رواية انتقام من غدر الزمن الفصل الثاني 2 بقلم يارا محمد

أيوة زمن لو هتعملي حاجه هتاذيكي بلاش يا بنتي خلاص .

لا اطمني الاذيه هطولهم هما و أولهم طوفان العسكري و لا اقولك ولاده الاول.

سابت امها ودخلت اوضتها و اتصلت بصحبتها .

راويه بقولك انتي بتشتغلي ف شركه طوفان للبناء الصناعي مظبوط.

اه بس ليه السؤال ده .

انتي قولتي من فترة انكم بحاجه موظفين خلاص هاجي يمكن اتقبل

زمن انتي مؤهلاتك مش للشركه اه عارفه أن خريجه تجارة بس انتي مش تنفعي بشكل لبسك الباهت انسي الموضوع .

تمام يا راويه هشيله من دماغي .

قفلت معاها بعصبيه وقررت انها هتعمل اي حاجه علشان تدخل الشركه عملت سي في وراحت الشركه تاني يوم قدمت واتقبلت فيها اشتغلت ف قسم الحسابات و ف ظرف شهر بقيت موظفه كفؤ جدا و عرفت كل حاجه عن الشركه و الموظفين و الاهم رايا العسكري البنت الصغيره ل فؤاد و عرفت بتكره ايه و بتحب ايه و الاهم الشخص اللي بتحبه رواد التهامي ابن شريكهم و ابن عمها ف نفس الوقت وهي قررت تلاعبه من بعيد .

خلصت شغلها و خرجت من المكتب و هي ماشيه اتخبطت ف كتف رواد و الورق وقع منها نزلت تلمه وهو ساعدها.

بعتذر يا فندم ما اخدتش بالي من حضرتك متاسفه.

و لا يهمك شكلك جديدة لسه .

بالظبط بقالي شهر هنا أنا بعتذر مرة تانيه اللي حصل مش هيتكرر .

أنا زمن حضرتك زمن عبيد محمود .

زمن اسمك مميز اوي ع العموم حصل خير عن اذنك.

مشي و هي بصتله بابتسامه مداريه وراها حاجات كتير و كملت طريقها لبرة بس مش كانت تعرف أن رايا مراقبتهم من مكتبها دخل ليها رواد و قعد قدامها و هي كلمته بضيق.

ممكن اعرف بتتكلم مع البنت دي ليه و و اقف معاها كل ده ومش سبتها.

بدأنا البنت خبطت فيا من غير قصد و هي اعتذرت ليا ولفت نظري اسمها مميز كده و حلو.

بجد اسمها حلو ده انت اتعرفت بقي و اسمها ايه ست الحسن .

زمن بذمتك مش اسم حلو وفيه رونق كده .

اهي عينك الزايغه دي هتوديك ف داهيه احترم عمك و راعي اني هكون مراتك خلال شهرين .

و أنا عملت ايه بحكيلك اللي حصل المهم نخش ف الشغل بصي يا ستي.

اتكلموا ف الشغل و الصفقه و المناقصه اللي هيدخلوها .

ف بيت طوفان كان قاعد قدام مراته اللي كانت و مازالت ست جبروت رغم كبر سنها .

انت بتقول ايه بقي احنا خلصنا منها زمان و أنا عرفت اخلصك منها و من عقاب عمي أنه يحرمك من ميراثك جاي تقولي اتصلت بيك تاني و عايزاك تعترف ببنتك منها تبقي مجنونه لو طالت حاجه زي دي اللي عملته زمان مش هياخد مش هضيع سمعتي و سمعة ولادي و أن يكون ليهم اخت شرشوحه مش ليها اصل.

اهدي يا جيهان مش مستاهله عصبيتك دي أنا حكيتلك علشان تبقي معايا ف الصورة.

ما أنا بكون معاك ف الصورة لما بتعمل مصائب و بس لكن غير كده لا انت شوفت بنتك دي قبل كده تعرف اسمها .

مش يهمني اصلا اعرفها و لا اعرف حاجه تخصها بس ليه السؤال ده.

هقولك بعدين سيبني اخطط بس و اعرفك هعمل ايه .

ف الشركه بعد اسبوعين

حد من رجال رواد دخل المكتب بسرعه البرق عليهم و هو قلقان .