رواية اسيرة بين يدي قاتل ابي الفصل التاسع عشر19 بقلم نور آل زيادة

الحياة لاتترك لنا مساحتاً للفرح كأنها تتعمد أن تزرع في قلوبنا جرحاً بعد جرح لمياء،،، للأن الكل مصدومين من زواج سراج من سيلين وأني وحده منهم زين شلون كدر يرجعها إله؟ وشلون قبل على نفسه يتزوجها بعد ماغدرته للمره الثانيه؟ معقوله سراج حُبه لسيلين خلا يتنازل حتى عن كبريائه وكرامته ألي داستهن وماأحترمته؟ او يمكن أباله شي ثاني؟اجتني لحضة ادراك،،، بس لااااا،،،، لا،،لا مستحيل؟؟؟!!!اذا بعقله شي ثاني يعني سيلين دخلت للجحيم برچلها اني اكثر وحده اعرف اذا سراج حقد شنو ممكن يسوي يتحول الى شخص ثاني ماكو بداخله رحمه ومن يحقد يأذي حتى اعز وأقرب الناس إله جربنا من حقد على جدي وأبويه وأسراء شنو سوا بيهم خلاهم يتوسلون بي حتى بس يتوقف عن السوا ويعوفهم بحالهم توقف صح بس بعد ماأذاهم أذيه خلا العشيره كلها تحجي بيها وخلا الكل يخاف منه ومن يومها الكل يحسبله ألف حساب لوتدري سيلين بسراج الجديد ماچان وصلت يمه ولا إندگت بي خفت وضليت ادعي تفكيري يطلع غلط وحبه ألها يغلب كبريائه وحقده غيرت ملابسي وملابس جهالي ورتبت الهوسه الصايره بالغرفه وكلت اطلع اساعدهم بالبيت رغم العاملات أستلمن البيت تنضيف بس الهوسه بعدها خلي اطلع اوجهن واسوي تعلوله للخطارصح أنتهت حفلة العرس لكن اكثر ضيوفنه بعدهم أهل امي بقوا لأن شيرجعهم لسامراء بهل وقت المتأخر وأهل ابويه بعضهم راح وبعض بقى طلعت اباوع عليهم الجو مشحون،، امي متوتره وعمتي ترعد وترجف على بنت اختها وجديتي حكيمه ماسكتت نهائيا كاعده وتدعي على سراج،،، وميساء راح تنفجر كلنه نعرف تريده لسراج بس هو ميريدها وصلت بيها مرحله صارحته بحبها ورفضها وبعدها للان متمسكه بي وهسه بقت يمنا وتريد تبات رغم اهلها راحوا على شنو باقيه مااعرف كل شويه حاجيه حجايه على سيلين كدام الحجيه تحرك بيها علساس هيَ الحجيه عايزه صار ساعات ماسكتت وماخلت دعوه مادعتها ورا ساعتين من انتهاء العرس رن موبايلي شفت المتصل سراج استغربت!! شعنده متصل معقوله محتاج شي؟ ولو هو حتى العشا ودوا ألهمدخلت لغرفتي وجاوبته اجاني صوته مرعوب وغاضب سراج،،، لمياء لتبينين لأحد اني جاي احجي وياجلمياء،،، هو اني وحدي بالغرفه،، احجي شنو صاير؟ سراج،،، بسرعه اطلعي من الباب الخلفي وعن طريق البستان تعالي لبيتي الجديد لمياء،،، سراج،،، شكو فهمني شنو صاير؟ صوتك شبي؟ سراج،،، تعالي بسرعه لتتأخرين ومااريد اي مخلوق بشري يعرفلمياء،،، اي راح اجي سراج،،، لبسي چبه او عبايه ورتبي وضعج لمياء،،، ليش وين راح اروح؟ سراج،،، سوي الأكلچ علي ومن تجين تفهمين لمياء،،، زين،،،هسه راح اجي نهيت الاتصال،،،،الحمد الله ابني وبنتي ناموا صحت مها زوجة بهاء امنتهم يمها وبلغتها اي احد يسأل عليه اني نايمهماسألت ليش بس وضحتلها راح اروح يم ابنها للعروس خطيه متمرض على أُمه وطلب مني سراج اروحلهوافقت من دون سؤال هو هذا طبعها هاي لونوال واسراء جان فضحوني وفتحوا ويايا تحقيق مسحت المكياج ولبست عبا اسلاميه وشال اخذت جنطتي وموبايلي وطلعت من الباب الخلفي رحت للبيت فتحلي الباب الحارس دخلت قبل لااوصل الباب الداخليه فتحه سراج بسرعه عاف الباب مفتوحه و دخل من دون كلام دخلت ورا امشي اريد افهم شي،، مافهمت دخل غرفه دخلت ورا وأنصدمت بوضع سيلين تنزف الدم بكل مكان الفراش مليان دم وهي فاقده ألي خفت منه صار سيلين بتصرفها الأخير رجعت صحت الوحش ألي بداخل سراج من جديد شهكت مفزوعه وعطت… _سرررررراج هاااااي شمسويييي باللبنيه؟؟؟!!! سراج،،، ماجايبج تستجوبيني اريدج تجين ويايا للمستشفى لمياء،،، شنو هل دم من شنو جاي تنزف؟ سراج،،، فضيني بسرعه راح تموت وأنتي تسولفين لمياء،،، ماانطاني حتى مجال استوعب شنو صاير لفها و شالها صعدت بالسياره بالخلف نيمها على قدمي وغطاها اباوع عليها المسكينه فاقده ووجها احمر بي دم وبنفس الوقت جلدها مزرگ نزل الستائر سلايت مال شبابيك السياره ألي من جهتها رغم دنيا ليل وكل شي ميبين صعد بالسياره طلعنه متوجهين للمستشفى إحنا وسياره ثانيه ويانا بيها مرافقين سراج اباوع عليها البنيه منتهيه وملابسها كلها دم ألمس وجهها بارد ثلج واوردتها بارزه وضعها يخوفسراج كل شويه يلتفت يباوع عليها ويرجع يباوع للامام زين انتَ اذا هيج خايف عليها ليش مأذيها وموصلها لهل حاله؟؟ ولو للأن مافهمت شنو صاير بس واضح هوَ ورا هل شي وصلنه لأحد المستشفيات الأهليه المعروفه نزل شالها ودخلناها اجوي دكاتره صاح سراج_ اريد دكتوره تشوفها دخلها على غرفة المعاينه إجتي دكتوره تفحصها طلعتنه برا كعدت مهدود حيلي المسكينه هاي شصاير بيها سراج ضل يلوب رايح راد والتوتر والخوف واضح على ملامحه ورا شويه طلعت الدكتور الدكتوره،،، شتصيرون منها؟ لمياء.،، اني حماتها وهو زوجهاالدكتوره،،،، منو مسوي بيها هيج؟ واضح جدا متعرضه الى اعتداء وتعنيف ولازم ابلغ على هل شي سراج،،، دكتوره لااكو اعتداء ولاتعنيف شوفي شغلج وياها هسه وعالجيها وبعدها شتسوين سوي مومهملمياء،،، رجعت دخلت الدكتوره للغرفه ضلينه فوك الساعه ننتضر وماكو شخص يطلع يبلغنا شنو صاير وسراج صاير نار من العصبيه كل شويه يريد يدخل للغرفه وأوقفه اخر شي طلعت الدكتورهسراج،،، ها دكتوره بشري؟ الدكتوره،،، زوجتك جسمها مليان جروح عميقه نضفناهن وأكثرهن أضطرينه نخيطهن وضغطها مرتفع وللأن ماصحت سراج،،، يعني هيَ هسه زينه؟ الدكتوره،،، ان شاء الله تتحسن،، اليوم تبقى بالمستشفى الى ان تصحى ونشوف وضعها لأن ضغطها هواي مرتفعلمياء،،، نقلوها الى غرفه خاصه أختار سراج جناح خاص ألها رتبت نومتها اباوع وجها صاير اصفر وبي زراگ مخيف ولاكأنما قبل ساعات كانت هيَ نفسها ألعروس الطالعه مثل الأميرات گلبي احترگ عليها لمياء،،، شنو صار؟و ليش هيج سويت بيها؟ نسيت هاي سيلين لوعة گلبك وحب عمرك نسيت كل مشاعرك اتجاها وعاقبتها مثل ماعاقبت غيرها سراج،،، لمياء رجائا سكتي البيه كافينيلمياء،،، البيك لأن متوجع ومتأذي عليهاسراج،،، لا متأذي ولاشي لتسولفين من عندج لمياء،،، اي واضح سراج،،، وتالي وياچلمياء،،،اريد اعرف شحصلت من أذيتها وانتَ تعرف اي شي يصير بيها تتأذى عليها شوكت تبطل قسوتك جاوبني بعصبيه…. سراج،،، كل السووا بيَ وبعدج تلوميني،،، ليش اقسى عليهم؟ دمروا حياتي وللأن كلكم تلوموني كلكم سويتوني اني المذنب لمياء،،، لأن عقابك قاسي سراج،،، الكل يستاهل وحتى انتي لمياء،،، اعرف حتى اني استاهل بس لخاطر بناتك لتأذي سيلين ترا أذيتها تأذيك اضعاف سراج،،، كل شخص أذيته منكم تأذيت علي أضعاف بس كلكم تستاهلون لمياء،،، كلنا نستاهل حقك بس كافي شي صار بالماضي وأنتهى والنتيجه انتَ هسه وضعك صار احسن ونجحت بحياتك المهنيه الماضي صار بالماضي وأنتهى سراج،،، الماضي أنتهى بالنسبه ألكم اما بالنسبه ألي ماانتهى وهاي النتيجه شوفي حالي لمياء،، شبي حالك رجل ناجح وشيخ عشيرتنا والكل يحسبلك ألف حساب واليوم البنيه ألي تحبها صارت ألك شتريد بعد؟ سراج،،،ألمشكله كلكم تباوعون عليه من الخارج بس ولاواحد بيكم سأل نفسه شنو عشت كل هل سنين،،،، تشوفوني من الخارج متماسك و قاسي تتصوروني مرتاح بس ولاواحد بيكم سأل هل الانسان ليش هيج صار ومنو السبب لاأهلي نصفوني ولاالحبيتها،،، كلكم نفس الشيلمياء،،، بس موهيج يااخي موهيج عقابك صعب ليش فجئه تتحول الى شخص ماعنده رحمه انتَ مو اخويه سراج الجنت اعرفه سراج،،، سراج راح من زمان من ١٠ سنين وصار بمكانه الشيخ سراج والشيخ سراج ميسمح لأي مخلوق بشري يأذي ويلعب علي لمياء،، مع الأسف وصلت لهل حاله گلبك مات الى درجة حتى حبيبة عمرك اذيتها جاوبني بعصبيه…. سراج،،، هاي الجاي تدافعين عنها چانت روحي وهي نفسها اخذت مني هل روح خلتني امشي بس جسد نزعت من داخلي كل شي وحطمتني فماكو داعي تدافعين عنها لمياء،،، كال هل كلام وباوع عليها وطلع من الغرفه اعرفه يحبها واضح من نضراته ألها وخوفه ولهفته بس مع الاسف قسوته غلبت حتى مشاعره اخويه فقد الإنسانيّه من داخله الى درجة حتى ابويه وجدي ماخلصوا من قسوته ضليت وحدي بالغرفه مرت ساعات وسراج ماكو ضليت اتسائل وين راح وعافنه باوعت من الشباك لمحته واكف تحت امام المستشفى سارح ويدخن فريت أيدي مسوي نفسه كارها ومامهتم وهو ألي يشوفه منا عبالك شايل هموم الدنيا على راسهاطمئنيت من شفته بعده موجود مددت جسمي على القنفه ارتاح لأن تعبت من الصبح للان واكفه من التعب غفيت وماادري بنفسي سمعت صوت حركه بالغرفه فزيت فتحت عيني شفت سراج كعد على كرسي قريب من سيلين رجعت سويت نفسي نايمه حتى ليتقيد بوجودي سمعته يهمسلها رغم صوته منخفض بس واضح لأن يحجي بحرگت گلب سراج،،، معقوله لهل درجه كارهتني ومامتقبلتني؟ وين سيلين البريئه التلمع عيونها من الحب من تشوفني؟ معقوله حتى هل شي يطلع هم چذب وتمثيل؟ معقوله يطلع العشته طول عمري وهم؟ ولچ ليش؟؟؟ ليش هيجي سويتي بيَ موسميتج روحي ليش اكو اغلى من الروح وانتي اغلى من هل الروحأذيتج قبل بدون قصد شي صار غصب عني بس اذيتج ألي قاصدتها سويتي كل شي حتى تدمريني ومارحمتي گلبي وماگلتي يمكن يوكف من أشوفج للمره الثانيه تنزفين لغيريسكت لثواني ورجع كمل… الكل يحجي على قسوتي بس ولاواحد يعرف شنو بداخلي اتمنيت هل الليله نرجع مثل قبل صح تزوجت منچ حتى ارد اعتباري بس من شفتج بالفستان الأبيض نسيت كل شي تبخر كل غضبي وحقدي كل كبريائي تحطم وهاي اول مره بحياتي احقد على شخص ونار حقدي تطفه بس بمجرد اشوفهشكد لعد حابج اني،،،شكد حابج الى درجه انتي الوحيده قادره تغيرين ألي بداخلي الى درجة انتي الوحيده بحياتي كلها عجزت اخلي بيني وبينها كبرياء وكرامه جر حسره وكمل…وداعت عيونج نسيت كل شي وقررت ويا نفسي انسى كل الماضي ونفتح صفحه جديده ماتصورت تطلعين كارهتني لهل درجه تزوجتي غيري وجبتي ولد وتقبلتي حياتج ويا،،، معقوله حبيتي وتقبلتي اكثر مني الى درجة ترددين أسمه بأول يوم زواجنه؟اااخ ياربي راح اموت واالله راح اموت كل مااتذكر شلون تصرخين بأسمه روحي تشتعل وگلبي ينعصر معقوله صار هوَ منقذج وبطلج التحتمين بي؟ لو خاله طلقه بنص گلبي ولاناطقه اسمه تدرين الشيطان يوسوسلي حتى اموتج على كلامج ورفضج ألي بس گلبي الغبي للان يخاف عليججبتج وقررت اخليج اسيره يمي ادمرج واحطمج مثل ماأذيتيني بس نسيت اني بالحقيقه الي عشت طول عمري اسير مشاعري ألج انتي الشخص الوحيد الي تحكم بيَ وبرضايَ زين هسه شسوي بس فهميني؟ لاكادر اعوفج واطلق سراحج ولا ترهم بعد نبقى سوا عقلي رافضج وكارهج لأن مو سراج ألي تهين كرامته مره وتحسسه بالنقص ومو اي نقص حسيت نفسي نكره مااسوى شي وبنفس الوقت اعرف اذا عفتج گلبي يوكف هل مره مااكدر بدونج شسوي أني هسه بين نارين كل السويتي بيَ واكول حاقده بسبب الماضي واكيد بداخلها اكو حُب ألي ومن نتزوج نرجع مثل قبل بس هسه تأكدت انتي لاحبيتيني ولا عندج اي مشاعر اتجاهي وتأكدت حتى زواجج من ابو أبنچ برضاج وهل شي هم فلم من افلامجاااااااخ گلبي يوجعني كسرتي گلبي الى درجة ماضل بي اي جزء صاحي لمياء،،، رغم ضايجه من تصرفاته بس من سمعت كلامه تأثرت وخفت علي ليصير بي شي حسراته تطلع من كل گلبه كام غطاها وباسها من راسها وطول احسه ميريد يبتعد عنها ابتعد و باوع عليها وجر حسره إجا غطاني وطلع طارت النومه من عيني وگلبي وجعني عليهم ثنينهم واحد دمر الثاني والمشكله متأكده ثنينهم واحد يحب الثاني كلت اكوم اتوضى الى أن يأذن لأن مابقى شي للآذان توضيت وصليت ودعيتلهم سمعت صوت أنين رحت على سيلين لكيتها فاتحه عيونها،،، تكلمت بلهفه.. _شلونج،،، شلون صرتي؟ ماجاوبتني بس صافنه على السقف وتوون وكأنما بغير عالم خوفتني نضراتها رجعت سألتها وماكو رد طلعت بسرعه لكيت سراج كاعد برا ولازم چكارته بأيده وواحد من المرافقين واكف يمه من شافني وكف مفزوعسراج،،، شكو،،، شنو صاير،،، بيها شي؟ لمياء،،، مااادري مااعرف شنو بيها فتحت عينها احجي وياها مترد بس صافنه على السقف احركها متتحرك عبالك بغير عالمقبل لااخلص كلامي شمر چكارته و ركض للغرفه دخلت ورا اشوفه يحجي وياها ويهزها ومتنطي اي رد فعل تخبل عليها عاط بيَ سراج،،، لمياء كولي لأسماعيل يصيح الدكتوره بسررررررعهلمياء،،، طلعت لأسماعيل بلغته بكلام سراج شويه ودخلت الدكتوره فحصتها وهي ماكو اي رد فعلسراج،،، دكتوره شبيها مرتي ليش هذا وضعها؟ الدكتوره،،، لخاطر الله متكولولي شنو صاير وياها البنيه داخله بصدمه قويه يعني هم مُعنَفه وهم متأذيه نفسيا وصغطها مرتفع سراج،،، صدمه شنو؟؟ الدكتوره،،،المريضه واضح جدا متعرضه لضغط نفسي قوي ادى الى حدوث صدمه عصبيه اني اول ماشفت برودت جسمها وبشرتها المزرقه وأوردتها البارزه وكمية التعرق شكيت وهسه تأكدت لازم نشوف دكتور آخر لأن وضعها مو من اختصاصي سراج،،، وهل شي خطر؟ زين لشوكت راح تضل هيج؟ الدكتوره،،، عدنه دكتور بالمستشفى راح استدعي وهو يبلغكم تفاصيل وضعها لمياء،،، طلعت الدكتوره كعد سراج منهار خلا راسه بين ايده،،، ماتحملت اسكت _هسه شنو حصلت من وصلت البنيه لهل حاله ارتاحيت؟ طفت نارك؟ كلي؟ سراج،،، لخاطر الله كافي ارحموا بحالي لمياء،،، سكتت ومالحيت من شفت الندم بعيونه إجا الدكتور فحصها وأكد كلام الدكتوره سيلين صاير وياها صدمه عصبيه صار الصبح اتصلت على امي بلغتها اني يم ابن سيلين ضاله لأن الطفل متمرض على امه وليضل بالكم ضلت تستجوب جاوبتها سراج يفهمج كل شي هي من تسمع سراج تسكت ومتدخل سراج كاعد ونضراته كلها حيره و مركز انضاره على سيلين خلصت مكالمتي جابلنه اسماعيل أكل اكلت شويه وسراج رفض شرب بس چاي اليوم كله خلص وسيلين على حالها امي رجعت اتصلت تلوم بيَام بهاء،،، يعني الخاتون هيَ وهو بالعسل وعايفه ابنها على گلبج هاي بدايتها هيج لمياء،،، يمه شنو هل حجي،، عرسان شتريدين منهم ام بهاء،،، اي خطيه اول فتحت عيونهم هل زواجه ومامصدكين،، تنلام جديتج من تحجي تكول مغسول عقله وميشوف غيرها لمياء،،، ليش ضايجه وإذا،، خلي يرتاح ويستقر بحياته شتريدين منه؟ ام بهاء،،، ياريت،،، افرح اني بس مااحب اي احد يستغلج لمياء،، ماكو استغلال عادي ترا ضاجت من كلامي ،نهينه الإتصال فريت ايدي الكل نافسهم عبالهم بالعسل وهمَ بالضيم صار الليل ومر ٢٤ ساعه وسيلين ماتغير وضعها الدكتور سجللها ادويه ومغذيات وأنطانه لسته من الإرشادات نتبعها وياها قرر سراج يطلعها على مسؤوليته رجعنه للبيت شالها دخلت قبله بدلت الشراشف كلها دم نيمها وغطيتهاسراج موصي على أكل جابو رتبته وصحته من البارحه بالليل للان ماماكل اتوسلت بي وسويتله لفه وچاي اكل نصها وشرب الچاي وكام راح للغرفه يم سيلين لميت الأكل واستغليت الفرصه رجعت للبيت سبحت وأطمئنيت على جهالي وامي استلمتني تحقيق لكن ماغيرت كلامي انتضرت الكل ينام اتصلت على سراج أطمئن وكان جوابه سراج،،، على حالها تفتح عينها تصفن بالفراغ وترجع تغمض لمياء،، ثاني يوم من الصبح سويت صينية ريوك ورحت لبيت سراج وقبل لااطلع من البيت أستلمتني امي وعمتي وجديتي يرزلن بيَ عفتهن وطلعت فتحلي سراج الباب اباوع علي عيونه حمر وشعره مخربط واضح وضوح الشمس اليوم هم مانايم_بشرني شلونها اليوم؟ سراج،، على حالهالمياء،،، زين شلون اوكلها لو شسويلهاسراج،،، دبرت ممرضه راح تجي تهتم بيها تحتاج سيروم يعوضها وجها صاير اصفر لمياء،،، راح الزراگ؟ سراج،،، اي شويه خف لمياء،،، زين تعال اكل شويه وروح نام عيونك فد مره صايره من قلة النومسراج،،، ومنو يكول مانمت شنو شعندي سهران شكو شايل همها هي نايمه بعد شكو كاعد لمياء،،،والله اكبر چذاب،،، راح يخبلني للان يكابر ومسوي نفسه مامهتم وهو من البارحه لليوم وجهَ وعيونه منتهيه من الإرهاق والسهر وقلة الأكل وفوكاها الچكاير،،،،، قررت استفزه _زين اذا هيج متهمك شكو مدوخ نفسك هسه تجي الممرضه تهتم بيها،،، تعال تريك سراج،،، اكلت موجوعان لمياء،،، اباوع على المطبخ نضيف ويصفر مابي ولاشي يدل على اكل _زين تعال اشرب چاي كعد صبيتله چاي جبته ويايا بالترمز حار وسويتله لفه وقنعته ياكل خلصت سويت تنضيفه سريعه للبيت رغم هو نضيف بس مسحت الأرضيه وعطرته الى ان اجت الممرضه،،، مره تقريبا نهاية الاربعين صاحتني اساعدها انصدمت من شفت الجروح بجسمها وضليت اتسائل… هاي من شنو جسمها مشرح ومذبح؟ اكو جروح موعميقه واكو عميقه مخيطيها الممرضه داوت جروحها وسيلين ماإنطت اي رد فعل وكأنما بعالم ثاني جبت منشفه رطبتها بماء دافي ومسحت جسمها من الدم غيرت ملابسها وغطيتها الممرضه خلتلها مغذي وعلاج شفايفها يابسه قطرتلها بالقطن مي دخل سراج ضل يم الباب يباوع عليها واضح جدا نضراته بيها ندم بس شيفيد الندم طلع رحت ورا لمياء،،، سراج فهمني شمسويلها جسمها كله مشرح مليان جروح؟ سراج،،، مو انيلمياء،،، هههه،،، موانتَ؟ شنو تحجي؟ صدك؟ الضاهر ماواعي على نفسك ويمكن فد يوم تموت بين ايدك ومتدري خزرني وطلع من البيت ماعاجبه كلامي يغشم نفسه،،، مر يوم وهاي صار يومين وسيلين على حالها ثالث يوم من الصبح طلع سراج ورجع دخل البيت وويا ابن سيلين وبنيه اسمها سميه سراج اخذ سيف ودخل للغرفه على سيلين رحت وراهم اني وسميه الطفل اول ماشاف امه ركض عليها وحضنها فتحت عينها ونت متألمه سحبه سراج سراج،،، انتبه حبيبي ماما مريضه لتوصل يمها من بعيد احجي وياها سيف،،، شبيها ماما؟ سميه،، هاي شصاير بيها شنو السالفه؟ سراج،،، شويه مريضهسميه،،، مريضه شنو؟ هاي صاير وياها صدمه لمياء،،، اني وسراج ثنينا أستغربنا معرفتها سراج،،، شنوو؟ وانتي شعرفج؟ لازم هاي مو اول مره تصير وياها؟ سميه،،، شنو صاير وموصلها لمرحلة تصير وياها صدمه صار سنين ماصار وياها هل شي ليش هسه رجعتلها؟ سراج،،، جاوبيني على سؤالي واجاوبج،،، شوكت صارت عدها هل حاله؟ وليش؟ سميه،،، هاي خصوصياتها وهي تحجيها ألك اذا تريد اني مامسموحلي احجي بهل شي لمياء،،، زين من تصير عدها شكد وترجع لطبيعتها سميه،،، حسب الضغط العاشته اذا صدمه بسيطه وقت قصير ساعات اويوم وتوعى واذا صدمه قويه تضل فتره اطول،،، الدكتور اخر مره حذرنه من هل شي كال اذا رجعتلها احتمال يصير وياها امراض نفسيه قويه وأصلا مره صار عدها اكتئاب قوي واستمر لسنوات سراج،،،عدها دكتور تراجعه ؟ سميه،،، اي بس صار فتره كم سنه تاركته وحتى العلاج تركته بعد ماالدكتور حذرها تصير عدها مضاعفات وحذرها اذا تكررت الصدمات تصير وياها شغلات اكبر سراج،،، مثل شنو؟ سميه،، احتمال لاسامح الله تتحول الى اكتئاب شديد او ثنائي القطب او حتى أنفصام لمياء،،، ياستاااار!! سراج،،، راح اطلع اني وانتو عينكم عليهالمياء،،، وجها صار ينطي الوان من سمع كلام سميه شفت الخوف بعيونه عافنه وطلع وين منعرف سميه،،، عفيه شنو صاير والله ﺟنت حاسه راح يسويلها شي صار ايام ساجنها بعيد عنه ورجعها بيوم العرس وهسه اجي ألكي هذا حالها لمياء،،، ساجنها شنو؟ سميه،،، أسألي هو يحجيلج شنو سوه اول مره شفته بيها وشفت وقاره وشخصيته كلش احترمته وماتوقعت تطلع منه هل الاشياء لمياء،،، ماعرفت شنو ارد عفتهم يمها وطلعت فعلا تصرفات سراج صايره موموزونه اذا اني اخته ماراضيه شلون اتوقع همه يرضونمر ساعتين ورجع سراج ويا دكتور اني وسميه وسيف رحنه لغير غرفه بعد ماخلينه حجاب على راس سيلين بطلب من سراج ورتبنه ملابسهاسمعنه صوته يصيحنه ورا ماطلع الدكتور ألي افتهمته الدكتور شخص حالتها مثل القبله وطلع كلام سميه صحيح وضع سيلين يحتاج اهتمام خاص اللبنيه قبل جانت مثل الورده شنو صاير وياها وهيج صارت؟ اربع ايام وحالتها ماتحسنت خامس يوم الصبح اخذت ريوك ورحت لكيت سميه كاعده وتريد تجهز ريوك من شافتني جايبه ويايا بطلت أجتمعنه كلنه على ميز الطعام صحنه سراج كعد ويانا وطول الوقت يحاول يطمن سيف لأن واضح الطفل مستغرب وخايف على امه بعدنا ناكل فجئه اندارينه على صوت صراخ سيلين سراج دفع الكرسي للخلف وگعه على الارض وركض للغرفه رحنا ورا لكيناها نايمه وتخنك بنفسها وتعيط سيلين،،،، وخرررررر عنييييي،،، اكرهههههك وخرررررررر سراج،،، سيلين اصحي باعي هنا هاي إحنا يمج هذا كابوس،،، اصحي سيلين،،، ثاااااااااااممممممر لمياء،،، ابتعد سراج مصدوم وجهه امتعض وبين علي الغضب فتحت عيونها وشهكت وكأنما كانت غرگانه بالبحر وطلعت من الميباوعت علينه بأستغراب وكأنما متعرف اي شخص بينا بأسرع من البرق سميه سحبت سيف وكالتسميه،،، راح نطلع وانتو ابقوا يمها ولتعوفوها راح تصحى لمياء،،، وين رايحه؟ سميه،،، الافضل نطلع لمياء،،، اشرت على سيف فهمت اكو شي راح يصير ومتريد الطفل يشوفه دقائق ورجعت عاطتسيلين،،، وخررررر عنيييي اكررررررهك،،، مااريددددك،،، عوفنيييي لتسويلي شي لمياء،،، ملصت المغذي والكانونه ودفعت الغطا وكفت تباوع على سراج برعب وتصرخ بقوه بكلام مامفهوم من بين الكلام بس افهم كلمة ثامر صارت تملخ بروحها مسكها سراج حضنها حتى لتأذي نفسها ضلت تقاوم انهارت وسراج بكل الطرق يحاول يهدئها اخر شي هدئت ووكعت فاقده بين أيده حضنها وشالها خلاها على السرير سراج،،، ماأعرف،،، مااعرف لمياء،،، الدكتور شنو كال؟ سراج،،، كل شي مافهمني بس كال من تصحى جيبها للعياده لمياء،،، ربع ساعه ورجعت صحت بس هل مره وضعها مختلف ولاكأنما هيَ نفسها القبل شويه چانت مثل المجنونه تصرخ اول شي سوته باوعت على سراج وخزرته سيلين،،، وخرررر شكو واكف يم راسي لمياء،،، باوعلها مستغرب كل الوضع جاوبت بمكانه حبيبتي سيلين الحمد الله على سلامتج خوفتينه عليجسيلين،،، ليش شبيَ؟ مابيَ شي بس خلي اخوج يروح من يمي اني بخير كامت تريد تكعد ونت متألمه سراج،،، شبيج اكو شي يوجعج؟ سيلين،،، جسمي يوجعني كل شي بيَ يوجعني لمياء،،، طبيعي لأن جنتي فاقدهسيلين،، ليش شنو صار؟ لمياء،،، اني وسراج واحد باوع على الثاني مستغربين،،، تسائلت ويا نفسي شنو ديصير! سراج،،، لمياء ابقي يمها وساعديها اني طالع عندي شغل لمياء،،، اباوع هذا الثاني هم من كل عقله عافها وطلع احس نفسي بردهه مال مستشفى مجانين سيلين،،، شنو صار؟ لمياء،،، ماكو شي،،، زين سؤال شنو انتي متذكرين اي شي؟ سيلين،،، مااعرف راسي يوجعني واحس نفسي دماغي مشوش مااتذكر اي شي غير العرس والزفه لمياء،،، اي احسنسيلين،،، شنو احسن؟ لمياء،،، احسن لتعبين نفسج بالتفكير موزين عليج سيلين،،، اريد اسبح بس احس جسمي تعبان مااعرف شبيه لمياء،،، اجليها من تفتحين غرز الخياط حتى لتلتهب جروحج سيليت،،، ياخياااط؟!! ياجروح؟!! فهموني شنو صاير؟ فجئه اجت صور من دخلنا لهذا البيت بذهني عصرت راسي اخر شي اتذكره طلعت من الحمام وشفت سراج بالغرفه وطردته وهو ضاج . . لمياء،،، سيلين شبيج ليش رجعتي تسرحين تسمعيني؟ جاوبي سيلين،،، صحيت من افكاري على صوت لمياء لمياء،،، احجي وياج متجاوبين خفت سيلين،،، مابيَ شي،،، اريد اروح للحمام لمياء،،، اني اساعدج سيلين،،، مابيَ شي اني اروحلمياء،،، جسمج تعبان من النوم صار ايام اكيد رچلج متعينج سيلين.،، …. ايام صارلي نايمه؟ لمياء،،، اي،،، انتي تذكرين شنو الصار وليش هيج صار بيج؟ لمياء،، سمعت هاي مواول مره تصير وياج صدمه سيلين،،، ليش اني صاير ويايا صدمه؟ زين من شنو؟ لمياء،، الدكتور كال متعرضه لضغط نفسي سيلين،،، كله سبب اخوج ضغط عليه وجبرني على الزواج لمياء،، ردت فعله طبيعيه بعد السويتي ويا سيلين،،، ماسويت شي مجرد أنخطبت لغير واحد شكو مكبريها لمياء،،،انتي تشوفيها عادي تشوفين حياتج وياواحد ثاني بس هوَ يشوفها نهاية حياته سيلين،،، اي واضح،،، والله اخوج ميعرف شنو الحب أصلاًلمياء،،، هل كلام بعد ميفيد اني اكول الافضل انتبهي لصحتج الدكتور نبهنا لخطورت الوضع اذا تكرر مره جديده انتي عندي ولد ومحتاجج متتخيلين شنو صار بي من شافج بهل وضع اذا فقدتي عقلج ابنج الخسران،، يضيع سيلين،،، وينه ابني موجود هنا؟ لمياء،،، اي جابه سراج هو وسميه سيلين،،، عفيه صيحي اريد اشوفه اجاني سيف وسميه حسيت روحي رجعتلي سيف،،، ماما حبيبتي خفت عليجسيلين،،، مابيَ شي ياروحي،،، اني زينهسميه،،، الحمدالله على سلامتج خوفتينا عليج سيلين،،، الله يسلمج سميه،، شلون صرتي؟سيلين،، زينه بس جسمي يوجعني سميه،،، شنو صار ورجعت إجتلج هل الحالهسيلين،،، مااتذكر سميه،،، يمكن احسن متذكرين حتى تتخطين الصدمه اسرع،،، انتبهي لصحتج ولتضلين تفكرين لتنسين شنو كال دكتورج وهسه هذا الدكتور الجديد هم كال لازم متتعرضين لأي ضغوطات نفسيه الضاهر الضغط العشتي هذيج الفتره هو السبب لمياء،،،سميه انتي يمها بعد اني اروح اشوف اطفالي وأجي سميه،،، اخذي راحتج تعبتي طول هل الايام اني يمها شنو تحتاج اساعدها لمياء،،، طلعت من البيت لمحت سراج كاعد بالحديقه يدخن رحت يمه سراج،،، شلونها؟ سراج،،، شنو حجت؟ لمياء،،، ماحجت شي لأن متذكر شيسراج،،، شنوو؟؟!شنو متذكر شي،، فقدت الذاكره يعني؟ لمياء،،، لا لا موهيج بس متذكر شنو صار ووصلها لهل الحاله سميه تكول احسن هل شي حتى تتخطى الصدمه اني اكول نطبق كلام الدكتور و ننتبه ألها ونبعدها عن الضغط حتى لتتكرر هل حاله عدها سراج،،، راح اروح للمضيف امشي ويايا اوصلجلمياء،،،مسوي نفسه مامهتم واني ادري ميت عليها بس يكابر دخلت البيت لكيت باهر موجود أستفقدته صار ايام ماشايفته من يوم العرس سلمت علي استلمتني امي تحقيق والحمد الله جديتي نعيمه سكتتهاحجيه نعيمه،،، شبيج استلمتي البنيه تحقيق شتريدين منهم؟ ام بهاء،،، مااريد شي بس اطمن على ابني حجيه نعيمه،،، شبي ابنج اخذ ألي يحبها ونطرها سنين وفرحان والله يسعده عوفي هو موصغير تعب بحياته خلي يرتاحباهر،،، حجيه الضاهر ساحبه خارجي هاي البنيه موهذيج نفسها هاي محاميه وتشتغل ويا بالمكتب حجيه نعيمه،،، يااا طلعت محاميهلمياء،،، اي صح صارت محاميه ام بهاء،،، صدك!! ماادري هسه سمعت هو اخوج ماخلانا اي شي نفتهم جابها وحطها وكل شي مافاهمين بانيلها بيت ومأثثه وهم مندري حجيه حكيمه،،، كبر راسها بانيلها قصر بنت الفگر براسنه صارت اميره جايه تضحك علي تلفطه وبت عمته ولايوم احترمها ولاسوالها شي لمياء،،، جده ترا سيلين مامحتاجه حتى تضحك علي وتعيش براسه باهر،،، ياسيلين؟!!! لمياء،،، مرته لسراج،،، شبيكباهر،،، شنووووووو؟؟!!!! يعني التزوجها سراج هيَ نفسها سيلين؟ لو نفس اسمها؟ حجيه حكيمه،،، ابشرك هي نفسها لعبت بي طوبه وجابها وتزوجها هاي سوالف اخوك باهرر،،، تحجون صدك لوتشاقون؟؟!! لمياء،،، شبيك باهر ليش متدري هيَ نفسها سيلين؟ ليش موشفتها بيوم العرس وطلعت اني كلت باهر ضاج وطلع من عرف العروس هيَ نفسها سيلين خطيبته القديمه باهر كلش ضاج عافنه وطلع جديتي ضلت تدردم وتغلط على سيلين وتدعي عليها سيلين،،،، سميه اريدج تساعديني اسبح سميه،،، من عيوني سيلين،،، مشتني سميه للحمام رجلي بيها خدر وجسمي كله يوجعني خلعت ملابسي واني وسميه شهكنه ثنينه من شفنا منضر جسمي كله جروح وبعضهم مخيط بلغتني لمياء بس ماعبالي هيج هسه عرفت ليش جسمي كله يوجعني سميه،،، هاي شنووو؟؟!! سيلين،،، ماااعرف،، مااعرف هاي شوكت صار بيَ هيح اكيد اكو شي صاير وموكادره اتذكره سميه،،، اجلي السبح عندج جروح خلي نطلع سيلين،،، لا خلي اغسل شعري وانضف جسمي بفوطه ومي دافي احس نفسي وسخه جابتلي خاولي صغير خليت علي صابون سائل ونضفت جسمي وماوصلت يم الجروح وباقي جسمي غسلته عادي وغسلت شعري طلعت غيرت ملابسي وسميه ملست شعري تعطرت حسيت براحه نفسيه سمعت صوت سراج ولمياء عرفت اجوي دخلت لمياء للغرفهلمياء،،، السلام عليكم سميه وسيلين،،، وعليكم السلاملمياء،،، شلون صرتي؟ سيلين،،، زينه بس اريد اعرف شنو صاير بيَ لمياء،،، موكتلج صاير وياج صدمه سيلين،،، اعرف بس جسمي شنو بي ليش كله جروح من شنو هذني؟ لمياء،،، مو كتلجسيلين،،، كلتيلي عندي جرح مخيط مو جسمي مليان جروح،، منو سوا بيَ هيج لمياء،،، هاا،،، هو،،،يعني مااعرف بسسيلين،، شنو المتعرفي لمياء،،، لاموقصدي مااعرف اني اعرف بس يعني شلون اكلج،، شوفي هو انتي بيوم عرسكم موزفيناكم لهل بيت انتي دخلتي تسبحين والضاهر الليفه ألي بالحمام بيها گزازه ومن ليفتي جرحت جسمجسيلين،،، شنو هل كلام ومين تجي گزازه بالليفه وبعدين اني سبحت وطلعت ماچان بيَ شي لكيت سراج بالغرفه مااتذكر يمكن تناقشنه ووراها مااتذكر شيلمياء،،،هاا،،، مااعرف بس الضاهر بالغلط داخله گزازه ويمكن لأن چنتي تعبانه ماانتبهتي شصار وياج المهم هو هذا الصار فجسمج تجرح وانتي اصلا تعبانه تخربطتي واخذناج للمستشفى والباقي تعرفي عالعموم جروحچ بسيطه وسوولج خياط تجميلي لتخافين ميضل اثره واذا كلش فتره سوي ليزر يخفي الأثر وكل شي يرجع طبيعي سيلين،،اكلها طلعت من الحمام كل شي مابيَ وبعدين شلون بوقتها جسمي يتجرح ومااحس شنو هل كلام كلامج مومقنع نهائيا،،، وين سراج صيحي خلي افتهم منه شصاير لمياء،،، من يجي اسألي سيلين،،، ليش مو إجا هسه سمعت صوتهلمياء،،، آجا وطلع عنده شغل،،، يله من رخصتكم اخذوو راحتكم_طلعت مسرعه لكيت سراج بالصاله كاعد يسولف ويا سيف اشرتله يطلع برا طلعت شويه وإجانيسراج،،، شكو،،، شبيج؟ لمياء،،، سيلين شايفه جسمها وسألتني عن الصار واني ماعرفت شنو اكول لأن اصلا مااعرف شنو صار سراج،،، من الآخر شنو جاوبتيهالمياء،،، شوف كلت………. سولفتله كل شي سراج،،، مين جبتي هل فلم؟ لمياء،،، ماإجا ابالي غير هل كلام شنو مثلا اكول صح ماقنعت بس مشيتها وسألتني عليك تريد تستفسر منك كلتلها طلع سراج،،، وشكو كل هل تصرفات هسه اروح احجيلها كل شي،،، شنو خايف منها؟ لمياء،،،سراج افهمني البنيه ناسيه كل شي وهل شي بصالحك حسنوا علاقتكم وانهو الخلاف البينكمسراج،، اي خلاف تحجين عنه ماجايبها هنا زوجه جايبها احاسبها على كل شي سوته ويايا خلي تصير زينه ويصير خيرلمياء،،، والله عرفت وراك سالفه وماراح تعدي غلطها وياك وتمرره بس لتنسى شنو سيلين بالنسبه ألك وأي شي يصير بيها يأذيك قبلهاسراج،،، هاي قبل من چنت مصدك حبها أما هسه صرت متأكد سيلين لاحبتني ولااعنيلها شي والميريدني مااريدهلمياء،بمكر،،، يعني بطلت تحبها؟ سراج،،، انعل ابو گلبي ادوسه اذا بعد نبض ألها لمياء،،، اي واضحسراج،،، شكلتي؟ لمياء،،،لا هيج،،، اذا تحبها او لا هل شي راجع ألك بس عوفها بحالها كافي الصار بيها وصلت للموت وايام غايبه عن الوعي اتقي الله بيها عدها يتيم محتاجهاسراج،،، واني موعندي بنات ومحتاجاتني نسيتي شسوت بيَ لمياء،،، عفا الله عما سلف انسى لخاطر هل يتيم باوعلي بغضب واضح كلش ماعجبه كلامي عافني وطلع نضراته متبشر بخير وماعرفت للأن شمسويلها ولاعرفت ليش هيج صاير بجسمها او يمكن اعرف بس مااريد اقتنع انو ممكن سراج يسوي هيج شي ساره: صار اسبوع اتصل على سيلين يطلع مغلق اتصلت على سميه وكالت… سيلين بشهر العسل،،، استغربت سيلين رافضه هل الزواج شنو صاروتغير الحال الى درجة تروح شهر عسل،، معقوله حبها لسراج رجع وغلب مشاعر الحقد والانتقام اتمنى حياتها تترتب لان هواي تعبت بحياتها وكنت شاهده على كل انكساراتها ودمارها اني ومؤيد علاقتنه متوتره من يوم سفره للان والكل سمع بهل شيعزمونه عمامي مسوين ثواب على روح جدي وجديتي رحنا ولكينا عمتي ام سجاد هناك كالبه خلقتها علينه وتبسمر بينه طلعتها لروحي ماتحملت رحت للمطبخ دمعتي بعيني شافتني بنت عمي شهد رغم علاقتنه موزينه بس من شافت تصرفات عمتي انقهرت عليه حاولت تواسيني اخذتني لغرفتها وحتى من صار العشا جابتلي العشا للغرفه تعشينا سوا ضلت تحجي وتغلط على عماتي وتصرفاتهن ماصدكت خلص الوقت ورجعنا للبيتورا اسبوع اجتي زوجة عمي وشهد يمنا ضلن للعصر غيرنا جوا ضلينه نسولف علاقتي هل فتره تحسنت بشهد وضلينا نتواصلاتفقن امي وزوجة عمي يروحن الباجرالعصر لدكتور المفاصل لأن ثنينن مفاصلهن تعبانهبيومها ضلن يمنا وتعشينا سوا تونسنه بالليل اتصلت سميه بيَ واﻧصدمت من اجاني صوت المتصل سيلين كلش فرحت ضلينا نسولف سوالف فراق اسبوعين رغم مبين مرتاحه بس صوتها ماعجبنيثاني يوم ورا الضهر راحن امي وزوجة عمي للدكتور بقيت وحدي ماعندي شي اسوي لفيت راسي ونمت كعدت على لمسات جريئه على وجهي وجسمي فزيت مرعوبه انصدمت صدمة حياتي من شفت شخص يمي اول مره اشوفه قبل لااستوعب الصدمه وقبل لاأنطق كلمه سمعت هوسه برا انكسر الباب ودخلوا عمامي