”سمارة “
فتحت باكيت گلينس و اخذت ورقة مسحت بيها وجهي رحت اموت من الحر، وجهي اشتعل نار بهل يوم، شدعوة الشمس شاده حيلة ويانه
ذبيت يلي بأيدي و كعدت على رصيف جوا ظل الشجرة
و ما اسمع غير صوت الهورونات، شكد ميستحون
يعوفون گاع الله شكبرها و يجون يمي يطوطون
لا دشوف سياراتهم ذولي وين عايشين و اني وين عايشة الناس عايشة براحة طبة طلعة، وظيفة
كل هذا و وجهه البومة يا هو يلي ألزمة ضل يتشكى
ضايجين من الوظيفة اتعبهم لسة ما عايشين اليوم يلي يكعدون بي و لكمة خبز ماكو ياكلوها
مستحييل يحسون براحة ابدام ما حامدين ربهم و شاكري،
فتحت بطل مي و غسل بي وجهي و شربت مي
باوعت على شارع وكفن السيارات
ايي يا الله هسه بلش الشغل، شلت لكلينس من جهه
و المي من جهة و صرت ادك ع سيارات
_عمي تريد كلينس
دار وجهه، يعني لا
عبرت على ثاني: خوية تريد كلنس
– لالا عندي ما اريد
شكد بومة سيارته اخر مديل ماعندة الف دينار يشتري بيهن و يرجعني للبيت من وكت
عبرت على سيارات وحدة وحدة لحد ما وكفتني رجلي يم سيارة مضللة
ما اشوف منو بيها، دكييت الباب، عمي هووي تسمعوني، ترييد كلينس، بطل مي ترا رخيصات و أصليات و داعت عيونك
شفت ماكو رد سحبت نفسي ردت اروح صاح وراية
_واذا مو أصليات
_باجر رجعهن الي اني كاعدة بهل مكان
ضحك و أشرلي: دنطيني عنج انطيني
انتي من جماعة لؤي و محمدفاضل ؟
_منو لؤي منو محمد فاضل ما اعرفهم
_ خلي الحجي بيناتنه اعرفكم واحد واحد غير انتو من اهلي
_ما اعرف واحد بهل اسم اصلا، اني جاية ابيع و ارجع لبيتي
طلع تلاث الف و اخذ بطل مي و گلينس
_ذني اهواي انطيني بس الف كافي
_اخذيهن و كوليله اللؤي خوش بضاعة متسوك
_لا تضل تخربط مع احترامي الك، كتلك ما اعرف لؤي ولا هءا الثاني
ماعندي غير اخت و ام واب مريض
_سامعها اهواي..
شغل سيارته و طلع كبل،
كبر والله كبر شلون يحجي، انوب علية لؤي و محمد
ضمييت لفلوس و رجعت على شغلي للعصر تعبت هلكت يالة رجعت و بأيدي شكم فلس
طبيت للبيت امي و اختي بعدهن ما جايات و ابوية مريض. عزلت البيت، بعدها سبحت و غسل دشداشتي و الجبة شريتهن على الحايط حتى ينشفن
و لفلفت نفسي يم ابوية و نمت، ساعتين و امي اجتي وراية جايبة الاكل الزايد كعدتني اني و ابوية
صبينه الغدة و هو عشة و اكلنه
بس بريوك امي تطبخلنه و نطلع نشتغل بعد ما تأكد على ملابسي و حجابي
ابوية اخذ علاجة و نام و امي اطتني الوصفة حتى اذا حصلت اشتريهن من اي صيدلية و اذا ما حصلت
نجمع او نخليهن نهاية الشهر امي تشتريهن…
ركبنا الستوته تلاثتنه نزلوني على شارع و همه طلعو كبل
فتحت علاگة الگلينس و رجعت ابيع بساعات و كلشي ماكو حتى حسيت اليوم ما مكتوبلي رزق
صار الظهر طلعت الموظفين و المدارس اني ادري هيج وكت حتى المحلات تعزل جبت المي و كفت على شارع بس من يصير
ازدحام و السيارات توكف اروح اركض افتر بين السيارات
و من يمشن ابتعد ارجع اوكف على الرصيف و الشمس ادك براسي.. بهاي الأثناء وكفت يمي سيارة
نزل الجامة
_اريد ارجع المي بلا زحمة طلع مغشوش
_هو مي الله اكبر جاي اليوم حتى ترجعه
_انتي كتيلي رجعة
_ميخالف بس انطيك ربع ابداله
_هذا مو حجي اني هيج وياج خسران
_شبيدي عليك انت انطيت زايد
_اشاقة وياج اصلا ما شربت اطيب من هذا المي بحياتي
_اكلك انت شتريد احجي من الاخير
_عادي تصعدين واحجي وياج
_لو تطلع نخلة برحي براسك ما اصعد
_زين، اني اريد افيدج
_بشنو تفيدني احجي
_الموضوع يحتاجلة كعدة و اكعد احجيلج كل التفاصيل
_ماعندي وقت فارغ اريد ابيع وراية عائلة تريد اكل
_ليش الاهل ما اسمهم عائلة
_حقج علية، صحيح كلامج.. زين شوفيلي مكان عام مناسب اكعد احجيلج
_متكلي شخبصتني بكلمة احجيلج و احجيلج
يلي تريده كول اريد اشتغل ما فارغة
_زين اني مستعد اعوضج على خسارة الوقت
ثواني.. هاج هاي الخمسة و عشرين بداية تعويض
للوقت اذا تاخرت اكثر من ساعة الج الحق تاخذين ضعفها. تلاث مرات.. هيج راضية
_اختي راضية بالبيت… المهم يعني شكد يصيرن؟
_بس ما اصعد ولا اروح لمكان بعيد
_اختاري المكان يلي تردي
_والله خبلتني ليش تريد تحجي وياية
_لشغلة تفيدج و تنفعج.. المهم كوليلي شنو اسمج؟
_هلا بسمورة الوردة، متردين تعرفين اسمي
_هناك اكو مطعم و بي كراسي مبين مال ناس فايخة
بس تاكل و تكوم لا يجبرون الواحد يغسل اماعين ولا ينضف الميز ورا..، تريد تجي هناك
_اجي و فوكاها عازمج على شيش كباب و بعد شتأمرين؟
_كلشي ما اريد منك بس خلصني شنو تريد تكول كول اريد اكمل شغلي مو فارغة
_خليني اطلعلج عذر و اكول عصبية من الشغل و الحر
_و هاي الحقيقة مو جذب
_روحي كدامي خلي اصف السيارة و اجي وراج…..
سمارة: هذا انت؟؟
شتسوي هنا
سلطان: ابيع مخضر
اكعدي كدامي
كعدت بخوف و قلق عيوني جانت تحوم على ملابسة العسكرية و البيرية!
_ليش انت عسكري
_العسكر يختلفون
_نفس البس و نفس الشارب
_عاشت ايدج على كمية التركيز و الأنتباه
يحجي وياية بدون ميخلي عينه بعيني احس ورا شي و كلبي صار يلعب من شوفته يا ترى
ليش جابني لهنا؟؟ خليت عقلي وياه و هو يقرأ بالمحضر، بديت اتذكر شحجيت ذاك اليوم اني تهمت نفسي اني القاتلة!!
اي بس هو يمكن يعرف مالي ذنب اكيد راح يساعدني بس بمقابل شنو، كل يلي سويته قبل ماجنت افكر بي اني جنت متأذية على ابوية
و همه أتهمونة بالقتل زور رغم تقارير المستشفى تثبت صحة كلامي..
صرت اندعي فعلا يكون مثل ما توقعت و يطلعني من هذا المكان…
يا الهي ساعدني ماعندي غيرك منقذي
_ست سمارة منين ابدي وياج
_شوف اني مالي ذنب بموت ابوية موو اني يلي قتلته يشهد الله علية
نزلن دموعي بيأس، جانت اكو مشكلة عائلية و ابوية
راد يحلها فنزل من الدرج و وكع و صارت كل هاي المصيبة
والله ما سويت شي غيرها..
حتى من طلعت و ردت اذب نفسي جوا السيارة و انت يلي ساعدتني شفت وضعي شلون جان، فشي طبيعي يلي حجيته بالتحقيق رغم هو مو حقيقي
بس اني حملت نفسي المسؤلية، تكدرون تشوفون الحقيقة بالتقرير المستشفى يلي طلع
اني تأذيت اهواي والله اهواي.. و امي و اختي ما اعرف شصار بحالتهم بسببي و بسبب كعدتي هنا
انت، انت تعرف واحد من الضباط حاول يعتدي علية؟… لا اكييد متدري
و الاسوء من كل هذا خلوني بسجن ويه النساء و شفت فضاعتهن و اقبح مابيهن
حتى شفت اكو ضباط ما تستحي و تطلب النسوان و يرحن وياهم بكل بساطة بعد ما عرفت هنا يشتغلن شغل مو زين
و تعاركت و كتلتهن يالة ذبوني بسجن منفرد و شفت اسوء انواع العذاب
الله يخليك لازم تشوفلي حل و تخليني اطلع
و بعد كل هذا اني لسه بالي يم امي.. قاطعني بكلمة
هزت بدني هزز
سلطان: منين تعرفيين لؤي؟
كأن كل يلي حجيته راح هباااء منثورا، خلاص هو مو ياية اصلا.. لؤي!!؟ ولا تخيلت اسمع هذا الاسم مرة ثانية
ليش كلما اكول فرجت علية و انتهيت من مصيبتي
تطلعلي مصيبة ثانية، طلعت كل الافكار من اراسي
اعرفه ديراقب كل تحركاتي رجعت ضهري ليورا
هزيت راسي بأستنكار: ما اعرفة
_ شوفي سمارة، اني ما الح زايد كلتي ما اعرفه خلاص يعني متعرفي بس طلعة من المركز هاي تبقى
بحلامج تبقين وحيدة فريدة بسجن حتى نقل لسجن
هم ما انقلج، اكل زايد هنا ماكو، و ما ادري بضباط الشفت المسائي شراح يسون ولا اني المسؤل عليهم
هسه صار الموضوع بأيدج تردين تبقيت و عاجبج هذا وضعج لو تردين ترجعين يم امج و اختج يلي هنه مرتاحات وماعدهن شي
اذا رفضتي الأعتراف خلاص طلعة خارج هذا المكان بس بأحلامج و لو اعترفتي راح نتساهل وياج شوية حتى نمشي
التقرير سريع و انتي تطلعين و ترجعين الاهلج باسرع وقت و انتي بعد بكيفج…
حاولت اكون طبيعية و سويت نفسي جاي اتذكر..
: كتلك ما سامعه بهل اسم
اصلا حتى ناسية
تحولت ملامح وجهه من شخص هادئ الى شخص مجرم احسه يريد يفترسني، عيونه ماشالهن مني
صار يصيح على ضابط كلة رجعه لسجن واليوم تحرمها من اي وجبة اكل..
باوعلي بتهديد و رفع اصبعه كبال وجهي
_لج أربيج والله أربيج واخذ حيفي منج!
قشعر بدني من الخوف و اني ادري هل أنسان مراح ينويلي على خير موتي صار اقرب من حبل الوريد
مستحيل بعد يجي يوم و اشوف خيوط الشمس
ياريت حاضنه امي و مودعتها ياريت اعترفت الهم بكلشي حتى ما اموت و الغصة بكلبي
نزلت راسي و طلعوني سحل بأبشع طرق الأذلال
واني بالي يسرررح بعيييد
شكد ماردت اذكره
شكد ما ردت يخطر على بالي ولو ثانية
شكد ردت انسى الصار و ابدي حياتي مرة ثانية
بس القدر ما ناوي يرحمني كبرت اهواي قبل عمري
كرفست نفسي و ضميت وجهي بحضني و اني اتذكر ذاك اليوم المشؤوم يلي دخل ابشع انسان بحياتي
و خلاها رماد اسوء من قبل…
سعد: ادخلي ادخلي، لا توكفيين بعيد
سمارة: شدخل، انت وييين موديني شنو هاي الكرفانات و الخرابة شكو ورا هذا السياج
سعد: يمعودة مو وحدنه ورا مصنع مهجور تدخلي و شوفي هسه تثقين بكلامي
سمارة: اني من شفت خلقتك اصلا ما ارتاحيتلك بس مدري ليش مشيت وراك
سعد: على مود ١٠٠ الف مو صح
سمارة: اي صح و أخرتني اكثر من ساعة و هسه اريد ارجع و حتى كلشي بعد ما ابيعلك
سعد: يمعودة اني مو مثل يلي ابالج، اذا تفكيرج وصخ اني شدخلني..
تقربت شوية يم الباب الحديد سمعت اكو صوت جماعة يسولفون
باوعتلة أشرلي: و هسه ست سمارة ندخل صدكتي ماكو شي
_لا بعدني ما مصدكة
_هسه تشوفين بعينج و تحكمين..
فتح الباب كل ماعندة قوة، حسيت الباب راد يوگع علينا، بس الظاهر متعوديين علي
باوعت على مكان تقريبا مرتب نضيف بنسبة للخرابة يلي بيها اني
سعد دخل قبلي و اني امشي ورا
اكو رجال يطلع بعمر سعد يعني نهاية الثلاثين او بداية الأربعين هيج تقريبا
و حوالي اطفال و نساء كبار و زغار
استقبل سعد و هو يسأل: اهاا ولك شكوو
_جايبلك احسن بضاعة، يعني احسن شغيلة اني وحدي لحد الان انقطيت فوك ١٢٥ الف
سالني هو يتفحصني من فوك ليجوا..: انتي تعرفين شنو شغلنه؟
سمارة: حجالي سعد
لؤي: لعد هيج احنا تمام التمام متصافيين
سمارة: بس ما اريد يبين وجهي حتى اخاف اهلي يعرفوني
لؤي: لالا هو الوجهه مصدر الرزق ثاني شي اهلج منو
شكو سعد هل مرة تختلف
سعد: يمعودة انتي شكاعد تحجين هو انتي وين واهلج وين ترا انتو كاعدين بصحراء شجاب
المدينة عليكم
سمارة: امي و اختي يشتغلون بطبخ و تنظيف لبيوت
سعد: و فجأة هيج راح يطلعون و يجون لهذا الشارع و يشوفوج، انتي تعرفين بهذا الشغل راح تكسبين
مبالغ اضعاف يلي جنتي تحصليهن يومية؟
على الاقل تكدرين تساعدين اهلج و تشترين علاج ابوج مثلا
سمارة: شوكت ابدي
سعد: خليها من باجر تعالي الصبح لهنا و اذا عندج جبة غير هاي يكون افضل
سمارة: اشتغل بنفس الشارع؟
لؤي: لا بتقاطعات هسه اشوفلج مكان مرتب توكفيين بي صدكيني السيارات مكومة هناك و كلها موظفين
يعني يلي يطب يطلع ينطيج فلوس، بس مثل ما انتفقتو بنص
سمارة: بس هاي مو عدالة اني اتعب وانتو تاخذون
لؤي: راح نوفرج مكان و راح نكون مسؤليين لأي شي تحتاجينه و هم بيوم يلي متكدرين اطلعين تكدرين
تجين علينا نطيج نفس المبلغ يلي تحصلي يومية
هيج متفقين
سمارة: متفقين…
_جمااانة جماانة
_اشش لا تعلين صوتج النسوان كاعدة تقرا
_ماكدر روحي انتي
_اريد احجي وياج
_سجى ديقرون قرأن استحي اطلع افتهمي
سجى: واكف جوا و كلي خل تنزل
فتحت عيوني مصدومة!: تحجين صدك
_اي والله، كلي لازم احجي وياها، هو انتي اصلا منو كلج خلاني اجي لسواد عيوني غير جابني للمؤسسة حتى احجي وياج
_بس مو هنا و متدري
بخوف: ماكدر افتهمي
_نطلع برا نحجي
_تمام جاية وراج..
خليت الفاصلة بيت وراقات القران و اني اباوع على نسوان الموجودات يقرن بكل تمعن
طلعت سجى و اني خليت القران بصفي و كمت امشي على كيف حتى محد تحس بية و خصوصًا مرت عمي لان هي يلي جابتني
المؤسسة جانت خمس طوابق مأثثة و غرف و أدراة
بيها تعليم لتطريز و قرأن و تعليم لأمية الكتابة و القرأة و تعليم امور حياتية اسئلة دينية و أجوبة
مسابقات لحفظ القرأن حتى نهاية كل درس استراحة و يقدمون النة عصير
مصار اهواي اداوم غير مرتين بالاسبوع يلي فات و هل مرة
اشرتلي سجى من بعيد واكفة يم الشباب و عينها للخارج
_دشوفي واكف جوا
_انتي بيج شي ترا الحارس واكف برا
_و هسه انزل شكلة
سجى: زين الحجي بيناتنه انتي ليش صرتي ترفضي
رمان: لج ما ارفضه أفتهمي، حقج متعرفين ذاك اليوم شصار بية!!
سجى: ليش شصار؟
رمان: من طلعتي انتي بليل شفتهم كلهن مشغولين
كلت احجي وياه بتلفون و صعدت بالمخزن محد يصعد فوك غير الجريذية و اني
سجى: صحيح كملي
رمان: توني اتصلت جان اسمع صوت حركة قريبة علية اول شي توقعته سجاد اخوية صعد وانتي هذا تعرفي ماحجيلج علي بعد
سجى: لالا هل سالفة لازم نكعد بهل مكتب و تحجيلي التفاصييل
رمان: دمشي اني هم تعبت..
رحنا كعدنه بغرفة منعزلة و كعدنه انسولف
سجى: و شصار منو طلع فوك
_سديت التلفون و ضميته بالحذاء قديم شامري فوك
و ضليت افتر احتاريت شسوي وراها، فتحت الباب
امي شافتني واكفة و عرگانه من الخوف
سألتني جانت شاكة بية عندي شي
_شدا تسوين هنا
_ردت انظف المكان
_شتنظفين هو هذا وقت تنظيف الدنيا لليل؟؟
دنزلي جوا دوريلي على جهازي صار ساعة ادور كلبت گلاب البيت و ما لكيته
_اني شفته جوا الجرباية خليتي يمكن
_ماكو دورت انزلي دوري وياية
_ميخالف هسه انزل،
_و عدلي شالج ترا ضياء جوا
عدلت شالي و طلعت بس جسمي لسه يرجف
بقى المبايل فوك ماكدرت اجيبة و اخاف تكول لابوية يتصل عليها و تعرف وين
جنت ادور علي الجهاز كدامها و هي ما عافتني لحظات
غافلته بحجة اريد ادخل للحمام و صعدت فوك مسحت الرقم و رجعت مرة ثانية شمرته و ضليت ادور علي
لحد ما اختي شافته و ما شكت بية الحمدلله من الخوف احس كل جسمي يرجف
بليل كلش اهلي نامو غافلت امي و اخذت التلفون و طلعت برا بالحديقة حتى محد. يسمع صوتي
اتصلت على أمير رد بسرعة بالبداية ضل ساكت
كتلة الوو امير تسمعني ؟
رد علية بكل لهفة: اي ايي يابة اسمج ضل بالي يمج
شصار؟
_ابوية بعد ميخليني اطلع
_ماكدر اكمل راح اسدة
_اخاف يخلص الرصيد و امي تشك
_سدي و ثواني هسه اتصل
سجى:و بالاخير هو اتصل مو؟
رمان: اي اتصل و حجينه بس أسلوبة غريب كأنو شخصيته تختلف عن ذاك الشخص يلي جان ينتظرني اطلع من المدرسة حتى يوصلني للبيت.
سجى: والله الصوج من اخوج يلي طلع يحجي ويه سارة و يقنعها و يجذب عليها على اساس يحبها
يخليها تاخذ اوراق ابوية مال شغلة و دزله و هو ينطيهن لأبو على اساس هو مشتغلهن
باعي رمانه اذا اخوج هيج استمر ترا راح تخرب علاقة ابوية ويه ابوج و احنا الوحيدين واكعين بيها الله وكيلج.
رمان: كال امير انو صايرة مشاكل. سجى بديت اخاف.
سجى: ترا امير مو مثل سجاد أطمني من هاي الناحية
رمانه: عندي فكرة ليش ما احجي ويه امي و اضل امدح بسارة حتى تخطبها لأخوية بدون متصير مشاكل شنو رأيج
سجى: اذا مو سارة سوتلنه مصيبة و امير رفض
رمان: ليش سارة شسوي مثلا
سجى: عوفيج منها، هسه شراح تسوين ويه امير
تجين هسه لو شلون
رمان: لا مستحييل ماكدر عمتي هنا و خاف تصير مشكلة ثاني شي المكان كلة كامرات و الحارس
موجود يعني تصيرلي مشاكل تصير
سجى: عندي فكرة
سجى: امشي وياية نطلع سوية و اوكف قريب منكم
اذا طلعت عمتج و شافتج راح اكلها اني ردت شغلة من اخوية و اخذتها وياية خفت اطلع وحدي
و اذا الحارس اني اكله اروح اشوف اخوية يعني ما مجذبة و هاي هية شتكوليين
رمان: تمام، بين ما اعدل شالي انتي روحي شوفي عمتي شكاعد تسوي باوعيلها من بعيد حتى متحس
سجى: يلا مراح اتأخر
ثواني بس رتبت حجابي و هي اجتي أشرتلي و رحت سوية.. سألتها كالت جانت تقرا شفتها من بعيد
_ بصدفة رفعت راسها و شافتني بس ما شكت اني هم ما ضليت واكفة كبل عفتها و اجييت
_لالا معليج خليها وراية..
طلعنه من المؤسسة شفنا من الجامة الخارجية للباب جان واكف بعيد علينا
سجى طلبت من الحارس نطلع بس هو رفض بالبداية
بس أشرت الأمير يجي و صار قريب علينا كلش
وافق الحارس طلعنا برا
جنه اثنينه خجوليين، كلي شلونج
من التوتر كتلة شكرا الك
على هل جفصة سجى فضحتني ضلت بس تضحك اني استحييت اضل واكفة، درت وجهي اطب جوا
لكيت عمتي واكفة من الدرج تباوعلي!
رمان: سجى الحكيلي!!
رحت الها امشي سريع
_شعندج طالعه برا
_سجى والله سجى طلعتني تريد فلوس من اخوها
و كلت اروح وياها
_دمشي طبي جوا، صوجي اني جبتج و تورطت بيج
لو احد شايفج مو جان اني ابتيلت و وكعت براسي
_لا والله عمه ما سويت شي
_دطبي بالقاعة و ممنوع تطلعين ترا المرة الثانية اكول الامج و الابوج و اخليهم يتصرفون وياج
_لا هاي هية بعد ما اطلع..
كعدت يمها بعد و ما تحركت ولا خطوة و سجى ما رجعت للقاعة يمكن راحت،
جانت الملا تقرأ واني صافنه بالي مو يمهم جنت خايفة و كل شوية اباوع لمرت عمي، اخاف ترجع و تكول الامي و بعد ممنوع اطلع و اطب اعرف ابوية
كلش زين، صارت بالاربعة اجه عمي علينا رجعنا بس ماحجتلة شي جانت ساكته و هذا سكوتها جان يخوفني
طبيت للبيت لكييت امي مبدلة تريد تطلع و وجهه مگلوب ضايجة كلش خليت جنطتي و رحت يمها
_شكو يمه صاير شي
_عوفيني و روحي بدلي الأختج آية
_هسه اروح بس بالي يمج شكو شصار
جرت الجواريب و كعدت على تكت الباب تلبسهن
_سجاد مسويلة مصيبة
_مصيبة شنو يااا ستار
_راييح الهاي بت ام طالب و لا كفته امها و مفزعة الدنيا علي
_شصخم وجهك سجاد صدك تحجييين يمة، شنسوي هسه وويين رايحين
_ابوج خابرني كلي هسه ترحييين و تهدين الوضع و هو حاجي ويه ابوها راح يخطبها السجاد احسن متصير مصيبة و ننفضح بسبب اخوج
بهاي الاثناء اتصل ابوية امي ردت، اني جنت واكفة يمها اسمع..
ام سجاد: شصار،…. دير بالك طالب يدري ترا هسه يعدم اخته انت تعرفه هذا شلون شراني.. يلا يلا اني طالعة… وووين ماخذ سجاد، ميخالف هسه احجي وياهم
رمان: شكال ابوية يمه
ام سجاد: ابوج اخذ سجاد البيت عمته بين متفض السالفة والحمدلله طالب ما يدري
رمان: يمة هو طالب اخو سارة من امها موو
ام سجاد: ايي، طالعة اني ديري بالج على بيت
ممنوع تطلعين ولا تخلين وحدة من خواتج يطلعن حتى اخوانج خاف يصير ميصير ورانه
بيت عمج يجون يسألولج كولي راحت لسوك ممنوع تفتحي
رمان: ميخالف يمة روحي هاي راح اكعد بالبيت
طلعت و اني طبيت للبيت بدلت الاختي و نزعت العباية و الحجاب جنت مخنوگة بهل حر هذا
شوية و اجتي ورود كالت سمعت الباب جاي تندك
ماعرف منو اجه!
لبست حجابي و خليته تكعد يم آية و طلعت برا
باوعت من فتحت الباب، أمير ! شجابة؟
خاف صاير شي؟
باوعت وراية اخواني بالبيت بس محد يدري
فتحت الباب بس راسي طلعته
أمير : شعجب انتي وين اخوانج
رمان:بالبيت نايمين و سجاد انت اعرف هو وين
أمير :ليش وين راح؟
_لا، جنت بالمحل هسه رجعت كلت امر ع اخوج اشوفه
_صارت مصيبة يمكم بالبيت روح و شوف، هسه ماكدر اكعد اشرحلك
_اخذي هاي العلاگة و طبي جوا
_اخذيها و ضميها الج جنت جايبة انطيها الاخوج و اكله هذني زايدات بالمحل حتى ينطيج منها
بس همزين انتي طلعتي
مدييت ايدي و اخذتهن و هو راح سديت الباب، توني ردت اطب للبيت انفتح باب الشارع، توني ردت انطق اسمه ليش رجع امير مرة ثانية؟
درت وجهي جان اشوف يوسف كدامي!
اجه يمي يباوعلي بنظرات غريبة كأنه يحسسني اني ادري و شفتج، مد ايده و اخذ العلاگة مني
_ليش انطاج اياها؟
كل جسمي جان يرتجف منه، اني اشرتلة على نفسي اني وصيته
_اخوتج الكوا** ليش مو همه طلعووو
_هو هذا رائد واصى و نسى هسه من دك الباب اني فتحتلة
شمرهن بالمطبخ بس بقن بالعلاگة ما اطشرن
و لزمني براشدي احس كلي جسمي رجف كلت خلاص موتي على ايدة الييوم
ضل يهدد و يتوعد من يجي ابوية يكلة من الخوف عفت كلشي بالگاع و رحت الغرفة رائد هو اصغر مني بسنتين و علاقتي بي اقوى من البقية
رحت كعدت منه النوم و اني ارجف
كعد كوة مفتح عينه باوعلي، ولج الشبيييج تخبلتي
_يوسف راح يموتني
_وينه هو ليش يموووتج
_بعديين احجيلك اني شكتلة هسه كتلة رائد هو وصى امير ابن ابو طالب يلي عنده محل براس الفرع
_اي شبي هل قندرة
_اني من رحت للمؤسسة كدام عمتي و سجى انطيته فلوس يشتريلي و كلت انتو تطلعون تستلمونه بس
مادري انت نايم و طلعت اني و هسه يوسف شافني
كال الا اخلي ابوية يدفنج
_طبج مرض شسويلج هسه اني
_كوم كلة اني وصيته بس جنت نايم و خليتها هي تستلمهن
_والله تستاهليين حييل بيج شعندج فاتحة الباب
_اول مرة و اخر مرة والله العظييم
سمعت صوته من جوا و هو صييح، كام رائد نزل جوا
و اني ضليت اطگط من الخوف فوك
شوية و صعدلي رائد عيونه بگصته
_شكوو احجيلي شصار
_مصورج يوسف يكول حسابها عد ابويه بس هسه اريد اربيها و يصيحلج
_لا الله يخليك لا هذا بدون رحمة تعرفه انت
وكف يم الدرج و صااح عليية: الج دقيقتين اذا متنزليين اني اصعد و اعلمج و النسوان شتجيب
بت الفگور، ابوج مسرتبج و فاضحتنه بين الناس
صااايرة تتختل ويه الزلم
رمان: ماعندي شي كتلك ماعندي شي انت ليش متثق بية
رائد: يوسف كتلك اني وصيته بعد شكو هل حجي
يجي ابوية و اني احجي وياه
يوسف: ابن الكلب ادافع الها تستر على سوالفها النكسة
لو احد لاگفه غيري مو جان طمو راسنة بطيين
من ورا اختك ال**
اجيت يمه ارجف كمشت ايدة
رمان: خوية بداعة امك لا تخذلني، اموت بين ايدة والله
طلع و سد الباب علية و هو متردد ختلت ورا الكنتور واني ارجف شسوي ياربي انقذني..
سمعت صوته و هو يتعارك ويه رائد عرفته ما ناوي يسكت و راح يسويلي مصيبة، كله صوجي ليش فتحتله الباب!
طبن خواتي يمي هم خايفات و اني لسه الرجفة بية
ورا ساعة صار هدوء طلعت ورود تشوف شكو
شوية و طبت كالت يوسف كاعد يشوف الفديوهات الابوية
كومي اطلعي من الشبابج و اشردي!! والله هسه راح يموتج
فارس:هلا طكطوكة
هيثم: أحترم نفسك و سالفتك ما اعديها الك يابن
ساجر ولك تضحك على مرة!! لك عا* تريد اطيين رااسسسي والله نهايتك على ايدي والله ثم والله
فارس: ديلا شوف منو يهدد
هيثم: بلغتك، و دم مشكاة ميروح هدر اسبوع و انت بجهنم
مشكاة!… لاا مستحييل
رجعت اتصلت بي رد رد رد….ماكوو رد لا يا كلب
ولك ردد
اتصلت بي عشر مراااات و اني احس حييلي انهد بلحظتها
ماكو رد.. مقولة كتلها … لا يالكعبة
شافني صادق اجه يمي
_صارت مصيبة، لازم اروح للبصرة
_الكو** هيثم يمكن كاتل أخته لان اجتي للبييت
_هذا مجرم لا تروح وحدك اني وياك اذا تريد
_دير بالك على امي و على.
باوعت الرضية عينها بالگاع و مبينه تعبانه اشرت عليها.. صادق عينك عليها
_وين اخليها اذا الحسينية مقفولة
_توسط يم سلطان على اساس انت الشفتهم و ردلي خبر بعدين
صادق: ما مرتاح الروحتك
فارس: ماكدر ابقى اكثر، خاف مسويها صدك و!!
صادق: ماكو شي ان شاءلله ماكو شي، بس مثل ما كتلك لا تروح وحدك
فارس: هيثم جبااان حتى لو هددني ميسويها اعرفه جبان
صادق: دسمع مني يا خوية
فارس: سوي مثل ما كتلك، يلا لازم اروح،
مع السلام..
عفته و كبل لسيارة
صعدت للسيارة و من سيارة للبيت اخذت اسلاح و شكم فلس و كبل طلعت للبصرة
الطريق مو هيين ابدا اتعب بنص الطريق اسرح ابالي
ليش ما اجيت شفتها!!
طلبت اشوفها اخر مرة.. شنو رادت تحجي
يا ألهي منين طلعتي رضيية و خلتني التهي وياها
زين امي شلون وكعت؟؟
طبگت السيارة يم بانزين خانه حتى أفول و
خابرت على صادق،: سألته شنو الاخبار
_ماكو شي صدكني بس اني بالي يمك، وين وصلت
_مابقى شي و ادخل البصرة، دحجيلي شسويت ويه سلطان
_و الله حجيت وياه كعد سوالي تحقيق ساعة كاملة
كوة خلصت نفسي منه و هم ما قبل تنفتح الحسينية
_راح يصير الليل وين راح ينامون اذا طلعت من المستشفى
_هو هسه دخل سلطان عيونه بكصته مدري شبي حتى اكل ما اكل شوية بعد و اصعدلة و احجي وياه
_ زين و امي شلونه شلون صارت ما كعدت لسه؟
_زينه الحمدلله صحت بس وضعها تعبان شوية و ماحجت شي منا الباجر الصبح وضعها يكون احسن
و اكيد راح تسأل عنك وانت لازم ترجع من وقت
_ان شاءلله ارجع و صادق ما اوصيك بأمانتك
_هاي هية بعيني، بس اني بالي يمك خاف هيثم يسوي شي مو متوقعة
_ هيثم جبان و مخبل اني اعرفه عفن بالحبوس و هسه طلع ناقص عقل، بس ميسويها يسويها و يأذي اخته
و له اكلك هو يلي يخلي اخته تشتغل بالبيوت حتى يحصل شكم فلس هذا شترجه منه! ..
المهم اني رايح هسه فولت السيارة و لازم قبل لا تظلم الدنيا اني واصل حتى اشوفلي مكان وين اروح
خو مو اضل بسيارة
_ درب السلامه. في أمان الله
سديت الخط منه و بعد تلاث ساعات يلا وصلت للبصرة و اخيرا
من التعب وصلت لمنطقتهم و وكفت و هديت السكان
احس طلعت روحي من التعب
اتصل على رحيم ابن خالتي الثانية شذى و كتلة يمر علية هم تعبان و هم السيارة وكفت و حتى لو رحت تمشيت الهم ما اعرف شتصرف اروح بأي صفة هنا المصيبة!! و هذا مخبل يسويلها شي اكيد
ربع ساعة و اجه علية رحيم على الاقل هذا اشرف من هيثم
طبگت السيارة و رحت وياه لبيته، الاهل جانو نايمين
فرشلي بالاستقبال و نمت من التعب ما حسيت على شي
ثاني يوم الصبح، كعدت جسمي متكسر بعدني ما فتحت عيني دخل رحيم
_اها ابو حازم شلونه جانت نومتك البارحة
فارس بتعب: زينه المهم نمت شوية احس جسمي متكسر من كعدت الطريق
رحيم : سهلة ارتاح اليوم هنا و هسه الاهل يكعدون و يسون الريوك
فارس: مشكور خوية. بس عندي طلابة ولازم أفضها
رحيم: ويامن، شعندك؟
فارس: ويه هيثم الكلب
رحيم: ابن خالتي نورة لو منو
فارس: اي هو
رحيم: ليش شصاير شمسوي
فارس: قبل يومين اجتي مشكاة لخالتها لامي
مادري شنو. عدها اني اصلا جنت بمركز الشرطة و من رجعت لكيت امي واكعة و حالتها صعبة، عرفت هيثم اجه ماخذ اخته و مأذي امي
رحيم : معقووولة كوول غيرها شلونه خالتي زين هو ليش اخذ اخته ما افتهمت
فار س: ضربتها جلطة اني طبيت لكيت امي واكعة بالگاع و المطبخ مليان دم هو كاتلها بس مخلي بيها نفس حتى يرجعهت هنا فوك كل هذا خابرني يهدد
و تعرفني اني شنو زايعتني الگاع لا اخاف ولا اتهدد
اجيت برجلي و خلي اشوفه شلون يهدد
رحيم : جبان هذا ميسوي شي اصلا لو ما جاي
_اريد اعرف مشكاة ليش اجتي لا تنسى الكلب هيثم مخليها تشتغل بيت عبد القادر بس حتى يكسرني كدامهم، والله متحلفلة لطلع ضيييم الله بي
رحيم:لعد هو ليش هيج تصرف لان طلعت بدون علمة لو شايف شي على اخته وياك احجيلي فارس
و ميكون بخاطرك الا الطيب
فارس: شوف ويامن احجي! يابة لبنية تعرف اخلاقها شنو ماعدها شي مو زين بس كالت اريد احذرك سمعت موضوع مهم من بيت عبد القادر، و هي اصلا شاردة من اخوها يلي ماعندة ذرة عقل
شتريدها تبقى تموت و تنذل جوا رجلة حتى الكلب يوصل المُبتغى
رحيم : اعرفه هيثم احنا گطعنا علاقتنه بي من زمان
واصل مراحلة يبوگ و مفشلنه كدام الناس و الجوارين، و انوب انسجن طلع صدك مخبل
هسه عود امي بين فترا و فترة اخذها يم خالتي
تشوفه و تضل كاعدة يمها العصرية و اجيبها
هي اصلا خالتي نورة من وفاة زوجها لسه ما طلعت من البيت
_الله يرحمه..
هسه بس سويلي طريق حتى اطلع
_ابدا والله لا تطلع و لا تخطي هسه يجهز الريوك و تترك و تشرب جاي و نروح اني وياك سوي
_ما اريد اتعبك رحيم
_لا بالعكس مشكاة مو بس بت خالتك هي بت خالتي هم
و اني ادري بهيثم شنو، حتى اخوتي كلهم يجون وياك نروح و انشوف المشكلة شنو
و ان شاءلله الكلام يلي وصلك غلط و ماكو شي
_هاي هية مثل متريد متقصرون خوية. ولو راح ازحمك بس
اريد شاحن التلفون طافي و لازم احجي ويه ابن عمي و اعرف اخبار امي شلون صارت كلبي عدها
رحيم : اي انطيني الجهاز عدنه شاحن
اخذ الجهاز مني و اني طلعت غسلت
و رجعت، ادخن خليت راسي على حايط و تفكيري يرجعني الوكت جنت اتمنى ينتهي على خير
بس اخ ياغلطج خسرتيني عمري و شبابي ضيعتي نفسج بطمعج! ..
و مثل نار بگطن مابينت مهموم بارد بالوجة و أنه احترك سكته،
بذاك سواد لليل.. ربع ملتمة شمرتي شمرت عرگ تعبان على دم ابو يمشي!
طرب عالي و ضحك وشحلات هزة الخصر واني وياهم و بنصهن على طرب اموت!
اجتني هل عجوز العورة هاي فرحانه شمتانه بأمي بس نص عقل جنت ما اعرف اليحبني
شافت شعري ضحكت و كالت اسود ما يلاوكلج حني بحمر،
_خلصي منها تريدلج الشر و الأذية تحب تشوفج مذلولة عبنها تكرهه ابوج، مو قصد شي
_ لج يعورة امي و تريدلي الشر جنج ما تفهمين صايرة
_خمس بنات ربيت دشوفيهن مثل الورود صارن و ماحبست وحدة لان اريدهن يفرحن مو امج نايمة على أفادج
_لو اريد احني و اصبغ تأكدي اسوي و غصبًا على اليرضى و المايرضى فهمتي!
بالوكت اليعجبني اني أحني بأيدي
لا انتي ولا عشرة مثلج عيونهن عورة يقنعنيي
و امي اشرف منج و من بناتج لا تجيبن طاريها على السانج فهمتي..
_ مو صوجج بس تربية امج السگط هاية
لا تضحكين اهواي و ترفعين راسج ترا شما عليتي
تاليتج انتي و اهلج اطشركم سعتي زين!
ضحكت عليها و تجاهلتها ثاني يوم شفتها تصبغ البناتها نفس لون شعرري الطبيعي بندقي ضحكت عليها و عناد بيها و بناتها
اخذت الحنة من عمتي و خليتها على شعري
ماجنت افهم هي هيج وصلت المبتغاها كل يلي جنت افهمه اكيد اني غثيتها و هذا غبائي يلي خلاني خسرنه اخوية بسببي!
بذيج الليلة الوصخة، عاندت و طلعت بنص ليل بعد ما شفت امي نايمة و تأكدت منها.
طلعت بفرح شفت كومة نسوان متحضرات لهاي الليلة.. وكفت وياهن و مشينه مسافة بعيدة
اجتنه سيارة كوستر اخذتنه كلنا.. ورا ساعات وصلنا للمكان المطلوب
نزلت اباوع بيت حيييل جبير لا هذا مو بيت جنه قصر شكلة وحده يأسر الگلب ضليت اباوع بكل ركن بهل بيت
مشيت واني حتى الحيطان اتفحصها جان اكو ناس غيرنه اكو زلم اهواي و شباب و اكو بنات غيرنه
شرب و اغاني و ركص بس اني مو يمهم بس افتر و اباوع ورا ساعات حسيت صار هدوء درت وجهي شفته يحجي ويه مرة وحده من عدنه يشاورها
دارت وجها علية و أشرتلي اجي يمها، اجيت امشي سريع و انصدمت بكلامها
حسيت كلبي راد يوكف هزيت راسي لا
كالتلي لا ترافضين والله هسه يكتلنا كلنا سوي مثل ما كلج علي و ارجعي اطلعي برا
كرصتني من ايدي بتهديد و تباوعلة و تبتسم
_بعدها صغيرة و تستحي لان أول مرة
جريت ايدي و صارت تحركني اميل بجسمي!
اختارني و ميزني بينهن كلهن رغم لسه احمل جسد طفلة بس هذا ما شفعلي. هو أمر اوكف و اركص اكبالة بدون أي خجل!
و هذا اليأمر ماينردلة كلمة.
رخص هنا حسيت برخص
ابوية من بين هاي الناس الرخيصة وين؟
ليش عايشة وياهم اني؟
ليش بهل مكان و بهاي الساعة
ويامن الحق معقولة ويه امي! بس اني و يمه احس مثل الطير المخنوگ ما اتنفس ما ارتاح
ليش ماعشت يم ناس يمهم هوى اشتم يمهم اصير غالية مو رخيصة اعيش يم اب يغطيني بسترته
يسترني و يكلي خليج غالية ليش بهل لحظة اريد ابوية..
جنت امشي بهل قصر و اشوف الصور، هاي الناس هيج عايشة بهل بيت شوف الاكل شيردون بعد
واحنا نكيف اذا جبنه الحم ناكلة بالاعياد بأعياد الناس مو عيدنه احنا النركص عدنه عيد لازم كل يوم
اريد الزم ذاك الرجال المات الكال عنه كاولية و أسألة ليش.
ليش اختاريت هل اسم!! ليش كرهونه الناس بسبب هل اسم؟
ليش الناس تاخذنه بالعين الصغيرة، شلون وصلنه لهيج مكان منوووو جان السبب؟؟
انهاريييت و اني افتر بغرفهم مكان نظيف! جبير
احلى حتى من غرفة احلامي هه لا اصلا احلى
رفعت راسي على مكتبة كتب! يعرفون يقرون مثل امي يعني؟
بس ليش يدورن ركص مثلنا احنا الكاولية الأميين!
ليش يحبون الطرب و امي تكول الراحة بالعلم!
همة ما مرتاحيين؟ لو من كثر الراحة أستغبوو؟
اخذتني رجلي واني امشي برا، اتمنيت اتنفس اريد هوى احس بي هوى صدك هوى
ما اريد اتنفس واني خايفة ما اريد اوكف بمكان مو مو الي
بس ماكو الهوى يلي أريدة ماكو بهل دنيا ولا مكان الي، اني انسانه نكرا وحيدة مستحيل يجي يوم تتنفس بالمكان الصح بدون متتبع الغلط!!
سمعت صوت خطوات سريعة وراية.. درت وجهي
عمتي جانت تركض و بأيدها جنطة صغيرة
بطل مي تفتحة وترش!
باقي الاشياء يلي بجنطة اخذتهن ضمتهن ما ادري وين رجعت طلعت برا و بأيدها سجينة ملفوفة بخشب ضعاف
تقربت يمي رادت تدفنها، شافتني انصدمت!!
_على امج مكروهه صايرة دروحي طبي جوا
_هسه صرت مكروهه
_لج يا بعد عمتج، طالعه مثل الملاك شوفي الشعر و الفستان شلون لا يگلج روحي يمهم افتري ورا الاب
هذا الرجال الجبير يمكن ياخذج و تعيشين ملكة بهل قصر
و تصيرين انتي الكل بالكل محد يرفع صوته عليج
روحي يلا
_المكان مو مكاني
_كتلج كافي و طبي اسمعي مني
_شتردين تسوين؟
ملت مني ماكدرت تنتظر اكثر حفرت بالگاع و دفنت
باوعتلي و رفعت أصبعها بتهديد
_اسمعي ولج لو سمعت مبلغة احد لو تروحين و تكولين لامج والله اسوي بيج الماصاير مفهوم
خليج عاقلة و حبابة و لا تفتحين حلكج
ربع ساعة و طالعين
_راح يصير الفجر
_وخل يصير معليج انتي
_ما اريد اتأخر على امي
_متحس هل بومة معليج امشي وراية..
اكثر كلمة غلط سمعته، امشي وراية و مشيتهم عوجة
ولازم امشي مثلهم وانه اعرف الگاع عدلة
عدلت ملابسها و دخلت تركض باوعت على مكان
لكيت مرجوحه حديد تكفي الأكثر من شخص
رفت روحي عليها
مديت راسي محد موجود تقربت و كعدت
جنت صافنه بتفتصيله و الكعدة المريحة بيها
رفعت راسي على سما واني اكول يربي وحده مثل هاي كون بصدفة تنزل علينا لان ادري مستحييل نشتريها
بعدني مبتسبة حسيت حركة ورا ضهري جمدت بمكاني
تحمم و تقرب يمي.
_عجبتج؟
درت وجهي ابوعله شاب اول مرة اشوفه ما جان من ضمن الاشخاص يلي بالحفلة
درت وجهي عنه و جاوبته
_اي عادي عحبتني بس على فكرة عدنه اثنين منها
_ بس اذا ترديها اخذيها محد يكعد عليها اصلا
باوعتلة بصدمة
_اي اخذيها شنو المشكله؟
_ليش محد يكعد عليها؟
_لان البيت بالايام العادية فارغ
رفعت راسي على بيت واني بكلبي اكول شكد ناس فايخين لدرجة هيج جمالية بيت ميكعدون بي والله يا الله شلون ناس
بعدني بوسط تفكيري سألني.
_شجابج لهيج مكان بعدج صغيرة
_لا اني مو صغيرة
_صغيرة ونص احجيلي شجابج هنا
_احس الناس الجو ميشبهوج انتي احسن منهم
_ليش اجيتي وياهم
_كلولي من تنام امج تعالي حتى ناخذج المكان حلو
و صدكت بيهم
_هذا المكان اني اكرهه اكعد بي لان شوفي الناس لهنا كلها رخيصة من عمي و شيلي ايدج
_كلشي بي الف و الف علة بي بس مو بعيدة يجي يوم و يوگع بشر اعماله، و بدام انتي بعدج صغيرة ممنوع تطلعين لهيج مكانات مشبوها على ساعة و تسجنين شفيدج وقتها؟ منو راح يصدك بيج انتي بريئة باوع على بيت و جتف ايدة و هو يدردم بينه و بين نفسه
دار وجهه يريد يروح استوقفته
_ عزام ابن شيخ العرب
أشر على بيت بس متبرين من يلي بي
عافني و راح…
انفتحت الزنزانه نفضت افكاري و تهيأت المصيبتي!
دخل الضابط و وياه موظفة طلعوني واني مدنکة راسي بالگاع اخذوني على غرفة المواجهة
اول مرة اشوفة وكفوني ورا الشرك بقيت واكفة بخوف ماعرف منو اجه ولا اعرف شراح يصير
هدني الضابط و فتح ايدي
ضلت الموظفة يمي، من التعب و الخوف تلعثمت
ما عرفت انطق و اسئلها منو، ليش، شكو جايبيني هنا
بس نظراتي الخوافه جانت تحجي كلشي…
رفعت ايدي عدلت حجابي، صار كبالي رجل نهاية الاربعيين شكلة غريب ماكدرت وصفة ابداا
بس حسيته قريب مني و يعرفني بحيث ما سألني ابداا، كأنه جان ماخذ قرارة
تقرب مني و كال، عرفت كلشي، تحضري حتى تخرجين….
رواية زهرة في مستنقع الرذيلة للكاتبة جيهان عيد الفصل السابع والثلاثون
ليرة الذهب في اليمن تستقر حاليًا.. هل تشهد تغيرًا خلال الأيام القادمة؟
بهدف قاتل.. البايرن يعبر سيلتك ويتأهل لدور 16 بدوري أبطال أوروبا
بث مباشر مباراة النصر والقادسية اليوم في الدوري السعودي الممتاز.
عاجل| نتنياهو: التهجير مفاجأة كبرى ومستعدون للحوار لإنهاء الحرب بشروط
استقبل الآن تردد CN .. قناة كرتون نتورك بالعربية 2025 على نايل سات وعرب سات
للعزومات.. منيو الـ 30 يوم أكلات شهر رمضان بأقل تكلفة دون المساس بالمذاق اللذيذ
18 لاعبة مصرية تشاركن في كأس العالم لسلاح السيف للسيدات بالقاهرة
