رواية سر خلف النقاب الفصل السادس 6 بقلم هدوء آل محمد

هلي الغربه بجفاكم مرمروني

هلي بلون الدلال الصفره لوني

هلي وما عندي واحد واشتكليه

هلي وهسا عشت وضع العليله

هلي ولا بيدي حيله ولا وسيله

_________________________________________________

ايد خشنة تتجول على وجهي فزيت بخوف واتسعت عيني بصدمة سرعان ما بدت دموعي تهل

_سراج

هز رأسه بكسرة وفشلة عدلت گعدتي وضميته بروحي اخخ ياسراج اخ ضليت حاضنته بدون لانحچي الى ان رفع رأسه من حضني مسح دموعه وصدمني بكلامة

سراج:- يالله گومي تحضري بسرعة مستحيل اخليكم هنا

سحبني وراح جاب كرسي وصعد فوگا مد ايدة فوگ الكنتور طلع كيس نزل وانا اباوع اله بصدمة زمخ بيه بصوت ناصي

سراج:- يالله ركض شبيج

دخلت رونق بيدها عباية شمرتها عليه لبستها على السريع وعيني على سراج الي وجه مليان كدمات فتح الكيس وطلع منه مسدس

شهگت

_ لا سراج لا متگدر الهم عوف لسلاح وامشي خل نبلغ عليهم لو خابر رفل خل يساعدنا

رونق:- اسمه نوفل ترى

_عسى ماخيرية بس فضوها

ندفر الباب ودخلوا سراچ گبل رفع السلاح بوجههم يرجف ودموعة متجمهرة بعينه اشرلنا صرنا ورا

ضحك سلام وحجه

سلام:- نزله لو اطيح حضك لتخليني أذيك

كان مسيطر بكلامة خفت على سراج رجفته صغر سنة مو مال يسندنا بين هل وحوش اضحي بنفسي والا يدمر اشر الي شامل اسحب السلاح حركة ايدة رجفته دموعة الي تسيل موجوع يبعد حيلي تقدمت بهدوء وبحركة سريعة سحبت السلاح من عندة

صار بيدي باوعلي مصدوم رفعت السلاح وجهته عليهم

_اي حركة ارمي وحق الحق خل اليوم يگضي انا موافقة عوفو سراج وخلوا عليه

سراج:- لتخبلينيييي تسنيييم

حاول يتقدم رفعت السلاح وخليته براسي

_ ارجععع لمكانك اقتل روحي وابليكم

سراج:- نزليي مامأمن تسنيم لاتكسرين ضهري

_ اگعد وانا انزله

راح گعد وعينه عليه وهم يباوعون عادي يدرون بينا مانگدر ناذيهم مو احنا الي نلطخ ايدينا بالدم

شامل:- خلصت المسرحيّة؟؟ خلصتو تمثيل

سلام:- الساعة هسه ب10الصبح گومي حضري نفسج حتى تروحين ويه ام ماهر

راحت عيني على السراج الي نضراته كلهن عتب ولوم! شبيدي اني شنو الي اگدر اسوي وماسويته المن اشتكي ماعندي غير ربي هو سندي

_ اطلعو برة اريد احجي وي سراج ممكن؟؟؟

نسحبو بهدوء گعدت يمه ومديت اله المسدس

_ هاااك روح اقتلهم يالله شمنتضر؟ واحد انتحر والثاني يصير قاتل وديحونا انا وهل مگرودة بعد اكثر

دنگ راسه وگال بقهر

سراج:- وتضحين بنفسج!!!

_ منو گال الك ضحيت الرجال تقدم الي وانا وافقت بعد عليمن هل معمعة

سراج:- بس مو خوش تنسيم يدمرج ولج والله

_والي عايشين وياهم هسه مو دمروني!! على الاقل اتزوج اخلف الي طفل يشيلني بكبرتي

احاول اقنع روحي قبل لااقنعة بهل كلام بست رأسه و اخذت ملابسي ودخلت للحمام صارت دموعي تجري ويه الماي

ياترى شضامتلج الدنيا بعد ياتنسيم؟؟شنو الماشفتي شنو الما مر عليچ ندگ باب الحمام واسمع صوت مرت عمي

ام ماهر:- يالله عيني لانتأخر

كملت ولبست ثوب البرود قبل لا البس ملابسي طلعت ودخلت للغرفة رونق گاعدة تسفط بالجنطة وعيونها تجري لبست جبتي والنقاب وطلعت لگيت سراج وخالد گاعدين رفع سراج عيونه الي ودموعة تجري ركبت بالسيارة ومشينا للصالون طول الوكت دموعي شلال ويجري حتى ام الصالون بزعت رزلتني وسكتت حتى البجي محرومين من عندة كلشي ممنوع لاقرار ولا مصير كملت الي حتى مابوعت بالمراية رجعت لبست مقاب نطتها مرت عمي الفلوس ورجعت للبيت اول مارفعت النقاب بتسمت الي رونق ومسحت دموعها

رونق:- صايرة تخبلين

تقربت حضنتها محاربة دموعي حتى لاتنزل

ام ماهر:- يالله عيني الرجال على جيه لبسي فستانچ

مثل الروبوت اتحرك متجردة من كل شي لبست الفستان الابيض وگعدت رونق تلف الي بالشال بطريقة العرايس ههه عشتوو وتجري دموعها كملت الي وحجت

رونق:- تنسيم سوي اي شي ابچي صرخي ليش ساكتة دافعي عن نفسج

سكتت وتوجهت للكنتور اخذت مجموعة صور الابوي وهمام عفت الابتوب خفت لا يكسرة لان مادري الي راح اروح اله شنو خليتهن بالجنطة ورجعت گعدت اتصفن بالغرفة زواياها همام ضحكتة ابوي ودعائه لي مر شريط حياتي كلها بهل لحضات نفتح الباب ودخل شامل مبتسم وكاشخ النذل

شامل:- جنسيتج وين

عقدت حاجبي مستغربة

_ ياجنسية؟

شامل:- شنو ياجنسية لتستغبين لو ارگع راسج بالحايط

وگفت بصدمة وتذكرت صار اصلا بالسنة مادري عنها

_وروح التوسدم بين التربان مو يمي همام كان ضامهم وماضل ببالي اي شي عنها لان مامحتاجتها

بهت لان يعرفني مااحلف بيه كذب، وراح للكنتور ينثر ويدور وبعدها صرخ

شامل:- سررراج

_ شبيك شامل؟؟؟شكو

وخر من الكنتور ودفعني وطلع طلعت وراا سلام ورأفت كاشخين الانذال بس بالي مو وياهم ادور على سراج خاف لايضربة فتح باب الغرفة وطلع يدگم بأزرار ردانه لابس دشداشة سودة

سراج:- شبيك تصيح شكو

لزمة من ياخته

شامل:- جنسية تسنيم وين

رد سراج ببرود

سراج:- وشمدريني اناا شبيك هد هدومي لاتتمادة وتاخذ ايدك على الضرب لااخبزك والله

رأفت:- شبيك شامل شكو

سلام:- صوت سيارات بالباب اجوي اسكتو لاتفضحونا

حسيت لويه ببطني دخلت للغرفة ورونق وياي وام ماهر وگفت اباوع من الشباك الباب مفتوح كله دخلو اربع زلم كلهم كبار وياهم شيخ مبين من لحيته اخر شي دخل غراب البين يضحك ولازم ايد عمي بحركة السلام كاشخ لابس قاط عشتو نتبهت على رونق تبجي ومنقرفة شكلها اثار فضولي اسالها شبيها

_شبيج ليش وجهچ كاشش

مسحت دموعها وحجت بجدية

رونق:- خيه شفتي شواربة هذا اذا باسچ يكنسج بيهن عبالك مكناسة

ام ماهر:- يااا شوف هاي البطرانة

بعز الحزن طلعت مني ضحكة هي شافتني اضحك صارت تبچي وتضحك

طبطبت على كتفها وتحولت الضحكة الى موجة من الشهكات والبچي گعدت على الچرباية ندگ الباب وراها سمعت صوت صاحبة عمري گمت فتحت الباب اشرت الها تجي شافتني وشافت شكلي غابت ابتسامتها

حنين:- شكو؟؟ شو هيج لابسه

حچت بضحكة

ام ماهر:- باركيلها اليوم عرسها على الحجي مشعان

طاح الكيس من ايدها ولطمت على صدرها

حنين:- ياكسرة گلبك ياهمام تصخم وجهي يمه يا مشعان

جرتها مرت عمي دخلتها جوى

ام ماهر:- شششش يمعودة صوتج الزلم بالديوان

رونق:- عشتو على هل زلم لايسمعج احد ويصدگ ويدخل يشوفهم ويضحك علينا

كفختها على كتفها

ام ماهر:- انجبي ادب سز لايسمعج عمج ويمردج عود ذيج الساعة تسبعي وكولي مو زلمة

حنين بعدها بحالة صدمة تقربت لزمت ايدي وعيونها بدت تهل دموع

حنين:-شصار بغيابي تسنيم شبيج خيتي شبيج

هي گالت خيتي وانا نهاريت شمرت نفسي بحضنها اشهگ وابچي بدون اي كلمة شأگدر احجي وشأريد اگول!! مرات السكوت افضل من الف كلام خاصة اذا كان الكلام ماراح يغير من الواقع شي

ندگ الباب ودخل سراج الي شافني ابچي لو هز راسه بأسف زعلان مني حجه بجمود

سراج:- امشي صيري ورى الباب… عليش تبچين مو انت موافقة؟؟

مسحت دموعي وهزيت راسي

همس

سراج:- غبيه

تركني وراح تقربت مرت عمي مسحت دموعي

ام ماهر:- كافي ولج راح يخرب المكياج ويخرب شكلج

بعدت ايدها ورحت وگفت ورى الباب طلع شامل من غرفة امي مبتسم فرحان وبيدة جنسيتي المستنسخة

شامل:- نمشيها بهاي الى ان نلاگي جنسيتج عود عقدو محكمة

رجع دخل بس خلى الباب مفتوح شوي

شامل:- تفضل شيخنا البنت حاضرة

بدأ الشيخ بمراسيم العقد وصل الي وسألني

الشيخ:- تنسيم&&& هل تقبلين الزواج من مشعان&&& على مهر معجله 25 مليون دينار عراقي ومؤجله 50 مليون دينار عراقي عند المطالبة والميسرة فإذا قبلتي قولي نعم وانت وكيلي

گلب رافض وعقل يگول وافقي لخاطر اخوتج لايضيعون وافقي لاتدمريهم وتندمين في عيناي دمعة خفية، تحمل قصة غير مروية.

زواج غير مرغوب فيه،أملك الماضي في قلب المكسور.

ايدي ترتعشان خوفًا، كلمات هامسة بالرفض. لكن الكلمات غير مسموعة ولااستطع الخلاص انا ام من احب ليس لي خيار اخر ، لحضات ونطقت كلمة دخولي بيدي الى الجحيم

_ نعم وانت وكيلي

نطقت القبول صارت عيني على السطح استنجد بربي تهيأت الي صورة همام ويمه ابوي واگفين على الدرج مبتسمين الي بقهر غمضت وفتحت ختفوا من يمي يمكت تخبلت!! سحبتني حنين من ايدي للغرفة

وحجت وهي تبجي

حنين:- ولج شصااير احجييي عفتج ايام هيج حالج تاليتج انت توافقين بمشعاان!!!!

بديت اسرد الها الي صار وياي ساعة تلومني ساعة تواسيني الى ان اجى عمي سلام بصوت حنون كاذب

سلام:- يالله بوية گومي روحي وي رجلج وهالله هالله بي ترا حجي مشعان خوش حجي

ستغربت حنيتة المفاجأة ثاري طلع الرجال واگف بالطرمة ويسمعة عود احنا حنان دخل سراج وبعد عمي تقدم الي بعيون حمر

باس راسي وحجة بغصة

سراج:- انا راح اسلمچ اله بأيدي اسلمج للشخص الي احذر اخوي منه مهناية خوية مهناية انت الجبتيها لنفسج

سحب النقاب الابيض من ايد رونق وشدة الي ويحاول يلزم دموعة الي صارن ينزلن شلال ابلع بريگي اكتم البجية كمل شد النقاب وحضني يشهگ بادلته الحضن

سراج:- حرگتيني بدنياي وحرگتي همام بگبرة بموافقتج

خنجر ونبت بگلبي من حجايته ردت اصرخ لمصلحتكم والله لمصلحتكم اضحي بنفسي ولاكلكم اشوفكم تضيعون گدامي

ابتعد مني يمسح بعيوني لزم ايدي وطلعت ووراي شامل يسحل بالجنطة رفعت عيني علي يباوع الي مبتسم

تنحنح سراج وتكلم بصوت واضح

سراج:- اليوم طفت عين من عيوني ونطيتك امانة الغالي ووصيته لاتكسرها بيوم حچي لاتأذيها

غص بكلمته دنگت ودموعي تجري رجع كمل كلامة

سراج:- تراها غالية هاي امي مو اختي من نولدت لحد هاي اللحضة هي شايلتني وساندتني بس عمت عين الوكت وماگدرت اسندها رفعي راسج خوية لاتنزلي

رفعت راسي وعيني على مشعان الي يباوع لسراج باعجاب بعز الي انا بيه قريت المعوذات لايطگة بعين ويتصخم وجهي من صدك

طبطب مشعان على كتف سراج

مشعان:- بارك الله بيك ابني ولاتخاف بعيوني هي صح الكل يكول عني كلام وانا اسمع يبعد ابوك مو غشيم مشعان ابو النسوان كلشي يوصلني وحگك تخاف عليها بس خلي الله بين عيونك هم سمعت بيوم اذيت مرة من نسواني؟؟

هز سراج راسه بعلامة نفي

مشعان:- لاتصدگ كلشي ينسمع واطمن اختك بامانتي

سحب ايدي لو كهرباء سرت بجسمي گلبي صار يخفق يعني هاي هي؟؟؟صرت مرته بعد ماكو مهرب مشى ومشيت ورا وايدة بعدها بأيدي فتح الي الباب وركبني السيارة بالصدر عيني على البيت و على سراج الي ضل بمكانه ورونق لازمة ايدة وثنينهم يبچون حتين الي گاعدة بباب الخرفة واشهگ من كل گلبها دنگت ماريد اضعف اكثر خلى جنطتي بصندوگ السيارة واجى ركب يمي

مشعان:- توكلنا عليك يالله

شغل السيارة ومشت بينا هم الدنيا غروب حتى الشمس احسها حزينة على حالي تمشي السيارة بينا ومادري وين راح اروح هدوء وبس صوت المسجل مشغل بي عبد الحليم حافظ!!! حجه بعد مدة من السكوت

مشعان:- من شفتج وانت تبجين على ابوج دخلتي گلبي گلت هي هاي الي راح تحزن على حالك لو متت هي الي راح توگفلك صح اذا وگعت وتمرضت متزوج ثلاثة وعندي ست ولد بس مابيهم واحد يحبني بس علي غير عنهم!! كلهم يحبون فلوسي

باوعت عليه بادلني النضرة وجر حسرة

مشعان:- بس بنتي الي من صدك تحبني ماتنام اذا مانام انا

مادري شنو ارد اله طلعت مني كلمة

_ الله يحفظها

غير الموضوع

مشعان:- حلو النقاب بس انت لابسته شعجب اختج مو لابسه يعني توقعت كلكم منقبات

رديت بدون اهتمام وماادري بي مايعرف بالوحمة!!

_ لو ما هل نقاب ماكان كملت دراسة ولاتخصصت لغة عربية لوما هل نقاب كان شبعت تنمر

عقد حاجبة

مشعان:- مافهمت

داريت جفصتي

_ العفوا اقصد حجي يي شسمه اخفي بي الوحمة بس بعدين حبيته من عرفت عنه وعن الاسلام وهو جنب للفتنة

حسيت توتر م نگلت اله وحمة بس مابينهة

مشعان:- شعرفتي سولفيلي

سترسلت او انطلقت بالكلام

_ممّا لا شكّ فيه أنّ الدّين الإسلامي حثَّ النِّساء على الحِشمة والسِتر، وما دعا اللّٰهُ سُبحانَه وتعالىٰ عبادَهُ لشيءٍ إلاّ لغايةٍ ساميَة ومنفعةٍ لهُم، وهكذا هو الحَال مَع دعوتِه لنِساءِ المؤمنين بالحشمة والسِتْرْ، وذلِك لسدّ الأذى عنهُنّ وعدَمِ انتهاك عرضِهِنَّ بقولٍ أو فعلٍ أو غيره، حيثُ قَالَ العزِيزُ الحَكِيم في سورة النُّور:

((“وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الْإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ”.))

وما أجملِ لذّةَ السِترِ والعفافْ، رُغم أنّ هنالِك الكثيرات مِمَّن أصبحْن يرتدينِ الحِجابَ على سبِيلِ الموضة أو بالإكراه من الأهل، ممّا يؤولُ بهِنّ إلى الاكتفاءِ بوضعِ غطاء الرأس ولِبسِ ما يحلو لهُنّ من ثيابٍ معه، ثياب لا تَختلِفُ كثيرًا عن ثيابِ المتبرّجات…، ثمّ نتسائل بعد كلِّ هذا عن سبَبِ انتشارِ ظاهرتيْ التحرُشِ والاغتصاب، ونُلقي باللّوم على الشباب دون أنْ نوجّه أصابع الاتّهام أيضًا إلى الضحايا اللّواتي هُنّ بالأساس إحدىٰ أسباب تفشي مثلَ هذهِ الظواهِر، بالرّغمِ أنّ هنالِك فئةٌ من الرّجال مهما تعففت المرأة واحتشمت فإنّ احتشامها لم يَمنعُهم من التحرُّشِ بها ولو بالقول. لكن، ألا يلعبُ المظهر الخارجي للمرأة دورًا هامًا أمام هذه الظاهرة؟ ألا ينجذِب الرّجال لما يرونه من مظاهر العُريّ والتبرّج فيقضي بهم الأمر لما لا يُحمدُ عُقباه؟ فأنّىٰ لهم أنْ يغضوا من أبصارِهم ونحن النّساء لم نساعدهم في ذلِك بل ساهمنا وبشكلٍ كبير في إثارتهم بما نرتديه من ملابس مخلةٍ بالحياء؟

باوعلي بأعجاب

مشعان:- اممم كملي

_تدري أن لبست متبرجة فستانًا أسودًا قصيرًا جعلوه رمزًا للأناقة والجاذبية وإن احتشمت به مسلمة جعلوه كيس قمامة، إنّ أعظم نعم اللّٰه على الواحدة منّا أن يطعمها اللّٰه تعالىٰ لذة ارتدائه

قد ترى بعض الفتيات أنّ الحجاب قيد يمنعها من الاستمتاع بحياتِها وممارسة العديد من الأمور الّتي تشتهيها نفسُها، إلاّ أنّها لو تعطي لنفسِها فرصة ارتدائه لغيّرت رأيها، فهُنالِك بعضُ الأمور الّتي لن نتمكّن من استشعار لذّتها دون تجربتها، ولذّة السترِ لَن يستشعِرها إلاّ من جرّبها، فما أجمل أنْ يقذِف اللّٰه في قلبِ المرأة حبّ الحشمة والعفة، فلا ترضىٰ بغيرِ السّتر عملاً بأمر اللّٰه تعالىٰ ورغبةً في التقرُّبِ منه أكثر.

فليس هنالكِ مَن صَدَقَت في نِية ارتدائه للّٰه عزّ وجلّ وطبقته كما جاء في الشّرع والسّنة ودخل في قلبِها النّدم، بل العكس سَتُحِسُّ بعد ارتدائه كأنّها ملكةٌ تمشي على الأرض تختلُجها مشاعرٌ كثيرة، من فرحٍ وبهجة وفخر وثقةٍ بالنّفس، كطائرٍ محلّق في السّماء بعيدًا عن كلّ البشر. فيؤثّر في نفسِيتها وشخصيتها وتتغيّر كلّ تعامُلاتِها من الحَسنِ إلى الأحسن، ويومًا بعد يوم قد نجدها تجاهِد في التغيير من مظهرها أكثر فأكثر رغبةً في كسبِ رضوان اللّٰه تعالىٰ والتقرُّب منه، فإن كانت تلبسُ مع الحجاب كعبًا عالٍ فستتخلى عنه، وإن كانت تضع طلاء الأظافر فستستغني عنه، وغيرها من الأمور الّتي قد تستخدِمها النّساء دون إدراك منهنَّ لربما، بأنّها تجلبُ لهُنّ الأذى من العبد قبل الرّب، فيبثُّ اللّٰه تعالىٰ في نفسِها السّكينة والطُمأنينة ويزيدُها إيمانًا وطاعة. وقال رسول اللّٰه صلّ اللّٰه عليه وسلّم: سيكون في آخر أمّتي نِسَاءٌ كاسِياتٌ عارِياتٌ، على رُؤوسِهِنّ كأسنمةِ البُختِ، العَنُوهُنَّ فإنَّهُنّ مَلعونَات.) رواه الطبري وصحّحه الألباني

ألا يكفي حديثُه عليه الصّلاة السّلام أن يزرع في قلوبِنا الخشية، فلا نتبرّج تبرُّج الجاهليةِ الأولى ونسعى لكلّ ما يقرّبُنا من اللّٰه تعالىٰ ويُجنِّبُنا نار جهنّم الّتي فضلها بعضُنا رغبةً في شهواتِ الدّنيا وملذّاتها. فما أسهل أن تُبدي الواحدةُ منّا زينتها والأعظم أن تستعف أمام كلِّ هذه المغريات لتكون لؤلؤة مصونة ورمزًا للعفّة والنّقاء. وقال جلّ جلالُه أيضًا في سورةِ الأحزابْ: “يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا”-59- وفي هذه الآية يظهرُ جانبٌ آخر من السّتر والعفة، ألا وهو النّقاب فقوله تعالىٰ ” يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْن”، وهذا ما اختلف عليه أهل التّفسير فالبعض فسّره على أنّ المقصود من الآية: (هو أن يغطين وجوههن ورؤوسهن فلا يبدين منهن إلا عينا واحدة.) وآخرون فسّروه على أنّ إدناء الجلباب يعني: (أن تقنع وتشد على جبينها.)، ومن هنا اختلفت المذاهب في وجوب ارتداء النّقاب فمنهم من قال أنّ ارتداءه من سنّة الحبيب ومنهم من قال أنّ واجبٌ كوجوب الحجاب.

فمن اكتفت بارتداء الحجاب فقد سلِمت ومن اقتدت بلباس أمهات المؤمنين فقد زادها قربًا للّه تعالىٰ وعفةً، رُغم أنّ هنالك الكثيرون الآن ممّن يسخرون مِن اللّواتي يلبسن النّقاب ويتعجبون منهُنّ ويلقبونهُنّ بالخفافيش وأكياس القمامة السوداء، فمالهم إن لبست متبرجة فستانًا أسودًا قصيرًا جعلوه رمزًا للأناقة والجاذبية وإن احتشمت به مسلمة جعلوه كيس قمامة. إنّ أعظم نعم اللّٰه على الواحدة منّا أن يطعمها اللّٰه تعالىٰ لذة ارتدائه في زمنٍ أصبحت الحشمة والعفاف أمرٌ يثير عجب النّاس وغرابتهم وتلقبُ المنقبة منهُنّ بالمتخلفة، بيد أنّ من يكشِفْنَ أكثر ممّا يستُرْن يعِشْنَ بحريةٍ ويطلق عليهن بالمتحضرات والمتفتحات، فأين التحضر في ملابسِ الجاهلية الأولىٰ؟ وبينما تُجاهِد الكثيرات لإقناع أهلها بارتداء النّقاب نجِد أنّ المتبرجات يعشن بطلاقة ويحظين بقبولٍ ورحابة صدرٍ بين المجتمع، أيّ مجتمعٍ مسلمٍ هذا الذّي أصبحت الحشمة فيه جريمة والعريّ تحضرًا

مشعان:- احسنتِ وبارك الله بيج ويرحم ذاك الاخ وذاك الاب الطيب على هل ترباية، تدرين لو البنت تعرف شلون نضرة الرجل الها چان لفت نفسها بگونية

ردت اگولة ماتلف بنت لعد بس سكتت لاتجيني كفخة تطير معاني وجهي نوعاً ما هدئت حسيته مو كلش سيئ مادري شضاملي الوكت وصلنا يم بيت كبير بس مو كلش فخم لا مبين بناء قديم بس حلو نزل فتح الباب ودخل السيارة كان اكو حديقة گاعدين بيها شباب ونسوان يمكن ينتضرونا رجع ركب وطفاها ندار الي وگال

مشعان:- نزلي وانزعي النقاب ماكو احد غريب

نزعت النقاب وخليتة بأيدي ونزلت تقدمنا الهم وكانت عيونهم علينا وصلنا الهم والولد گامو باركو الابوهم!!! ياا هذول يعرفون كانو ست ولد شي كبار شي صغار وثلاث نسوان وحدة حيل كبيرة وثنين بعني يطلعن بالخمسين ووحدة شابة يمكن چنتهم گامن النسوان باركن الي ببرود وهو بدأ يعرفني عليهم اشر على الكبيرة

مشعان:- هاي ميسون زوجتي الكبيرة وام محمود وضياء وضرار

وهاي لبنية ميس زوجة محمود وذول اطفالهم

اشر على الولد ورجع اشر على وحدة من الوسطانيات

مشعان:- وهاي طليعة ام سيف وسجاد

واشر على اخر وحدة

مشعان:- وهاي باسمة ام علي

بتسمت الهم بهدوء بس مارتاحيت الهم بعدين نشوف سالفتهم بس كلهم كاشخين والذهب تارسهم ترس شدعواهم بس ستغربت بنته وين ذكرنا القط قام نط اجت من داخل لبيت شعرها القصير يهفي وراها وتراكسودها المشلتح حضنت ابوها

مشعان:- وهاي مهجة ابوها ووحيدتة

اشرتلي ببتسامة

مهجة:- هلا والله بمرت ابوي

لاحضت من ابتسامتها مابيها خبث بس گوية ومبينة تاخذ حگها من حلگ السبع

ابتسم ابوها الها بحنية ومسح على راسها

مشعان:- ام لسان دليها على الغرفة مالتها

مهجة:- من عيوني

اشرلي اروح وياها ومشيت وراها دخلنا للبيت وتهت كله بوب شسالفة مادري بس طرازة مبين قديم من الثمانينات قاطع صفنتي

مهجة:- هاي غرفتج

فتحت الي الباب كانت غرفة كاملة والواحد يحجي الحق حيل حلوة دخلت وهي واكفه تباوعلي احسها تدرسني ابتسمت بوجهه

مهجة:- عيوني وضني بالناس مايخيب انتِ فطيرة ومابيچ سم شوگعج وشجابج على هل بيت

غابت ابتسامتي لا هاي هي بدينا اجت گعدت يمي

مهجة:- اسمعي نصيحتي وصيري سبعة ولاتثقين ببشر بهل مكان كلهم ذيابة ما عدى علي امني بي وارضي ابوي تعيشين اميرة هل بيت ديربالج من ابوي بثلاث شغلات زعله واذا كان مقهور واذا كان عصبي تجفي شرة

كانت تحجي عبالك مرة عجوز عبالك فهمتني شنو جاي افكر أبتسمت

مهجة:- لتستغربين ترا المر على راسي يعادل الي مريتي بي ابوي حجالي انو فقدتي ابوج واخوج

صارت غصة ببلعومي مادري شحچي

مهجة:- شبيج ساكتة بس لاخرسة حتى يكيف ابوي يريدها من الله

نفتح الباب ودخل يضحك يمكن سمع بنته

هز راسة بعلامة عدم الرضا

مشعان:- يبعد ابوج هاي مو خرسة هاي فيلسوفة اذا سولفت ماتسكت ابد

ضحكت وبينت اسنانها عدها سن فوك اسنانها زايدها جمال بس مشكلتها بلبسها حيل طافر

مهجة:- يالله يابه اعوفك ويه مرتك اروح انا بعد بيش الكيلو

رادت تطلع سحبها حضنها وباس راسها

مشعان:- الخير والبركة انتِ

مهجة:- خوش لعد رتاحو انا اخليهم يجيبون الكم العشاء

طبطبت على ايد ابوها وبتسمت الي وطلعت وسدت الباب نلوت بطني راح نزع السترة والرباط وفتح الكنتور طلع اله دشداشة ومنشفة اخذهن وطلع وضليت وحدي استكشف بالغرفة الميز مليان اغراض وعطور رجالية الجرارات كلها سبح وساعات وازرار مالت دشاديش من هاي الغاليات سديتها ورجعت من سمعت صوت احد اجى ندگ الباب

نفتح الباب ودخل علي وبيدة جنطة ملابسي شكلة مو كبير مبين يطلع بگد سراج

بتسم الي هذا هم حسيته لطيف

رديت اله الابتسامة

_ياهلا

علي:- هاي اغراضج خوية وشتحتاجين طلبي مني انت امانة الغالي

عقدت جاجبي

_ مفهمت

علي:- سراج اخوج يصير صاحبي امني بيج شتحتاجين اطلبي مني لاتطلبي من غيري

هزيت راسي بفرح ردت اجاوبة بس دخل مشعان ينشف بشعرة

علي:-جبت الها الجنط

مشعان:- عفية عليك

ستأذن راد يطلع بس صاح

مشعان:- عليوي شوف شصار بالعشاء

ضحك

علي:- يدلل عريسنا

طلع وسد الباب

مشعان:- مو ناوية تبدلين؟؟

_ها مبلى بس ماندل الحمام وين

فتح الباب واشر الي اروح يمه وكفت بعد مسافة اشر الي كان قريب الحمدلله مو بعيد رجعت فتحت الجنطة تحت انضارة سحبت دشداشة نص ردن بيضة وبيها ورد احمر وخاولي وصاية خاف لااحد يمر من الولد اخذتهن ودخلت للحمام سبحت على السريح وطلعت شايلة ملابسي حتى ارجع للغرفة وسمعتة يحجي

وگلبي طاح بين رجلية

.

.

.

انا رونق، قلبي الممزق، في بحر الألم، أبحث عن ملاذ.

طيش الشباب، ترك ندبة ، تلاحقني حيثما ذهبت.غضب أبي، لعنة أخي،تلاحقني بقية حياتي

كلما اصفن واتذكر اغلاطي الوم نفسي اولا والوم امي الي زرعة الحقد بداخلي والكرة اتجاه اخوتي ميحبوج يكروهج همام يفرق بينج وبين تسنيم طفلة نملأ عقلها بكلام التحريض والتفرقة

شراح يصير حالها!!! كبرت وانا امشي بالغلط ابوي وهمام ينصحون بيه بس كنت اشوف الكل غلط بس امي صح الى مابيوم مات همام نكسرت بس رجعت امي تحجي براسي نفس الكلام ونهضت وماهتميت رغم دو ماشوف همام بمنامي يلومني بس اغلس توفى ابوي وهنا نكسرت الكسرة الحقيقية احس احد ضربني على راسي ويگولي اصحي رونق جاي تخسريهم واحد ورى الثاني اصحي صحيت بوقت متاخر كلش بس اتخذت عهد على نفسي احسن من اسلوبي واكون سند لتسنيم بس سرعان ماراحت مالحگنا نعيش ايام سوى نبني ذكريات خوات!!

بعد ماطلعت اخذت روحنا وياها حنين رجعت لبيتها فحطانة بجي عمي اخذ زوجتة وراحو وشامل مادري وين راح بقينا بس انا وسراج الي من طلعت لحد الان گاعد على الدرج يسحگ بالجگاير وعيونة شلال مادري شلون اواسي تقدمت سحبت الجكارة من ايدة رفع عينة الي وحجة بتعب

سراج:- شتريدين رونق

_ كافي عاد سراج لو تنسيم هنا مراح ترضى هيج تدخن

دنگ يحجي بتعب متفشل

سراج:- الاخ المفروض يكون سند لخواته بس انا ماگدرت اسندها راحت تزوجت شخص ماينعرف زينه من شينه بس علمود لايأذونه

هم انحسب على الخوان انا هم ازامط واگعد بين الزلم من اهمداني يي والله

مسحت دموعي

_سراج حبيبي انت الي بيدك سويته هم ميخافون الله اذا صدك تحبنا ادرس وارفع راسنا سراج حقق حلم همام كان امنيتة تدخل كلية ضباط

ضهرت شبه ابتسامة على شفافة

سراج:- وين ضلت احلام وين ضلت طموح كسرونا ودفنو احلامنا گبل لا نشوفها

حاولت اغير علي واضحك ابتسمت

_لاتذب اللوم على بشر انت كسول الي بگدك هسه رابع وانت نايم بالاول

وفعلا ضحك بخفة

سراج:-ولاتگعد راحة الدكتورة

حجيت مترهية ماكنت ادري القدر شنو ضام الي

_ييي الا اصير دكتورة وعود نتواجة

هناك! في المستشفى حيث يجلس على السرير وابو وياه باله مشغول يتصل بسراج مايرد وگلبه شتعل نار حاسس ان اكو شي خصوصاً بعد ماشاف بالحلم همام يرددد اله (الامانة)

حجة بنفاذ صبر وخوف

نوفل:- لك يابه مايجاوب اخخخ بس لو يمي الا اركعة بالگاع كم مرة گايل اله لاتشتلني من اتصل ردد

وهو يحاول يهدي ابنه خايف لايرتفع السكر عندة

ابو نوفل:- لك بس أهدأ هاي ثالث مرة يضربوك ابرة الا تنجلط ولك بس اهدء ياابني

يرجف ويتصل وبكل مرة يطلع مغلق

حاول للمرة الما ادري شگد نفتح الخط وطلع يرن رن مدة

واجا صوت شخص بس أستغرب مو سراج

ضحك ومن ضحكته عرفة هذا منو

_ شلونك على موت صاحبك

صرخ بيه بخوف

نوفل:- لك نذل سراج وين

_ شوف لك انسى سراج واخر مرة تتصل بهل رقم فتهمت لو لا

نوفل:- انا تحجي وياي هل حجي ولك جايك جايك والله الا اربيك والله لو مو الدكتورا لو امي تطلع من گبرها هسه راجعلكم للعراق

.