رواية سجين وروح الفصل السابع عشر 17 بقلم الكاتبة آية

لقيت امل ! غمضت عيوني و هذي اخر حاجه كنت نتوقعها تسيرلي فالظروف هذينا

قدمت شور ماهي قاعده واول ماشافتني صبّت ، قعدت ساكت ولولا العيب كنت عطيتها كف يخليها تندم انها جت ، مسكت قبضت يدي ودفيت الكرسي بالقوه وقعمزت وحطيت كراع علي كراع وربعت يديا و اتكيت نراجي فيها تحكي

امل مصبيه >> صقر

انا>> اسمي علي لسانك مانبيش نسمعه ، كلام منك وتبرير وكذب منبيش نسمع قطاف ونفاق منبيش نسمع ، عندك كلام غير هكي بتقوليه تفضلي ماعندكش توكلي ومعش توريني وجك

امل قعمزت >> بنقولك اني مانسيتكش ولا لحظة و ان

انا قاطعتها >> راجلك يعرف انك جايه هنا؟؟ راك مرات راجل عيب اللي تديري فيه … مانبيش نسمع منك شي حتي لو كان سبب تسييبتك ليا كبير انا منبيش نسمع فات فيك وخذاك حد غيري ف معش تلزميني

امل>> مش هضا كلامك انا عارفتك زعلان مني لاني تخليت عنك عارفتك تحبني

انا>> كان زمان الكلام هضا توا انا مش كيف قبل كل شي فيا تغير

امل >> القضية غيراتك ولا روح ؟؟؟؟ تحبها ؟

انا >> اسمها ماتجيبيش علي لسانك ،وحركات دز الرسائل فكينا منهن ، المره لي فاتت بعد دزيتي الرساله كنت حانجي وندوي الراجلك هي اللي مسكتني وماخلتنيش نآذيك … بس وديني تقربي منها مستعد نقتلك

امل >> لدرجة هذي تكرهني

انا >> انا مانكرهش حد ، بس الي يجي شور روح يشوف شي ما يعجبش … تهيالي عرفتي جوابي وعرفتي اني مانبيش نشوف وجك و عرفتي اني ما نبيش نسمع منك شي … عدي الراجلك والولدك و انسيني

امل >>نوعدك انك ما تشوفش وجي مره اخرى كنت نحساب انه في ذرة مشاعر جوا قلبك ليا بس الواضح انك مسحتني من حياتك

انا >> انتي الي مسحتي روحك وانتي تعرفي كويس اللي يطلع من حياة صقر مستحيل يرد و انا نعرف انك تعرفي جيتك هنا بخساره

نزلت يديا و وخرت الكرسي و خشيت وسيبتها ورايا وكنت عارف ومتأكد انها بعد الكلام هضا حاتطلع من حياتي ومعش حا تحاول ترد ولا تحكي مع روح ابدا

رديت للزنزانه لقيت بدر يوتي في دبشه ووسام حذاه يغني

انا >> غنيلنا اغنية كويسه ولا اسكت

وسام >> صب الكاس كان الهم طال ، موش امر من فقد الاحباب

انا >> كانهو طحت خلوني نطيييح ، وكانهو متت ماتشو وراي

بدر يلم في دبشه ويعيط معانا ونحن نغنو

انا >> بعد بكرا يا طيري الافراج ؟؟
بدر >> اه يا طيري عقبالك
انا >> ان شاء الله ، اسمع
بدر >> نعم
انا >> اول ما تطلع حددو العرس وطلعوه
بدر >> تي عليا الطلاق وانامازلت ما ازوجت ماهو طالع العرس الا بطلعتك
انا >> تي عليش ازح تحلف انت ضامن قضيتي
بدر >> ضامن اه غير غم فمك

//
//

عند روح في المكتب خش عليها استاذ محمود

محمود >> في عندي قضية جديده نبيك تمسكيها
روح >> بس انا واخذه تفرغ كامل القضية صقر
محمود>> يعني لو واخذه قضية صقر ما تمسكيش قضية ثانيه
روح >> مش هكي يا استاذ محمود بس القضية صعبة بكككككل ومانقدرش نركز في قضية ثانيه
محمود >> بس القضية اللي عندي ماحدش يهنيني عليها الا انتي
روح >> خلاص حاضر حاناخذ ملفها يا استاذ محمود وصلت عندي خلاص تم

علي خشت غسان فتح الباب >> افتحي فيس بوك
بسرعة

روح >> شن فيه ؟؟
محمود >> كنك ؟؟
غسان >> هل هيثم منزلين بوست علي قصة هيثم و الدنيا منقلبه عالفيسبوك
روح >> شن تحكي انت ؟؟ وين وريني

مسكت تلفونها و محمود طلع وخلاهم

روح >> حي علي امممممهم حي

كان عوض خو هيثم منزل بوست وكاتب فيه انه خوهم مش لاقيينه و انه فيه جثة مشتبه فيها انها جثته و حاكي علي صقر انه متهم ولازم تطبق عليه العداله

روح >> لازم نمشي نشوف صقر لازم
غسان >> بكرا موعد الزيارة
روح >> نعرف نعرف
غسان>> شن بديري ؟؟
روح >> اللعبه قعدت لعبة سوشال ميديا واستعطاف مش هما يبو يكسبو الرأي العام ؟؟ حانلعبولهم عالراى العام وخليها تولع
غسان >> ماتحطيش روحك في قصص ياروح كبيره
روح >> القضية هذي من اول مامسكتها وانا عارفه مش حانطلع منها بساهل ف اطمن ماتخافش انا نعرف انه الجثه مش جثة هيثم بس مانبيش نصرح ب اي شي عشان ما تكونش هذي نقطة ضدي عند القاضي اني انا ندور من وراه ومش واثقه في المحكمه
غسان>> كيف مش جثة هيثم

روح >> دزيت الهادي وخليته يدورلي من عند الطب الشرعي و تاكدنا انها مش جثة هيثم

“يوم اللي جا الهادي ومد اوراق الروح كانن هذينا هنا اوراق براءة صقر من حرق الجثه و طلعت الجثة الواحد ثاني غير هيثم بس روح تكتمت عالموضوع ومابتش تنشر الخبر ولا تحكي الحد عشان ما حدش يلعب فالاوراق او تصير اي حاجه ضدها فالمحكمه “

غسان >> تمام بس راعي يا روح انه حتي هما هل وحتي هما ولدهم مخطوف ومش لاقيينه

روح >> نعرف والله نعرف عارفتهم يدورو علي ولدهم بس اللي نعرفه برضو انه صقر بريء من هضا كله

غسان >> ماتخليش حرب بينا وبينهم وتنقلب القضية قضيتين قدري ان هما ولدهم مخطوف و قدري انه مازالو ماعرفو ان الجثة مش جثته

روح>> تمام بس خليني نشوف القضية اللي عطاها ليا باتك

غسان>> ربي يعينك عليه
روح>>

//
//

طلع غسان و رن علي غفران

غسان >> الو
غفران >> ايوا
غسان >> صوت هرجه حذاك وين قاعده
غفران>> ماما رقي عليها السكر وشلتها انا وخالي
غسان >> ماعندكش راجل تحكي معاه ؟؟
غفران >> غسان ماما تعبت بكل مافكرتش نرن ونقول
غسان>> اوكي ياغفرات اوكي في اي زفت عيادة قاعده
غفران >> ماتجينيش وانت منفصل هكي اهدا كنم
غسان تنرفز >>نفس المستشفي
غفران >> اه اه

دور غسان السيارة ومشى شور المستشفي
كان خال غفران فالسيارة لوطا و غفران تراجي في امها تكمل تغذيه مع طلعت الدكتور

الدكتور>> كويسه امك توا بس لازم تحافظ علي اكلها هضا الي يخلي في سكرها متلخبط

غفران>> نقوللها يا دكتور ماتسمعش احكيلها انت بلكي بعد تسمع منك تخاف

الدكتور ضحك>> حاضر لما تفك الممرضة التغذيه تو نخش نفهمها

علي خشت غسان يدور في غفران

غفران ابتسمت مجاملة >> شكرا

الدكتور >>العفو

قرب غسان لعندها وحط يديه في جيوبه و مرفع حاجبه و الدكتور عدا

غسان >> عدي الحقيه كملي باقي الهدرزه فالمكتب

غفران >> كيف ؟؟؟؟
غسان >> عدي كملي باقي ابتسامات
غفران >> اللهم طولك ياروح
غسان >> لا روح لا صقر عليش مصبيه مع ام الدكتور ؟؟؟
غفران >> انت بروحك قلتها دكتور يعني نسال فيه علي حالة ماما
غسان>> ماهو لو قتيلي من الاول انك طالعه را ماصارش هضا كله
غفران >> جاي بدير قصة وخلاص ؟ هضا عليش جاي ؟؟
غسان مسكها من يدها بالقوه و بعصبية>> معش تعاندي معششش تعاندي !!

غفران غمضت عيونها من مسكت يده القويه >> غسان اطلق يدي والعن الشيطان وعدي

غسان ضغط علي يدها اخرى >> بتقعدي مع الدكتور بروحك

غفران عيونها دمعن >> لو تفكر ان هذي غيره را هضا نقص مش غيره

غسان حس انه ضاغط بكل رخى يده وطلقها بالقوه >> تمام يا غفران خليكي هكي باهي

برمت وجها ما بحتتش فيه وخشت الامها فالدار ، نزل غسان لوطا تلاقى مع خال غفران سلم عليه وركب في سيارته قعد فيها لعند شافهم وهما طالعين من المستشفي خلاهم يمشو و عدا

//
//

ثاني يوم جتني روح فالسجن زيارة ، بس ماكانتش زي كل مره كانت ماتبحتش فيا بكللل وتجنب انها تحكي معايا في اي موضوع برا القضية … والشي هضا ضايقني بكل

روح >> فهمت عليا ؟
انا >> اه ؟
روح >> وين سارح ؟ ركز في كلامي
انا >> بحتي فيا وانتي تحكي عشان نركز
روح برمت وجها و عضت علي فمها >> صقر ركز علي كلامي ارجوك وبلا تودير كلام
انا >> تمام يا روح .
روح طبست عالاوراق >> قتلك انه هل هيثم طالعين و يحكو عليك وبيقلبو القضية ضدك
انا >> وباهي ؟؟ ماهي القضية مقلوبه ضدي من الاول
رُوح>> بس المره هذي فيها رآي عام ياصقر
انا >> شن المطلوب مني
رُوح >> تصور ڤيديو تحكي فيه اللي صار
انا >> تحسابينا في مسلسل هندي انتي ؟
رُوح >> خلينا من المسلسلات و سجل الڤيديو عشان مصلحتك
انا >> وشن نحكي فيه
رُوح >> كذب الكلام وقول انك ماخطفتش وماحرقتش جثة حد دافع علي روحك وقول انك بريىء
انا >> اطلعي انتي بآسمي ونزلي بوست
روح >> نبي ڤيديو عشان الرآي العام
انا >> روح ڤيديو مش طالع انا خليهم يحكو اللي بيحكوه
روح >> خاطري مره نحكي حاجه وتسمعني
انا >> احكي اللي فقلبك نسمعه

روح رفعت راسها وبحتت فيه >> اطلع من الموضوع معش حانحكو فيه لانه معش فيه شي ينحكي ، انا محاميه وانت متهم تمام ؟؟

انا >> بجوك هي ؟
روح >> ما بجو حد هي هكي القصة
انا >> افهميني ياروح

روح >> فاهمه كويس انت كيف تفكر و عارفه اللي انت تحكي فيه بس انا مش هكي ياصقر انا مانقعدش معلقه علي هواك ، لو خذيت براءة نقعد تمام لو لا كل حد يمشي في حاله ، مش هكي هي بكل ولا عمرها حاتكون هكي …

انا >> تمام اللي تبيه حاضر

روح >> تم ، حانزل بوست عالفيسبوك و حانقولك الزيارة الجايه شن ادير ، حاول ترد بالك علي روحك وبعد عن علاء لعند نعرفو اميته شن تصب

انا ما رديتش عليها بكل وخرت الكرسي عالساس و بحتت فيها وسكتت

طلعت روح و صبيت انا طلعت وانا مش طايق شي

بدر >> كل زيارة بقلبة وجه
انا >> اطلع من راسي
وسام >> الحب الحب
بدر >> الشوق الشوق
انا >> ندلف ام هلكم وناخذ انفرادي اخرى 
وسام >> كنك عصبي يابيبي 
انا >>نط من فوق خليني نرقد
وسام نط وانا رقيت فوق

//
//

طلعت روح من عندي و نزلت بوست دزاته النفس الصفحة اللي نزلت الخبر الي فات وكتبت فيه

” موكلي ينفي كل الاتهامات المنسبه اليه ، و المتهم بريء حتي تثبت ادانته … والحكم الاول والاخير متروك لسيادة القاضي بناءً علي الادلة حيث انه لايجوز ابدا الاخذ بالظاهر دون التمعن بكل محتويات القضية و سماع القصة من طرف واحد وترك الطرف الثاني … لذلك ارجو منكم عدم الاستماع لاي اشاعات هدفها اثارة الرآي العام ..والانتظار حتي يصدر قرار محكمتنا الموقره .

المحامية / رُوح مصطفي

نزلت البوست ومعش تابعت اي شي اهم شي انها بررت موقف صقر من الاتهامات اللي انحطن عليه ونزلت منشور بينت فيه الصح .

//
//

في الليل عند غسان وغفران من امس الي هوا كان يوم المستشفي ما حكتش مع غسان بكل لا هو رن ولا هي وكانو هما الاثنين يكابرو علي بعضهم بكللل

رن غسان فالليل علي غفران

غفران >> الو
غسان>> ران بنسألك الساعه كم طالع بدر
غفران >> مانعرفش اسآل خالي
غسان >> كيف ماتعرفيش ما قالولكش يعني؟
غفران>> غسان مازلت بتفش غلك فيا ؟
غسان >> مانبيش نفش غلي في حد
غفران >> تمام معناها اهدا وبلاش عياط عيب هلك فالحوش يسمعو فيك تحكي بصوت عالي
غسان >> غفران ما تستفزينيش مش عيل صغير انا
غفران >> ياربي وخلاص مش عارفه حتي كيف نتفاهم معاك ؟ نبي نسكر
غسان وراقيله بكككككل>> تمام يا غفران سكري وحاتكون هذي اخر مكالمه
غفران >> نعم ؟؟؟؟ قتلك بنسكر عشان لو قعدنا نحكو هكي حايزيد الوضع بينا ! بس مدام هكي انت ف تمام خليها تقعد اخر مكالمه

صكرت غفران علي غسان و عزقت التلفون بالقوه عالارض لعند طفى

//
//

يوم طلعة بدر من الحبس 

انا >> الحمدلله عسلامه يا طير
بدر >>نراجي فيك برا اه
انا >> ان شاء الله
بدر>> وسام رد بالك عليه
وسام >> عيب فعيوني الصقر
بدر >> ردبالك عليه مش معناها تنطر وجيب دخان ودير مشاكل
وسام >> عيب ازح 
انا >> دورني بعد تشوف امورك
بدر >> تم ما توصي علي شي ؟
انا >> سلامتك الله الله في روح
بدر >> من غير وصى

طلع بدر وخذا حاجته وجا غسان هو اللي خذاه من السجن

سلم غسان علي بدر ، وبرم بحت فالسجن من برا
غسان>> الله الله له
بدر >> انقنه الله الله
غسان >> هي يراجو فيك بالغدا غادي
بدر>> هي

ركبو للسيارة ومشى بيه غسان شور الحوش وقعدو يهدرزو فالطريق
بدر >> خايف عالصقر اناسيبناه بروحه انت عارف انه علاء عيونه واجد فالحبس
غسان>> حكيت الشاهين يدير باله عليه ومانضنيش حد يجي شوره خلاص
بدر >> ان شاء الله
غسان >> حكولك علي قصة الفيسبوك
بدر >> لا شن صار؟ جاته روح هضك اليوم وخش قالب وجه ما كثرتش عليه
غسان >> نزلو هل هيثم بوست يلومو في صقر و روح ردت عليهم برد
بدر >> كذا وريني

فتحله غسان التلفون ومده له

بدر>> كلام روح كلام موزون بكل واحسن من كلامهم المتخلف
غسان >> تي قريب ١٠٠شير تخيل انت
بدر >> مشاء الله والله

وصلو الحوش هل بدر وكانو دايرين غدا علي سلامته ومافيش حد الاالعيله و ابو النسب غسان وكان يلف ويحوم يبي يشوف غفران بس ماعرفش كيف ،بعد الغدا الدنيا خفت و غسان كان خاش شور جهة الحمام ، علي طلعة غفران من عنذ باب المطبخ جا مقابلها

غسان >>طالعه هكي يا ابله
غفران>>قاعده فالحوش يا استاذ مشاكل
غسان >>اهو انا شفتك كان ممكن يشوفك حد ثاني
غفران>> اه صح نسيت من يوم وغادي لازم نتحجب عليك
غسان >>رايحه متعلمه الاستفزاز لا تمام خليك

غفران برمت بتمشي وكانت لابسه ماليه نص كم كان باين من عند ما مسكها غسان امس معلمه حمرا ، رقاله من روحه وطلع بكل من الحوش

بدر خش لقا باب الحمام مفتوح وغسان مش قاعد

بدر>> غسان وين عدا ازح

غفران ساكته ودروحها تلم فالصاله ومش فاطنه

رن بدر علي غسان وهوا حذا غفران

بدر >> تي وينك ياراجل ؟؟
غسان >> كلمني باتي ضروري وطلعت
بدر >> شن فيه ؟؟
غسان >> مافيش شي شغل اكيده .. اسمع صقر موصيني قالي خلي بدر يمسك بدالي الشغل
بدر >> شغله هوا معاك ؟
غسان >> اه
بدر >> تمام باهي
غسان >> تبدا من بكرا مش اديرلي حركات
بدر >> تي باهي ازح 

صكر بدر التلفون و غفران تبحت فيه

بدر >> شنجوك انتي ؟؟
غفران >> تمام
بدر >> شنجو غسان
غفران >> كويسين تمام
بدر>> باهي تمام …اسمعي قولي الامك بنطلع ندور شقة تلمنا
غفران >> شقة شنو اصبر بس يهدا الوضع شويه وتستقر
بدر>> لالا معش نقدر نتحمل الوضع هنا .. خلاص نبي نستقر بروحي
غفران >>براحتك

//
//

ثاني يوم ناض بدر من الصبح طلع ، كان مرايف عالطلوع … مشى برم شاف اصحابه وبعدين عدا الهل صقر

دق بدر عالباب وطلعت فاطمه اخت صقر بتفتح وكانت تحساب منذر خوها هو اللي جاي لانه مالش شويه كيف طالع

فاطمه >> كنك ما خذيت المفتاح

فتحت الباب وبرمت ، بس ما سمعتش صوت الباب

بدر منزل عيونه >> السلام عليكم

فاطمة فطنت للصوت ارتبكت برمت بحتت جت عينها في عين بدر جت ورا الباب

فاطمه >> وعليكم السلام
بدر >> انا بدر صاحب صقر
فاطمه >> اه اهلين اهلين تفضل
بدر >> تبو حاجه ناقصتكم حاجه ؟
فاطمة >> تسلم بارك الله فيك
بدر >> انتي فاطمة اخت صقر صح
فاطمة ابتسمت >> اه
بدر >> تمام ، خوذي رقمي ولو تبو اي حاجه دزيلي
فاطمة >> تمام
مل عليها بدر الرقم وكان تلفونها معاها كتباته
بدر >> رني عليا عشان نخزن الرقم
فاطمة ضحكت عرفاته بيعرف الرقم >> تمام

رنت وصكرت وبدر خزن الرقم ، وركب فالسيارة مشيى شور غسان للشغل

بدر >> اوي
غسان >> شنجو
بدر >> تمام

قعد بدر مكسد فالمحل ومعاه غسان ماسك تلفونه وساكت
بدر >> كنك ؟؟
غسان >> كني
بدر >> قالب وجك ؟
غسان >> شي كساد ماعنديش ماندير
بدر >> اها ” وضحك”
غسان >> كنك تسهوك ؟
بدر >> شي 
غسان >> خلينا نمشو نشوفو روح فالمكتب
بدر>> اه والله بنحكي معاها حتي انا عالقضية اللي معش انحلت
غسان >> تمام بسيارتك ولا سيارتي
بدر>> كل حد بسيارته انا بنطلع منها نروح للحوش
غسان >> تمام

طلعو بسياراتهم مشو شور مكتب رُوح

//
//
كانت روح فالمكتب وخشو عليها غسان وبدر

روح >> اوه العصابه هنا 
غسان >> ناقصنا رئيس المافيا بس صقر
روح >> هههههه ، الحمدلله عسلامه بدر
بدر >> الله يسلمك
غسان >> جايين بنسألوك عالقضية شن صار ياروح قدرتي توصلي الشي
روح تنهدت >> خليها علي الله بس
بدر >> تبي اي مساعده اي حاجه ؟؟
روح >> نبيكم تهدو ومانبيش اي مشاكل ولا اي ضغط
غسان >> تقرير الجثة امتي يوصل للمحكمه
روح >> اليومين هذينا حايوصل ويعرفو هل هيثم انها مش جثة ولدهم ، عشان يهدو شويه ويبطلو يضيقوها عليا بلكي نعرف نكمل شغل بدون تهديدات
بدر>> اي تهديد يجيك دزيه لنا بس
روح >> هضا الخبر اللي نحكي عليه
غسان >> توصيات صقر هذينا
روح ابتسمت بزعل>> ماتاخذوش بتوصياته هضا ماشي و يا ارض تهدي ما حدا قدّي
غسان برم علي بدر >> شكلهم طاحنينيها 
بدر >> قتلك صقر له يومين قبل ما نطلع يبحت فالسقف و قارنهن 
روح >> هي هي عدو كملو تشفيط برا عندي شغل 

بدر >> ربي يعينك يا الصقر والله
غسان >> قتلك واعره بكل 

صبو هما الاثنين وطلعو ويشفطو علي روح و روح تضحك علي سماطتهم

//
//

فالليل روّح غسان للحوش ور علي غفران … كانت غفران تشوف فيه يرن وماسكة روحها ما تبيش ترد

صكر غسان ودز الغفران رسالة

” تعرفي لو ما ترديش حا تلقيني بعد عشر دقايق نرن علي باب حوشكم