كلمات أغنية “حبيبي وابن حبيبي” من “كامل العدد++”

طرح الفنان محمود العسيلي أغنيته الجديدة “حبيبي وابن حبيبي” من مسلسل “كامل العدد++”.

الأغنية من كلمات فلبينو أحمد، غناء وألحان محمود العسيلي ، توزيع وماستر أسامة الهندي.

وجاءت كلمات الأغنية كالتالي:

اللمة تخلي العيلة تملي تقرب مللي

كده مللي في مللي القلب يدق أكيد مع عيلتي

أنا بقى مستكفي بيهم متدفي

هما اللي حيلتي

كمل العدد خلاص يا قلبي

والذ ناس في الدنيا جنبي

دي عيلتي ييجي ألف حد

والبيت بينور بجد

لأن فيه حبايبي

هنا حد ليك في قلبه مطرح

حد بيدعيلك دعوة تنجح

وحد يحلي وقتي

باللمة دي يا بختي

وحد ليه دايما كده يقولي

يا عم أنت حبيبي وابن حبيبي

وبقول للدنيا بحالها يا حلو إن أنت قريبي

علشان أنت حبيبي

وابن حبيبي

نفسي العيلة تكبر وتكبر

ويا رب نزيد ونقرب اكتر

وييجي هنا اللي واحشنا

ده البعاد أصله حايشنا

ييجي ونفضل نهزر

هنا حد معاه بنسى مشاكلي

وحد بنفسه بيحلى أكلي

حد بياخد عيدية

وفي حضنه الدنيا ديا

أجري عليه وفي حضنه أنا بقوله

يا عم أنت حبيبي وابن حبيبي

وبقول للدنيا بحالها يا حلو إن أنت قريبي

علشان أنت حبيبي وابن حبيبي

ويشارك في المسلسل كل من: دينا الشربيني، شريف سلامة، إسعاد يونس، ميمى جمال، أحمد كمال، أحمد جمال سعيد، سمر علام، عمرو جمال، ميران عبدالوارث، تميم عبده، جاسيكا حسام الدين، لينا صوفيا، حمزة دياب، مالك عماد، ألفت إمام، تأليف رنا أبوالريش ويسر طاهر، إخراج خالد الحلفاوي.

وحدثت تغيرات في قائمة أبطال مسلسل «كامل العدد++»، إذ اعتذرت كل من آية سماحة وجيهان الشماشرجي، عن المشاركة في العمل، وانضمام كل من الفنان حسين فهمي، إنجي المقدم، أحمد بهاء، يوسف عمر، مريم الخشت، أحمد عبدالوهاب، عمرو صالح إلى صناع الجزء الثالث.