رواية تزوجت حماي الفصل الثالث 3 بقلم عائشة الدليمي ش

رواية تزوجت حماي الفصل الثالث 3 بقلم عائشة الدليمي

مقال مقترح “من منزلك يا زول”.. رابط فتح حساب بنك الخرطوم اون لاين للمقيمين والمغتربين Bank of Khartoum

ام كنان ــــــ ييمه ليش متنزلين ويانه لو انجكك

قمر ــــــ لا عمه حيشاكم اعزل الغرفه وانزل،،،، هيه جذب ماعندي شي راحت عزلت الغرفه ونزلت اجه يعقوب گعد ويدحگلي شبي هذا ابتسمتله بلكت ينصلح ردلي الابتسامه بلكت الله ويصير ادمي بعد هالزعله رحت گعدت يمه،،، شلونك

يعقوب ــــــ زين حبيبتي بشوفتج بوجودج يمي

قمر ــــــ هههه عيب يعقوب مو جدام البنوات تتغزل

يعقوب ــــــ هنه مننه امي وزوجة كنان

قمر ــــــ هههه

يعقوب ــــــ اف شهالضحكه الحلوه ربي

قمر ــــــ هههههه

ام كنان ــــــ الله يهدي سركم ييمه

قمر ــــــ امين عمه

يعقوب ــــــ ليش احنه شبينه يمه ترانا مثل الورد واحد يحب الثاني

قمر ــــــ احمريت اول مرا يعقوب يتصرف ويايه بحب هيج

يعقوب ــــــ تعالي نصعد لغرفتنه

قمر ــــــ عيب تويتني نزلت

يعقوب ــــــ گومي

قمر ــــــ راح رحت وراه

يعقوب ــــــ تعالي اگعدي خل اطلعلج ملابس حلوه هذا مو حلوات اريد مرتي بكل اوقاتها حلوه

قمر ــــــ اصفريت من راح يدور بملابسي المن اهلي بيهن الفلوس عرفته مفلفشهن واني نايمه ولاگيهن طلعهن

يعقوب ــــــ ابد ماجبتي من اهلج افلوس

قمر ــــــ ها مادري يجوز امي من جيت خلتهن

يعقوب ــــــ يالله ميخالف اضملجياهن

قمر ــــــ لا خليهن محتاجتهن خاف اروح للدكتوره

يعقوب ــــــ عليش

قمر ــــــ احس عندي التهابات

يعقوب ــــــ كلشي مابيج جنج الورده لو بيج جان بين بوجهج

قمر ــــــ يعقوب لتاخذهن وبس

يعقوب ــــــ بكيفي

قمر ــــــ مو بكيفك گلتلك محتاجتهن هالفلوس خليهن لتاخذهن هذا مالاتي،،،، اجه حضني وگال.

يعقوب ــــــ ياحبيبتي ليش بين الزوج والزوجه مالاتي ومالاتك

قمر ــــــ الزوج يضم افلوسه يم مرته

يعقوب ــــــ وتريدين اضمهن يمج

قمر ــــــ اي لو يمي لو يم امك شوف هسه كنان راتبه بيد امه ابوك راتبه بيد امك اله انته

يعقوب ــــــ ابويه متقاعد و كنان ضابط واني عطاله بطاله ميريدوني حتى بالعماله

قمر ــــــ متاخذهن انسه اخذتهن

يعقوب ــــــ دروحي هوا اني بكيفج

قمر ــــــ جيبهن وين

يعقوب ــــــ ابوج گاعد على بنك يولي شگد منطيج شكم مليون شو تلاثه اوف اعد وارجع ليوره يولي شهالسفطات

قمر ــــــ جيب لا اگول لابويه جيب

يعقوب ــــــ والموبايل جديد اويلي عليك عمي طلعت زنگين ومادري

قمر ــــــ جيبهن

يعقوب ــــــ انجبي

قمر ــــــ گلتلك جيبهن

يعقوب ــــــ اتبادلين بالموبايلات وله اگول عليش انتي ميحتاج

قمر ــــــ ضربته راشدي واخذتهن من عنده،،،، والله ييعقوب المرا الثانيه النمدت ايدك على غراضي شايف شسوي بيك اجرم بيك جرم عمت عينك تصرف على روحك من افلوس مرتك وابويه گالك الذهب اترجعليا مدري اشلون بس دبر نفسك،،،، لزمني لطشني بالگاع وگام يضرب بيه اخذ الفلوس والموبايل وانگلع موتني بأرضي من الوجع ماگدرت اگوم وضليت ابجي اني مو عالفلوس بس شلون حگضي عمري وياه لا يقبل يخليني احمل ولا يقبل ينعدل نزلت

ام كنان ــــــ شسويتي تا رجلج ضاربج

قمر ــــــ اهلي انطوني تلث ملايين و موبايل جديد و الاستاذ اخذهن ليش منو گاله اني المسؤول عالخلفو تا اصرف عليه عمه شوفيلج حل وياه لا والله المرا رجعتلكم لخاطرج و خاطر عمي المرا الجايه مارجع اگعدي ويه ابنج وراجعيله تصرفاته لو المحكمه بيناتنه واطلعهن كلهن من اعيونه واكو تقرير متعرضه للضرب ابويه سواه وهسع (هسه) عنده للايام السوده مخليه والمحكمه مايضيعلها جتيل،،،، رحت وعفتها هيه هم اضرط منه طايره ورا اگعيدتها متعلمه عالصح والغلط شمحله كنان مؤدب ومهذب و ثگيل اما هذا اجت يمي اعتذرت گالت

ام كنان ــــــ من ينطونج اهلج راتب سوي بيه مشروع وخلي يم اهلج و من تحتاجين افلوسج روحي على اهلج اشتري اهناك و طلعي نفسج للطبيب

قمر ــــــ ليش انتو مو عيالي ليش مانتو تصرفون عليه

ام كنان ــــــ والله افلوسنه جثيره ونوديج مثل مانودي جنينه

قمر ــــــ عجل ماتصرفين على ابنج ياخذ افلوساتي

ام كنان ــــــ قدي منين ماجيج ماتجين ولا اتسايرين بهالحال ضلي وارذل

قمر ــــــ عافتني وراحت اجه بليل مو طايقته ضل يبوس بيه ويتغزل ومرتي الغنيه مرتي الغنيه إن شاءلله بعينك اي والله،،،، عگوبي

يعقوب ــــــ عيون عگوبج اني

قمر ــــــ مش بوزك بعد ماجيب افلوس ولا اخذ من اهلي

يعقوب ــــــ لا والله وليش يابه

قمر ــــــ البس ربطه واني استرجل واطلع عماله بدالك

يعقوب ــــــ كلببببههه

قمر ــــــ لزمني دگ كتل نمت مرا الشهور وبدت المدرسه توسلت ليما طلع الشعر على لساني وماخلاني اداوم عرفت انهو اني حامل اتخبل يگلي ماريد اطفال ماريد اصير اب اتخبل لزمني دگ كتل لو مايشفعلي منه كنان لزمه وبالصونده جلده برد گلبي ضربه ضرب بدون رحمه شلون صلخله جلده صلخ يستاهل اوف هسه اتشفيت واشتفى غليلي شبعه كتل يستاهل يستاهل اوف ييعقوب تستاهل هيج وازود

كنان ــــــ ينزل الطفل بسببك وله مو بسببك وانته ادره بيه شسوي بيك هاي تحليه وانته ادره بالوجبه الرئيسيه شلون ثگيله

قمر ــــــ دحگلي بغل و هوا ميت من الكتل

كنان ــــــ عينك لا تنفگس دخل اشوفها مضروبه ولا تبجي واسمع حسها مستائه حتى لو مو منك هم اضربك وانته ادره بيه شسوي

ام كنان ــــــ الوليد مايريد الطفل وهووا بعده مو خرج مسؤوليه انته شلك لازم بيه بعدين خل يضربها هيه مرته و المرا ماتأدب اله بالضرب

كنان ــــــ اني اشوف المرا للمرا شنو هالكلام اله بالضرب ليش ادبج ابوبه بالضرب يمه وعالطفل انتي شلون الج نفس اتريد تنزلينه طفل هذا روح روح تفهمين شنو روح الناس ادورله ادواره وانتو گاعدين لا شغل ولا عمل اتنزلون اطفال وانته يهين هين لگيتلك شغل ومن باجر اتروح تشتغل و شايف اذا شكالي الخلفه منك شسوي بيك متدري شسوي بيك والفلوس بعد ماكو يم امي الفلوس كلها يمي واي ربع يطلع تتحاسبون عليه

يعقوب ــــــ إن شاءلله ترجعلنه شهيد الشهر الجاي إن شاءلله

كنان ــــــ امشي لك جاهل

يعقوب ــــــ تعااااييي وررراااييي عجبتتتججج المسرررحيهه

كنان ــــــ جنان اخذي البنيه خليها اتلم غراضها اوديها لاهلها صايرلها هوايه مو رايحه لاهلها

جنان ــــــ تدلل ابو الجهال

قمر ــــــ صعدنه اجه تايصعد ماخلاه كنان،،،، ههههه والله لولاج ولولا كنان جان متت من زمان بهالبيت وعمتي الضالمه

جنان ــــــ اي يولي اني هم اول ماجيت جلت حالي بس كنان خلى حد لهالمهزله كنان وعمي يختلفون جذرا عنهم اخواتهم حيايه

قمر ــــــ اگلج شو ماشوفهن يجن

جنان ــــــ مو متهجرين

قمر ــــــ ها وين

جنان ــــــ طالعين لخارج البلد و ريام ساكنه ابغداد ببغريب

قمر ــــــ ها