رواية اسيرة بين يدي قاتل ابي الفصل الثاني 2 بقلم نور آل زيادة

سيلين: مر على زواجي من ثامر سبع سنوات مجرد رقم امام الناس لكن كان بالنسبه ألي سبعين سنه

خلال هل سنين كبرت وتغيرت صرت انسانه ثانيه تغيرت لكن للأسوء صرت املك قلب من حجر خالي من اي مشاعرصار داخلي حطام بسبب خيبات الأمل والغدر

اما منضري الخارج فكان مختلف تحولت الى اجمل صرت شابه جميله وصاحبت طول وقوام ممشوق امرأه كل ألي يشوفني ينبهر بشكلي و بقوة شخصيتي وينبهرون بأناقتي وستايلاتي المميزه كانت اكثر ملابسي اشتريهن من اسافر من ارقى الماركات ألي يشوفني يكول فنانه او شخصيه مهمه

كنت اخفي داخلي الهش بقوة الشخصيه واخفي حطام قلبي بشكلي ومضهري المميز والراقي واخفي تعاستي بأبتسامتي الكاذبه امام الناس

مع الاسف كل حياتي كانت وهم من بدايتها للأن الحقيقه الوحيده هي ابني وألي صار عمره خمس سنوات كان ثامر طاير بي سيوفي نسخه مني حتى لون عيونه مثل لون عيني تخرج من الروضه وثامر من فرحته سوه حفله وكأنما ابنه اخذ الماستر دعا اهله وهاي اول مره يدخلون بيتي من بعد العرس لأن ثامر علاقته سيئه ويا اهله واذا تواصلو فهل شي يصير بالمناسبات وهو يروح يلتقي بيهم

راد يعزم اهلي لكن رفضت ومع ذلك عزمهم واني سكتت لأن حتى لو اجوي او مااجو ميعنولي شي وعلاقتهم الحقيقيه بثامر البنك المركزي مالتهم

العزيمه كانت على عشا ثامر احضر كادر كامل كل شخص اهتم بشي والاكل صار بوڤيه مفتوح بي كل انواع الاكلات

امااني استدعى خبيرة تجميل من المركز وطلبت اون لاين فستان باللون الفيروزي ويا لون عيوني

حضرنا نفسنه وخلصنه قبل وصول المدعويين وضهرنا امام الناس بابهى طله،، ألي يشوفنا يفكر احنا عائله مثاليه

اجوي اهلي امي وخواتي وازواجهم ألي لأول مره اشوفهم واخويه وزوجته هم لأول مره اشوفها

زوجة اخويه شاكر ماعجبتني نهائيا لانضراتها ألي ولا للبيت والاثاث واضح من نضراتها انو هي انسانه فارغه وماشايفه اي شي وهل الموضوع ميخص كل الأشخاص ألي عيشتهم بسيطه لأن اكو ناس رغم وضعهم وضيق معيشتهم لكن عيونهم مليانه وعزة نفسهم فوق كل شيء اما زوجت اخي ألي عرفت اسمها زينه كانن نضراتها نضرات انسانه ماشايفه ونضراتها بيها غيره وحقد

سلمت عليهم حالهم حال باقي الضيوف بس مااهتميت لوجودهن ولا بادلتهم الكلام عاملتهم حالهم حال الاغراب مع انو ماانكر وهل شي مو بأيدي كان بداخلي ألهم اشتياق ولهفه لكن تجاوزت مشاعري لأن بطلت اقدم هل المشاعر لأشخاص ميستحقوها اشخاص باعوني علمود مصالحهم

كانت الحفله حلوه اهل ثامر اول ماتزوجت كانو ينضرولي نضرات استحقار واستصغار اما الان اشوف بعيونهم الأنبهار وهل شي طبيعي لأن فعلا كل شي بيه تغير شكلي ولبسي وشخصيتي وبالنهايه الناس تهتم بالمضاهر ومع الاسف هواي اشخاص ومن ضمنهم اهل ثامر طبيعتهم يقيمون البشر من هيئته الخارجيه

مرت اجواء الحفله بشكل جميل مثل ماخططنا و شفت بعيون الكل نضرات الأنبهار من الاجواء حتى اهل ثامر لأن فعلا كان كل شي من ابهى مايكون ومثالي

رحت للبوڤي اخذت صحن خليت بي كميه من الاكل واخذته لسيف حتى ياكل لأن ألتهى يلعب مع باقي الاطفال وضل بدون اكل رفعت راسي واجت انضاري على شخص يطلع عمره منتصف الثلاثين شكله مرتب بس نضراته وسخه

من انتبهتله يباوعلي خزرته ودرت وجهي رحت للمطبخ حتى اشرف على باقي التجهيزات تحدثت مع العاملين ووجهتهم،،، اثناء خروجي صار هل الرجل بوجهي واستوقفني كلامه…

نائل،،، اني نائل زوج غفران اخت ثامر حبيت اتعرف عليج

سيلين،، جاوبته بتذمر،،، اهلا وحاولت امشي رجع وقفني من قال

نائل،،، هواي سمعت عنج بس ماجنت متصور انتي بهل الجمال والأناقه والشخصيه

سيلين،،، thanks,,, اكتفيت بهل كلمه ومشيت وقفني صوته من كال

نائل،، والله حرام وكفر وحده مثلج تعيش ويا هل الشايب العايب هسه لو بي حظ هم نكول ميخالف بس على شنو متحمله وعايشه ويا وهو حتى الحادث خسره رجولته شلون متحملته وانتي الف واحد يتمناج

سيلين،،، مااهتميت الكلامه بالبدايه لأن هواي سمعته من عدت اشخاص خصوصا من نطلع سوا او نسافر اني وثامر لكن باقي كلامه جاوب على اسئلتي ألي كنت اطرحها على نفسي كل هل سنين شنو السبب ألي يخلي ثامر يبتعد عني وميطالب بحقوقه؟

انداريت بملامح جامده واستفزيته حتى يكمل

_وانته شعليك ومنو طالب منك تدخل بحياتنه وشلون تسمح لنفسك تحجي على ثامر؟

نائل،، والله بخت وفوكاها تدافعين عنه بس فهميني شنو شفتي بي وشنو جابرج تفنين شبابج ويا شخص معيوب؟

سيلين،،، شنو هل الكلام السخيف؟

نائل،،، قابل چذب اني و انتي والكل يعرف ثامر الحادث دمره وخلا رجل عاجز ههه رجل اني هم الثاني هو ماضل رجل صار رچيجيل هو الرجال من يفقد قدرته يضل رجال همزين من لحك يخلف هل الولد

سيلين،،، كلماته جاوبت كل تسائلاتي وشكوكي وهنا تأكدت ثامر مو لسواد عيوني عايفني ولا لأن فعلا مثل ماهو يكول يحبني وميريد بعد يجبرني على شي ولا لأن ندمان على اجباره وممارست وحشيته عليه

اثناء شرودي وتفكيري ماحسيت غير نائل قريب عني من انتبهت بعدت خطواتي وصار هو يتقرب

نائل،، الضاهر كلامي غثج اعتذر مدام سيلين اني كلش ارتاحيتلج وانعجبت بيج وحاب يكون بينا تواصل واي شي تحتاجي اني حاضر اسد الفراغ (وغمزلي)

سيلين،، الحقير فهمت شنو معنى كلامه وشنو ألي يريد يوصله خزرته ومشيت ضليت طول الحفله بالي شارد وكل ماارفع عيني انتبه لنضرات نائل وابتسامته الصفره

انتهت الحفله والكل راح والعاملين رتبو البيت دخلت اخذت شور وبدلت ملابسي دخلت للغرفه لكيت ثامر وسيف يشوفون بالهدايه عفتهم ونشفت شعري

بعد ماخلصوا طلبت من سيف يروح لغرفته ناديت سميه اخذته واخذت الهدايه لغرفته حتى ينام واني مباشرتا توجهت للسرير وانطيت ضهري لثامر حتى انام

ثامر،،، سيلين شنو راح تنامين؟

سيلين،،، تعبانه

ثامر،،، عجبتج الحفله حبيبتي؟

سيلين،،، زينه مابيها شي

ثامر،،، كولي ثامر ميحبني ومامدللني شوفي الكل انبهر بالبيت وبحياتنه

سيلين،،، ردت اجاوبه بس اتماسكت وسكتت ماردت اجرحه رغم غشه ألي ومسوي نفسه المضحي والمحب وألي يتنازل على كل شي حتى يسعدني وهو طلع كل هل سنين يغطي على عيوبه بالسفر والفلوس والهدايا والمعامله الزينه لاومن خطب وعافهه ورجعلي يكلي مااكدر اعيش من دونج مااتقبل اي وحده غيرج وراضي بيج حتى لو مامتقبلتني

خلاني سنين اعيش واني ضميري يأنبني على عدم تقبلي أله

مرت ايام وغلقت الموضوع لأن اصلا ميهمني بس معرفته رجعت عدم ثقتي بثامر وخله گلبي يقسى على الناس وهنا تأكدت كل شي بالحياة أله مقابل وماكو شي لله افعالهم ويايا خلتني مثل الروبوت بلا مشاعر

بعد اسبوعين كان ثامر خارج بغداد راح للشمال عنده عمل فجئه المغرب تفاجأت بدخول غفران اخت ثامر ووياها زوجه واني ثنينهم مااطيقهم ومع ذلك استقبلتهم وطلبت من المساعده تضيفهم

غفران: سيف وينه؟

اصرت تريد تشوفه واني صراحه ماالي ثقه لهذا ناديت سميه تروح تكعده من نومه بمجرد نطقت الكلام سبقتني غفران من كالت…

غفران: عفيه سكري هبط ممكن تجيبيلي عصير بسرعه واريد عصير فريش مااريد صناعي

ارتبكت سميه واحتارت بين طلبي وطلب غفران

كلتله… روحي اني اكعده

قبل لاامشي طلبت مني غفران عطر حتى تصحصح من الدوخه وأكدتلي انو يكون من عطري لأن يعجبهه عطوري

مشيت واني مامرتاحه للوضع صعدت للطابق الثاني ألي بي الغرف ردت ادخل لغرفتي انقبضت روحي تراجعت وقررت اجيبله من العطور ألي بغرفة سيف وهم بطريقي اكعده حتة اختصر الوقت مااريد اعوفهم فتره طويله وحدهم

دخلت للغرفه لكيت سيف ماموجود الضاهر كاعد وداخل للحمام اتوجهت للميز اخذ عطر اختاريت واحد وانداريت اطلع صار بوجهي نائل دخل الغرفه وغلق الباب عطت بي…

_شعندك هنا؟ شكو جاي ورايه؟

نائل،، اجيت اشوفج

سيلين،،، اطلع بسرعه وانزل قبل لااعيط بصوت عالي واخلي غفران تسمع

قبل لااكمل اجه بسرعه ناحيتي مالحكت اعيط خله ايده على فمي وصار يتحرش بيه ويحاول يعتدي عليه

ضربته وملخته واني ادافع عن نفسي صح مااكدر اعيط بس الحركه القويه بالغرفه وارتطامنه بالاغراض وصوت العطر ألي انكسر المفروض ينسمع

دقائق مرت كأنما عمر بالنسبه ألي كرهت روحي وكرهت كل الناس حاول ويايا واني اجاهد للحفاض على نفسي

توقفنه ثنينا من سمعنا صوت كسر الباب ابتعد عني نائل وصار يعيط بصوت عالي

نائل،،، انتي وحده ساق،،،، اني رچل حماتج شلون تخلين عينج عليه شلون هيج تسوين

سيلين،، ضليت مصدومه من كلامه وبهل وقت انكسرت الباب ودخل ثامر كان شكله مرعب باوع عليه مباشرتا وألقى نضره خاطفه على نائل وأجه بسرعه عليه ومن غير مقدمات انهال عليه بالضرب دافعت عن نفسي بكل قوتي بس يبقى الرجل اقوى ملخني واني احاول افهمه مو اني السبب هو اجه ورايه للغرفه حاول يعتدي عليه لكن صدمني كلام غفران من كالت…

غفران،، چذابه انتي وحده ساق*ه وچذابه انتي صحتي وكلتيله تعال شيل ابني ينزله طلعتي تريدين تغري اني عرفتج شنو من البدايه من كلتيله بالحفله زوجي عاجز ومامكفيني وهو كنسلج بس ماتبتي ورجعتي هسه كملتي نواياج اذا مامكفيج اخويه شكو باقيه يمه لو علمود اللفلوس

سيلين،،، هل كلام استفز ثامر صار بركان يغلي وهي اصلا مسممه افكاره اول مادخل البيت

عطت بيها ونفيت كلامها وحاولت افهمه الي صار هو العكس لكن هنا ثامر انعمى وماعاد يشوف غير غضبه صدكهم ثنينهم وكذبني

ماحسبت حساب غضب ثامر يوصله للجنون فقد عقله رسمي،، طلع من الغرفه ركض ورجع مثل الاعصار وجه سلاحه عليه بلمح البصر قبل لاانطق كلمه سمعت صوت الطلقه وحرارتها بصدري

وكعت على الأرض واسمع بس صراخ سميه وابني بديت افقد،،، اتشاهدت

مااتصورت تكون نهايتي بهل طريقه كنت خايفه من هل نهايه البشعه اكثر من الموت نفسه لأن الموت خلاص بالنسبه ألي لكن السمعه ألي راح تبقى من بعدي وألي راح تكون بصمت عار عليه وعلى اهلي وابني على مر الزمان هي الي خلتني اخاف

غمضت عيني والاصوات يمي سمعت عياط سميه وهي تصرخ بگلب محروك

سميه: چذاببن كله چذب هذوله ثنينهم متفقين اصحى ابو سيف وانقذها ترا تندم طول عمرك اذا خسرتها

اسمع صوت غفران تغلط على سميه وسميه تعارك بيها وتدافع عني بكل حيلهه وصوتهه

كنت شبه منتهيه ماحسيت غير بشخص رفعني عن الارض كان صوت السائق امجد صار براسي فوضى واصوات سيارات وصوت امجد يصيح مااعرف على منو حسيت ملمس ايد على خدي وسمعت صوت شخص غاب عني من سنين طويله رغم كل ألي سوا بيه ورغم تناسيته لسنين طويله اليوم حسيت نفسي بحاجته كنت محتاجه حنانه وحبه حتى لو مزيف محتاجه اشكيله كل ألي مريت بي وأكله كل الناس ضلموني وأذوني من بعدك وانت السبب

حاولت افتح عيني حتى اشوفه حتى لو لأخر مره قبل لااموت تمنيت اعاتبه على غدره سمعته يكلي

_الله يخليج تحملي لتموتين،،، بعدها فقدت

.

.

بعد وقت مااعرف شكد فتحت عيوني من شفت ألي حواليه عرفت اني بالمشفى وبلحضتهه ادركت الصوت السمعته وهم وهلوسه بعقلي اويمكن لأن بداخلي أتمنيت اشوفه وأتمنيت هو ينقذني مثل ماكان يسوي ويا الكل ونسى ينقذني من نفسه دمرني و خلاني أسيره أله طول العمر

سمعت صوت الممرضه وهي تكول بلهفه صحت المريضه

كان عندي ضيق تنفس قوي وألم بصدري لايحتمل رجعت غمضت عيني اجه الدكتور وبدى يسألني ماكنت اكدر اجاوب رجعت نمت او يمكن اغمى عليه

كعدت على ضربات على خدي وصوت بكاء امي وخواتي يمي

فتحت عيني بتعب اول مره بحياتي اشوف امي هيج متأثره عليه نزلت دمعتي كنت محتاجتها فعلا محتاجه اشكيلها ألي مريت بي من ضلم

قبل لاانطق اي كلمه تكلمت قبلي وياريت مانطقت

ام شاكر،،، ليش هيج سويتي ليش دمرتي نفسج وهجمتي بيتج وبيتنه وبيت خواتج ليش لبستينه العار ومو مره،، مرتين،، معقوله ماعرفت اربيج ياريت ميته ولامسويه هل شي

سيلين،،، الوجع ألي بصدري كان اهون من كلامها حسيت خنجر دخل بنص گلبي اكتفيت بالسكوت عافتني وطلعت وهي تدعي عليه واخواتي يباوعن عليه بأشمئزاز واستحقار وطلعن وراها

بقت ضحى اصغر اخواني اجت يمي ونزلت دموعها مسحت على راسي وكالت…

ضحى،،، معليج بيهم بعدهم مصدومين من الصار اني بالنسبه ألي واثقه انتي متسويها واعرفج مضلومه ومهما تغيرتي متسوين الحرام

سيلين،،، اريد جهازج

ضحى،،، شتسوين بي

سيلين،،، اتصليلي على ساره بسرعه وبلغيها بالصار وكوليلها تجيب سجاد وياها وتجي بأسرع وقت

ضحى،، ماعندي رقمها

سيلين،،، اني اعرفه،، رديتلها الرقم وأتصلت عليهه ساعه وأجتي هي وحماها ضابط اسمه سجاد

خلال هل ساعه كل شويه داخل ثامر لو شاكر يتهددون عليه ويطلعوهم الكادر ألي بالمشفى

دخلت ساره وامها دموعهم بعيونهم كانت امها مو بس ام ساره ونسرين لاكانت امي هم وأحن من امي عليه كنت دائما احسد ساره على اهلهه

دخل سجاد رويتله كل الصار وطلبت منه يساعدني

سجاد،،، اكو شهود اودليل على كلامج

سيلين،،، سميه هي تشهد

سجاد،، شافت كل الحدث من البدايه؟

سيلين،،، لابعدين أجت

سجاد،، موقفج ضعيف خصوصا هي ماشافت الصار من البدايه يعني شهادته تخمين موواقع وثانيا هي وحده وهمه ثلاثه هسه لو أكو شهود او تصوير اواي شي يمكن يساعدج؟

سيلين،،،،أيست من كل شلي ل لحضه لكن اجتني لحضة ادراك غيرت كل شي

_تذكرت اكو كامره بغرفة سيف خالته من هو وطفل للأن أراقبه بيهه من اكون مشغوله حتى إطمئن عليه وأكيدهسه سجلت كل الصار

اتصلت على سميه وطلبت منه تسحب تسجيلات الكامره وتخفيهن

سجاد حركلي الموضوع وأجوي استجوبوني واشتكيت عليهم ثامر بلحضتهه من سمع تخبل اسمع صوته وصياحه وغلطه وهمه ياخذوا ماتوقع مني هل التصرف بعدها حتى يبرء نفسه ويبرر محاولة قتلي اتهمني بالزنا واخته وزوجهه شهدوا عليه لكن تصوير الكاميرا غير كل شي وأثبت برائتي ثامر من شافه أنصدم

الي صار بيومها انكشفت الحقيقه وضهرت برائتي وعلى أثرها ثامر توقف بتهمة الشروع بقتلي

الاشخاص ألي وكفوا ويايا لأخر لحضه هم ضحى وساره وام ساره وسجاد اما اهلي من عرفوا الحقيقه أعتذروا مني لكن اعتذارهم كان متاخر لأن الانسان نحتاجه يوكف ويانا بالشده مومن تنتهي ونوصل بر الامان،،

تجاهلتهم تماما ضليت ايام وخلال هل ايام ثامر ماخله شخص ماارسله عليه حتى اتنازل عن الدعوى واطلعه كنت رافضه لكن بدى الضغط عليه من كل جانب وخصوصا من ابني الي صار طول الوقت يسأل على ابو،،

رحت ساومت ثامر السجن او الطلاق بالبدايه رفض وبعدين أنجبر يوافق لأن يعرف اكدر اتطلق منه بسهوله بعد الي سوا وخصوصا بعد ماانكشفت الاوراق وحالته الصحيه صارت معروفه للكل

اهله فضحوا وهو بالشي السوا فضح نفسه تسترت عليه وراعيت مشاعره بس هو خوش جازاني

طلقني وتنازلت وطلع ثامر كنت متصوره خلص خلصت منه طول العمر لكن تجري الرياح بما لاتشتهي السفن

رجعت أعيش يم اهلي وقررت ابدي حياة جديده لكن ثاني يوم اجني خواتي للبيت زعلانات لأن قرروا ازواجهن يطلكوهن ونفس اليوم بطلو شاكر من عمله ومالك البيت اجه يريد يطرد اهلي من البيت بأختصار ثامر عرف يلعبها صح حاربني من كل الاتجاهات اتطلك خواتي يتطلكن ونصفى بالشارع واخويه يضل بلاعمل صار الكل يلومني ويتهموني انانيه لأن بسبب قراري خواتي حتى اطفالهن اخذوهم منهن

طلعت ادور شغل وبصعوبه لكيت استغلت يومين وبدون سابق انذار انطردت رجعت لكيت غير عمل ونفس الشي صار ومو بس ويايا لا حتى شاكر صار ويا نفس الشي

بوقتها كرهت ثامر كره ماصاير تمنيت اشرب من دمه اخر شي اجه وجايب ويا شيوخ وجاهه وطلب يرجعني اني وابني استسلمت رغم داخلي يصرخ بالرفض لكن من شفت حالة اهلي وألي وصلوله بسببي ماكدرت اكون انانيه واصلا بقائي ووجودي مامرغوب بي حسيت نفسي عاله عليهم يكومون ويكعدون يسمموني بالكلام وصاروا يحاربوني حتى بأبني

خضعت وعرفت وتأكدت بعد زواجي من ثامر ماعاد الي مكان ببيت اهلي تعبت والكل تعب استسلمت ورجعت لثامر بس بشروطي واول شرط يشتريلي بيت اهلي ألي حاليا ساكنين بي لأن البيت الاولي من يوم زواجي تركوا

طلبت يسجله باسمي وهو نفذ مباشرتا ورجع خواتي لأن ازواجهن يشتغلون عنده وهو الي زوجهم ألهن فهو ألي مسيطر عليهم رجع شاكر لعمله

رجع كل شي كما كان بس اني مارجعت كما كنت رجعتله بس مارجعت سيلين ألي بدت تتقبل حياتها ويا واعتبرته صديق رجعت ويا مثل اول سنتين واتعس صرت اتجاهله واعانده واستفزه عشت حياتي لنفسي وابني وبس صرت انانيه من صدك كان تواصلي ويا اهلي بس مع ضحى

اما امي وشاكر بس وقت المصالح والفلوس يريدوني،، خواتي رجعن لحياتهن كأنما شيء لم يكن حاول وكل شي سوا ثامر حتى يرضيني بس مارضيت مرت سنتين على هل حال وصرت اليوم الي تسع سنوات متزوجه من ثامر اتزوجني واني بعمر، ١٧ وهسه بالوقت الحالي اني ابلغ من العمر ٢٦ كبرت وتغيرت بس اليوم اكتشفت انو مافقدت الرحمه والانسانيه من داخلي مثل ماكنت متصوره لأن رغم كل الي سوا ويايا ثامر تأثرت من سمعت بمرضه

العوده للحاضر

~~~~

فزيت من ذكرياتي مسحت دموعي ألي مااعرف شوكت نزلت باوعت بأتجاه ثامر لكيته نايم

سمعت صوت الاذان كمت توضيت وصليت ونمت

ثاني يوم كانت صحت ثامر افضل لكن بقى بالببت طلب مني اطبخله واخيرا قررت اتنازل وألبي طلبه كان جدا فرحان بهل شي ولاكأنما طبخه وكأنما ملكته الدنيا كله

راح ثاني يوم لدكتور يتابع حالته واني ابد ماواجهته وكتله اني عرفت بمرضه كنت منتضره هو بنفسه يجي ويفتح ويايا الموضوع وفعلا بعد اسبوعين اجه وصارحني بوضعه وثاني يوم اخذني وشوفني اماكن عمله وعقاراته ألي يملكها وفهمني طبيعة شغله بمساعدت المحامي فؤاد

وبعد ايام حجز عند دكتور بألمانيا وقرر يسافر حتى يسوي عمليه كانت عمليه جدا خطره خلال هل الايام كان طول الوقت مشغول يرتب وضعنه ووضعه قبل السفر واخر يوم قبل سفره اجه المحامي فؤاد وتناقشنه بموضوع الاملاك وكل شي وراح بالليل كاعدين وهو حاضن سيف يبوس بي ويحضنه راح سيف لغرفته اجه ثامر وكعد امامي مسك ابدي ردت اسحبها مثل كل مره بس شي بداخلي منعني

ثامر،،، سيلين اني ادري انتي انضلمتي هواي ويايه واعرف ماكو شي بهل دنيا ممكن يعوضج بس صدكيني اني احبج واعشقج

سيلين،، حبك اناني ثامر حبك دمرني واخذ احلى ايام بعمري

ثامر،،، اسف واعرف كلمة اسف متعوض ولاتغير شي اعترف هواي اذيتج وچنت اناني بحبي ألج بس صدكيني حبيتج ومن اول لحضه شفتج بيها

اني عشت عمري بالطول والعرض وچنت رافض موضوع الزواج عبرت الاربعين واني رافض الفكره الى ان شفتج اعرف تفكيري بيج غلط واني اكبر منج بهواي بس موبيدي دخلتي عقلي وبعدين سكنتي گلبي چنت مستعد اقدم كل شي حتى املگج وحصلتج وتصورت هاي هيه صرتي ألي لكن مع الاسف ماكدرت املك گلبج وهل شي كان اكبر عقاب ألي منج

تصورت بمالي اگدر املك كل شي پس ماكدرت املكج سامحيني سيلين اني مااعرف اذا راح ارجع هل مره سامحيني اذا مولخاطري لخاطر ابنا اذكريلي اي زينه سويتها ألج بلكي تشفعلي يمج اعرف طلبي صعب وماراح اضغط عليج هسه بس اذا صار عليه شي اتمنى منج يوما ما تسامحيني

سيلين،،، لتفكر هيج ان شاء الله ترجع بالسلامه سيف بعده محتاجك محتاج ابو يكون ويا

ثامر،،، اعرفج شكد قويه واعرف راج تىربي احسن تربيه وراح تعوضي بس رجائي عندج اذكريني بالخير عنده لتخلي يكرهني

سيلين، ولا يوم خليت مشاكلنا تأثر على سيف ولا يوم حسيته بوضعنا ولاتصدك راح يجي اليوم ألي اشوه صورتك امامه لتضل تفكر بهل شكل عوف هل التفكير واهتم بصحتك وان شاء الله خير

ثاني يوم الصبح ودعنا وسافر طلع من البيت وعينه عليه وعلى سيف ماكنت اعرف هذا راح يكون الوداع الأخير