ممزق

زكي:- انت اخو همام

رفع راسه سراج الي كان صافن ومن سمع طاري همام فز

سراج:- يي بس شمعرفك بي؟

زكي:- اخو دنيا صديق الشباب رحمة الله على ترابه

شهگ و صفگ ايد بايد

خالد:- طلعت عندك واسطة راح انعلس وحدي والله لو يجي جدك مافزعلك بعد

باوع اله

سراج:- ممكن تنجب شوي

ابتسم وباوع لنوفل

زكي:- يذكروني بيك انت وهمام

هز راسه ببتسامة حزينه

نوفل:- الله يرحمه

زكي:- احجولي شسالفتكم

خالد:- انا اكلك

سد حلكة بايدة

سراج:- اسكت ونجب

هز راسه وخر ايدة وتكلم سراج

سراج:- سالفة وصارت سيدي شله مالت عفطية تعرضوا لبنت تخصني

عقد حاجبة وطقطق بالقلم على المكتب

زكي:- امممم بنت تخصك گتلي

سراج:- بنت عمي سيدي

هز راسه

زكي:- كمل

سراج:- اكلوا المقسوم وهاي هيه

باوع اله بفخر

زكي:- سبع والله

رفع ايدة بستسلام

زكي:- ماحجيت شي..ياشرطي

نفتح الباب ودخل الشرطي مرة ثانية

الشرطي:- احترامي سيدي

هز راسه وتكلم بجدية

زكي:- تتصل الي باولياء امور الولد الي سوو المشكلة خل يجون يشوفون اولادهم الي مسربتيهم بس يخلفون ويشمرون لايفكرون بتربية ولايفكرون بدين

الشرطي:- حاضر اوامر ثانية

نوفل:- وهسه شنو

زكي:-ماكو اي شي لا على سراج ولا على خالد

صرخ خالد

خالد:-ظهر الحق وزهق الباطل عاش الجيش العراقي

نوفل:- دنجب بلا لواكة

خالد:- عمي خلصت منا امي بالبيت شيخلصني منها هسه الكاها شايلة سلاحها ومنتضرتني

صرخ

زكي:- سلاااح!!!

فز وتكلم على السريع

خالد:- والله العظيم اقصد النعال اجلكم الله

هز ايدة

زكي:- توكل ابني توكل لو تريد تبات هنا تتعرف على اصدقاء جدد ؟

خالد:- لابويه شبيه مخبل يالله في امان الله

اشر على عقلة مبتسم

زكي:- هذا سويچ يمكن

سراج:- لا والله سيدي بس خفيف زايد عن اللزوم

زكي:- خليلة نشأ وشوي على الطباخ وهو يثخن

نوفل:- طباخ محترف

زكي:-عزوبي ياهو الي يطبخلي

نوفل:- هاي بعدك امر من حضي

زكي:- بعدني مالكيت فاعصة احلامي انت ليش تجذب مو هاي لحلقة بيديك

نوفل:-خليها سكته بعد اخوك

حس على نفسه

سراج:- انا اترخص

سراج:-لا هسه اشوف الي تكسي منا

توجه للباب

نوفل:- لحضه يمعود شايل فلوس لا

سراج:- يي هيانة عندي

نوفل:- من توصل رمشلي

سراج:- اصلا موبايلي صار ثريد عود اتصل بيك من جهاز البيت

نوفل:- عفيه توكل

طلع وسد الباب اما في المكتب

زكي:- شبيك مغصوب كل هل طول والعرض يغصبوك على مرة

نوفل:- شفت هل گدامك يرعد رعد بالمحاكم حگة ضايع

باوع للساعة

زكي:- انتهى دوامي گوم وياي نشوف النا مطعم نتغدا بي

نوفل:- خوش بس على حسابي

زكي:- طبك مرض بس امشي سطرني الجوع

طلعو ثنينهم بسيارة نوفل وراحوا على واحد من المطاعم الي قريبة زكي كبل صاح على المنيو

زكي:- بشرفك نزلي باچة

نوفل:- هسه وگت باچة؟؟

زكي:- يمعود انت نكروزي انا ب2 باليل اطلع اكل سمج مرات باجة

نوفل:- حتى السكر ينتحر

بصدمة

زكي:- بيك سكر؟؟

جر حسرة

نوفل:- من يوم ما توسد الغالي بين التربان

زكي:- الله يرحمه خل ناكل هسه وراها اريدك تسولفلي بس طمني جايب ابرة وياك

ضحك

نوفل:- موجودة بالسيارة

زكي:- لعد دوسلها بالخمسة واذا رتفع وفطست مو مشكلة نخلص منك ومن مصايبك

نوفل:- لا ياادبسسز

ضحك ونزلو الهم الباچة وبدو ياكلون نوفل خاف ماكل هواي اما زكي نزل الها بالخمس اصابع من كملوا اكل طلبوا چاي

يخوط بالستكان والجكارة بحلكة ويباوع لنوفل

زكي:- يي سولف لي هسه اكدر افكر وافتهم

نوفل:- شسولف ابو كرش

زكي:- مو على اساس چنت تحب وحدة الي لحد الان ماحد عرف عنها شي

جر حسرة

نوفل:- تزوجت

زكي:- لا يااااا فكر

نوفل:- يي والله فكر انا طيرتها من ايدي

زكي:- لعد نجب ولاتفكر بيها حرام عليك

تحسر وتكلم بحزن

نوفل:- لك ماكدر والله ماكدر

زكي:- يضرب الحب شو بيزل لهل درجة واصل

نوفل:- واكثر يابعد اخوك واكثر… وانت ليش ماتزوجت

زكي:-لاتذكرني ولي يرحم والديك امي وابوي وجدي لازگيلي اله تاخذ من عشيرتنا يابا شجلبتوا ماريد وحدة طويلة وبنات عشيرتنا انت لو شايفهم والله العظيم وحدتهن من طول عبالك بيها كساح

يحجي ونوفل صافن بعيونه

زكي:- شبيك صفنت مثل لمطي

نوفل:- عيونك تشبه عيونها

كام وفز

زكي:- وجع من الله يي والله تسودن الوليد

ضحك نوفل وغص بضحكته

نوفل:- خرب ببليسك ضحكتني وانا حيلي خلصان

زكي:- دنجب نجب بالله

نوفل:- بس صدگ والله عيونك تشبه عيونها

زكي:- استغفرالله يربي هاي شجاك ليوم عمي وين ابوك خل يزوجك لاتصخم وجهنا

رن موبايل زكي

زكي:- عركة جديدة بسم الله… الو

ام زكريا:- وينك اتصل وماترد

زكي:-گاعد وي ربعي

ام زكريا:- هم اكو نسوان

زكي:- استغفرالله يربي شجاج يمه

ام زكريا:- يي تسويها مو بعيدة تربات ابوك

زكي:- خلف الله عليج امريني شرايدة

ام زكريا:-راح اروح اخطبلك

نط وعيونه صارن براسه ولاعبالك هل قبل شوي يضحك

زكي:-وحگ هو الله يايمه اذا سويتيها لا انا ابنكم ولا انتوا اهلي

ام زكريا:- تتبرا من عدنا

حجاها وباوع لنوفل

زكي:- ييي انا مو مطي ولا مرة حتى تجبروني على الزواج اشهركم والله

اشر نوفل على راسه وهو مبتسم يدري بصديقة لسانة فالت

ام زكريا:- لعد گول هل حچي لجدك وابوك انا طلعوني منها

زكي:-ادري مو هذاك سطام زوجو شجلبتولي لخاطر الكعبة

ام زكريا:- والله بعد ماعليه ولا ادخل طبك مرض ضل حاير بروحك ياهو تغسلك هدومك

زكي:- اشتري غسالة ب250الف تشتغل وهي ساكتة ولا اجيبلي مرة ب20مليون تضل تنگ تطلعني من ديني

ام زكريا:- طبك جحش

حجت هيج وسدته بوجها ندار على نوفل الي صاير احمر من الضحك

زكي:- اضحك يالمجبور

نوفل:- لسان لو برنو شتعلوا اهلك

زكي:- اشعلهم بعد وبعد يستاهلون

نوفل:- سطام شبي؟

زكي:- گابلنا وگعد وامه مو من النسوان الي مشرانيات وهم نكسرت كسرة عمرها بيوم الي راحت بنتها

نوفل:- يابنيه ولك

زكي:- شبيك هاي البنية الي نفقدت بعمر ال4 سنين

نوفل:-اوووو تذكرت لهسه تحوم عليها

زكي:- اسكت وربي قبل اشهر سوت بينا سواية كعدت تلطم وتبجي تكول بنيتي بيها شي اجاني طيف بالحلم بنتي بيها شي

نوفل:- لاحول ولاقوة الا بالله

زكي:- يمعود صارت رماد خصوصا بعد تاكدنا من وافاتها وملابسها لاكينها بيها دم

نوفل:- هم بيت عمك من زمان ساكنين بل(##) حتى من كنا كلنا ساكنين بمحافظة وحدة مامرة شفتهم

زكي:- لان ذيج الفترة كانت مشاكل بينه وبين ابوي وجدي بعدين نحلت عساها لانحلت

نوفل:- الله يعينكم الضنا غالي

زكي:- يي والله هاي لو بنتي كان متت وراها لك تخبل صورها الله يرحمها

نوفل:- تهون ان شاءالله الله يرحمها

رن جهاز نوفل شاف الاسم وغمض بنفاذ صبر رد

نوفل:- ها تقى

تقى:- هلا شلونك

نوفل:- ماشي الحال محتاجة شي لان هسه عندي شغل

تقى:- لا بس ردت اسألك على سراج هو وصاحبة شصار وياهم

عقد حاجبة بستغراب

نوفل:- وانت شمدريج

تقى:- تقوى ماكملت لدوام اخذت اجازة ولان خالة المعاونة طلعتها

نوفل:- ها مو اگول.. سراج مابي شي طلع هو وصاحبة

تقى:- شو مارجع للبيت ولا سمعنه صوته

نوفل:- لج من 2 طلع شنو ماجه سدي خل اشوفه وين وله

سدة من تقى واتصل بخالد

نوفل:- ها خالد

خالد:- هلا بالطش والرش امر خدمة

نوفل:- بلا ستهبال يمك سراج لو لا

خالد:- ي يعني وين يريد يولي مگابلة اكثر من ماگامل اهلي

نوفل:- خوش لعد دربن منانه

خالد:- لانك اكبر مني مارح ارد

نوفل:- جرب ترد الا ارجعك للسجن تتعرف على لجماعة لو نسيتهم

خالد:- دخيلك ربي نشاقة عمي صدك جذب

ضحك

نوفل:- يالله روح وخل سراج يرجع للبيت أهله بالهم يمه

خالد:- ادلل هسه ادفرة

سدة وكتب مسج لتقى يطمنهم بي ان سراج بخير وراها رجع يباوع على زكي الي صافن علي

زكي:- حيل ناشف ويه خطيبتك الله يعينها عليك

نوفل:- ماريد اجذب عليها و لا أملها نطينا نفسنا فرصة ونشوف

زكي:- فرصة كشرة عليكم

ضحك نوفل لان طريقة زكي وحركاته تجبرك تضحك عفوي بثكل حقاني رجل بمعنى لكلمة كل شي واله وقته ضحك او شغل او حتى المشاكل

اخذ نفس ورجعت علامات الجدية على وجهه

زكي:- يي سولفلي لتنسيني

زكي:- همام!! شو ماخشت عقلي نتحر وهو سبحته ماتفارك ايدة

جر حسرة وبدة يسرد اله كل شي من يوم الي تعرض همام الحادث الى يومنا هذا.. وهو كل ساع طالب چاي وخلص اله بال تكتين جگاير

يسحب بالجگارة وعاقد حاجبة

زكي:- اممممم اخيك همام اما مقتول اما ماخذ شي وفاقد سالفة منتحر وهو بكامل قواة العقليه ماخشت عقلي

رجف جفسم نوفل وعيونه تجمهر بيهن الدموع

نوفل:- شلون

زكي:- نفتح قضية واول شي اشحط عمامة وولدهم وحتى عمك يحيى

نوفل:-عمي يحيى!!! شله دخل

قرب راسه من نوفل

زكي:- الكل بدائرة الشك حتى انت!

نتفض نوفل

نوفل:- شجاي تحجي شبيك زكي

اخذ شفطة من الجكارة واشر اله

زكي:- اكعد ولك اگعد انا داخل دائرة القضية ماعندي صديق خارجها عضيدك لذالك خليني اشتغل الها

رفع جهازة الثاني واتصل

زكي:- ابوووو ذيبة

سطام:- هلا بالعضيد

زكي:- جايب الك قضية تلوك لهل حلگ نطگطگ بيها

سطام:- ها ولك قضية شنو

صوفر

سطام:- بويه من ومنو ادخل بالتفاصيل

زكي:- مقتل همام ****

سطام:-شنووووووو همام مات

زكي:-يي مات من شي سنتين

سطام:- جاي تضحك عليه انت

زكي:- لا بس اذا انت مضحكة ي عادي نضحك عليك

سطام:- ماتصرلك جارة لا ومحمد

زكي:- اسمع زين من باجر تجيني

سطام:- لك ياباجر هسه طالع منا لليل اوصل الك

زكي:- هلا والله ببو ذيبة

سد الجهاز وباوع على نوفل الي مركز وكل شر الدنيا متربع بعينه

نوفل:-شيشتغل سطام

زكي:-محقق جنائي

كام يهوس بصوت ناصي

زكي:- اها شلون ثلاثة لتموا تفگة ومخزن والجيلات اها… والله اذا طلعت صدك الا اثرمهم ثرم اذا ماجبت بيهم اعدام فلا اطلع ابن ابوي

نوفل:- دائرة الشك الاساسية منو

جر نفس من الجكارة للمرة المادري شكد وطلع دفتر صغير من جيبة وقلم وبدا يكتب

زكي:- حالياً 1.رأفت وعائلته 2. عمك سلام 3. عمك اسلام

والباقين بالتدريج

نوفل:- خلي بعين الاعتبار كواكب والشخص الي تعرغت علي

زكي:- ههههه هو من كلت عائلته معناها كواكب وجماعتها

نوفل:- عدنا بدال القضية قضيتين

زكي:- شو طمعت خير ان شاءالله قضية شنو

نوفل:- شامل ومقتل مهجة

زكي:- اذا نفكت خيوط القضية الاولى تنفك القضية الثانية

نوفل:- صح حالياً مثلث الشر مكسور

زكي:- جنون شامل

نوفل:-مرفوع وعلامة رفعة الضمة

زكي:- الضاهرة على اخرة

زكي:-وحضك… خل يجي ابو ذيبة ونشوف

نوفل:- ننتظر شورانا….

.

.

دخلت وانصدم بوجود باسمة

شجابها هاي شرجعها؟؟ تقدمت بكل عين وقحة وحضنت مشعان

باسمة:- شلونك حبيبي

دفعها بهدوء

مشعان:- زين انا زين ياهوو الجابج

باسمة:- علي خابرته گتله تعال رجعني واجى خطية

اباوع الها ايديها وحدة منهن لابسه كفوف لان جسمها يارب دخيلك نقسم بالنص نص تشوة والنص الثاني سليم

تكلمت بحزن

باسمة:- بعد اكو الي معوة بداخلك لو خلص تشوهت

مشعان:- كلكم نفس الشي

باسمة:- لا يمشعان عزيتها لتنسيم اكثر منا حبيتها ودخلت كلبك وانا كل هاي لسنين احاول ادخل گلبك ماگدرت

دنك راسه ساكت وانا بگلبي اكول عزاني مو عزني قرفت من كد مكرها ومن كد ماتحايلت علي عفتهم ودخلت جوى وانا گلبي يوجعني خايفة لا هل مرة هم تاذي جنيني حتى من صدك اتخبل انتظرت مشعان يجي لازم ماابلغ بشر عن حملي حتى لو بس هاي لفترة اريد اكون ام تعبت والله تعبت

ضليت افتر بالغرفة وروحي خلصانة وأخيراً شرف الحجي مشعان

بدون مقدمات حجيت

_ مشعان عندي طلب

عقد حاجبة باستغراب

مشعان:- خير اللهم اجعله خير

تقدمت ولزمت ايدة بتوسل

_ ماريد اي بشر يعرف بحملي حتى لو بس هل فترة ممكن!

جر حسره

مشعان:- هاي هي يجرالج

هديت ايدة ورجعت ليورى

_شكراً

هز راسه وتوجه للكنتور اخذ ملا بسه وطلع للحمام

وانا گاعدة وادعي ربي يكمل حملي بخير ويجيني طفل يسد وحشتي ويكون سلوتي بهاي الحياة

غيرت ملابسي وطلعت الهم احضر العشى اثناء ما انا ارتب دخل علي

تكلم برتباك وفشلة

علي:- ها شلونج

_الحمدلله عايشه

باوعت اله وبيدي السجين اثرم

_ نعم؟

علي:-اسف لان جبت اامي رغم انها اذتج هواي

رفعت ايدي اقاطع كلامة

_لتكمل بالنهاية هي زوجة ابوك نفس ما اني زوجته

ترددت اسألة بس غلبني الشوك تكلمت بغصة تارسة صدري

_هم عندك تواصل وي سراج

علي:- يي دوم يسالني عنج

ضحكت بستهزاء

_ وانت شتكلة

دنك راسه

علي:- بخير رغم مامصدك بس صدكيني ان حجيت او لا مراح يتغير شي

هزيت راسي وكملت العشاء الهم ورحت للحمام توضيت ورجعت لغرفتي فرشت سجادتي وبديت اتكلم وي السند الوحيد الي بهاي الدنيا رغم كل الي مريت بي والي دا امر بي عندي امل رب العالمين مراح يتركني وراح يجبر كسري بعوض يليق بصبري

سديت القران ودموعي تجري رفعت ايدي ادعي بدعاء الامام الحسين “عليه السلام ” في صباح يوم عاشوراء عندما حاصره الاعداء.

_اللَهُمَّ أَنْتَ ثِقَتِي‌ فِي‌ كُلِّ كَرْبٍ؛ وَأَنْتَ رَجَائِي‌ فِي‌كُلِّ شِدَّةٍ؛ وَأَنْتَ لِي‌ فِي‌ كُلِّ أَمْرٍ نَزَلَ بِـي‌ ثِقَةٌ وَعُدَّةٌ.

كَمْ مِنْ هَمٍّ يَضْعُفُ فِيهِ الْفُؤَادُ، وَتَقِلُّ فِيهِ الْحِيلَةُ، وَيَخْذُلُ فِيهِ الصَّدِيقُ، وَيَشْمَتُ فِيهِ الْعَدُوُّ؛ أَنْزَلْتُهُ بِكَ، وَشَكَوْتُهُ إلَيْكَ، رَغْبَةً مِنِّي‌ إلَيْكَ عَمَّنْ سِوَاكَ؛ فَفَرَّجْتَهُ عَنِّي‌، وَكشَفْتَهُ، وَكَفَيْتَهُ.

فَأَنْتَ وَلِي‌ُّ كُلِّ نِعْمَةٍ، وَصَاحِبُ كُلِّ حَسَنَةٍ، وَمُنْتَهَي‌ كُلِّ رَغْبَةٍ.

كملت دعائي وختمتها بالصلاة والسلام على خاتم الانبياء والمرسلين محمد صل الله عليه واله وصحبه وسلم

.

.

.

گاعدة بالغرفة ودموعها تجري عجزت تقى تحاول وياها عسى ولعل تسكت بس هي مستمرى تناشغ

نترت بيها بعصبية ونفاذ صبر

تقى:- هسه غير نفتهم شكوووو شبيج عليمن تلطمين من جيتي من لمدرسة ليهسه

رفعت ايدها من وجهه

تقوى:- تعارك علمودي خيه ولج كتلو وكتلهم وسحلو وسحلهم

لطمت على خدها

تقى:- ياهو هذا ولج

مستمرة تناشغ وتحجي

تقوى:- سراج

تقوى:- شباب ملكلكين واتبسزية حجو عليه وحاولوا يصجموني

نفتح لباب ودخلت ثريا ثنينهم جفلو

تقى:- شبيج ماما شكو

تكلمت ومبين من كلامها سامعة شصار

ثريا:- انتوا احجولي شكو شصاير

رجعت تبجي وتحجي بخوف

تقوى:- معليه والله ماما ماسويت شي

سدت لباب واجت كعدت ماهمها بجي تقوى لان السالفة بيها شباب دگ جرس الخطر عدها

ثريا:- احجو شكو

تقى:- اني افهمج

ثريا:- انت سكتي لو بالي برجلي

اشرت على حلكها بعلامة السكوت وتوجهت الانظار لتقوى

ثريا:- يالله احجي

بدت تحجيلهم الصار ودموعها تجري اخر شي تخبلت ثريا وخافت على بنتها لا تجيها حجاية

ثريا:- ابوج واخوانج لازم يدرون حتى لايسمعون من لغريب ويفتهمون غلط

لزمت ايد امها تتوسل

تقوى:- لايوم الله عليج ماتعرفين عبد هسه يطيح حصي امانة سكتي

نفت الباب ودخل عبد بكرسية وكملت السبحة شاف اخته تبجي عقد حاجبة

عبد القادر:- شكو شصاير

ثريا:- درجتها ناصية بالمتحان وتخبلت

عبد القادر:- هي على هاي عبالي شو شكو يالله تعوضيها بس شدي حيلچ

هزت راسها وهي مستمرة بالبچي

باوع لتقى ووجه الكلام الها

عبد القادر:- اكلج شاحنتج وين انا مالتي مجاي تشحن قتيبة يراد اله مصنع شاحنات يمشي ويخرب بيهن

راحت تقى وطلعت اله الشاحنه ونطتها اله اخذها وراح

ثريا:- اكوم احجي لبوج بس افضل اخوانج مايتحاچون عود اذا صار شي هو يحلها وانت خابري خطيبج فهمي منه شصار كالت هيج وعافتهم وطلعت

.

.

.

لازمة الموبايل واكلب بي وبالي يم سراج اتصل بي مغلق

فجأة اجتني رسالة على الواتساب من قدوري فتحتها ورجف كلبي قبل حيلي صح كنت طول هل فترة احس عندة شي باتجاهي بس ماتوقعت يعترف بهاي الطريقة

كان فديو اله يتكلم بي وويه الفديو موسيقى

عبدالقادر:-

أخاف ان اعرف لك انني احبك فاظلمك ثم اتالم!

واخاف ايضاً ان لااعترف فتضيع فرصة الحب فاندم

اخبريني ماهو الحل فأنا اعتدت ان افقد اي شيء احبه واوله قدمي

نزلت الجهاز ونزلت دموعي شجاوبه اكوله لا واكسرة اگولة اي واظلم نفسي على صفنتي ودموعي الي تجري نفتح الباب ودخل سراج الي ملابسه مكشمة كمت ركض مسحت دموعي

_ شكو شبيك وليش تاخرت هل گد متعارك مو؟؟

رد بانزعاج وتعب

سراج:- خلصتي اسالتج ولو بعد حتى افوت

سديت علي الطريق وانا شياطين الدنيا كلها تنطز كدامي

_ سرااج لاعبالك طلعتلك كم شعرايه بوجهك صرت رجال افصم ضهرك والله لك لتشلع گلبي ماضلي بالدنيا غيرك

نتر بصوت مرتفع

سراج:-تعاي اخذيلج راشدي شكووو سالمين

_ ويامن متعارك وليش تاخرت

جر نفس بملل

سراج:- تعاركت ويه كم ولد ادبسزية وشحطونا للمركز

لطمت على وجهي

_صخام بوجهج كواكب على هل خلفه نوب علينا مراكز سراج هاي تاليتها

سراج:- ولج كاافي خرب غيرتج ادري بالعة مسجل ماصار،شي اجى نوفل وحلها

صرت ارجف ابجي واحجي يراد الي بس حجة

_ يي مو نوفل بات مان ويحل مشاكلكم ولكم والله كمت استحي احط عيني بعينه

تقدم الي ولزمني بخوف وقهر

سراج:- هاي شبيج رونق اهدي شجاج

صرت اشهگ من كلبي

_ من وين اتلكاتها بس گلي من الدنيا منك من امي من شامل لو من حضي تعبت اقسم بالله تعبت

لزم راسي وحضني ساكت بس يمسح على راسي ضليت ابچي الى ان

حجه

سراج:- ترا رجلي تكسرت من لوكفة مطولة اذا مطولة خل نگعد وكنلي لطم

صرت اضحك وابجي

_ لا هاي هيه

ابتسم الي

سراج:- شبيج هسه احجيلي شبيج

صفنت حايرة احجي اسكت لو شسوي وانا ماعندي من اشكيلة

دنگت راسي

_ حايرة

سكتت مادري شاگول رفع راسي بايدة

سراج:-شبيج تريدين نفسخ العقد حقج والله بس التهينا باجر اروح واحاجي عمج

هويت راسي انفي

_لا مو فسخ

عقد حاجبة

سراج:-لعد شكو

طلعت لموبايل مثل الثولة حطيته بوجهه

باوع اله عقد حاجبة وبعدها رجع يباوعلي

سراج:- وانت شرايج

_ حايرة مابين اظلم نفسي لو اكسر گلبه

حك راسه بحيرة

سراج:- هسه انا لمفروض شسوي؟اطيح حضه وادوس بمصارينه لو اسكت وانجب اراعي وضعه

سراج:- شما اشوف لازم نحجي لنوفل مشوف رايه ترى بالنهاية اكبر مني وبحسبة همام ماعندي غيرة

دنگت ساكته وهو دخل سبح وجاب شامل وگعدة بالمرجوحة وكعد يمه كل هل مدة انا كاعدة على العتبة صافنة بدنياي

سراج:- لتصفنين يحلها الف حلال

ندگ لباب وصوت نوفل ويا ولد دخلت ركض للبيت اباوع من شباك المطبخ دخل نوفل ورا رجال اول مرة اشوفة لابس عسكري والطول عبالك عامود ابيض وشوارب اثخن من شعري اسمع سراج

يرحب بيهم بقيت اباوع

سراج:- حياكم الله تفضلوا جوى للديوان

زكي:- لا هنا بالحديقة شوي ونطلع

تقدم بلا احم ولا دستور وگعد يم شامل يباوع اله بتفحص

ونوفل يمه هم نضراته مو طبيعية

سراج:- شكو ليش هيج تباوعولة

استمر زكي يباوع لشامل الي ضل مدنگ

فجأة رفع راسه بايدة وصفگة براشدي

زكي:- لك حيووووان تضحك عليهم بس انا ماينضحك عليه ولك انااا زكيييييي