رواية تزوجت حماي الفصل الثامن 8 بقلم عائشة الدليمي

رواية تزوجت حماي الفصل الثامن 8 بقلم عائشة الدليمي كنان ــــــ ان شاءلله يمه ام كنان ــــــ گومي ورا زوجج قمر ــــــ عليش عوفي،،،، راح غسلت المواعين و رحت لخيمتي عزلتها لگيت ناسي محفضته بالفراش توني تاخليها عالكارتونه اجه كنان ــــــ نسيت محفضتي قمر ــــــ اي هاي لگيتها بفراشك اتفضل ابو صلاح كنان ــــــ زاد فضلج محتاجه شي اجيبلجيا ويايه قمر ــــــ تسلم ماتقصر،،،، راح كملت لميت الفراش وعزلتها كنستها ورحت لخيمة عمتي كذلك و كنست الگاع و المطبخ خلصت شغل عمي طلع گعدنه اني وعمتي انسولف على الجيران الجدد بالهدعش اجه كنان جايب طباخ و مسواگ شكل الطباخ ام كنان ــــــ وين تريد بالطباخ هذا كنان ــــــ اذبه ام كنان ــــــ لا عوفه انطي لناس ماعدهم كنان ــــــ ماشي يمه ام كنان ــــــ روح شوف زوجتك مدري شتريد منك قمر ــــــ دحگتلها بصدمه اني ماحجي وياه تا اطلب كنان ــــــ هلا ام نيار محتاجه شي ام كنان ــــــ هاي شنهاي ام نيار ماعدها اسم كنان ــــــ ههه يمه وسوالفج قمر ــــــ ماصار مجال ارد جان عمتي فلحت بيه ام كنان ــــــ بحلگج عضم ماتردين على زوجج وتگوليله شمحتاجه قمر ــــــ مامحتاجه شي تسلم ابو صلاح،،،، عفته ورحت يعني تدري اني وياه مانحجي بس لا ترجع للمشاكل والله مليت،،، رحت طبخت للثنعش گامت تمطر يالله بالله هسه شلون انقل الاكل لخيمة عمتي بدون لا يتبلل الاكل يالله بالله هاي هم عيشه عايشينها بالخيمه والله يربي والله يربي ضليت انتضر الاكل برد رجعت حميته ماراح المطر خليتهن بالجدر ونقلتهن عاد صبيت هناك كنان ــــــ يابه لگيت بيت بأربيل وهناك السوگ قريب و كل الخدمات و بيت عمي هناك ام كنان ــــــ والله ماروح ولا ابعد عن ديرتي شرايحلنه اهنا بالخيمه نكعد ونسكت كنان ــــــ يمه الوضع طايل ترا و مامنها رجعه بعد على ديرتنا بعد اخذوها شفتي رمضان المر بالگوه گضيتو وهنا صحرا والجو سموم نار والشته هلاك و گاع مطربسه لهد العيشه يمه ما الله يهديج وانروح وبلكت يهدا الوضع ابني بالخالديه ونستقر اهناك ام كنان ــــــ لا كنان ــــــ اسمع ييابه هنا الجهال ميتحملون الجو و بالصيف عگارب وماتدري شيجي ذيب عگرب حيايه دود صحراء متدري شيطلع بيها ابو كنان ــــــ عليش شرايحلنا عالعكارب لن گاع متروكه وطلع هسه اتشوف مادام بقينه اهنا بعد ميطلع عگارب كنان ــــــ شتحجي وياهم بالله ام كنان ــــــ تريد تاخذ اعويلك واتعوفنه واتروح مانا عنك كنان ــــــ لا يمه شلون اعوفج واروح بس عاجبج وضع الخيمه ام كنان ــــــ انته لا تحش براسك مرتك وتجي تثرد شبي وضع الخيمه اشو مو بس احنه عايشين كلها كنان ــــــ شهالحجي يمه وين ردينه يمه روحي مخلصه الله عليج مو حمل مشاكل عمه وجنه ترا البنيه حتى حجي اني وياها مانحجي يجوز جدامكم نحجي بالخيمه مانحجي كلشي. قمر ــــــ الحمد الله إن شاءلله دايمه عمه من تكملون ناديلي اغسلهن،،،، طلعت رحت لخيمتي ركض حتى لا اتبلل بدلت لوليدي ورضعته،،، ياروح الماما شحلو صلوح ليش جيت بالمطر شوف متبلل صلاح ــــــ بدان قمر ــــــ اگعد يم اخيك مو تكتله ترا اشوفك صلاح ــــــ لا قمر ــــــ طلعتله ملابس جان يمسح على شعر نيار ضحكت يربي شبي لطافه هالطفل هم ابني يكبر ويصير مثله،،،،، تعال ابدلك صلاح ــــــ اي قمر ــــــ نزعته فوانيله وگمت اللبس بيه صلاح ــــــ تافي تافي قمر ــــــ مو تافي بارد الجو انته مو تگول بدان صلاح ــــــ حاله قمر ــــــ هاي لان الصوبه مشغله صلاح ــــــ تافي تافي تافي قمر ــــــ نومته ولبست تلث بجامات ادري بيه من ينتهي المطر يزرگ من حيث لا نحتسب صلاح ــــــ دفي ماما قمر ــــــ اتغفين انتي،،،، گمت اكركره من بطنه و هوا يضحك ويلزم بيدي ياخي احلى واحد بيهم صلوح،،،، يالله نام نفس الدادا نام،،،، هوا نام غطيته طفيت الصوبه و رحت غسلت المواعين رجعت لخيمتي لگيته موجود دلست نفسي بفراشي من سكوت ونمت گعدت العصر لگيت صلاح ماكو والطفل ماكو بس اني بالخيمه الطفل ماطلعه لان لجو بارد صلاح يتحمل و عنده مناعه بس هذا حديث ولاده متت من الخوف طلعت شفت عمتي برا،،،، عمه عمه نيار ماكو ولا صلاح عمه يمكن انخطفو واني نايمه،،،، من گامت اتصيح وتلطم متت من الخوف گلت ماكو غير انخطفو ضليت بمكاني خايره قوتي ودمعي يهر اجه كنان وجان شايله ركضت عليه اخذته بحضني وحضنته حيل واني منهاره من البجي و عمتي تريد اتشيله وتحضنه يا اهم اني لو هيه هوا ابني لو ابنها اخذته مني اريد ماريد،،،، عمه هذا ابني ليش اخذتي مني ام كنان ــــــ وهذا ابن ابني اخذه وغصب عنج واليوم محرومه منه فلا اخليج اتبيتي يمج قمر ــــــ لا هوا يگعد بليل و اخاف يضوجج عمه ام كنان ــــــ وطمه مايبات اله يمي لتخليني احرمج منه للابد كنان ــــــ يمه شهالحجي ام كنان ــــــ انته اسكت من هسه لاجمتك كنان ــــــ دحگ بالله دحگ بالله الضيم وعليش امسوياتها مناحه الطفل ارتفعت حرارته واخذته للعياده صلاح ــــــ ماما حنه قمر ــــــ شفته يم رجليه ورافع اديه يريدني احضنه شلته،،،، عمه رجعيلي نيار ماگدر انام بدونه خصوصا بعد هالهبطه ام كنان ــــــ يبات يمي يعني يمي وانتهى الموضوع قمر ــــــ اخذت صلاح ورحت لغرفتي ابجي يعني والله صعبه گعدت مالگيت ابني الفت سيناريو وصدگته و من رجع اوليدي ماطمن گلبي عليه و لا انوب مريض ضليت ابجي اني من غير هاي وهاي مهضومه منا اهلي بعيدين عني بأهمل واشمل و منو يگول يجي اليوم الي راح اشوفهم بيه و منا ماكو امان ومنا احس نفسي غريبه بينهم ام كنان ــــــ گومي سوي عشى قمر ــــــ هئ اي عمه ام كنان ــــــ وسم اله مالي حصه بحفيدي تعال صلاح هم انته مستحوذه عليك تعال اليوم تنام يم جده قمر ــــــ عمه اضوج خلي يمي ام كنان ــــــ ضوجة المكر قمر ــــــ انتفخ گلبي عفتها ورحت للمطبخ شبعت بجي سويت عشى گلتلهم مو جوعانه ورحت لخيمتي اجه كنان جايبلي اكل وگعدني سويت نفسي نايمه گال براحتج وراح ضليت اهر بدموعي من اجه سويت نفسي نايمه اجه نام بفراشه صديت للجهه الثانيه وابجي اريد اروح اشوفه شلون صار سمعته يبجي لو متت من البجيكنان ــــــ ته اله من كل عقلج ام نيار قمر ــــــ هئ هسه متأذي كنان ــــــ امي تعتني بيه امي ربتني وربت خواتي و المرحوم ماتربي ابنه وهوا هاليوم قمر ــــــ هئيييئ كنان ــــــ نامي يمعوده متريد تاخذين ريست من الگعدات بليل قمر ــــــ لا ماريد اريد ابني كنان ــــــ اروح اجيبلجيا قمر ــــــ علواه ياريتكنان ــــــ اي گايم قمر ــــــ راح تا يجيبه ……التاسع من هنا