رواية سر خلف النقاب الفصل التاسع عشر 19 بقلم هدوء آل محمد

قلبي يخفق بسرعة، كأنما يخاف

أحبه بكل قلبي، لكنه لا يعرف

أنني أحبه، وأنني أتمنى أن أكون معه

أعيناه تلمعان كالنجوم في السماء

لكنها لا ترى الحب الذي أحمل في قلبي

أتحدث معه بلباقة، لكنه لا يعرف

أن قلبي يخفق من أجله منذ سنين

أحاول أن أبتسم، لكنه لا يرى

الألم الذي أحسه في قلبي

أحاول أن أكون قويًا، لكنه لا يعرف

أنني أحبه، وأنني أتمنى أن أكون معه

هذا الحب هو مثل النهر الذي يجري

دون أن يعود إلى الخلف مرة أخرى

هذا الحب هو مثل الطير الذي يطير

دون أن يعود إلى الأرض مرة أخرى

لكن في الصمت، عندما يأتي الهدوء

أشعر بالاسترخاء في جسدي

أشعر بالثقة في نفسي

كأنني وجدت ما كنت أبحث عنه

هذا الحب هو جزء من الحياة

لكن الألم هو الذي يحيي.

حال نوفل

______________________________________

في مكان اخر

گاعد بكل شموخ والغضب يعتليه عوجيته بيدة ويدگ بيها على الخفيف بالگاع

الشيخ عگاب:- وينه ابنك ياابو زكريا هل صار اله شهرين غايب عن البيت مايكول اهل ام اب جد ونوب حتى سطام ويا ادري شجاهم

ترك السبحة من ايدة ورد على والدة

ابو زكريا:- والله يابوية يكول عندي شغل وقضية مهمة ومحتاج سطام ويا

الشيخ عگاب:-ادري قضية لو علم الذرة بس ابنك جاي يتحجج ويتهرب من البيت حتى لانفتح ويا موضوع الزواج

تدخلت الام مؤيدة لكلام الشيخ

ام زكريا:-والله صح كلامك شيخ هل ولد تخبل فد نوب عمرة دخل الاربعين وهوه معاند ادري مو راح اموت قبل لا شوف ضناه

زكريا:- شلج بضناه عندج وطن مكفي ومفي عوفو هيج والله المرة ماتظل يمة يومين وتشر هل معقد

تكلمت بحكمة وهي تحضن ايد جدها

حور:- ترا اخوي مو معقد شبيكم بس ياجدو انت ادرى بالي دا يمر بي خلي هيج ليش نجبرة وبالتالي احنا ننلام

ابتسم الشيخ بوجها ومسح على راسها

الشيخ عگاب:- حكيمة وكلامج درر

هز ايدة بعدم رضى

زكريا:-هي كلامها درر وانا كلامي بيض دجاج

اجت عبير تمشي بتعب كرشها وصل متر ولازمة ابنها بيدها

عبير:- زكريا فدوة خلي وطن يمك حتى اروح اشوف امي

ام زكريا:-اخذيني وياج حبيبه خل اشوف تالي هل مگرودة

عبير:- راح اگعد انتظرج لبين ماتلبسن عباتج

ام زكريا:-خوش لعد

بهل اثناء نفتح الباب ودخلوا سطام ورا زكي التعب والوجوه صفر مبينين الايام الي فاتت كانوا مو مرتاحين ولانايمين زين الجد عكاب من شاف حالهم هيج سكت والا كان ضامم الهم رزاله معدلة

سلموا الولد على اهلهم وكعدوا يم جدهم

تكلم بتعب

زكي:- ها جدي شو تخوزر عندك حجاية كولها

الشيخ عكاب:-وين كنتو كل هل مدة هاي

زكريا:- يلعبون صگلة

الشيخ سطام:-انت اسكت

ابو زكريا: – احجوا ولدي شكو بيكم شي صاير شي

ذب حسرة وهل حسرة تهد جبال

زكي:-والله عدنا قضية مهمة كلش

الشيخ عكاب:-قضية شنو

البنات لطموا وصرخو بصوت واحد:- يايمه قتل!!

تكلم بتركيز وجدية

الشيخ عكاب:- كوموا ارتاحو واسبحوا وبعدين

نسولف

سطام:- عبالي اروح الأمي مشتاك الها

باوع الشيخ على زكريا وگال

الشيخ عكاب:-كوم يبعد جدك جيب عمتك ام سطام هنا.. وانتم كوموا رتاحو وسبحو

فرك راسه بتعب

سطام:-نطيني هدوم الي جبتهن هترن

زكي:- فارة مالت هدوم مو بشر كوم بعد بتليت بيك

كاموا ثنينهم كل واحد دخل لحمام ناس فوك وناس جوى سبحو

ورتاحوا من نزل سطام لكى امه موجودة

تقدم الها حضنها وباس راسها

ام سطام:- هيج گالوها يوليدي شهرين ماشوفك هاي وانت تدري بامك تعبانة

باس ايدها وراسها

سطام:-حگج عليه يالحنينة بس شغلي هذا

ابتسمت وطبطبت على كتفة

ام سطام:- الله يسر دربك ويوفقك ويرزقك ببنيه الحلال الي تسعد گلبك

هل كلمة خلت سطام يبتسم وكانه تذكر شي لكن شنو هل شي ياترى!!

وزكريا مافاتته السالفة وماضمها كبل فجرها

زكريا:-هااا يتبووسم الاخ طايح بالحب

ضحك وعيونة بيهن لمعة

سطام:- متفوتك فايته ولك

ابتسمت بفرح رغم ملامح الحزن الي بوجهه

ام سطام:- صدك يمه شايفلك وحدة

هز الها راسه مبتسم

فرك ايدة بحماس

زكريا:-يالله عرس على ابواب

الشيخ يباوع الهم مبتسم

عگاب:- ها ولك طلعت غيبتك هاي عندك فختاية وتريد تصيدها

ابو زكريا:- منين هيه وليدي سولف النا

نزل زكي من فوك يعدل بردانة

زكي:-شجاي تسولفون

زكريا:- على زواج سطام

رفع عيونه لسطام مصدوم

زكي:- شبساع خرطتها ولك اصبر مستعجل على طيحان الحظ

الضحكة من الاذن للأذن

سطام:- انا شعليه اذا اخوك يلكفها على الطاير

ضحك وهو يخلي وطن بحضنه ويبوس بخدودة

زكي:-طبعاً ما تفوته سالفة غير داية الحارة هو

اجت ام زكريا من تمشي مثل البطريق سمينة شوي وقصيرة

ام زكريا:-يالله عيني تعالوا للهول الغداء صار جاهز

الكل كام وتوجه للسفرة وبدا ياكل بهدوء وهاي عاداتهم مايحجون على الاكل احتراماً للنعمة

بعد الغداء الجد اجتمع بالولد كلهم بالديوان وشي اكيد الكعدة ماتكمل بدون صينية الجاي الي زكريا گاعد يصب ويوزع عليهم

واختلطت اصوات رنة استكاين الجاي ويه ريحة الجكاير

اخذ رشفة من الجاي وتكلم باهتمام

عكاب:- ي سولفولي ولدي شسالفة

عدل زكي كعدته وزب الجكارة من ايدة

زكي:-والله ياجدي القضية صعبة اول مرة تكون معقدة بهل شكل ماتعرف منو الصادك ومنو الكاذب منو الحنين ومنو الحقير

عقد حاجبة بفضول

ابو زكريا:- شطلعت هاي قضية حزورة

جر حسرة واسترسل بكلامة

زكي:-والله ياجماعة نفر عقلي فر

زكريا:- زين شنو السالفة احجي يجوز نكدر نفكها

زكي:- مو هي حاسبة دخيلك اطلع منها والتهي بحاسباتك العطلانة

زكريا:- بكيفكم كلت افيدكم بخبرتي

سطام:- نهجم بيتج يالبامية

ابو زكريا:-مو وكت تفاهتكم فهمنا بويه شنو هي القضية

زكي:- تذكرون اصدقائي همام ونوفل من ايام الاعدادية

ابو زكريا:- شلون ما اتذكرهم بس شبيهم

زكي:- القضية الهم

عكاب:-انا ماعرفهم بالشكل بس حاجيلي عنهم مرة من المرات

سطام:- ي جدي همام منتحر

ضرب على رجله باسف وقهر

ابو زكريا:- لا حول ولاقوة الا بالله هذا المؤمن الصايم المصلي شجا تخبل

زكي:- اللعبة ان هو منتحر بس الحقيقة هو مقتول!!

عكاب:- لاحول ولاقوة الا بالله

ابو زكريا:-انت شلون تاكدت

زكي:- عن كريق نوفل الي تكلم اله شامل وهو مجنون بكلام وهلوسة على ان شامل مقتول

سطام:- القضية معقدة جداً منتظرين شامل يستجيب للعلاج عسى ان ناخذ منه شي يفيدنا

زكريا:- انتو هم شكيتو باحد اكو احد بمحور الاتهام

سطام:- صار شهرين مراقبيهم حياتهم طبيعية ماكو اي شي يثير الشك

عكاب:- انتم بمنو شكيتوا

زكي:- بعمامة اسلام وسلام وابنهم ماهر ذول الثلاثي ومن اهل مرت ابو رافت وكواكب الي هي زوجة ابو

عكاب:- يعني بس هذول من العائلة

سطام:- لا جدي بعد عمهم يحيى الي بعد ماصارت الهم والختهم كوارث طردوهم من المنطقة واجو سكنو يم عمهم بنفس الشارع

عكاب:- وليش ماخليتوا بدائرة الشك

رد باستنكار

زكي:-لا جدي لا الرجال فقير وكلبة طيب

ابو زكريا:- انت مو تعلمت ان وكت التحقيق العاطفة نشيلها على صفحة

زكي:-صحيح وياك بس شمصلحتة يسوي هيج!!

عكاب:- جرب وراقبوا يمكن يكون اله ايد بالسالفة او يكون هو القاتل!!!

سطام وزكي واحد صافن بوجة الثاني هذا الكلام خلاهم يغيرون تفكريهم كله

ويقلب موازين القضية ويفكرون من جديد عسى ولعل يلگون لدليل يوصلهم للحقيقة هل هو مقتول ام منتحر

اما سالفة البحث عن البنت لازالت مستمرة منذ ان سمعو كلام الشيخ

.

.

.

يجلس امام القب بحيرة مثل الليل المظلم

تحيط به في بحر من الشك والريبة

تأخذ به إلى أعماق الفكر وتتركه هناك، بدون جواب أو حقيقة

يشعر بالتردد في قلبه كأنه أمام طريقين متقاطعين

يشعر بالشك حتى في عينه كأنه لا أعرف ما هو الصحيح

الحيرة التي هو فيها مثل الرياح الهوجاء

تأخذ به إلى أرض غير معروفة يشعر بالضياع في روحه

كأنه فقد كل شيء يبحث عن الإجابة في كل مكان

لكن لا أيجد سوى الأسئلة يبحث عن الهدوء في كل مكان

لكن لا يجد سوى الاضطراب

_ ها ياعضيدي شور عليه شأسوي ادور كتالك لو انت منتحر

رد عليه جاوبني ليش هيج ماسمعت حجيي ضيعتمي وضيعت نفسك بس اوعدك ياخوي وياحزام ضهري ماجي بعد لهنا الا وجايب الحق وياي واعذرني ياحيلي اذا كنت راح اتاخر

باس الاسم ورش الگبر بالماي وگام توجه للسيارة ورجع وهو بالطريق رن جهازة زفر نفسه بتعب وجاوب

ردت بهدوء وحب

تقى:- شلونك نوفل شبي صوتك تعبان

_ مابيه شي بس كنت بالمقبرى

جرت نفس بتعب

تقى:- الى متى يعني اذا صار بيك شي ذيج الساعة انا شسوي

_ كلشي لتسوين وزعيلي حلاوة تمر ورحم الله وولديج

بعصبية ونرفزة

تقى:- تستهزء حضرة جنابك

_تقى شترين منيي ابو ابوية متحمص بگبرة لاتچمليها عليه بنگچ

تقى:- انا انگ نوفل هسه صرت انا انگ لان اريد مصلحتك

_ انا ادرى بمصلحتي مو طفل وتعلميني وهسه مشغول على طريق انا لاتچمليها عليه

حجى هل كلمات وغلق الخط ورجع يراقب بسلام من جديد

وين يروح ووين يجي الى ان مل وراح للصيدلية دگ هورن طلع اله

عبد:- لك هلا بالضلع

_ هلا بيك شلونك شخبارك

عبد:- الحمدلله كاشي الحال

عبد:- عندي خبر الك مادري يفرحك يضوجك

رف گلبه وستبشر

_كول ولك شكو

عبد:-مشعان نشل

انصدم ورجف گلبة بفرح حاول يخفي وردف

_ لا اله الا الله شلون وليش

عبد:- خسر نص حلالة وعلى اثرها نجلط

_ ها ووينه هسه هوه؟

عبد:-بيته بس ليش السؤال

_بعدين اكلك

رجع للسيارة وقرر يجازف انطلق لبيتهم وكف يم بابهم بدون اي تردد او خوف رن الجرص وويها گلبه يدك سريع مث طالب وعندة امتحان وهو موقاري ولا حرف

نفاح الباب

_ السلام عليكم

بستغراب

محمود:- ياهلا وعليكم السلام

_الحجي مشعان موجود

محمود:- ي نعم جوى بس منو حضرتك

_ صديق قديم اذا ممكن اشوفة

محمود:- يي دلل تفضل تفضل

سوى الى محال ودخل جوى واذانه مفتوحة عسى ان يسمع صوتها او يلمح طولها دخل وگعد بالديوانية

ومحمود دخل جوة رجفة ايديه وحيرته شراح يگول مايدري

شوي ورجع دخل وهو يسحل بعربانة بيها شخص نصف جسدة يرتعش لكنه يتكلم بس بتعب ولسان ثقيل

عقد حاجبة وهو يشوف شخص اول مرة يشوفة

مشعان:- منوو انت

تكلم ببتسامة مسطنعة

_ حجي ياريت نتكلم وحدنا

محمود:-انا اترخص بس قبلها گلي بس لاتطلع اخونا السابع؟

ضحكت مجاملة اله

_لا اطمئن مو اخوك

ضحك محمود وطلع

ونظرات مشعان كلها أسئلة

مشعان:- كول منو انت وياهو الدازك

_اول شي حجي وياك المحامي نوفل *** مدير مكتب **

جايك وعندنا يمك امانة مارايدين شي منك غير ان نطمئن عليها

بسم الله الرحمن الرحيم

( فَمَنْ عَفَا وَأَصْلَحَ فَأَجْرُهُ عَلَى اللَّهِ ) يقول جل ثناؤه: فمن عفا عمن أساء إليه إساءته إليه, فغفرها له, ولم يعاقبه بها, وهو على عقوبته عليها قادر ابتغاء وجه الله, فأجر عفوه ذلك على الله, والله مثيبه عليه ثوابه اليوم جايك ماطالب منك لاعفو ولا مسامحة كل الي اريده منك هو بس تطمنه عن المحروسة تسنيم بعد كل هاي السنوات

هز راسه

مشعان:-٠تسنيم مو

جر نفس والحيرة واضحة علي بعدها صاح

مشعان:-ياعلي عليي

دخل علي يركض

علي:-اؤمرني يابه

مشعان:- روح لتسنيم خل تلبس وتجي هنا

رجفه گلبه الي يخفيها وهو يكلم نفسه بداخلوا يعني راح تشوفها راح تكحل عيونك بعد ذيج السنين مرت الدقائق الي صارت طويلة حيل ولا كانه هو الي تحمل كل السنين الي فاتت

حتى دخلت وماطلع منها غير عيونها رفع نضره الها و أعيناهما تلاقيان في لحظة واحدة كأنما التقى الحب بالوحدة

قلبه يخفق بسرعة، كأنما يخاف من أن تفلت منه فرصة اللقاء مرة أخرى تتألق عيناها كالنجوم في السماء لكنها لا ترى الحب الذي يحمل في قلبه

تتحدث معه بلباقة، لكنها لا تعرف

أن قلبه يخفق من أجلها منذ سنين

تسنيم:- السلام عليكم

يحاول أن يخفي مشاعره، لكنها تظهر

في عينيه التي تتألق كالنجوم في السماء

يحاول أن يبتسم، لكنه لا يستطيع

أن يخفي الحزن الذي يحمل في قلبه

رد السلام بكل هدوء

_ وعليكم السلام ورحمة الله وبركاته

مستمر يباوع الها حتى نطق مشعان

مشعان:- تسنيم الاخ نوفل جاي من طرف اهلج كوليله وطمنيهم عنچ

هزت راسها وتكلمت بجدية وحزم

_ جيتك على العين والراس وحضرتك من اعزاز المرحوم بس انا عايشة والحمدلله هم الي عافوني كل هاي السنين مايدرون عني متت لو عشت نذليت لو نهانيت شردو بنفسهم وبدون حتى وداع خل لا يتعبون نفسهم انا بخير دامني بعيدة عن من باعني

اكتفت بهل الكلامات ونزلت دمع من عينها بلل النقاب طلعت بهدوء

مشعان:- اضن انك طمىنيت عنها

هز راسه باسف وحزن

_ماقصرت حجي يالله انا اترخص

مشعان:- كتلي انت محامي مو

مشعان:-انا محتاج محامي ثقة والله دزك الي اريد التقي بيك اليوم اذا مكن

طلع كارت من جببة ونطاه اله

_هذا كرتي شوكت ماتحب اتصل بيه وعد عيناك

ترخص وطلع ركب بسيارة وبتعد مسافة عن البيت ورجع وكف يراجع الدقاىق الي عاشهن وياها يراجع الكسرة الي كانت بعيونها

عض اصبعة بندامة واسف

_ انا الضيعتج من ايدي وانا الي راح اردج بس صبر ياعزيزة الروح صبرر