رواية عروس الهور كامله وحصريه
في قلب الأهوار
حيث الجنـوب
تنسج الأقدار،
3
هناك حيث تلتقي
الأرض بالسماء،
+
وتغفو النجوم
في حضن الليل الساكن.
+
تدور حكاية
عشقٍ أبدي،
+
بين عيونٍ كاللؤلؤ،
تتلألأ في الظلام،
وقلبٍ يشتعل
بشغفٍ لا ينتهي،
+
يا أرض الأهوار
، يا مهد العشاق،
+
فلتكن قصتنا كالماء،
تتدفق بلا انقطاع،
+
سنكتب سويًا
ملحمةَ عشقٍ،
+
تظل صداها يتردد
في أرجاء الأزمان.
+
_________________________
+
:-البـداية
32
وأگفـة شمس عالمرآية، تخلي مكياجها وترتب شعرها، والراديو يصدع بأعلى صوت بأغنيـة كاظم الساهر:
+
شحلو طولك من تمشي وناراك
وعفه كلبي الحمل ناري ونارك…
6
مخلية المخدة ع راسي أحاول انام
بس الصوت يخترق المخدة
+
وكأن كاظم يغني شخصيًا بالغرفة. شلت المخدة وصرخت بعصبية:
+
:-شمس! تاااالي ما راح تحسّين؟
+
فـزت وندارت:-آه فززتينـي! هو هالشكل! اسم الله عليج، شبيج شكو؟
+
رفعت راسي بعصبية أباوعلهـة
+
شجن:-سم الله عليّ؟ الله يسمع منچ! شنو ذنبي كل يوم أكعد ع صوت كاظم اللي ما أطيقه؟ دطفي الراديو عاد!
29
شمس:-وشصار عليج إذا كعدتي؟ هاي أنتي متخرجة وتنامين كل يوم لليل! كعدي من الصبح شويّة نشّطي نفسچ!”
+
شجن:-وشعندي أكعد؟ الحمدلله متخرجة وما عندي شغل يكعدني من الصبح. يلا يلا أنزلي بلا زعاج ولا كاظم ولا هم يحزنون!
+
شمس:-أي، صبحنا على لسانچ يا ست البطالة
+
شجن:-بطالة؟ أهون منچ اللي حياتچ كلها تصرفينها عالمرآية وكاظم
+
نزلنة لمطبخ لكينة ماما تجهز الفطور
شجن:-صباح الخير ماما
2
نهال:-صباح الخير حبيبتي… ليش أصواتكم طالعة من الصبح؟ شكو؟”
+
سحبت الكرسي وكعدت صبـتلي جاي:-ماما شمس مدري شبيها، حالفة تعكر مزاجي كل يوم بصوت كاظم.
+
دخلت للمطبخ المسعدة وشعرها يهتز وياه حركة راسها:
+
شمس:-هاا ماما شوفيني بعد دتكولين شي عني؟ ليش ما تكليها لبتچ المدللة تسكت
+
نهال:-. شمس أنتي تعرفين أختچ ما تتحمل الزعاج الصبح، لا تعانديها. وشجن، إنتي هدي شويّة
1
شمس:-ماما وين البس بشارع حتى ما أزعجها؟ يعني صوت كاظم يموت
+
نهال:-لا تموتين ولا شي بس البسي بهدوء، والراديو شوية واطي، حتى لا أكسر الراديو بنفسي
+
شمس:-ما، تعرفيني، ما أبلّش يومي إذا ما أسمع كاظم
1
شجن:-وإحنا ما نبلش يومنا إذا ما نتعارك
+
خزرتنـة ماما ماراضيـة.. شمس كامت فلتتت لكلية واني سويت انسحاب تتدريجـي للغرفة
2
.
+
.
+
طلعت شفت بابا منتظرني بالحديقة وفاتح بنيد السيارة مدري شيدور بيها
+
عود يوصلني الكلية هـي هاي سيارة بابا أقدم من سلام عليكم وتعبانة كلش
+
ومايقبـل يبدلهـة يكول بتـي اكو واحد يبـدل بتـة
3
تقربت من ورة وهو ما منتبه خليت بوسة على خدة
ضحك والتفتلي:-شمس
1
:-صباحو بابا
+
:-هله باباتي. شو تاخرتي
+
:-جنت اتناكر وي شجن تعرف اسوالف شجن مايحتاج أحجي!
+
دار صعد وأني بصفة اول ما مشينة وسيارة بدت تركص طبعا ولا ارتاحلهة بس شسوي مجبورة
14
جانت أطلع أصوات من اول ما طلعنـة
:-سيارة بيه صوت
+
سالم:-عادي بابا دتغني
21
شمس:-لا كاعد تتطلب النجدة دكول كبرت كافي عوفوني لخاطر الله
+
ارتكيت على الباب حسيته ديهتز كلش قوي التفت لبابا:-اكولك بابا الباب ديقفل ويفتح وحدة
+
سالم:-لا تخافيـن هذا طبيعي السياره تتهوى شوي
+
فجـأءة الباب طاح بنص الشـارع صحت بصوت عالي:- الباب طاررر شنو الطبيعي بالموضوع
+
وكف السيارة ونزل بهدوء وناس ورانة دك هورن وزدحام وبابا لا كنما
+
خلا بالجنطة وكلي ارجعي اكعدي ورة خاف توكعين
ورة البـباب
+
شمس:-بس لو نغير السيارة فدوة
+
سالم:-السيارة مثل بنتي ما ابدلهة ابددد
+
وصلني بسلام لكلية وقررت مرة ثانية أكتب وصيتي قبل لا أصعد
12
.
+
.
+
ثـاني يوم بالليـل
+
شجـن:-
+
الصالة مضوية بضوء التلفزيون،
ومناوي باشا طالع ، واحنا كاعدين ننباوع
+
بس ماما وبابا يتهامسون عبالك عشاق.. ماخذيلهم زواية وحيدهـم
7
وشمس نايـمة على رجلي وتباوع مركـزة على المسلسل ندسـتهة
+
شجن:-شوفـي ماما وبابا عبالك مسوين قصة حب عالتقاعد!
+
شجن:- يمعودة عوفيهم، شلون أركز ويه الباشا وأنتي تگطعين السالفة.. دشوفيه جوهر بيك صدك خوش رجال، كون يطلعلي واحد مثله،
+
شجن:- جوهر بيك؟ حتى بالأحلام صعبة
+
شمس:-لعد يريد أحسن مني
+
لميت حلكي بضحكـة:-لا اكيد بس رجال يدري بيج محجوزة للابن عمج العمارجي
14
شمس:-اوووي لا عفية انوب ناقصني ازوج بالعمارة
3
شجن:-يكولون حلو
+
شمس:-حلو…؟ جذب! أصلاً أهل العمارة ما بيهم حلوين، ويحچون كله “جا” و”شنهي” مرة رحت ويا بابا، طلعت روحي، شوب، ونوب يخبزون بالتنور الطين، دخانهم يخنگ!
87
مسحت على ركبتهة البيضة وهي توخر، سلسلة على جهة:-لا، مامي، ما أعيش هناك، أموت من أول يوم!
+
شجن:-لعد ينطوج للابن خالو الحزبي
+
فكت حلكهة مصـدومة:-منوووو كاااالج
+
شجن:- خالة، من اجت الجمعة، سمعتها گالت لماما “أريد شمس لعمر”
+
شمس:- ولج أنتي لو تصيرين مراسلة تلفزيونية أحسنلچ، لأن أخبارچ أسرع من الأخبار العاجلة!
1
شجن:-دولي غير داكلج حتى يصير، عدج علم
+
رجعت راسها على رجلي ومغمضة تك عين حجت بستهزاء:-يابا انطوني خيار ثالث ، هذا شينحب منه عمر؟
+
شجن:-والله ينحب ما ينحب.. المهم ماما تحبه وفكري بيهة
+
شمس:-چذب صدك؟ شنو عبالها رح اوفق
+
بابا گلب وجهه فجأة، وطگنة بنظرة مال مدير مدرسة
+
سالم:- ها شبيجن شداتحجن؟
+
أستعدلت شمس بگعدتهة وكالت بجذب
:- نحچي جوهر بيك بابا، صدك شخصية عظيمة، مثلك!
+
هز راسه وكال:- فعلا
+
كرصتهة من أيدهة فزت بسرعة:-اخخ
‘خزرتهـة’ شكد اجذبين ولج
+
ضربتني بخفة:- يمعودة دسكتـي…
+
أنوب بوست ماما وبابا وصعـدت للغـرفة
صعدت وراهـة . الباب مفتوح شوي وصوت كاظم الساهر “قولي أحبك كي تزيد وسامتي”
8
يدوّي عبالك كاعدين بوسط حفلة عائلية بس بدون عائلة.
1
دخلت بشويّة وأول ما شفتها،
گمت أضحك بلا وعي شمس واگفة بالنص، رابطـة وصلة على خصرها ودا تركص، عبالك متدربة ويا فرقة الفنون الشعبية
4
شمـرت نفسي عالسرير وأرتكيت على إيدي أباوعلهة وأضحك
+
ولج شوشة شبيج؟ شنو هاي العركة عرس لو زفة؟
+
وگفت بنص الركصة وتباوعلي بحدة:- شنو مشكلتچ لا تعكرين مزاجي أحس نفسي كاظم الساهر النسخة النسائية
+
شجن:-كاظم الساهر؟ أنتي نسخة حسن البلام وهو يقلد كاظم!
5
شمرت الوصلة وگعدت:-شنو….؟ والله لو ما أنتي أختي چان رفعت قضية عليچ تحطميـن مواهبـي دايما
+
شجن:-لا لا بالعكس استمري اذ استمريتي هيج أحتمال ، ينحذف اسم كاظم من الأغنية ويسجلوها باسمچ!
+
شمس:-اوف أنتي تنشرين الطاقة السلبية وتخربين المزاج… طلعت وكعدت على الشرفة تسمع وحدهة والهوء يدخل لغرفة بردت
+
:-ولج شمسسس دسدي ملنجة وراج ثول
5
ولا سمعتنـي منطـربة عابت سحبت الحاف
لفيت راسـي ونمت بذات الجوء بارد وتمطـر مال نوم ودفو
2
.
+
ساعة بسبعـة ونص .. جنت لابسة ومجهزة نفسي وشجن علساس تروح ويانة
+
لان بابا لاكي الهـة شغـل بدائرة .. محاسبـة
+
جان الجو مغيم
والشوارع مليانة طين بعد ليلة كله مطـر
+
جنت واكفة عند الباب وشجن مرتكية على بنيد السيارة
+
ننتظر بابا يوصلنـة
+
طبعـا كعد يتفقـد السيارة “اللاندوا”
3
تاخرنة وبابا بعدة يتفحص
:-بابا اليوم مو وقت تچيك السيارة. رح نتأخر
+
حجت شجن بسخرية:-لو تشيگها كل يوم، شنو اللي ممكن يصير؟ السيارة عايشة على الدعاء
1
رد علينا وهو ينفض يديه:-يبا هي هالسيارة صابرة عليكم. لو سيارة ثانية جان خربت من زمان
+
شجن صعدت السيارة وتعدل ربطتهة
:-عبالك وحش، مو سيارة.
+
كعدت بصفهة ورة وبابا يباوعلنة ماراضي
:-بس شجن، لا تنسين هاي السيارة راح.توصلج للشغل كل يوم
+
سالم:-هي سيارة الماعاجبتكم جنت بشبابي يكلولي ، “ملك الطريق”.من أسوقهة
10
شجن:-اكيد ملك الطريق، لأنه محد يجرأ يقرب من هاي السيارة خاف يندعم
9
واحنه بالطـريق السيارة كل شوي توكف
وأني وشجن وحدة تباوع لثانية خوب شجن كوة صابرة ماتضحك
+
مد أيدة وشغل الراديو القديم.
الراديو بدأ بصوت مشوش، وبعد شوية طلع صوت مغني يغني
+
“عمي يبلام تعبني الهوى “
+
شجن، خلت اديهة على اذانهة وصاحت:- شنو هذا؟ شعندي أسمع أغاني الأعراس الصباحية؟
+
سالم:-هذا فن! إنتو ما تقدرون الفن الأصيل.
+
شمس:- بابا خلّي الفن الأصيل على صفحة ركّز على الطريق عبالك السيارة رح تطير
+
فجأة صوت انفجار طلع من جهة الإطار الخلفي والسيارة وگفت
+
و شجن طلعت أول وحدة من السيارة، وهي لازمـة رأسها عبالك بطلة درامية
+
شجن:-خلصنا، السيارة راحت بيها!
+
طلع بابا من سيارة متعصب وأحنه واكفين على جهة
كال بلوم:-لا تصيرين درامية شجن هذا مجرد بنچر بسيط هسه أصلحه بربع ساعة
6
شمس:- ربع ساعة؟ كل مرة تگول هيچ، ونبقى ساعة نصور وي السيارة
+
مشيت على جهة شفتلي حجرة كعدت عليها ادري سالفة مطولـة
+
شجن تباوعلي واني كاعدة على حجـرة كالت بسخرية :-شوف بتك شلون كاعدة، عبالك أميرة منتظرة عربانة الخيل
+
شمس:-وأنتِ شنو؟ كليوباترا اللي تمثل دور ضحية بكل شي؟
5
شجن: متضحك
+
زمخ بينـة بابا سكتنه وهو قـرر يصلح لاندو وحدة
أخذ جك السيارة، وبدأ يرفعها
شجن:-بابا، ترا شكلك تحتاج مساعدة
ليش ما نوگف تاكسي
+
سالم:-ساعدوني بدل هالحچي شجن،جيبيلي المفتاح اللي جوه الكرسي الأمامي
1
شجن راحت تجيب المفتاح ورجعت بيدهة جنطـة قديمة مليانة أدوات قديمة
+
شجن:-هذا شنو أدوات نجارة لو أدوات تصليح
+
مدة ايدة واخذ الجنطـة منهة:- هاي جنطـة أسرار، محد يفتحها بس أني
+
شمس:- عبالك كهربائي أختصاص سيارات
+
شجن:-لا أكيد المهمات السرية اللي يسويها كلها تصليح سيارات
+
مـرت ساعة وبابا كمل تصليح البنجـر وكف وكال
بابتسامة وأسعـة مثل الي محقق أنجاز عظيم
+
ولو هو تصليح لاندو يعتـبر أنجاز عظيم
+
:-خلصنا السيارة هسه رجعت مثل الجديدة
+
شمس:-راح نمشي نص الطريق وونوگف مرة ثانية
+
رد بثقـة:-لا اليوم السيارة رح تودينا وترجعنا بسلام
+
شجن:-أها، يعني نقرأ الفاتحة على الطريق قبل ما نتحرك؟
+
شمس:- أعتقد السيارة تريد تتقاعد. لازم نجيب وحدة جديدة
+
سالم:-هـاي سيارة خرافية مو كل واحد يعرف قيمتها
3
شجن:-والله بابا سيارة هاي تنكد اكثر مني كلما نطلع تعطل
+
سالم:- السيارة رح تبقى وياكم حتى لما تتزوجون خليكم ساكتين مفهـوم
+
صعـدنة وشجن أدردم وحذائهة أدمرت طين وبابا كل شوي يكلهة صوتج لا أزعجيـن لاندو
1
عبالك لاندو تحس وتزعل.. احس بابا يحب سيارتة اكثر منه مدري معتبرهة بتـة الچبيـرة يمكن
1
وصلنـة للكليـة… وأنتظرني لحد ما دخلت من بوابـة ومشة أتاكد
+
بابا يخاف علينة كلش ولو بيدة حتى للدوام يجي ويانـة
+
جنت أمشي وأسحب بجفوف ادية داخل بلوزة أدفيهن حسيت اكو حركة وكفت والتفت
+
أيهم… ابتسمت وبادلني الابتسامة صار بصفي نمشي كال:-صباح الخير
1
شمس:-صباح النور اليوم جاين سوة
+
ايهم:-متواعدين هههه
2
شمس:-شعجب اجيت كلت اليوم مطر بالعادة منشوفك بالمطر
+
ايهم:-حتى اشوفج
+
شمس:-تعبان انت
1
ايهم:-وادعتج اداوم حتى اشوفج قابل مكطع نفسي على دراسة اصلا م بـ المقبول كافي
+
أبتسمت نص أبتسامة.. ورجعت وجهي اباوع كدامي على طلاب صرنة قريبين على الكلية
+
هو بغير كلية وغير أختصاص بس أحنه أصدقاء من زمان جنه جيران انوب صرنة أصدقاء
+
كال بهتمام:-ليـش مـاترحيـن لكنيسـة وتكفـرين من ذنوبـج
4
-أني مسلمـة
1
– ههه نسيـت صدك لعد روحي للجـامع
+
-من الاخيـر شتـريد
+
-اريد أضحكـج
+
-أسوالفك سخيفـة متضحك
+
-شكو ضاجتي وشديتـي خشمج
+
-اه ما ضايجة بس اني مزعوجة وانت زعجتني بزايد
+
-اشبيج منو وياج أحجيلـي
+
-ماما دتفكر تزوجني للابن خالتو. عمر
+
-منـين طلعت هل سالفة
+
-ماعـرف وبابا من جهـة يلح يردنة نروح ازيارة لـ العمارة هناك يم أعمامي وأني ممرتاحـة لهل سالفة
+
-شلون أعمـام بعثيـن همة
+
التفتت عليه بسرعة:-صوووتك لا يسمعك احد تخبلت انت
7
-وشحجيت أني
+
-ترى حتى الحياطين الهة اذان ما شفت شي من حياتي لا اضيع من وراك اسكت
+
رد بدون نفس:-لا يمعودة أنتم بينكم حبايب ترى همة بس على أقليات مثل المسيح يقتلوهم
+
حجيت بنبـرة حادة:-أهوو موضوع متعـرف بي لا تحجي بي المسألة مو مسألة مسيحي ومسلم ترى مسالة سياسة ومصالح شكو واحد يهدد الحكم يخفو من الوجود وعلى يوم من ورة لسانك احنه هم نموت
+
غطـة حلگة بنبرة من سخـرية:-مو همة نفسـهم هجمو علينا بليلة ظلمة وكتلـو امي وأبوي لان مسيح
مو همة الارهابين أشو هسه همة أصحـاب بلد وأحنه تهجـرنة ست شمس وبعدين أني ما أخاف
25
-شوف أني صح علاقتـي مو قوية بعائلة بابا بس مو معناها تحجي عنهم وأسكت بعدين اذ همة جانو بالحـزب مو معناها قتلوا الناس كافي، مو كله نفس العقلية والاجـرام اكو ناس تخاف الله
+
-وأعمامج يخـافون الله
+
-عدك شك
+
ضحـك بصـوت عالي وكـال بستهزاء:-تذكـرين أبن عمج ازاد الجان يحجـي بعنجهيـة ومن هددنـي بالقتل وطفـة جكارتة الكوبـي براسي
1
-بوكتهة جان بينكم خلاف انت لا تحول الامور الشخصية لموضوع عام
+
-بالعكس ماكو شخصنة ابد بس ماتكدرين تعترفين ولد عمج وعائلتج النهج البعثي يمشي بدمهم وما يطهـرون
3
– ماكو بعثي وطائفي غيرك واذ محروك دمك على مسيح مثل ما دكول لعد لي نعدموا قبلهم شنو كانوا ترى من كل طوائف نقتلو وماكو فرق طائفة وطائفة اي شخص يهدد نظام الحكم يموت
+
-اي عادي انتم متعودين ناس تكتل ناس أحنا شعلينة
3
-مو قصة عادي.. اه بس تعرف النقاش وياك عقيم تعبتني اروح لدوامـي احسن
+
مشيت صاح وراي ما وكفـت بوجهي للمحاضـرة تعبني معتوه
+
وبكل سالفة حط ازاد شكد يكره
هسه صح أني ما أحب ولد عمي بس مأقبل أحد يحجي عنهم بس أني أحجي مسموح
7
_______________♡
+
نهاية البارت
1
الثاني من هنا
اخترنا لك
جيسوس يٌعلن تشكيل الهلال أمام الأهلي في الدوري السعودي
رواية نور الفهد الفصل الثالث 3 بقلم ندا عبدالهادي
طريقة سهلة لتنزيل تردد قناة CBC سفرة الجديد على نايل سات واستمتع بأجمل الأكلات
رواية مالي وطن في نجد الا وطنها نجد وهايف الفصل الرابع والثلاثون 34 بقلم اديم الراشد
أعلى شهادات البنك الأهلي الآن: اكتشف العائد الأفضل لاستثمار أموالك بنجاح!
جامع الأزهر يشهد إقبالًا كبيرًا في صلاة ختام الثلث الأخير من الليل طلبًا للرحمة والثواب
الصراعات التجارية تعزز من الطلب على الذهب
إيمي سمير غانم: هنا أقامت دلال عبد العزيز وزوجها – شاهد الصورة
About the author
