رواية انتقام من غدر الزمن الفصل الثالث 3 بقلم يارا محمد

ازاي خسرنا المناقصه دي انت عارف كانت بكام احنا كان معانا الورق اللي يكسبنا و الحسابات ازاي ده حصل .

اهدي الأمور مش بتتحل كده خلينا نهدي و نفكر ازاي خسرنا و انت مش احنا كنا ضامنين المكسب الشركه المنافسه فازت بيها ازاي يا حامد .

مش عارف يا باشا احنا كنا ضامنين المكسب و تاليا النصير زوجه بحر المغربي هي اللي كانت حاضرة في المناقصة دي و حطت رقم خيالي معرفناش نتكلم و اخدتها هي .

مصيبه و خلت علينا هقول ل بابي ايه ده كان معتمد ع المناقصة دي و عليا أبلغه ازاي دلوقتي.

اهدي يا رايا هنحلها بالعقل هو مين اللي ظبط الحسابات و الارقام .

البنت الجديدة اللي اسمها زمن دي .

طيب ابعتيلها خلينا نتكلم معاها.

رايا بعتت ل زمن وهي دخلت ليهم المكتب و هي لاحظت رواد و ابتسمت ليه و بصت ل رايا.

خير حضراتكم طلبتوني ف حاجه .

بعتينا بكام انطقي مفيش غيرك يعمل كده قبضتي كام من بحر المغربي

أنا اسفه مش فاهمه أنا مش بعت حد انتوا بتتكلموا عن ايه.

رايا اهدي أنا هكلمها انسه زمن انتي قابلتي حد من رجاله بحر المغربي بعد ما مشيتي عطاكي فلوس علشان تديه الحسابات و المبلغ اللي مطلوب للمناقصه .

لا محصلش الكلام ده أنا خلصت الورق و الحسابات و سلمتها ليكم و مشيت يعني أنا مش عارفه بتتكلموا عن مين بالظبط.

خلاص اتفضلي انتي دلوقتي ع مكتبك .

زمن خرجت و راحت مكتبها و قعدت و افتكرت اللي عملته من يومين قبل ما المناقصه تبدأ هي خلصت الحسابات و سلمتها و بعدين اول ما ناخرجت من الشركه اتصلت علي بحر المغربي اللي جابت رقمه بطريقتها و طلبت تقابله .

انتي مين و طلبتي تقابليني ليه عندك ايه علشان تقابليني شخصيا .

زمن خرجت نسخه من الورق و عطته ليه .

اتفضل ده نسخه من ورق المناقصة اللي داخلها قدام عيله العسكري هما حاطين مبلغ قليل و أنا سمعت انك غني اوي يمكن اكتر منهم ف قدامك فرصه تعلي برقم هما مش هيقدروا عليه .

وانتي هتستفيدي ايه لما تبعيهم و تسلمي كل حاجه لينا .

تار قديم و مش ههدي غير و أنا واخده حقي .

تمام موافق هاخد الورق بس المقابل عايزة كام بداله اطلبي الرقم اللي عايزاه و زيادة.

شكرا يا باشا مش محتاجه أنا بس عايزة اني اكسرهم و اخد حقي اللي اتسلب مني وعيشوني سنين ف جحيم.

انتي علاقتك ايه بيهم و ليه الكره ده كله.

اوعدك لو قريت فيكم الامان هحكيلكم كل حاجه عن اذنكم.

ابتسمت لما حصل اللي هي عايزاه و دلوقتي الخطوة التانية الحسابات تتدربك و اشاعه واحدة بس تخلي سمعه عيله العسكري تتشوه .

زمن لعبت ف الحسابات و سحبت فلوس قليله بحيث مش يحسه بحاجه و نشرت اشاعه أنه طوفان العسكري فلوسه مشبوهه وليسحب فلوس بالملايين من فلوس الشركه و حاططهم ف شغل غير قانوني و ليه نشاط تاني غير شغله الأساسي و حرضت شخصين ياكدوا كلامها و الكلام اتنشر بين الموظفين و هي ولعت الدنيا اكتر لما قالت إنه مش يقدر يدفع مرتباتنا كل حاجه عملتها زمن كانت ف تلات ايام بس .

رايا خرجت من مكتبها ع أصواتهم العاليه و الخناقه.

انتوا صوتكم عاليه ليه دي شركه محترمه للشغل وبس بطلوا همجيه و ارجعوا لشغلكم.

حد من الموظفين

احنا مستحيل نشتغل ف مكان زي ده انتوا فلوسكم مشبوهه و بتسرقوا من مال الشركه و تحطوها ف حاجات تانيه .

انت اتجننت مين اللي بلغكم بكده شركه العسكري شركه محترمه و مستحيل نعمل كده .

الموظفين هاجوا عليها و زمن بتتفرج و مستمتعه بده بس سمعت صوت جهوري خلاها اتلفتت ليه و الكل سكت من حواليها و ده كان طوفان العسكري اللي كل الشركه بتهابه لما بتسمع اسمه ما بالك لما بيشوفوه كلهم اتخرسوا و بصوا ف الأرض ما عدا زمن بصت ف ملامحه اللي الزمن عدا عليه كتير اوي برغم تجاعيده و عجزه بس جبروت اوي وكانت صح لما فكرت تاخد بحقها و لا تسامحه ابدا لو طلب السماح .

اللي بيحصل هنا بالظبط انتوا همج كده ليه انطقوا .

حد من الموظفين قاله و هو بصله بغضب .

و انت مش دافعت ع اللي مشغلك ليه و لا انتوا مش طامر فيكم اي حاجه اغلبكم انت بصرف عليه و الاولي لما تسمعوا حاجه زي كده تدافعوا مش تصدقوا بس عادي مش مهم يقوله اللي يقولوه و انت علشان مصدق انت مطرود و اوعدك مش هتعرف تشتغل ف شركه تاني و هتوصل بيك الحاله للشحاته فاهم غور من هنا و اللي معترض يحصله .

الكل سكت و الموظف مشي مطاطي قدام الناس و زمن بصتله بحسرة ع حاله وبصت لابوها اللي اكتر من الوحش ده مش ينفع يبقي بني ادم .